Eburulo 4:12 - Sénoufo Nyarafolo

¹² Nɛ́ ki cɛ́n Kulocɛliɛ nyasiɛnrɛ tiī wiire nɛ́ ní ŋɔri ní; ti 'tɛ́ni nɛ̀ tóri nyuɔyɔ siin ŋɔnɔ nɛ̄. Ti nɛ̂ jíin siɛn nī wè fúɔ nɛ̀ kɛ́ laamɛ nī nɛ̀ sɛ́nì fungo nɛ́ pìle láʔala dè tìi nɛ̄, níɛ céri suʔudiɛyɛ nɛ́ kácedɔlimɔ láʔala bè tìi nɛ̄. Ti nɛ̂ siɛn sɔ̀ngirɔ nɛ́ wi nyɛ́ni kele siʔɛ gèle bè ke wàlimɛ cɛ́n bè.

Eburulo 4:12 Iomraidhean Croise

Ŋúnuyɔ 110:2

Bè ki líɛ Siyɔn kàʔa nī gè, Yewe bé muɔ fànʔa kàgbiile sìɛn lè, dí muɔ bé tɛ́ni fànʔa nɛ̄ gè muɔ leguulo sunʔɔmɔ nī bè.

Ŋúnuyɔ 119:130

Muɔ siɛnrɛ tiī wìile, lire nī kpìɛnmɛ piī nɛ nyíʔɛnɛ bèri sícilige kanʔa bàli mɛ́ piyè fìɛ kaala cɛ́n wèʔ.

Ŋúnuyɔ 139:2

Muɔ wè, muɔ 'ki cɛ́n lɛ̀lɛ líì nī mi nɛ̂ tɛ́ni wè nɛ́ lɛ̀lɛ líì nī mi nɛ̂ yɛ̀ wè. A muɔ cɛ yē liʔi, muɔ nɛ mi sɔ̀ngirɔ cɛ́n dè.

Ŋúnuyɔ 149:6

pe nyuɔyɔ yi sí de Yewe gbùʔɔrɔ́, dí nyuɔyɔ siin ŋɔnɔ ni‑ sí puu pe kiyɛ nī yè,

Ŋúnuyɔ 45:3

Muɔ cetinnɛ ni nyɛ́nì nyuɔ nɛ̀ tóri siɛnsɛnminɛ nɛ̄ bèle, kpuʔɔrɔ yē muɔ nyasiɛnrɛ nī dè; we 'ki nyaa Kulocɛliɛ nyɛ́nì diba taʔa wè muɔ nɛ̄ lɛ̀gɛlɛ ke mìɛni nī.

Luku 8:11

«Kàsiile náà ni kɔri wi n'ŋɛ: Yatanʔara dè, Kulocɛliɛ siɛnrɛ tire dī.

Zezi Kirisi Kataanna Siɛnrɛ dè Zan juumɔ nɛ̄ bè 12:48

«A siɛn ŋíì 'mi wáa nɛ́ kò wiì mi siɛnrɛ lúʔu dèʔ, kire siɛn wè, kàyuʔujuuwo 'taa wi nɛ̄. Ki 'nyaa siɛnrɛ dáà mi 'juu dè, tire ti bága kàyuʔu cáan ki siɛn nɛ̄ wè duniya kúɔjɛngɛ gè.

Zezi Kirisi Kataanna Siɛnrɛ dè Zan juumɔ nɛ̄ bè 6:51

Mi yaliire dè dàa nī sìi wi yē wè, ti 'kɔ́n nyìʔɛnɛ nī nɛ̀ tìgi; a siɛn ki yaliire dáà lìi dè, siɛn wi bé kò sìi nɛ̄ súuri. Yaliire dáà sí mi je kɛn wè, mi céri tire dī, mi 'ti kɛn duniya siɛnnɛ pe sìitaakoligo nī gè.»

Kakpiʔiligele 2:37

Bà siɛnnɛ pe 'siɛnrɛ dáà lúʔu dè mmɛ gè, a ti 'pe cò funyɔ nī yè kátii, a pe sí Piɛri yúgo wè, wire nɛ́ Zezi tundunminɔ bílì ní bèle, nɛ́ jo: «Gáa sí weli 'yɛli bè kpíʔile, siinyɛninɛ ?»

Kakpiʔiligele 4:31

Bà pe kɛ́nì náari nɛ̀ kúɔ mmɛ gè, a tiʔɛ ki 'cúungo nɛ́ pe ní baa pe 'puu gbuʔulibolo bèle. A Kulocɛliɛ Pìle ni 'tìgi pe mìɛni nɛ̄ nɛ̀ pe nyì, a nàzorido 'jíin pe nī a pe 'yɛ̀ nɛ Kulocɛliɛ siɛnrɛ nyu dè.

Kakpiʔiligele 5:33

A siɛnrɛ dáà ti 'kàyuʔujuulo gboli wuulo yáa bèle kpúʔɔ kátii, a pe 'yɛ̀ nɛ ki caa bè Piɛriyé kpúu bèle bè yige baa.

Kakpiʔiligele 7:38

«Kire tundunwɔ wire wi 'puu baa lɛ̀lɛ níì nī weli wuulo gboli ni 'puu waama kùlo nī lè. Wi nɛ̂ cé yéri weli tuuliɛyɛ yi sunʔɔmɔ nɛ́ nyìʔɛnɛ tundunwɔ wi sunʔɔmɔ ní bè, á nyìʔɛnɛ tundunwɔ wi nàa nyu nɛ́ wi ní Sinayii nyagurugo nɛ̄ gè. Wire wi 'sìi siɛnrɛ taa dè nɛ́ ti juu weli mɛ́ bèle.

Wurɔmiyé 1:16

Kataanna Siɛnrɛ ti juʔu ki wè nɛ fìɛrɛ tɔ́ngi mi nɛ̄ʔ, nɛ̀ taʔa gíi nɛ̄, tiī Kulocɛliɛ fànʔa bè siɛn suɔ, siɛn ó siɛn ŋáà wi 'tɛ́ngɛ wi nɛ̄ wè, bè ki séli Zuufulo peli nɛ̄ gbínʔɛnɛ, bé nɛ́ de waa Girɛki wuulo mɛ́ bèle.

Korɛntiyé 1 1:24

Nɛ̀ sí ki taa bìli Kulocɛliɛ wi 'yeri bèle, Zuufulo yo, Girɛki wuulo yo, peli mɛ́ bèle, Kirisi wire wī Kulocɛliɛ fànʔa gè nɛ́ Kulocɛliɛ sícilige gè.

Korɛntiyé 2 2:17

Weli sí wè majo bɛ̀ pàli kpuɔmɔ yē bèleʔ, pe nàa jaʔa wáari nɛ́ Kulocɛliɛ siɛnrɛ ní dè. Weli bèle, weli funyɔ yiī fìiye; Kulocɛliɛ wire tunduro nɛ̄ weli yē, nɛ ti kúu Kirisi wire fànʔa nɛ̄, Kulocɛliɛ yiʔɛ mɛ́ gè.

Korɛntiyé 2 4:2

Kele gílì ke sî nɛ kpínʔini làrimɛ nī bè, níɛ̀ puu fìɛrɛ wuʔulo gèle, weli 'cíi ke nɛ̄. Weli wè tári jànvaa nɛ̄ʔ, bé nɛ́ ga jo bè Kulocɛliɛ siɛnrɛ yiʔɛ dèʔ. Gìi ki 'pɔ́ri gè, weli nɛ tári nɛ kányiʔɛ tìí gè, níɛ ki caa siɛnnɛ pe mìɛni pe- ki cɛ́n weli siɛnrɛ tiī kányiʔɛ Kulocɛliɛ yiʔɛ mɛ́ gè.

Efɛziyé 5:13

Nɛ̀ sí ki taa kele gílì ke mìɛni gīɛlɛ ke sî yiri kpìɛnmɛ nɛ̄ bè, ke kɛnmɛ pi nɛ̂ yiri kpànʔanɛ.

Efɛziyé 5:26

Wi 'kire kpíʔile nɛ̀ pe jíge nɛ̀ mùnu nɛ́ luʔɔ ní Kataanna Siɛnrɛ tire fànʔa nɛ̄ gè, bè tɛ́ngɛfɔlilɔ gboli wàli lè bè tɛ́ngɛ Kulocɛliɛ mɛ́.

Efɛziyé 6:17

Nɛ̀ pínɛ, suɔlɔ náà yeli 'taa Kulocɛliɛ mɛ́ wè, ye- ni tɔ́n timɔri ndɔ̀ngɔ, yé sí Kulocɛliɛ Pìle ŋɔsii le wè yìye kúrugu, kire kɔri wi 'jo Kulocɛliɛ siɛnrɛ dè.

Tesalonikiyé 1 2:13

Kire kɛnmɛ nɛ̄ weli míɛni bèle weli nɛ Kulocɛliɛ síɛri wè sìnvurɔ nī, nɛ̀ taʔa gíi nɛ̄, Kulocɛliɛ nyasiɛnrɛ dáà yeli 'lúʔu weli mɛ́ dè, yeli 'fɔ̀li ti nɛ̄. Yeli sì ti tɔ́ri siɛnnɛ siɛnjuuro tíɛlɛʔ, yeli 'ti tɔ́ri Kulocɛliɛ kányiʔɛ siɛnrɛ tíimɛ. Kire siɛnrɛ tire míɛni ti nyɛ́ni baara yeli funyɔ nī yè, yeli bálì bīɛlɛ tɛ́ngɛfɔlilɔ bèle.

Tesalonikiyé 1 5:23

Kulocɛliɛ wè, wire ŋáà wī yanyige kàfɔli wè, wire tíimɛ wè wi- yeli kpíʔile ye- puu wàlidɛngɛlɛ Kulocɛliɛ mɛ́ wè, dí yeli pìle ni mìɛni lè, nɛ́ yeli fungo ní gè, nɛ́ yeli cetinnɛ ní lè, ti- puu tiɛlɛ fùn, ti- gbòbori ti yaʔa cɛngɛ gíì weli Kàfɔli Zezi Kirisi wi kɛ́nì pɛn wè.

Eburulo 13:7

Yeri sɔ̀ngí yeri taʔa nɛ́ yeli yiɛgininɛ ní bèle, bàli pe cé Kulocɛliɛ siɛnrɛ juu dè yeli mɛ́ bèle. Ye- sɔ̀ngi pe tánʔagɛnjɛ̀nmɛ wuʔu nɛ̄ gè nɛ́ pe sìi kúɔgɛnmɛ ní bè, yeri ŋàʔaná ye puu pe tíɛlɛ yeli tɛ́ngɛlɛ nī lè.

Eburulo 6:5

á pe 'Kulocɛliɛ siɛnrɛ tàanma taa bè, nɛ́ míɛni wi kàfɔligɔ kakpoliyo nyaa yè lɛ̀lɛ náà nī lè nàa ni 'séli nɛ waa lè,

Zaki 1:18

Wire mɛ́ ki 'yɛ̀ á wi 'weli faan nɛ̀ yige nɛ́ wi kányiʔɛ siɛnrɛ tire fànʔa ní gè, gìi ki bé tí we- puu pélile bèle wi yafaanra felide ti mìɛni nī dè.

Piɛri 1 1:23

Nɛ́ ki cɛ́n yeli nyɛ́nì sìi fɔnwɔ taa wè, sìi ŋáà wi 'kɔ́n yatanʔara mɛ́ dè dàa tiǐ gbɛ̀ cúʔɔ dèʔ, wi wè bɛ̀ yatanʔara tíɛlɛ dàa ti córi dèʔ. Yeli 'kire sìi taa wè Kulocɛliɛ siɛnrɛ kɛnmɛ nɛ̄ bè, dàa dī wiire níɛ mɔgi súuri dè.

Tìɛlɛ 1:16

Wi cé ŋɔgɔlɔ kɔlisiin cò wi kàliige nī gè. Yiɛyɛ siin ŋɔsii tàanwa wáà 'puu wi nyuɔ nī gè sìɛnwɛ. Wi kɛnmɛ pi 'puu majo bɛ̀ cɛngɛ ki cî nɛ wáari nɛ́ ki ŋɔri ti mìɛni ní dè.

Tìɛlɛ 19:15

Ŋɔsii tàanwa wáà 'puu wi mɛ́ nyuɔ nī gè sìɛnwɛ wè bè kùlogolo siɛnfeliye kpúɔn yè nɛ́ wi ní, bé sí de pe nári wire tíimɛ wè nɛ́ timɔri kàgbiile ní. Nɛ̀ pínɛ, wire tíimɛ wi béri ɛrɛzɛn yaforigo tánʔana gè, gàa nī Kulocɛliɛ funyɛrigbuʔɔ diviɛn wiī nɛ yigi wè, wire wī Fànʔa ki mìɛni Kàfɔli wè.

Tìɛlɛ 19:21

Bìli pe cé kò bèle, a sunʔɔ fɛ̀vɔli wi 'pe kpúu nɛ́ wi ŋɔsii ní wè, ŋɔsii tàanwa ŋáà wi 'puu wi mɛ́ nyuɔ nī gè sìɛnwɛ wè; a sínjiɛnyɛ yi mìɛni 'káa nɛ̀ tín pe kaara nɛ̄ dè.

Tìɛlɛ 2:16

Ma sí yiʔɛ muɔ fungo nī gè, á kire 'laa wè m'bága fuu bè pɛn muɔ kúrugu, m'bé sí pa kapiɛnnɛ tún nɛ́ pe ní nɛ́ ŋɔsii ní wè, ŋàa wī náʔa mi nyuɔ nī gè.

Tìɛlɛ 2:23

Nɛ̀ pínɛ m'bé wi pìile pe sìi kúɔ wè, bɛ̀ tɛ́ngɛfɔlilɔ gbuʔulo ke mìɛni bé ki cɛ́n mi mi nyɛ́ni nyaʔa siɛn sɔ̀ngirɔ nī dè nɛ́ siɛn fungo nī gè. M'bága ye mìɛni nigbe nigbe sàri bè yɛli nɛ́ ye kakpiʔiligele ní gèle.

Tìɛlɛ 20:4

A mi 'kùlofɔlilɔ kácuɔnyɔ yáà nyaa. Bìli pe 'puu tɛ́ninɛ yi nɛ̄ yè, a pe 'kàyuʔu ki siɛnrɛ kɛn dè pe mɛ́. Siɛnnɛ bílì nyùyɔ pe yé celile nɛ́ kágbaʔa ní gè Zezi wire wori ti juʔu kɛnmɛ nɛ̄ bè nɛ́ Kulocɛliɛ Siɛnrɛ ti kɛnmɛ nɛ̄ bè, nɛ́ bìli piyè cé fɔ̀li nɛ̀ nyàʔayɛgɛ gbùʔɔrɔ gèʔ nɛ́ ki yafanʔa gáà gī wi líɛrɛ dèʔ, nɛ́ bìli pe 'puu fìɛ wiì cé tɛ́ngɛ pe gbɛgɛlɛ nɛ̄ gèle nɛ́ pe kiyɛ ní yè wèʔ, a mi 'pe nyaa a pe 'nyɛ́ nɛ̀ yiri, nɛ̀ tɛ́ni fànʔa nɛ̄ gè nɛ́ Kirisi ní wè nɛ̀ taa yiʔɛlɛ sirakogunɔ (1 000).