Eburulo 3:2 - Sénoufo Nyarafolo

² Wi 'puu siɛn ŋáà wi 'yɛli nɛ́ tɛ́ngɛlɛ ní Kulocɛliɛ yiʔɛ mɛ́ gè, wire ŋáà wi 'wi tɛ́ngɛ Kulocɛliɛ baara nɛ̄ dè, bɛ̀ Misa tíɛlɛ Kulocɛliɛ saʔa ki mìɛni nī gè.

Eburulo 3:2 Iomraidhean Croise

Yirile 40:16

A Misa 'ki kpíʔile dàa ti mìɛni Yewe yé juu nɛ̀ gbɛ̀ngɛ wi mɛ́ dè. Bɛ̀ ki 'puu a wi 'ti mìɛni kpíʔile.

Tɔ́rilɔ 12:7

Nɛ̀ ki yaʔa bà bɛ̀ʔ ki yē mi baakuɔwɔ Misa wuʔu nɛ̄ gè díɛʔ. Wire wè, mi 'tɛ́ngɛ wire nɛ̄ mi saʔa ki mìɛni nī.

Zezi Kirisi Kataanna Siɛnrɛ dè Zan juumɔ nɛ̄ bè 15:10

A yeli nɛ mi kajuudiʔɛlɛ ke koliyo tári yè, yeli bé kò mi dɛ́nigɛ nī gè, majo bɛ̀ mi 'mi Tuu wi kajuudiʔɛlɛ koliyo tánʔa yè, nɛ́ kò wi dɛ́nigɛ nī gè.»

Zezi Kirisi Kataanna Siɛnrɛ dè Zan juumɔ nɛ̄ bè 17:4

«Mi nyɛ́nì kpuʔɔrɔ taʔa muɔ nɛ̄ náʔa dàala nɛ̄ lè nɛ̀ baara kúɔ dè nɛ̀ láʔa dàa muɔ 'kɛn mi mɛ́ dè.

Zezi Kirisi Kataanna Siɛnrɛ dè Zan juumɔ nɛ̄ bè 7:18

Siɛn ó siɛn wi nyɛ́ni wìi tíimɛ wori nyu dè, ki siɛn wè, míɛcaawa wī. Siɛn ŋíì sí wi nyɛ́ni ki caa wire tunvɔli wi- míʔɛ taa wè, kire siɛn wè, kányiʔɛ yē wi mɛ́, nɛ̀ pínɛ kolimɔ wè kire siɛn nī wèʔ.

Zezi Kirisi Kataanna Siɛnrɛ dè Zan juumɔ nɛ̄ bè 8:29

ŋàa wi 'mi tun wè, wiī nɛ́ mi ní nɛ̀ pínɛ. Wiì mi yaʔa mi nigbeʔ. Nɛ̀ taʔa gíi nɛ̄, gìi ki 'wi dɛ́ni gè, kire mi nɛ kpínʔini súuri.»

Efɛziyé 2:22

Yeli míɛni bèle, wire nī yeli yē faanna nɛ̀ fàri wi nɛ̄, nɛ̀ kò kòridiʔɛ Kulocɛliɛ mɛ́ wè wi Pìle lire fànʔa nɛ̄ gè.

Fànʔa Kajuʔulo 4:5

«Ye- ki wéli, mi nyɛ́nì yeli tɛnmɛ fànʔa kele nɛ̄ gèle nɛ́ kàyuʔujuuro ní dè, majo bɛ̀ Yewe mi Kulocɛliɛ wi yé ki juu nɛ̀ gbɛ̀ngɛ m'mɛ́ wè, kire ga buu yeli de ti kpínʔini kùlo nī lè nàa nī yeli bé jíin bè ni líɛ ni- kò yeli woli lè.

Timote 1 1:12

Mi nɛ weli Kàfɔli Zezi Kirisi síɛri wè, nɛ́ ki cɛ́n wi nyɛ́nì tɛ́ngɛ mi nɛ̄ a wi 'mi tɛ́ngɛ wi baara nɛ̄ dè, nɛ́ ŋɔri kɛn m'mɛ́ mi de wi baara kúu dè.

Timote 1 3:15

A ki sí kɛ́nì nyaa mi nɛ mɔgi bè pɛn wè, muɔ bé ki cɛ́n kɛnmɛ bíì nɛ̄ muɔ 'yɛli bè tánʔa wè Kulocɛliɛ saʔa wuulo sunʔɔmɔ nī bè, bàli bīɛlɛ Kulocɛliɛ wewiiwe tɛ́ngɛfɔlilɔ gboli lè, nàa nī kányiʔɛ ki gèdinnɛ lè nɛ́ gàa ki kányiʔɛ cògí gè nɛ yérige gè.

Eburulo 2:17

Kire kɛnmɛ nɛ̄ wi yé yɛli bè yiʔɛ bè kò wi siinyɛninɛ tíɛlɛ bèle, lewiile bèle, kɛnmɛ pi mìɛni nɛ̄, kire ga buu wi- puu kacuɔnrilɔ kàfɔli ŋáà wī nyinidaaguugo ní gè nɛ́ ní tɛ́ngɛmɛ siɛn Kulocɛliɛ baara nī dè, bè kàsulugosuɔ baara kúɔ dè siɛnnɛ mɛ́ bèle, pe kapiʔile wori nɛ̄ dè.