Eburulo 3:19 - Sénoufo Nyarafolo

¹⁹ Weli nɛ ki nyaʔa piyè gbɛ̀ nɛ̀ jíin Kulocɛliɛ ŋɔ́daala tiʔɛ nī gèʔ pe sìndɛngɛmɛ pire kɛnmɛ nɛ̄ bèʔ.

Eburulo 3:19 Iomraidhean Croise

Ŋúnuyɔ 106:24

A pe 'cíi, pìye jíinʔ kùtaanna nī lèʔ, piyè tɛ́ngɛ Yewe siɛnrɛ nɛ̄ dèʔ.

Mariki 16:16

A siɛn ŋíì 'tɛ́ngɛ nɛ́ wi batɛmi kpíʔile wè, ki siɛn wi bé suɔ, a ŋìi sì sí tɛ́ngɛʔ, kàyuʔu báa tuu kire siɛn nɛ̄ wè Kulocɛliɛ tiʔɛ nī.

Zezi Kirisi Kataanna Siɛnrɛ dè Zan juumɔ nɛ̄ bè 3:18

A siɛn ŋíì 'tɛ́ngɛ wi nɛ̄ wè, Kulocɛliɛ wi nɛ̌ kàyuʔu juu wi nɛ̄ʔ. Nɛ̀ sí ki taa siɛn ŋíì wiì tɛ́ngɛʔ wi nɛ̄ wè, kàyuʔu ki 'tuu kire siɛn nɛ̄ wè nɛ̀ kúɔ wī, bɛ̀ ki 'nyaa wiì tɛ́ngɛ Kulocɛliɛ Jaa nigbiiwe wi míʔɛ nɛ̄ gèʔ.

Zezi Kirisi Kataanna Siɛnrɛ dè Zan juumɔ nɛ̄ bè 3:36

A siɛn ŋíì 'tɛ́ngɛ Jaafɔli nɛ̄ wè, wi 'bànguɔ sìi taa wè. A ŋìi sí cíi Jaafɔli nɛ̄ wè, kire siɛn wiǐ ga bànguɔ sìi taa wèʔ; Kulocɛliɛ funbiɛnrɛ tiī kire siɛn kúrugu wè.

Wurɔmiyé 11:23

Nɛ̀ pínɛ peli míɛni bèle, a pe láa piyè kò baa pe sìndɛngɛlɛ nī lèʔ, a pe 'tɛ́ngɛ wè, ki fànʔa yē Kulocɛliɛ mɛ́ wè wi- koli bè pe puɔ bè tárigɛ cígini.

Fànʔa Kajuʔulo 1:32

«Kire nɛ́ ki mìɛni dàa mi 'juu dè, yeli sì tɛ́ngɛ Yewe yeli Kulocɛliɛ nɛ̄ wèʔ,

Tesalonikiyé 2 2:12

Kire tiʔɛ gáà nī gè, bìli piyè fɔ̀li nɛ̀ tɛ́ngɛ kányiʔɛ nɛ̄ gèʔ, á kapiʔi kpíʔilige ki 'pe dɛ́ni wè, kàyuʔu bé juu kire siɛnnɛ nɛ̄ bèle.

Eburulo 3:12

Siinyɛninɛ, yeri yìye ciʔige díɛʔ, kire ga buu yeli nī bèle wàa fungo fǎga piiʔ wi- kò sìndɛngɛwɛ bè láʔa Kulocɛliɛ wewiiwe nɛ̄ wèʔ.

Zan 1 5:10

Ŋàa wi 'tɛ́ngɛ Kulocɛliɛ Jaa nɛ̄ wè, siɛnrɛ dáà Kulocɛliɛ 'juu nɛ̀ láʔa dè, ti nɛ̂ kò wi nī. Nɛ̀ ki yaʔa, ŋàa wiì tɛ́ngɛ Kulocɛliɛ siɛnrɛ nɛ̄ dèʔ, wire nɛ̂ ki nyaa majo Kulocɛliɛ wi 'finɛ wī, nɛ́ ki cɛ́n dàa Kulocɛliɛ 'juu nɛ̀ láʔa wi Jaa wuʔu nɛ̄ gè, wiì tɛ́ngɛ ti nɛ̄ʔ.

Zudi 1:5

Yeli 'ti sɔ́migɔ nɛ̀ cɛ́n nɛ̀ kúɔ dàa mi je juu dè. Nɛ̀ ki yaʔa m'bé ní yeli sɔ̀ngirɔ tìrige dè ti nɛ̄. Bà Kàfɔli wi 'wi siɛnnɛ suɔ bèle nɛ̀ yige Ezipiti kùlo nī lè, kire kàduʔumɛ bàli piyè tɛ́ngɛ Kulocɛliɛ nɛ̄ wèʔ, a wi 'pe cúʔɔ.