Eburulo 3:5 - Sénoufo Nyarafolo

⁵ Misa wire wè, wi 'puu tɛ́ngɛmɛ siɛn Kulocɛliɛ saʔa ki mìɛni nī gè; wi 'puu baakuɔwɔ nɛ ki tìí siɛnrɛ dáà Kulocɛliɛ cî ga ba juu bè láʔa dè.

Eburulo 3:5 Iomraidhean Croise

Ŋúnuyɔ 105:26

A wi 'wi baakuɔwɔ Misa tun wè pe kúrugu, wire nɛ́ Arawɔn ŋáà wi yé nyíɛnɛ nɛ̀ kɔ̀n wè.

Yirile 14:31

Bà Isirayɛli siɛnnɛ pe 'Yewe ŋɔri kɔli nyaa gè, gàa wi yé taʔa Ezipiti siɛnnɛ nɛ̄ bèle, a pe 'fíɛ Yewe nɛ̄. A pe 'tɛ́ngɛ Yewe nɛ̄ nɛ́ wi baakuɔwɔ Misa ní wè.

Yirile 40:16

A Misa 'ki kpíʔile dàa ti mìɛni Yewe yé juu nɛ̀ gbɛ̀ngɛ wi mɛ́ dè. Bɛ̀ ki 'puu a wi 'ti mìɛni kpíʔile.

Tɔ́rilɔ 12:7

Nɛ̀ ki yaʔa bà bɛ̀ʔ ki yē mi baakuɔwɔ Misa wuʔu nɛ̄ gè díɛʔ. Wire wè, mi 'tɛ́ngɛ wire nɛ̄ mi saʔa ki mìɛni nī.

Matiye 24:45

«Sùkulowo ŋíi wi bé taa, dí wi kàfɔli wi pa wi nyaa wi- puu tɛ́ngɛmɛ siɛn, bé sí puu síciliwe wè, dí wi kàfɔli wi sí wi tɛ́ngɛ wi saʔa kele nɛ̄ gèle wi de lìile kanʔa lè ni kɛn lɛ̀lɛ nī lè ?

Matiye 25:21

«A wi kàfɔli wi 'wi yɛ: ‹Nicii ! muɔ yē baakuɔcɛ̀nwɛ nɛ́ ní tɛ́ngɛmɛ siɛn. Muɔ 'nyaa tɛ́ngɛnmɛ siɛn nɛ́ cɛ̀ri ŋáà ní wè; m'bé ní kàa taʔa muɔ mɛ́ nìʔɛgɛ. Te jiin ma pa puu fundaanra nɛ̄ nɛ́ muɔ kàfɔli ní wè.›

Luku 12:42

A Kàfɔli wi 'wi yɛ: «Saʔa baakuɔwɔ ŋíi cɛ siɛn bé taa wi- puu tɛ́ngɛmɛ siɛn wè, bé sí puu síciliwe, dí wi kàfɔli wi- sí wi tɛ́ngɛ wi- puu wi baakuɔlɔ pe yiɛginiwɛ wè, bèri pe yaliire kanʔa dè pe mɛ́ ti kɛn lɛ̀lɛ nī lè ?

Luku 24:27

Nɛ́ fali nɛ̀ ki séli Misa nɛ̄ wè, nɛ̀ sɛ́nì tóri Kulocɛliɛ siɛnjuuliɛlɛ pe mìɛni nɛ̄ bèle, nɛ̀ Kulocɛliɛ siɛnsɛbɛrɛ ti mìɛni kɔri juu wè nɛ̀ tìɛ pe nɛ̄, gàa ki 'juu baa wire wori nɛ̄ dè.

Luku 24:44

A wi 'fali nɛ̀ pe yɛ: «Siɛnrɛ dáà tire mi 'puu nɛ nyu yeli mɛ́ dè, bà mi 'puu nɛ tíin bile nɛ́ yeli ní bèle. Mi cé yeli yɛ dí kele gílì mìɛni Misa Fànʔa Siɛnrɛ ti 'juu dè, nɛ́ gìi Kulocɛliɛ siɛnjuuliɛlɛ nɛ́ Ŋúnuyɔ Sɛbɛ wi 'juu mi koligo nī gè, dí ki 'kàri fànʔa ti mìɛni bé fori ti nyɔgɔlɔ nī gèle.»

Zezi Kirisi Kataanna Siɛnrɛ dè Zan juumɔ nɛ̄ bè 5:39

«Yeli nɛ Kulocɛliɛ siɛnsɛbɛrɛ wéli dè, nɛ ti laamɛ pii bè, nɛ̀ taʔa gíi nɛ̄, yeli nɛ ki sɔ̀ngí tire nī yeli bé bànguɔ sìi taa wè. Tire sí tiī nɛ mi kɛnmɛ nyu bè nɛ tìí.

Kakpiʔiligele 28:23

A pe 'cɛngɛ káà tɛ́ngɛ bàga pìye nyaa. Bà ki cɛngɛ ki kɛ́nì nɔ̀ gè, a pe 'kɛ́ nìʔɛnɛ baa Pɔli wi kòridiʔɛ mɛ́ gè. A wi 'siɛnrɛ líɛ dè nɛ Kulocɛliɛ Kùlofɔligɔ ki wori nyu dè nɛ tìí pe nɛ̄. Nɛ̀ ki líɛ sínbinimɛ táanni bè nɛ̀ sɛ́nì nɔ̀ cɛnguʔɔ gè, wi 'puu nɛ ti nyu nɛ láʔala pe nɛ̄, níɛ Misa Fànʔa Siɛnrɛ nyu dè nɛ́ dàa Kulocɛliɛ siɛnjuuliɛlɛ pe 'sɛbɛ dè, nɛ ki tìí dí káaliyɛ wè Zezi wori nī dèʔ.

Kakpiʔiligele 7:37

Kire Misa nuwɔ wire wi cé ki juu Isirayɛli pìile mɛ́ bèle nɛ́ pe yɛ: Kulocɛliɛ wi bága siɛnjuuwo wáà yige yeli siinyɛninɛ sunʔɔmɔ nī bè bɛ̀ mi tíɛlɛ.

Wurɔmiyé 3:21

Nɛ̀ sí ki taa píra ŋáà nī wè, Kulocɛliɛ wi 'ki tìɛ mɛni weli bé gbɛ̀ kò sínminɛ wire yiʔɛ mɛ́ gè Fànʔa Siɛnrɛ ti fùn wè. Ki 'nyaa Fànʔa Siɛnrɛ tíimɛ dè nɛ́ Kulocɛliɛ siɛnjuuliɛlɛ ní bèle, piyē nɛ ki nyu nɛ láʔala.

Korɛntiyé 1 4:2

Gìi sí pe caa gè, siɛn ŋáà mɛ́ pe 'kele kɛn gèle, siɛn wi- puu tɛ́ngɛmɛ siɛn.

Fànʔa Kajuʔulo 3:24

‹Kàfɔli Yewe, muɔ nyɛ́nì séli nɛ̀ ki tìɛ mi nɛ̄, mi ŋáà wī muɔ baakuɔwɔ wè, muɔ kpuɔmɔ nɛ́ muɔ ŋɔri kɔli gè. Kulocɛliɛ wáà ní yē baa lé, nyìʔɛnɛ nɛ́ dàala nī lè, ŋàa wi bé ní gbɛ̀ muɔ baara nɛ́ muɔ kakpoliyo kpíʔile yè ?

Fànʔa Kajuʔulo 34:5

Misa wè, Yewe baakuɔwɔ wè, a wi 'kùu kire tiʔɛ nī gè, Mowabi kùlo nī lè, nɛ̀ yɛli nɛ́ Yewe siɛnrɛ ní dè.

Timote 1 1:12

Mi nɛ weli Kàfɔli Zezi Kirisi síɛri wè, nɛ́ ki cɛ́n wi nyɛ́nì tɛ́ngɛ mi nɛ̄ a wi 'mi tɛ́ngɛ wi baara nɛ̄ dè, nɛ́ ŋɔri kɛn m'mɛ́ mi de wi baara kúu dè.

Eburulo 1:1

Faʔa faʔa gè, lɛ̀gɛlɛ sáa nī Kulocɛliɛ wi 'puu nɛ tòrí wi siɛnjuuliɛlɛ mɛ́ bèle nɛ nyu nɛ taʔala kɛnmɛ sáamɛ nɛ̄ weli tobilo mɛ́ bèle.

Eburulo 3:2

Wi 'puu siɛn ŋáà wi 'yɛli nɛ́ tɛ́ngɛlɛ ní Kulocɛliɛ yiʔɛ mɛ́ gè, wire ŋáà wi 'wi tɛ́ngɛ Kulocɛliɛ baara nɛ̄ dè, bɛ̀ Misa tíɛlɛ Kulocɛliɛ saʔa ki mìɛni nī gè.

Eburulo 3:4

Nɛ́ ki cɛ́n saʔa ó saʔa muɔ nɛ nyaʔa gè, siɛn wi 'ki faan, nɛ̀ ki yaʔa ŋàa wi 'yɛrɛ ti mìɛni faan dè, Kulocɛliɛ wī.

Eburulo 8:5

Tiʔɛ gáà nī piyē nɛ pe baara kúu dè, kire yē fìɛ nɛ saawalidɛngɛgɛ kɛnmɛ tìí bè gàa gī baa nyìʔɛnɛ nī lè. Lɛ̀lɛ líì nī Misa yé je Kòridiʔɛ kpíʔile gè, a Kulocɛliɛ 'ki juu nɛ̀ yaʔa wi mɛ́ nɛ́ jo: Ma mìɛ cò ma baara dáà kúɔ dè ma yɛli nɛ́ fìɛlɛ bálì ní bèle mi 'tìɛ muɔ nɛ̄ náʔa nyagurugo naamɛ gè.

Eburulo 9:24

Nɛ́ ki cɛ́n Kirisi wiì jíinʔ saawalidɛngɛgɛ nī gè gàa siɛnnɛ kiyɛ kpíʔile gèʔ ! Kire yé buu fìɛ yákuɔ wī nɛ kányiʔɛ saawalidɛngɛgɛ tìí gè, gàa nī Kirisi 'jíin wè, baa nyìʔɛnɛ nī lè, kire ga buu wi- wìi tìɛ Kulocɛliɛ yiʔɛ mɛ́ gè bè weli kapiʔile kàsulugo kpíʔile gè.

Tìɛlɛ 15:3

Pe 'puu nɛ Kulocɛliɛ baakuɔwɔ Misa wi ŋúnugo ŋú gè nɛ́ Sìnbapile ni ŋúnugo ní gè, níɛ wáa: «Kàfɔli Kulocɛliɛ, muɔ wī Fànʔa ki mìɛni Kàfɔli wè, muɔ kakpiʔiligele kiyē kakpoliyo, siɛnnɛ nɛ cúru ke nɛ̄. Muɔ koliyo yiī sìɛnyɛ nɛ́ ní kányiʔɛ, muɔ wī kùlogolo ke Kùlofɔli wè.