Eburulo 3:18 - Sénoufo Nyarafolo

¹⁸ A Kulocɛliɛ sí kàli nɛ́ jo: Siɛnnɛ bálì piyě jíin mi ŋɔ́daala tiʔɛ nī gè púloʔ, báli wuʔu sí wi 'puu nɛ nyu ? Peli bɛ̀ʔ lé bàli pe yé cíi, piyě lúʔu bèleʔ  ?

Eburulo 3:18 Iomraidhean Croise

Ŋúnuyɔ 78:22

Nɛ́ ki cɛ́n piyè cé pe sɔ̀ngirɔ taʔa dè Kulocɛliɛ nɛ̄ wèʔ, pe míɛni sì cé tɛ́ngɛ nɛ́ wi suɔlɔ wuʔu nɛ̄ gèʔ.

Tɔ́rilɔ 14:11

A Yewe 'ki juu Misa mɛ́ nɛ́ jo: «Fúɔ lɛ̀lɛ jori nī siɛnnɛ bálì pe bé cíi mi nɛ̄ wè ? Fúɔ lɛ̀lɛ jori nī pe bé cíi bè tɛ́ngɛ mi nɛ̄ wè, nɛ̀ sí ki taa mi fìɛlɛ bálì kpíʔile bèle pe sunʔɔmɔ nī bè ?

Tɔ́rilɔ 14:23

peli pe mìɛni bèle, wàa nigbe sǐ ga tíi jíin baa kùlo náà nī lèʔ, lire náà nɛ̄ mi 'kàli nɛ́ nyuɔ kún nɛ̀ kɛn pe tobilo mɛ́ bèle; bàli pe mìɛni bīɛlɛ pe 'cíi mi nɛ̄ wè, piyě ga tíi ni nyaaʔ.

Tɔ́rilɔ 14:30

Mi nyɛ́nì kɔli yɛ̀gɛ gè nɛ̀ kàli nɛ́ jo yeli sǐ ga tíi bé jíin kùlo náà nī lèʔ, nàa nyuɔ mi yé kún nɛ̀ kɛn yeli mɛ́ lè. Bàli yákuɔ pe bé jíin kùlo náà nī lè, peli bīɛlɛ: Yefunɛ jaa wè, Kalɛbi wè, nɛ́ Nuni jaa wè, Yesuwe wè.

Tɔ́rilɔ 14:37

peli bèle, a Yewe 'pe kpúɔn nɛ́ wuʔɔgbuʔɔ ní, a peli pe mìɛni 'kùu, bàli pe yé pɛ́nì kùlo kɛnmɛ juu bè nɛ̀ tìɛ bèle.

Tɔ́rilɔ 20:12

A Yewe sí ki juu Misa nɛ́ Arawɔn mɛ́ nɛ́ jo: «ʔmʔm díɛʔ ! Yeli sì tɛ́ngɛ mi siɛnrɛ nɛ̄ dèʔ ! Yeli míɛni sì ki tìɛ Isirayɛli siɛnnɛ nɛ̄ bèle dí mi yē tiɛlɛ fùn ! Kire kɛnmɛ nɛ̄ yeli bɛ̀ʔ ye bé siɛnniʔɛmɛ báà nyɔ́gɔ bè kùlo nī lèʔ, nàa nyuɔ mi 'kún nɛ̀ kɛn pe mɛ́ lè.»

Zezi Kirisi Kataanna Siɛnrɛ dè Zan juumɔ nɛ̄ bè 3:36

A siɛn ŋíì 'tɛ́ngɛ Jaafɔli nɛ̄ wè, wi 'bànguɔ sìi taa wè. A ŋìi sí cíi Jaafɔli nɛ̄ wè, kire siɛn wiǐ ga bànguɔ sìi taa wèʔ; Kulocɛliɛ funbiɛnrɛ tiī kire siɛn kúrugu wè.

Wurɔmiyé 11:30

Ki 'nyaa faʔa gè, yeli bèle kùlogolo kálì siɛnnɛ bèle, yeli cé cíi yeli sì lúʔu Kulocɛliɛ nɛ̄ wèʔ; nɛ̀ sí ki taa píra ŋáà nī wè Kulocɛliɛ wi 'nyinimɛ taa yeli nɛ̄ pe sìnluʔumɔ láara bè.

Fànʔa Kajuʔulo 9:23

Nɛ́ baa Kadɛsi Barinɛya tiʔɛ nī gè, a Yewe 'yeli tun nɛ́ jo: ‹Ye- kɛ́ ye sa kùlo líɛ lè nàa mi 'kɛn yeli mɛ́ lè.› Nɛ̀ ki yaʔa a yeli 'cíi Yewe yeli Kulocɛliɛ siɛnjuuro nɛ̄ dè, dàa wi 'juu nɛ̀ gbɛ̀ngɛ dè. Yeli sì tɛ́ngɛ Yewe nɛ̄ wè nɛ̀ lúʔu wi mɛ́ʔ.

Eburulo 3:11

Kire nɛ̄, mi fundanʔanigɛ nī gè, a mi 'kàli nɛ́ jo: «Siɛnnɛ bálì piyě jíin púloʔ mi ŋɔ́daala tiʔɛ nī gèʔ .»

Eburulo 4:11

Kire nɛ̄, we- gbɛ̀nmɛ le we jíin ŋɔ́daala náà nī lè, kire ga buu wàa fǎga tuuʔ bè puu Isirayɛliyé tíɛlɛ bèle sìnluʔulo bèleʔ.

Eburulo 4:2

Kire Kataanna Siɛnrɛ dáà dè, ti 'juu weli mɛ́ majo bɛ̀ ti yé juu bìli mɛ́ bèle waama kùlo nī lè. A pe sí cíi, pìye tɛ́ngɛ ki siɛnrɛ nɛ̄ dèʔ, kire nɛ̄ piyè tɔ̀ni taa ti nīʔ. Nɛ́ ki cɛ́n piyè wúɔ nɛ́ bàli ní pe 'ti lúʔu nɛ́ tɛ́ngɛ ki siɛnrɛ nɛ̄ dèʔ.

Eburulo 4:6

Bàli sí pe yé puu siɛnpelile nɛ̀ ŋɔ́daala Kataanna Siɛnrɛ dáà lúʔu dè, piyè jíin ŋɔ́daala nī lèʔ pe sìnluʔumɔ pire kɛnmɛ nɛ̄ bè. Kire nɛ̄ Kulocɛliɛ ŋɔ́daala niī bile súuri kire ga buu pàli gbɛ̀ jíin.