Eburulo 4:11 - Sénoufo Nyarafolo

¹¹ Kire nɛ̄, we- gbɛ̀nmɛ le we jíin ŋɔ́daala náà nī lè, kire ga buu wàa fǎga tuuʔ bè puu Isirayɛliyé tíɛlɛ bèle sìnluʔulo bèleʔ.

Eburulo 4:11 Iomraidhean Croise

Matiye 11:12

Nɛ̀ sí ki taa, bà ki 'líɛ Zan Batiisi cɛnyɛ nī yè nɛ̀ pɛ́nì nɔ̀ pàngɛ gè, piyē nɛ̄ Nyìʔɛnɛ Kùlofɔligɔ túngu gè, siɛngbɛninɛ sí pe nyɛ́ni ki cìrá bè ki taa wè.

Matiye 7:13

«Yeri jiin wìile níì nī còrilo lè, á kire 'laa wè wìile náà nī kpuɔlɔ lè á ni koligo ní gè píɛligɛ gè, lire yē nɛ waa cúʔɔmɔ tiʔɛ nī wī; siɛnniʔɛnɛ sí yē nɛ jiin ki koligo gáà nī gè.

Luku 13:24

«Yeri yìye cìʔilé yeri jíin wìile níì nī còrilo lè, á kire 'laa m'bé ki juu yeli mɛ́, siɛnniʔɛnɛ nɛ ki caa bè jíin baa, piyě sí ga jáaʔ.

Luku 16:16

«Misa Fànʔa Siɛnrɛ dè, nɛ́ Kulocɛliɛ siɛnjuulo pe sɛbɛlɛ ní bèle, ti 'puu bile fúɔ nɛ̀ pɛ́nì nɔ̀ Zan lɛ̀lɛ nī lè. Nɛ̀ láʔa kire lɛ̀lɛ nɛ̄ lè, Kulocɛliɛ Kùlofɔligɔ ki Kataanna Siɛnrɛ tiī nɛ jáari; siɛn ó siɛn sí nɛ wìi ŋàʔaná bè jíin baa.

Zezi Kirisi Kataanna Siɛnrɛ dè Zan juumɔ nɛ̄ bè 6:27

Ye fǎri baara yaliire dáà ti nyɛ́ni córi dè tire kɛnmɛ nɛ̄ʔ, yeri baara yaliire dáà ti bága bànguɔ sìi kɛn wè. Kire yaliire tire Siɛn Pùɔ wi je ga kɛn yeli mɛ́. Wire nɛ̄ weli Tuu Kulocɛliɛ wi nyɛ́nì fìɛ tɛ́ngɛ bè ki tìɛ wire 'yéri wi wori nɛ̄ dè.»

Kakpiʔiligele 26:19

«Kire tiʔɛ gáà nī gè, kùlofɔli Agiripa, nɛ̀ yɛli nɛ́ fìɛ ŋáà mi 'nyaa nyìʔɛnɛ nī lè, mi sì gbɛ̀ nɛ̀ jáa nɛ̀ cíi kaala náà Kàfɔli wi 'tìɛ mi nɛ̄ nɛ́ ki tunduro kɛn dè mi mɛ́ dèʔ.

Efɛziyé 2:2

Bɛ̀ yeli 'puu nɛ yeli sìi tári wè kire kɛnmɛ nɛ̄ bè, duniya ŋáà siɛnnɛ pe tánʔagɛnmɛ nɛ̄ bè. Yeli 'puu nɛ lúru yebilige wuulo fàanya yi kàfɔli nɛ̄ wè, kire pìle náà lire ni nyɛ́ni siɛnsinluʔulo pe sìi kàrigí wè ŋɔ̀ wè.

Efɛziyé 5:6

Ye fǎga tí siɛn yeli fáanni nɛ́ nyatanʔa siɛnjuuro níʔ. Ye- ki cɛ́n tire dáà tire ti nyɛ́ni báan nɛ́ Kulocɛliɛ funyɛrigɛ ní gè siɛnsinluʔulo kúrugu bèle.

Filipiyé 2:12

Kire nɛ̄, nɛ siinyɛninɛ yeli bálì ye 'mi dɛ́ni bèle, bɛ̀ yeli yē ngbóluʔulofɔlilɔ súuri wè, kiì sí nyaa a mi gbɛ̀nɛ yē baa wè kire lɛ̀lɛ yákuɔ nī wèʔ, píra ŋáà nī wè, ye cɛri ki kpínʔini kpuʔɔ de tòrí bà mi wè baa wèʔ. Yeri baara yeri suɔlɔ wuʔu tìí gè nɛ́ fíɛrɛ ní, yeri fún de yàʔará.

Kolɔsiyé 3:6

Tire dáà tire ti nyɛ́ni báan nɛ́ Kulocɛliɛ funyɛrigɛ ní gè bìli kúrugu pe wè nɛ lúru wi nɛ̄ bèleʔ.

Tiiti 1:16

Pe 'jo peli nyɛ́nì Kulocɛliɛ cɛ́n, nɛ̀ ki yaʔa pe kakpiʔiligele gèle kiyē nɛ ki tìí pe 'cíi wi nɛ̄ʔ. Piyē laabiri wuulo, nɛ́ ní siɛnciile; piyě gbɛ̀ jáa bè kacɛ̀nnɛ láà fáala kpíʔileʔ.

Tiiti 3:3

Nɛ́ ki cɛ́n faʔa gè, weli míɛni 'puu sìnjilige fùn, nɛ́ ní sìnluʔulo, nɛ̀ pùunni, níɛ kanɛdanʔana níɛ ní tàanbiimɛ kele ke feliye yi mìɛni sùkulolo. Weli sìi wi yé nyì kapiigbiʔilide nɛ̄ dè nɛ́ nyabiɛnnɛ ní lè. Weli yé buu laabiri wuulo, nɛ́ wìye biɛn.

Eburulo 3:12

Siinyɛninɛ, yeri yìye ciʔige díɛʔ, kire ga buu yeli nī bèle wàa fungo fǎga piiʔ wi- kò sìndɛngɛwɛ bè láʔa Kulocɛliɛ wewiiwe nɛ̄ wèʔ.

Eburulo 3:18

A Kulocɛliɛ sí kàli nɛ́ jo: Siɛnnɛ bálì piyě jíin mi ŋɔ́daala tiʔɛ nī gè púloʔ, báli wuʔu sí wi 'puu nɛ nyu ? Peli bɛ̀ʔ lé bàli pe yé cíi, piyě lúʔu bèleʔ  ?

Eburulo 4:6

Bàli sí pe yé puu siɛnpelile nɛ̀ ŋɔ́daala Kataanna Siɛnrɛ dáà lúʔu dè, piyè jíin ŋɔ́daala nī lèʔ pe sìnluʔumɔ pire kɛnmɛ nɛ̄ bè. Kire nɛ̄ Kulocɛliɛ ŋɔ́daala niī bile súuri kire ga buu pàli gbɛ̀ jíin.

Eburulo 6:11

A weli sí nɛ ki caa kányiʔɛ nɛ̄, siɛn ó siɛn yeli nī bèle wi- gbɛ̀nmɛ le kire baara nī dè, wiri waa yiʔɛmɛ bàa nɔ̀ ki kúɔmɔ nɛ̄ bè, kire ga buu gàa nɛ̄ yeli sɔ̀ngirɔ ti yē dè, yeli sa ki taa.

Piɛri 2 2:6

Kulocɛliɛ wi 'kàyuʔu juu Sodɔmi nɛ́ Gomɔri kàaya nɛ̄ yè nɛ̀ yi cúʔɔ nɛ̀ yi sórigo nɛ́ kàsun ní a yi 'kò cúnʔɔ, a kire 'kò fìɛ siɛnnɛ mɛ́ bèle bàli piyè 'puu nɛ fìʔɛ́ Kulocɛliɛ nɛ̄ wèʔ, bè ki tìɛ pe nɛ̄ gàa ki bága pe taa wè.