Eburulo 3:6 - Sénoufo Nyarafolo

⁶ Nɛ̀ sí ki yaʔa Kirisi wè, Kulocɛliɛ Siɛnnyiɛnɛgɔnwɔ wè, wi 'puu Jaafɔli, nɛ́ ní tɛ́ngɛmɛ siɛn, ŋàa wī tɛ́niwɛ Kulocɛliɛ saʔa nyùgo nɛ̄ gè. Weli yē wi saʔa wuulo, a weli 'weli tɛ́ngɛlɛ sɔ́migɔ lè nɛ̀ cò kpuʔɔ lè, níɛ wìye nyíɛnɛ nɛ́ weli sɔ̀ngirɔ taʔadiʔɛ wuʔu ní gè.

Eburulo 3:6 Iomraidhean Croise

Ŋúnuyɔ 2:12

Ye‑ káguro cáan Jaafɔli wi yiʔɛ mɛ́ gè, kire ga buu wi fungo ki fǎga yɛ̀ yeli kúruguʔ dí yeli sí kùu koligo nɛ̄ gèʔ. Nɛ́ ki cɛ́n, lɛ̀lɛ ó lɛ̀lɛ nī wi funyɛrigɛ ki nɛ̂ cò bɛ̀ kàsun tíɛlɛ yeli kúrugu. Siɛnnɛ bálì pe sɛ́nì líʔire jó wi láara wè, peli mìɛni wuʔu kiī tànʔa !

Matiye 10:22

Yeli kaala ni bága siɛnnɛ pe mìɛni biɛn mi míʔɛ kire kɛnmɛ nɛ̄. A siɛn ŋíì sí tɔ̀ni nɛ̀ ki kpàri nɛ̀ cò nɛ̀ pɛ́nì paʔa wè, kire siɛn wire wi bága sa suɔ.

Matiye 16:18

Kire nɛ̄ m'bé ki juu muɔ mɛ́, pe muɔ ye Piɛri (kire kɔri wi 'jo: ‹sìndɛnigɛ›), kire sìndɛnigɛ gáà kire nɛ̄ m'bé mi tɛ́ngɛfɔlilɔ gboli tɛ́ngɛ lè. Kùu wiǐ ga tíi bága fànʔa taa ki gboli nɛ̄ lè púloʔ.

Matiye 24:13

A siɛn ŋíì sí ki kpàri nɛ̀ cò nɛ̀ pɛ́nì paʔa wè, kire siɛn wire wi bága sa suɔ.

Wurɔmiyé 11:22

Ma sí ki cɛ́n: Kulocɛliɛ fungo kiī cɛ̀ngɛ, wi sí yē tanʔaniwɛ nɛ̀ pínɛ. Bìli pe 'tánʔa nɛ̀ tuu bèle, wi fungo kiī tanʔanigɛ pe kúrugu. Nɛ̀ sí ki taa muɔ wè, wi kacɛ̀ngɛ kiī baa ki tiʔɛ nī gè muɔ kɔli mɛ́ gè, ki sí nyaa muɔ yéri nɛ̀ ki cɛ́n wi fungo kiī cɛ̀ngɛ. A kire 'laa wè, muɔ míɛni wè, wi bé muɔ ceri bè láʔa.

Wurɔmiyé 12:12

Yeri fundaanra kpínʔini yeli sɔ̀ngirɔ taʔadiʔɛ ki wori nɛ̄ dè. A wuʔɔgɔ 'nɔ̀ yeli nɛ̄ bèle, ye- ki kpàri ye cò. Ye- lèbaanna le náarigɛ nī gè.

Wurɔmiyé 15:13

Kulocɛliɛ ŋáà wī sɔ̀ngirɔ taʔadiʔɛ gè, wi- yeli funyɔ nyì yè fundaanra nɛ̄, nɛ́ yanyige ní tɛ́ngɛlɛ kɛnmɛ nɛ̄ bè. Gìi ki bé tí kàa de taʔala de waa yeli sɔ̀ngirɔ taʔadiʔɛ nɛ̄ gè Kulocɛliɛ Pìle lire fànʔa nɛ̄ gè.

Wurɔmiyé 5:2

Wire nyúmɔ nī bè nɛ́ tɛ́ngɛlɛ kɛnmɛ bè, weli 'Kulocɛliɛ kpuʔɔrɔ taa dè. Nɛ̀ pínɛ weli nɛ fundaanra kpínʔini nɛ̀ taʔa gíi nɛ̄, sɔ̀ngirɔ taʔadiʔɛ yē weli mɛ́, weli bága Kulocɛliɛ wi kpuɔmɔ nyaa bè.

Korɛntiyé 1 3:16

Yeli sì ki cɛ́n lé yeli yē Kulocɛliɛ gbùʔɔrɔsaʔa wī lé, nɛ̀ pínɛ Kulocɛliɛ Pìle niī yeli nī kòrilo lé ?

Korɛntiyé 1 6:19

Á kire 'laa, yeli sì ki cɛ́n lé yeli cetinnɛ niī Kulocɛliɛ Pìle ni gbùʔɔrɔsaʔa wī lé ? Yeli 'ni taa Kulocɛliɛ mɛ́ wè; yeli wè yìye wuulo wī díɛʔ.

Korɛntiyé 2 6:16

Gáa ki 'ti pínɛ Kulocɛliɛ Gbùʔɔrɔsaʔa gè nɛ́ yasunro ní dè ? Ki 'nyaa weli bèle, Kulocɛliɛ wewiiwe wi Gbùʔɔrɔsaʔa weli yē, nɛ̀ yɛli nɛ́ gìi Kulocɛliɛ wi 'juu gè, wi 'jo: M'bága puu kòriwo pe nī, nɛ̀ pínɛ m'béri tári nɛ́ pe ní. M'bé puu pe Kulocɛliɛ wè, dí peli sí puu mi kùlo wuulo bèle .

Galasiyé 6:10

Kire nɛ̄, bɛ̀ ki larigɛ yē we nɛ̄ bèle, ye- puu weri kacɛ̀ngɛ kpínʔini siɛnnɛ pe mìɛni nɛ̄. We cɛri kacɛ̀ngɛ kpínʔini gè kpuʔɔ we siinyɛninɛ tɛ́ngɛfɔlilɔ nɛ̄ bèle.

Galasiyé 6:9

Ye- sí tí weri kacɛ̀ngɛ kpínʔini, we fǎga jo we 'fùrɔʔ. Nɛ̀ taʔa gíi nɛ̄, a ki lɛ̀lɛ ni kɛ́nì pɛ́nì nɔ̀ lè, we bé ki tɔ̀ni taa wè, a we 'laa wiyè fùrɔ nɛ̀ láʔa bèleʔ.

Efɛziyé 3:12

Bɛ̀ weli yē pínɛnɛ nɛ́ Zezi Kirisi ní wè nɛ́ tɛ́ngɛ wi nɛ̄ wè, fíɛrɛ wè weli nīʔ, weli bé gbɛ̀ jáa bè nɔ̀ Kulocɛliɛ nɛ̄ wè.

Kolɔsiyé 1:23

Gìi gī baa gè, ye- yiʔɛ le tɛ́ngɛlɛ nī lè ni- tɛ́nidiʔɛ kɔ́n yeli nī, yafiɛn fǎga yeli funyɔ láʔa yè yeli sɔ̀ngirɔ taʔadiʔɛ nɛ̄ gèʔ. Yeli 'ki sɔ̀ngirɔ taʔadiʔɛ gáà taa gè bɛ̀ yeli 'Kataanna Siɛnrɛ lúʔu dè dàa ti 'jáari nɛ̀ tóri duniya wi mìɛni nī wè náʔa dàala nɛ̄ lè. Mi Pɔli wè, tire baara mi nɛ kúu.

Tesalonikiyé 1 5:16

Ye- puu fundaanra nɛ̄ lɛ̀gɛlɛ ke mìɛni nī.

Tesalonikiyé 2 2:16

Weli Kàfɔli Zezi Kirisi wire tíimɛ wè, nɛ́ weli Tuu Kulocɛliɛ ní wè, wire ŋáà wī weli woli ni 'wi dɛ́ni wè, nɛ̀ pínɛ wi 'nàzorido nyɔ́gɔ weli nī bànguɔ wori dè, nɛ́ sɔ̀ngirɔ taʔadiʔɛ cɛ̀ngɛ kɛn weli mɛ́ wi kpuʔɔrɔ tire kɛnmɛ nɛ̄ bè,

Timote 1 3:15

A ki sí kɛ́nì nyaa mi nɛ mɔgi bè pɛn wè, muɔ bé ki cɛ́n kɛnmɛ bíì nɛ̄ muɔ 'yɛli bè tánʔa wè Kulocɛliɛ saʔa wuulo sunʔɔmɔ nī bè, bàli bīɛlɛ Kulocɛliɛ wewiiwe tɛ́ngɛfɔlilɔ gboli lè, nàa nī kányiʔɛ ki gèdinnɛ lè nɛ́ gàa ki kányiʔɛ cògí gè nɛ yérige gè.

Eburulo 1:2

Píra ŋáà nī wè, làzɛnnɛ náà nī lè, wi Jaa wire mɛ́ wi 'tóri nɛ́ juu nɛ́ weli ní. Wi 'duniya faan wè wi Jaa fànʔa nɛ̄ gè; wire wi 'kpíʔile yɛrɛ ti mìɛni kɔriliiwe wè.

Eburulo 10:19

Weli siinyɛninɛ, kire nɛ̄ weli bé gbɛ̀ jíin tiɛcɛ̀njɛngɛ wàlidɛngɛgɛ nī gè káaliyɛ fùn, Zezi Kirisi sìsiɛn kɛnmɛ nɛ̄ bè.

Eburulo 10:21

Bɛ̀ kacuɔnrilɔ kàfɔli kpuɔwɔ yē weli mɛ́ wè, tɛ́niwɛ Kulocɛliɛ saʔa nɛ̄ gè,

Eburulo 10:23

We- weli sɔ̀ngirɔ taʔadiʔɛ cò gè kpuʔɔ gàa wuʔu weli 'juu nɛ̀ yige gè, nɛ́ ki cɛ́n Kulocɛliɛ ŋáà wi 'nyafɛnigɛ kpíʔile gè, wi 'yɛli nɛ́ tɛ́ngɛlɛ ní.

Eburulo 10:35

Ki sí n'gɛ ye fǎga yeli sɔ̀ngirɔ taʔadiʔɛ yaʔa gèʔ, nɛ́ ki cɛ́n ki bé ba tɔ̀nikpuɔwɔ kɛn yeli mɛ́.

Eburulo 11:1

Tɛ́ngɛlɛ ni kɔri wire yē: bè tɛ́ngɛ ki nɛ̄ gìi nɛ̄ muɔ nyɛ́nì muɔ sɔ̀ngirɔ taʔa dè, muɔ bé ki taa, bè ki cɛ́n gàa muɔ wè nɛ nyaʔa gèʔ, kiī kányiʔɛ.

Eburulo 3:14

Nɛ́ ki cɛ́n weli nyɛ́nì kò Kirisi wi kodanʔanyɛninɛ wī, a weli 'fɔ̀li nɛ̀ weli tɛ́ngɛlɛ cò lè kpuʔɔ wè nàa ni kíni nɛ̀ puu weli mɛ́ sélimɛ nɛ̄ bè, nɛ̀ pɛ́nì nɔ̀ ki kúɔmɔ nɛ̄ bè.

Eburulo 4:11

Kire nɛ̄, we- gbɛ̀nmɛ le we jíin ŋɔ́daala náà nī lè, kire ga buu wàa fǎga tuuʔ bè puu Isirayɛliyé tíɛlɛ bèle sìnluʔulo bèleʔ.

Eburulo 4:14

Kire nɛ̄, bɛ̀ kacuɔnrilɔ kàfɔli yē weli mɛ́ ŋàa wi 'kpúʔɔ wè nɛ́ sùuri nyìʔɛnɛ nī lè, Zezi wè, Kulocɛliɛ Jaa wè, we- weli tɛ́ngɛlɛ sɔ́migɔ lè we cò kpuʔɔ.

Eburulo 4:16

Kire nɛ̄ weri sìʔɛrɛ́ weri kpɔni Kulocɛliɛ kùlofɔligɔ kácunʔɔ nɛ̄ gè nɛ́ nàzorido ní; kire tiʔɛ nī weli bé nyinimɛ nɛ́ kpuʔɔrɔ taa ti- weli sáʔa lɛ̀lɛ líì nī weli màakuu yē ti nɛ̄ dè.

Eburulo 6:11

A weli sí nɛ ki caa kányiʔɛ nɛ̄, siɛn ó siɛn yeli nī bèle wi- gbɛ̀nmɛ le kire baara nī dè, wiri waa yiʔɛmɛ bàa nɔ̀ ki kúɔmɔ nɛ̄ bè, kire ga buu gàa nɛ̄ yeli sɔ̀ngirɔ ti yē dè, yeli sa ki taa.

Eburulo 6:18

Bɛ̀ sí ki yē, katiɛyɛ siin yē baa nyàa yī yiǐ gbɛ̀ yiʔɛ yèʔ: wi nyafɛnigɛ gè nɛ́ wi kàlilɛ ní lè. Kiǐ gbɛ̀ kpíʔile Kulocɛliɛ wi- finɛʔ; kire yē nɛ lèbaanna nyɔ́gi weli nī. Kire nɛ̄ weli bálì bīɛlɛ we 'líʔire jó wi mɛ́ wè, weli bé gbɛ̀ jáa bèri ŋàʔaná bè weli sɔ̀ngirɔ taʔadiʔɛ cò gè nɛ́ tɛ́ngɛlɛ ní lè, sɔ̀ngirɔ taʔadiʔɛ gáà Kulocɛliɛ wi 'tɛ́ngɛ weli yiʔɛ mɛ́ gè.

Eburulo 7:19

Gìi sí gī baa gè, Fànʔa Siɛnrɛ tiì jáa nɛ̀ yafiɛn nyuɔ nɛ̀ forigoʔ. A sɔ̀ngirɔ taʔadiʔɛ ń'nɛ̀ kɛn weli mɛ́ gàa ki 'kpúʔɔ nɛ̀ tóri gàa nɛ̄ Misa Fànʔa Siɛnrɛ ti 'puu nɛ nyu dè. Kire kɛnmɛ nɛ̄ weli bé gbɛ̀ sìʔɛrɛ kpɔni Kulocɛliɛ nɛ̄ wè.

Piɛri 1 1:8

Yeli sì fìɛ Zezi nyaa wèʔ, nɛ̀ ki yaʔa wi 'yeli dɛ́ni. Yeli wè nɛ wi nyaʔa píra ŋáà nī wèʔ, nɛ̀ ki yaʔa yeli 'tɛ́ngɛ wi nɛ̄. Kire kɛnmɛ nɛ̄ fundaangbuɔrɔ ti 'yeli nyì, fundaanra dáà ti kpuɔmɔ pi 'niʔɛ bè, nɛ̀ pínɛ ti 'kpúʔɔ nɛ̀ tóri fúɔ tiǐ cɛ gbɛ̀ juu nyuɔ nīʔ.

Piɛri 1 2:5

yeli ye mìɛni yē kàdɛniyɛ wowiiye nyáà Kulocɛliɛ wiī nɛ líi nɛ wi Pìle Gbùʔɔrɔsaʔa faanri gè. Nɛ̀ taʔa ki nɛ̄, yeli yē wi kacuɔnrilɔ wàlidɛngɛlɛ nɛ kakuɔrɔ yakɔnrɔ kanʔa wi mɛ́, pìle kɔli mɛ́ gè, kakuɔrɔ dáà nɛ̄ wi nɛ̂ fɔ̀li dè, Zezi Kirisi kɛnmɛ nɛ̄ bè.

Piɛri 1 4:17

Gìi sí gī baa gè, kàyuʔujuu lɛ̀lɛ niī nɛ nɔ̀gí; Kulocɛliɛ narigɛ wuulo peli nɛ̄ ki 'séli. A ki sí nyaa ki 'séli weli nɛ̄ gè, gíi sí ki bága puu bìli wuʔu gè bàli pe 'cíi piyè tɛ́ngɛ Kulocɛliɛ wi Kataanna Siɛnrɛ nɛ̄ dèʔ ?

Tìɛlɛ 2:18

«-Ki sɛbɛ ma tórigo Tiyatiiri kàʔa tɛ́ngɛfɔlilɔ gboli ni nyìʔɛnɛ tundunwɔ mɛ́ wè, ma wi yɛ: ‹Ti n'dɛ dàa Kulocɛliɛ Jaa wi 'juu dè; wi nyapigele kiyē majo kàsunnyige gī, á wi tɔliyɔ ní yè bɛ̀ kányiɛrɛ tíɛlɛ bɛ̀ pe sî ti nyɛgɛ á ti nìɛ nyíʔɛnɛ dè.

Tìɛlɛ 2:25

Gìi gī yeli mɛ́ nɛ̀ kúɔ gè, ye- ki cò kpuʔɔ fúɔ bè taa mi ga pɛn.

Tìɛlɛ 2:26

« ‹A ŋìi kɛ́nì fànʔa taa nɛ̀ pɛ́nì fori wè, níɛ mi nyɛ́ni kele kúu gèle fúɔ nɛ̀ pɛ́nì nɔ̀ láʔala nɛ̄ lè, m'bé ki fànʔa kɛn gè siɛn mɛ́ wè wi- puu kùlogolo ke nyùgo nɛ̄ gè.

Tìɛlɛ 3:11

Ki 'kò cɛ̀ mi nɛ báan baa. Tɛnmɛnɛ náà muɔ 'taa lè, -ni cò cɛ̀ngɛ; siɛn fǎga muɔ kpuʔɔrɔ ndɔ̀ngɔ suɔ gè muɔ mɛ́ʔ.