Eburulo 4:15 - Sénoufo Nyarafolo

¹⁵ Nɛ́ ki cɛ́n weli kacuɔnrilɔ kàfɔli wè, kiì nyaa majo wiǐ gbɛ̀ jáa bè nyinimɛ taa weli ŋɔrifun kele nɛ̄ gèleʔ. Kire sì cɛ bɛ̀ʔ; wi yé puuwelige taa kele ke mìɛni nī majo bɛ̀ weli míɛni nɛ puuweliye taʔa yè, nɛ̀ ki yaʔa wiì kapiile kpíʔileʔ.

Eburulo 4:15 Iomraidhean Croise

Yirile 23:9

«Fǎga wuʔɔgɔ taʔa nabɔnwɔ nɛ̄ wè ŋàa wi yē tɛ́niwɛ yeli sunʔɔmɔ nī bè, nɛ́ ki cɛ́n yeli tíimɛ yeli nyɛ́nì ki cɛ́n gìi wuʔɔgɔ ki kpínʔini nabɔnminɔ nɛ̄ bèle; yeli tíimɛ 'puu nabɔnminɔ nɛ̀ pínɛ Ezipiti kùlo nī lè.»

Matiye 12:20

Nyàʔanivɛgɛ tìrige gíì gī kùruguʔɔ gè wiǐ ki kaaʔ; nɛ̀ pínɛ fètinnɛ náà ni wírigi nɛ tíin lè, wiǐ ni fígiʔ; fúɔ bè taa wi pa sínmɛ koligo kɛn gè ki- fànʔa taa.

Matiye 4:1

A Kulocɛliɛ Pìle ni 'Zezi kɔ́ri wè nɛ̀ yiri waama kùlo mɛ́ lè gbòdolilo kàfɔli wi sari wi pun de wéli.

Luku 22:28

«Yeli bèle, yeli ye 'kò nɛ́ mi ní mi wuʔɔyɔ yi lɛ̀gɛlɛ nī gèle.

Luku 4:2

A wi sɛ́nì cɛnyɛ togosiin kúɔ baa, gbòdolilo kàfɔli ní wè nɛ wi pun nɛ wéli kele nī gèle. A wi 'kò sìnlii nī ki cɛnyɛ nyáà yi mìɛni nī yè. Bà ki cɛnyɛ yi sí pɛ́nì nyì yè, a fungo 'wi taa.

Zezi Kirisi Kataanna Siɛnrɛ dè Zan juumɔ nɛ̄ bè 8:46

Yeli nī bèle, ŋàa wi bé gbɛ̀ ki tìɛ dí mi nyɛ́nì kapiile kpíʔile lè ? A ki sí yē kányiʔɛ mi nɛ nyu wè, gáa nɛ̄ yeli sì tɛ́ngɛ mi nɛ̄ ?

Wurɔmiyé 8:3

Nɛ̀ taʔa gíi nɛ̄, kaala níì Misa Fànʔa Siɛnrɛ tiǐ cî gbɛ̀ kpíʔile wèʔ, bɛ̀ ki 'nyaa céri ti fànʔa ki 'cɛ́ri wè, a Kulocɛliɛ wi sí wi Jaa tíimɛ tórigo wè wi ní céri ní bɛ̀ kapiile céri tíɛlɛ. A kire 'kpíʔile a Kulocɛliɛ wi 'kàyuʔu juu kapiile nɛ̄ lè siɛn céri nī dè.

Korɛntiyé 2 5:21

Zezi wire ŋáà wiì kapiile kpíʔile nɛ̀ nyaa wèʔ, a Kulocɛliɛ wi 'wi tɔ́ri kapiigbiʔiliwe weli larigɛ nī, gìi ki bé tí Zezi wire kɛnmɛ nɛ̄ bè, a Kulocɛliɛ wi 'weli tɔ́ri siɛnsinminɛ.

Eburulo 4:14

Kire nɛ̄, bɛ̀ kacuɔnrilɔ kàfɔli yē weli mɛ́ ŋàa wi 'kpúʔɔ wè nɛ́ sùuri nyìʔɛnɛ nī lè, Zezi wè, Kulocɛliɛ Jaa wè, we- weli tɛ́ngɛlɛ sɔ́migɔ lè we cò kpuʔɔ.

Eburulo 5:2

Kacuɔnrilɔ kàfɔli wi bé gbɛ̀ siɛnnɛ fùrɔgɔ cɛ́n gè, bàli bīɛlɛ piyè Kulocɛliɛ koligo cɛ́n gèʔ nɛ́ bàli ní pe 'pùunni bèle. Nɛ́ ki cɛ́n wire míɛni yē ŋɔri fùn tiɛyɛ sáamɛ nī.

Eburulo 7:26

Zezi wiī kacuɔnrilɔ kàfɔli ŋáà nɛ̄ weli màakuu yē wè. Wiī tiɛlɛ fùn, kolimɔ fùn, cìiliwe: wi 'wàli nɛ̀ líili kapiigbiʔilile nɛ̄ bèle, wiī tɛ́niwɛ naamɛ nyìʔɛnɛ nī.

Eburulo 9:28

bɛ̀ míɛni Kirisi wi 'wìi kɛn kakuɔrɔ tɔligɔ nigbe péʔ bè siɛnniʔɛmɛ kapiʔile láʔala gèle. Wi bé ní ga koli bɛn cígini taziinwuʔu nɛ̄ gè; kire sí wè bè kapiʔile láʔala gèle wī díɛʔ ! Kire bé puu bè suɔlɔ kɛn lè bàli mɛ́ piyē nɛ wi siri wè.

Piɛri 1 2:22

Wiì kapiile yafiɛn kpíʔileʔ; káfinɛrɛ sì kɛ́nì yiri nɛ̀ nyaa wi nyuɔ nī gèʔ.

Zan 1 3:5

Yeli nyɛ́nì ki cɛ́n, Zezi Kirisi wi 'pɛn bè kapiʔile láʔa gèle; kapiile wè wi nī púloʔ.