Eburulo 4:14 - Sénoufo Nyarafolo

¹⁴ Kire nɛ̄, bɛ̀ kacuɔnrilɔ kàfɔli yē weli mɛ́ ŋàa wi 'kpúʔɔ wè nɛ́ sùuri nyìʔɛnɛ nī lè, Zezi wè, Kulocɛliɛ Jaa wè, we- weli tɛ́ngɛlɛ sɔ́migɔ lè we cò kpuʔɔ.

Eburulo 4:14 Iomraidhean Croise

Matiye 4:3

A Setɛni wi 'pɛn wi kúrugu bè pa wi puu wéli, nɛ̀ pɛ́nì wi yɛ: «A ki yē muɔ yē Kulocɛliɛ Jaa wè, ma juu nɛ́ sìndɛniyɛ nyáà ní yè, yi- kò búru wêli.»

Mariki 1:1

Kulocɛliɛ Jaa wè Zezi Kirisi wè, wi Kataanna Siɛnrɛ ti sélidiʔɛ n'gɛ.

Mariki 16:19

Bà weli Kàfɔli Zezi wi 'kire siɛnrɛ dáà juu dè nɛ̀ kúɔ pe mɛ́ mmɛ gè, a wi 'fali nɛ̀ yɛ̀ nɛ̀ kɛ́ nyìʔɛnɛ nī, nɛ̀ sɛ́nì tɛ́ni Kulocɛliɛ kàliige mɛ́ gè.

Luku 24:51

Bà sí wi nɛ diba kpínʔini wè pe mɛ́ wè, a wi kɛ́nì láʔa pe táanni nɛ̀ fali nɛ yɛ̀gí nyìʔɛnɛ nī lè.

Kakpiʔiligele 1:11

nɛ́ pe yɛ: «Galile nàguɔlɔ yeli, gáa ye 'yéri nɛ wéli nyìʔɛnɛ nī lè mmɛ gè ? Zezi ŋáà yeli 'nyaa a Kulocɛliɛ wi 'wi yɛ̀gɛ yeli táanni nɛ̀ kɛ́ nyìʔɛnɛ nī lè, kire kanumɔ nɛ̄ wi bé ní ga pɛn, majo mɛni yeli 'wi nyaa wi waa nyìʔɛnɛ nī lè.»

Kakpiʔiligele 3:21

Ki sí nyaa wi 'yɛli bè ní lɛ̀lɛ láà kúɔ baa nyìʔɛnɛ nī lè, fúɔ bè taa kele gílì mìɛni Kulocɛliɛ wi siɛnjuuliɛlɛ bèle pe cé 'juu Kulocɛliɛ wori nɛ̄ dè, ki kele ke- pa kpíʔile bè yɛli nɛ́ lɛ̀lɛ ní lè nàa Kulocɛliɛ wi cé tíi nɛ̀ tìɛ nɛ̀ yaʔa faʔa faʔa gè.

Wurɔmiyé 8:34

Ŋáasiɛn wi bága kàyuʔu cáan pe nɛ̄ ? Nɛ́ ki cɛ́n Kirisi wi 'kùu, kiì cɛ́nì yéri kire yákuɔ nɛ̄ʔ, wi ń'nɛ̀ nyɛ́ nɛ̀ yiri kúbilo nī bèle, wiī tɛ́niwɛ Kulocɛliɛ kàliige mɛ́ gè, níɛ Kulocɛliɛ náari wè nɛ wi fiɛn weli kɛnmɛ nɛ̄.

Korɛntiyé 2 12:2

Mi 'siɛn wáà cɛ́n, Kirisi wuu wáà wī, ki yiʔɛlɛ kiɛ nɛ́ sicɛri wī ŋɔ̀ wè, a Kulocɛliɛ wi 'wi líɛ nɛ̀ yɛ̀gɛ fúɔ nyìʔɛnɛ taanriwoli nī lè. Wi 'kɛ́ nɛ́ wi céri ní dè wī yo, á kire 'laa Kulocɛliɛ wire wi 'wi yiʔɛ múgu gè a wi 'ki nyaa yo, mi sì cɛ́nʔ; Kulocɛliɛ wire wi 'ki cɛ́n.

Korɛntiyé 2 9:13

Kire kpuʔɔrɔ dáà tire kɛnmɛ nɛ̄ bè, pe béri Kulocɛliɛ míɛtanʔa yeri gè, bɛ̀ yeli 'fɔ̀li nɛ̀ yéri ki nɛ̄ nɛ̀ Kirisi wi Kataanna Siɛnrɛ juu dè, nɛ̀ pínɛ yeli 'yeli kɔliyɛrɛ kɛn dè peli mɛ́ nɛ̀ kɔli láʔa peli nɛ́ bìli pe mìɛni ní bèle.

Efɛziyé 4:10

Ŋàa wi 'tìgi wè, wire míɛni wī wi 'yɛ̀ nɛ̀ kɛ́ naamɛ gè nɛ̀ tóri nyìʔɛnɛ tiɛliiliye yi mìɛni nɛ̄ yè, a kire tí a wi 'duniya powo wi mìɛni nyì !

Eburulo 1:8

Nɛ̀ ki yaʔa a Kulocɛliɛ sí ki juu wi Jaa mɛ́ wè nɛ́ jo: Kulocɛliɛ yo, muɔ kùlofɔligɔ kácunʔɔ kiī baa súuri lɛ̀lɛ ó lɛ̀lɛ nī, muɔ fànʔa kàgbiile náà ni yē muɔ kɔli nī gè, niī nɛ muɔ kùlofɔligɔ kàrigí gè nɛ́ sínmɛ ní.

Eburulo 10:12

Nɛ̀ ki yaʔa bɛ̀ Kirisi pɛ́nì wìi kɛn wè, kapiʔile kàsulugo kakuɔrɔ wori nɛ̄ dè, tɔligɔ nigbe péʔ wè, wiī tɛ́niwɛ lɛ̀lɛ ó lɛ̀lɛ nī Kulocɛliɛ kàliige mɛ́ gè.

Eburulo 10:23

We- weli sɔ̀ngirɔ taʔadiʔɛ cò gè kpuʔɔ gàa wuʔu weli 'juu nɛ̀ yige gè, nɛ́ ki cɛ́n Kulocɛliɛ ŋáà wi 'nyafɛnigɛ kpíʔile gè, wi 'yɛli nɛ́ tɛ́ngɛlɛ ní.

Eburulo 10:29

Ye sí ki sɔ̀ngi kɛnmɛ bíì nɛ̄ wire wuʔɔgɔ ki bága pii bè tóri gè, siɛn ŋáà wi 'Kulocɛliɛ Jaa pari wè, nɛ́ ŋàa wi 'nyakungɛngɛ sìsiɛn tɔ́ri gè yanuʔɔgɔ gè gàa ki 'wi cìile gè, a wiī nɛ Kulocɛliɛ Pìle teri lè nàa ni nyɛ́ni kpuʔɔrɔ kpínʔini weli mɛ́ lè.

Eburulo 12:2

We- weli yiʔɛ le gè Zezi nī, ŋàa wi 'tɛ́ngɛlɛ koligo múgu gè níɛ ni forigi lè. Wi nyɛ́nì fɔ̀li ki nɛ̄ nɛ̀ kùu tiiparigɛ nɛ̄ gè; wiì tɔ́ri nɛ́ fìɛrɛ ní dè dàa ti cî ga tɔ́n wi nɛ̄ wèʔ, kùu ŋáà felige nɛ̄ wèʔ. Nɛ́ ki cɛ́n wi cé ki nyaa fundaanra dáà dī wire yiʔɛ mɛ́ gè; píra ŋáà nī wè wiī tɛ́niwɛ Kulocɛliɛ kácunʔɔ kàliige mɛ́ gè.

Eburulo 2:1

Kire nɛ̄ we 'yɛli we ní cɛ we ki siɛnrɛ dáà cò dè kpuʔɔ dàa weli 'lúʔu dè, kire ga buu weli fǎga cɛ̀li bè yiri koligo nī gèʔ.

Eburulo 2:17

Kire kɛnmɛ nɛ̄ wi yé yɛli bè yiʔɛ bè kò wi siinyɛninɛ tíɛlɛ bèle, lewiile bèle, kɛnmɛ pi mìɛni nɛ̄, kire ga buu wi- puu kacuɔnrilɔ kàfɔli ŋáà wī nyinidaaguugo ní gè nɛ́ ní tɛ́ngɛmɛ siɛn Kulocɛliɛ baara nī dè, bè kàsulugosuɔ baara kúɔ dè siɛnnɛ mɛ́ bèle, pe kapiʔile wori nɛ̄ dè.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.

Eburulo 3:14

Nɛ́ ki cɛ́n weli nyɛ́nì kò Kirisi wi kodanʔanyɛninɛ wī, a weli 'fɔ̀li nɛ̀ weli tɛ́ngɛlɛ cò lè kpuʔɔ wè nàa ni kíni nɛ̀ puu weli mɛ́ sélimɛ nɛ̄ bè, nɛ̀ pɛ́nì nɔ̀ ki kúɔmɔ nɛ̄ bè.

Eburulo 6:20

Zezi wi 'jíin baa weli yiʔɛ nɛ̄, weli kɛnmɛ nɛ̄. Wi nyɛ́nì kò kacuɔnrilɔ kàfɔli lɛ̀lɛ ó lɛ̀lɛ nī, Mɛlikisedɛki felige gè.

Eburulo 6:6

kire nɛ́ ki mìɛni a pe 'tuu nɛ̀ tɛ́ngɛlɛ yaʔa lè. Ki sǐ ní gbɛ̀ kpíʔile bè pe kɔri bɛn pe- pe funyɔ yiʔɛ yèʔ, nɛ́ ki cɛ́n kire siɛnnɛ bálì bèle, peli yē nɛ Kulocɛliɛ Jaa kóri wè cígini tiiparigɛ nɛ̄ gè. Pe cíimɛ kɛnmɛ nɛ̄ bè piyē nɛ fìɛrɛ tɔ́ngi wi nɛ̄ siɛnnɛ yiʔɛ mɛ́ gè.

Eburulo 7:3

Kulocɛliɛ siɛnsɛbɛrɛ ti wè nɛ nyu wi tuu wuʔu nɛ̄ʔ, nɛ́ wi yàa wuʔu nɛ̄, nɛ́ míɛni wi tuuliɛyɛ wuʔu nɛ̄ʔ. Ti wè nɛ nyu míɛni lɛ̀lɛ líì nī pe 'wi sii wèʔ, nɛ́ wi kùu lɛ̀lɛ wuʔu nɛ̄ gèʔ. Gìi sí gī baa gè, wi 'kò kacuɔnriwɔ lɛ̀lɛ ó lɛ̀lɛ nī bɛ̀ Kulocɛliɛ Jaa tíɛlɛ wè.

Eburulo 8:1

Nyùgbuʔɔ ki n'gɛ gàa weli nɛ caa bè juu gè: Kire kacuɔnrilɔ kàfɔli ŋáà wi felige yē weli mɛ́; wiī tɛ́niwɛ nyìʔɛnɛ nī lè, Kpuɔmɔ Kulocɛliɛ kácunʔɔ kàliige mɛ́ gè.

Eburulo 9:12

Wi tíimɛ sìsiɛn ní wi 'jíin kányiʔɛ tiɛcɛ̀njɛngɛ wàlidɛngɛgɛ nī gè, tɔligɔ nigbe péʔ ! Síkapɛngɛlɛ nɛ́ nɛ̀naaya sìsiɛn ní bɛ̀ʔ wi 'jíinʔ ! Bɛ̀ sí ki 'kpíʔile a weli 'bànguɔ suɔlɔ taa lè.

Eburulo 9:24

Nɛ́ ki cɛ́n Kirisi wiì jíinʔ saawalidɛngɛgɛ nī gè gàa siɛnnɛ kiyɛ kpíʔile gèʔ ! Kire yé buu fìɛ yákuɔ wī nɛ kányiʔɛ saawalidɛngɛgɛ tìí gè, gàa nī Kirisi 'jíin wè, baa nyìʔɛnɛ nī lè, kire ga buu wi- wìi tìɛ Kulocɛliɛ yiʔɛ mɛ́ gè bè weli kapiʔile kàsulugo kpíʔile gè.

Piɛri 1 3:22

Zezi Kirisi wire wè, wi 'kɛ́ nyìʔɛnɛ nī, baa wi yē tɛ́niwɛ Kulocɛliɛ kàliige mɛ́ gè. Nyìʔɛnɛ tundunminɔ, nɛ́ kàfɔligɔ feliye, nɛ́ fànʔafɔligɔ feliye ní yè, yire yi mìɛni yē wi fànʔa láara gè.