Eburulo 3:3 - Sénoufo Nyarafolo

³ Ŋàa wi 'saʔa faan gè, wi nɛ̂ kpuʔɔrɔ taa nɛ̀ tóri saʔa kire tíimɛ nɛ̄; bɛ̀ míɛni ki yē Zezi wi yé kpuʔɔrɔ taa nɛ̀ tóri Misa nɛ̄ wè.

Eburulo 3:3 Iomraidhean Croise

Matiye 16:18

Kire nɛ̄ m'bé ki juu muɔ mɛ́, pe muɔ ye Piɛri (kire kɔri wi 'jo: ‹sìndɛnigɛ›), kire sìndɛnigɛ gáà kire nɛ̄ m'bé mi tɛ́ngɛfɔlilɔ gboli tɛ́ngɛ lè. Kùu wiǐ ga tíi bága fànʔa taa ki gboli nɛ̄ lè púloʔ.

Korɛntiyé 1 3:9

Ki 'nyaa weli nɛ pínɛ nɛ baara nɛ́ Kulocɛliɛ ní wè wī. Yeli bīɛlɛ Kulocɛliɛ siʔi gè, nɛ́ yɛgɛ gáà wiī nɛ faanri gè.

Korɛntiyé 2 3:7

A ki sí yē baara díì bìli pe 'kúɔ dè, ki siɛnrɛ ti 'puu a pe 'ti gbógo nɛ̀ sɛbɛ kàdɛniyɛ nɛ̄ wè, ti sí cé puu nɛ́ kùu ní; nɛ̀ sí ki taa nàjɛnrɛ táà 'puu ti nɛ̄, fúɔ a kire 'ki kɛn Isirayɛli siɛnnɛ piyè cé gbɛ́nɛ̀ jáa nɛ̀ Misa wéli wè yiʔɛ nī gèʔ, ki nàjɛnrɛ ti nyíʔɛnimɛ pire kɛnmɛ nɛ̄ bè, bɛ̀ wi yiʔɛ ki 'puu nɛ nyíʔɛnɛ gè, nɛ̀ sí ki taa tire ti mìɛni ti kɛ́nì tóri.

Kolɔsiyé 1:18

Wire wī cetinnɛ ni nyùgo gè, cetinnɛ náà nī tɛ́ngɛfɔlilɔ gboli lè. Wire wī sìi sélimɛ bè, wire wī pìpeliwe ŋáà wi 'nyɛ́ nɛ̀ yiri péliwe wè kúbilo nī bèle, gìi ki bé tí yɛrɛ ti mìɛni nī dè, wi- puu péliwe wè.

Eburulo 2:9

Gìi gī baa gè, weli nɛ ki nyaʔa Kulocɛliɛ wi 'Zezi cɛ́rigɛ wè cɛ̀ nyìʔɛnɛ tundunminɔ nɛ̄ bèle bè lɛ̀lɛ láà kúɔ, kire ga buu wi ga kùu siɛnnɛ pe mìɛni wuʔu nɛ̄ gè Kulocɛliɛ kpuʔɔrɔ kɛnmɛ nɛ̄ bè. Bɛ̀ wi 'wuʔɔ nɛ́ kùu wè, a wi kùlofɔlilɔ ndɔ̀ngɔ taa, gàa ki wi kpuɔmɔ nɛ́ wi kpuʔɔrɔ tìí dè.

Eburulo 3:4

Nɛ́ ki cɛ́n saʔa ó saʔa muɔ nɛ nyaʔa gè, siɛn wi 'ki faan, nɛ̀ ki yaʔa ŋàa wi 'yɛrɛ ti mìɛni faan dè, Kulocɛliɛ wī.

Eburulo 3:6

Nɛ̀ sí ki yaʔa Kirisi wè, Kulocɛliɛ Siɛnnyiɛnɛgɔnwɔ wè, wi 'puu Jaafɔli, nɛ́ ní tɛ́ngɛmɛ siɛn, ŋàa wī tɛ́niwɛ Kulocɛliɛ saʔa nyùgo nɛ̄ gè. Weli yē wi saʔa wuulo, a weli 'weli tɛ́ngɛlɛ sɔ́migɔ lè nɛ̀ cò kpuʔɔ lè, níɛ wìye nyíɛnɛ nɛ́ weli sɔ̀ngirɔ taʔadiʔɛ wuʔu ní gè.