Eburulo 3:16 - Sénoufo Nyarafolo

¹⁶ Kire 'jo, báli sí bīɛlɛ bàli pe cé wi nyasiɛnrɛ lúʔu dè nɛ̀ ki yaʔa pe 'cíi Kulocɛliɛ nɛ̄ wè ? Peli bɛ̀ʔ lé bàli Misa yé pe yiʔɛ kíni gè kire ga buu pe- yiri Ezipiti kùlo nī lè lé ?

Eburulo 3:16 Iomraidhean Croise

Ŋúnuyɔ 78:17

Kire nɛ́ ki mìɛni a pe 'kɛ́ yiʔɛmɛ nɛ kapiʔile kpínʔini gèle wi nɛ̄, baa luʔɔfun kùlo nī lè, a pe 'cíi wi nɛ̄, Kulocɛliɛ ŋáà wī Duniya wi Mìɛni Nyùgo nɛ̄ gè.

Ŋúnuyɔ 78:40

Ki 'tɔliyɔ nyuɔ kúɔ a pe 'cíi wi nɛ̄ waama kùlo nī lè, ki 'tɔliyɔ nyuɔ kúɔ pe 'funbiɛnrɛ wáa wi nɛ̄ tiɛwaʔa nī gè  !

Tɔ́rilɔ 14:11

A Yewe 'ki juu Misa mɛ́ nɛ́ jo: «Fúɔ lɛ̀lɛ jori nī siɛnnɛ bálì pe bé cíi mi nɛ̄ wè ? Fúɔ lɛ̀lɛ jori nī pe bé cíi bè tɛ́ngɛ mi nɛ̄ wè, nɛ̀ sí ki taa mi fìɛlɛ bálì kpíʔile bèle pe sunʔɔmɔ nī bè ?

Tɔ́rilɔ 14:2

A Isirayɛli tògo siɛnnɛ pe mìɛni Misa nɛ́ Arawɔn sànʔa wè, nɛ́ jo: «A weli yé cɛ́nì kùu baa Ezipiti kùlo nī lè, kire ga laa waama kùlo nī lè o !

Tɔ́rilɔ 14:24

«Nɛ̀ yiri Kalɛbi nigbe nī, mi baakuɔwɔ wè, wire ŋáà wi 'sɔ̀ngijɛnrɛ taa dè, nɛ́ taʔa mi nɛ̄ nɛ́ sínnɛ ní lè, wire wè, m'bé wi nyɔ́gɔ kùlo nī lè nàa wi yé saanri nɛ̀ wéli lè. Wi pìile pe bé kùlo taa lè kɔrigɔ.

Tɔ́rilɔ 14:30

Mi nyɛ́nì kɔli yɛ̀gɛ gè nɛ̀ kàli nɛ́ jo yeli sǐ ga tíi bé jíin kùlo náà nī lèʔ, nàa nyuɔ mi yé kún nɛ̀ kɛn yeli mɛ́ lè. Bàli yákuɔ pe bé jíin kùlo náà nī lè, peli bīɛlɛ: Yefunɛ jaa wè, Kalɛbi wè, nɛ́ Nuni jaa wè, Yesuwe wè.

Tɔ́rilɔ 14:38

Nuni jaa wè, Yesuwe wè, nɛ́ Yefunɛ jaa wè, Kalɛbi wè, peli yákuɔ pe yé kò sìi nɛ̄ siɛnnɛ bálì pe mìɛni nī bèle, bàli pe yé kɛ́ nɛ̀ sɛ́nì kùlo saanri lè nɛ̀ wéli lè.

Tɔ́rilɔ 14:4

A pe 'fali nɛ ki nyu nɛ mári pìye mɛ́ nɛ́ jo: «Ye- tí we- yiɛginiwɛ wáà nyíɛnɛ we kɔ̀n, we sí koli weri waa Ezipiti kùlo mɛ́ lè !»

Tɔ́rilɔ 26:65

Nɛ́ ki cɛ́n, peli kɛnmɛ nɛ̄ Yewe yé ki juu nɛ́ jo: «Pe mìɛni bé kùu náʔa waama kùlo nī lè.» Pe wàa nigbe sì yé kò pe nīʔ fúɔ Kalɛbi, Yefunɛ jaa wè, nɛ́ Yesuwe, Nuni jaa wè.

Fànʔa Kajuʔulo 1:38

Nuni jaa wè, Yesuwe wè, muɔ baakuɔwɔ wè, wire wi bé jíin. -Lèbaanna nyɔ́gɔ wi nī; wire wi bé Isirayɛli siɛnnɛ nyɔ́gɔ bèle kùlo nī lè ni- puu pe woli.

Zudi 1:5

Yeli 'ti sɔ́migɔ nɛ̀ cɛ́n nɛ̀ kúɔ dàa mi je juu dè. Nɛ̀ ki yaʔa m'bé ní yeli sɔ̀ngirɔ tìrige dè ti nɛ̄. Bà Kàfɔli wi 'wi siɛnnɛ suɔ bèle nɛ̀ yige Ezipiti kùlo nī lè, kire kàduʔumɛ bàli piyè tɛ́ngɛ Kulocɛliɛ nɛ̄ wèʔ, a wi 'pe cúʔɔ.