Eburulo 3:8 - Sénoufo Nyarafolo

⁸ ye fǎga yeli funyɔ gbɛ̀n yèʔ majo bɛ̀ yeli 'ki kpíʔile cíimɛ lɛ̀lɛ nī lèʔ, bɛ̀ yeli 'ki kpíʔile puuwelige cɛngɛ gè baa waama kùlo nī lèʔ .

Eburulo 3:8 Iomraidhean Croise

Ŋúnuyɔ 106:14

Baa waama kùlo nī lè, a pe 'pìye kɛn pe kanɛdanʔana kele mɛ́ gèle, a pe 'Kulocɛliɛ puu wè nɛ̀ wéli, luʔɔfun kùlo nī lè.

Ŋúnuyɔ 78:18

Pe yé ki kɔ̀rirɔ wī bè Kulocɛliɛ puu wè bè wéli, nɛ́ jo wi‑ yaliire kɛn peli mɛ́ dàa ti 'peli dɛ́ni dè.

Ŋúnuyɔ 78:56

Kire nɛ́ ki mìɛni a pe 'Kulocɛliɛ puu wè nɛ̀ wéli, wire ŋàa wī Duniya wi Mìɛni Nyùgo nɛ̄ gè. ʔaan, je pe sí cíi wi nɛ̄ wī, piyè wi nyakungɛngɛ siɛnrɛ cò dèʔ.

Ŋúnuyɔ 95:8

ye fǎga yeli funyɔ gbɛ̀n yèʔ majo bɛ̀ yeli tobilo pe 'ki kpíʔile Mɛriba tiʔɛ mɛ́ gè, bɛ̀ yeli 'ki kpíʔile kire cɛngɛ gè baa Masa tiʔɛ mɛ́ gè waama kùlo nī lè.

Yirile 17:7

A wi 'ki tiʔɛ míʔɛ le gè nɛ ki yeri Masa nɛ́ Mɛriba (ki kɔri wire wī: puuwelige nɛ́ kúnʔɔrilɔ tiʔɛ), bɛ̀ ki 'nyaa Isirayɛli siɛnnɛ pe yé kúnʔɔri Yewe nɛ̄ wè, nɛ́ Yewe puu wè nɛ̀ wéli wè, nɛ́ jo: «Yewe wiī bile weli sunʔɔmɔ nī í  ?»

Yirile 8:15

A nìnyuʔɔnigɔfɔlilɔ pe 'ki juu Farawɔn mɛ́ nɛ́ jo: «ʔá! Kulocɛliɛ kɔli kakpiʔilile nī náà lè díɛʔ !» Kire nɛ́ ki mìɛni a Farawɔn wi 'wi nàzɔn gbɛ̀n wè, wiì lúʔu Misa nɛ́ Arawɔn mɛ́ʔ, nɛ̀ yɛli nɛ́ gàa ní Yewe cé juu gè.

Tɔ́rilɔ 14:11

A Yewe 'ki juu Misa mɛ́ nɛ́ jo: «Fúɔ lɛ̀lɛ jori nī siɛnnɛ bálì pe bé cíi mi nɛ̄ wè ? Fúɔ lɛ̀lɛ jori nī pe bé cíi bè tɛ́ngɛ mi nɛ̄ wè, nɛ̀ sí ki taa mi fìɛlɛ bálì kpíʔile bèle pe sunʔɔmɔ nī bè ?

Matiye 13:15

Kùlo náà siɛnnɛ pe funyɔ yi 'gbɛ̀n, a pe ngbúʔulo ke 'lúʔu mabiɛn; nɛ̀ pínɛ pe 'pe nyapigele tɔ́n gèle, peli fǎri nyaʔa ke nīʔ; peli ngbúʔulo ke fǎri lúruʔ; peli funyɔ yi fǎri siɛnrɛ ti kɔri cɛ́ngi wèʔ; peli fǎga peli funyɔ yiʔɛ yèʔ, dí mi sí pe puʔɔʔ .

Kakpiʔiligele 19:9

Bà sí pàli cé cíi nɛ́ pe funyɔ gbɛ̀n yè, níɛ siɛncuʔɔrɔ nyu nɛ pìye nyíɛnɛ Kàfɔli koligo nɛ̄ gè siɛnniʔɛmɛ sunʔɔmɔ nī bè, a Pɔli wi 'láʔa pe táanni. A wi 'pìtɛnmɛnɛ kɔ́ri bèle nɛ̀ sɛ́ni pe tɛnmɛ cɛngɛ ó cɛngɛ Tiiranusi tɛnmɛdiʔɛ nī gè.

Kakpiʔiligele 7:36

Kire Misa wire wi cé kakpoliyo kpíʔile nɛ́ fìɛlɛ ní Ezipiti kùlo nī lè, nɛ́ Isirayɛli pìile kɔ́ri bèle nɛ̀ Nyàʔanivɛgɛ Tiire kuʔɔjii jeli wè, nɛ́ waama kùlo tánʔana ní lè nɛ̀ taa yiʔɛlɛ togosiin larigɛ nī gè.

Korɛntiyé 1 10:9

Ye fǎga tí béri Kirisi wi nyuɔ caaʔ, majo bɛ̀ pe pàli cé Kulocɛliɛ nyuɔ caa gè, á wɔ̀burɔ ti 'pe nɔgi nɛ̀ kpúu bèle.

Fànʔa Kajuʔulo 6:16

Yeli sì yɛli bè Yewe yeli Kulocɛliɛ puu wè bè wéliʔ majo bɛ̀ yeli cé ki kpíʔile Masa tiʔɛ nī gè.