Eburulo 3:14 - Sénoufo Nyarafolo

¹⁴ Nɛ́ ki cɛ́n weli nyɛ́nì kò Kirisi wi kodanʔanyɛninɛ wī, a weli 'fɔ̀li nɛ̀ weli tɛ́ngɛlɛ cò lè kpuʔɔ wè nàa ni kíni nɛ̀ puu weli mɛ́ sélimɛ nɛ̄ bè, nɛ̀ pɛ́nì nɔ̀ ki kúɔmɔ nɛ̄ bè.

Eburulo 3:14 Iomraidhean Croise

Wurɔmiyé 11:17

A ki sí yē pe 'wolivi tiige ki gànleye yáà celile nɛ̀ láʔala yè, nɛ́ muɔ puɔ nɛ̀ tárigɛ baa wè, muɔ ŋáà wī nyàʔa wolivi tiige gè, a muɔ 'kò nɛ wolivi tiige ki tùnmɔ tari bè nɛ pínɛ wè,

Wurɔmiyé 11:22

Ma sí ki cɛ́n: Kulocɛliɛ fungo kiī cɛ̀ngɛ, wi sí yē tanʔaniwɛ nɛ̀ pínɛ. Bìli pe 'tánʔa nɛ̀ tuu bèle, wi fungo kiī tanʔanigɛ pe kúrugu. Nɛ̀ sí ki taa muɔ wè, wi kacɛ̀ngɛ kiī baa ki tiʔɛ nī gè muɔ kɔli mɛ́ gè, ki sí nyaa muɔ yéri nɛ̀ ki cɛ́n wi fungo kiī cɛ̀ngɛ. A kire 'laa wè, muɔ míɛni wè, wi bé muɔ ceri bè láʔa.

Korɛntiyé 1 1:30

Kulocɛliɛ wire fànʔa nɛ̄ yeli yē pínɛnɛ nɛ́ Zezi Kirisi ní wè, Zezi wire sí wi pɛ́nì kò weli sìnjilige gè, gàa ki 'kɔ́n Kulocɛliɛ mɛ́ wè, nɛ́ weli kpíʔile a weli 'kò sínminɛ, nɛ ní wàlidɛngɛlɛ Kulocɛliɛ mɛ́ wè, nɛ̀ weli suɔ nɛ̀ yige ki nī.

Korɛntiyé 1 10:17

Bà sí búru wiī nigbe wè, wiyē cetinnɛ nigbe wī, nɛ́ sí ní nìʔɛnɛ. Ki 'nyaa we mìɛni wiyē nɛ we liɛlɛ tari lè búru ŋáà nigbe nī wè.

Korɛntiyé 1 9:23

Mi nɛ kire ki mìɛni kpínʔini gè Kataanna Siɛnrɛ tire kɛnmɛ nɛ̄, gìi ki bé tí mi- mi liɛlɛ taa lè ti nī.

Efɛziyé 3:6

Ki kalarilɛ n'nɛ: Kataanna Siɛnrɛ tire fànʔa nɛ̄ gè, kùlogolo kálì siɛnnɛ piyē nɛ tɔ́ri nɛ nii baa nɛ́ Zuufulo ní bèle yacɛ̀nrɛ dáà Kulocɛliɛ wiī nɛ gbòborí nɛ yɛri wi wuulo mɛ́ bèle. Peli bálì bèle cetinnɛ nunɔ wuulo bīɛlɛ; Kataanna Siɛnrɛ ti fànʔa nɛ̄ gè peli liɛlɛ yē baa nɛ̀ pínɛ nyafɛnigɛ gáà Kulocɛliɛ wi 'kpíʔile bɛ̀ wiyē pínɛnɛ nɛ́ Zezi Kirisi ní wè.

Fànʔa Kajuʔulo 1:35

‹Siɛnnɛ bálì pe mìɛni bèle, yiribiile náà siɛnnɛ bèle, piyè ga tíi bé jíin kùlo náà nī lèʔ, nàa wuʔu mi 'kàli nɛ́ jo m'bé ni kɛn yeli tuuliɛyɛ mɛ́ yè,

Timote 1 6:2

A sùkulolo pálì yē baa, pe kàfɔlilɔ piyē tɛ́ngɛfɔlilɔ bèle, pe fǎga pe kàfɔlilɔ faʔa bèleʔ bɛ̀ ki 'nyaa pe 'kò siinyɛninɛ bèle tɛ́ngɛlɛ nī lè. Nɛ̀ ki yaʔa pe sí de baara pe mɛ́ cɛ̀ngɛ bɛ̀ pe kàfɔlilɔ piyē tɛ́ngɛfɔlilɔ, nɛ́ míɛni pe kàfɔlilɔ woli ni 'kpúʔɔ pe mɛ́ wè, peli bálì piyē nɛ tɔ̀ni taʔa pe baacɛ̀nrɛ kɛnmɛ nɛ̄ bè. Ti n'dɛ dàa nɛ̄ muɔ 'yɛli bèri pe tɛnmɛ bèle bè ti juu gbɛ̀ngɛ pe mɛ́ dè.

Eburulo 11:1

Tɛ́ngɛlɛ ni kɔri wire yē: bè tɛ́ngɛ ki nɛ̄ gìi nɛ̄ muɔ nyɛ́nì muɔ sɔ̀ngirɔ taʔa dè, muɔ bé ki taa, bè ki cɛ́n gàa muɔ wè nɛ nyaʔa gèʔ, kiī kányiʔɛ.

Eburulo 12:10

Weli tobilo pe 'puu nɛ weli gbún bè lɛ̀lɛ láà cɛ̀ri kúɔ wī, bɛ̀ pe yé ki nyaa a ki 'nyuɔ gè. Nɛ̀ ki yaʔa Kulocɛliɛ nɛ weli gbún weli nyuɔmɔ kɛnmɛ nɛ̄, kire ga buu weli- liɛlɛ taa wi tiɛlɛfun wuʔu nɛ̄ gè.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.

Eburulo 3:6

Nɛ̀ sí ki yaʔa Kirisi wè, Kulocɛliɛ Siɛnnyiɛnɛgɔnwɔ wè, wi 'puu Jaafɔli, nɛ́ ní tɛ́ngɛmɛ siɛn, ŋàa wī tɛ́niwɛ Kulocɛliɛ saʔa nyùgo nɛ̄ gè. Weli yē wi saʔa wuulo, a weli 'weli tɛ́ngɛlɛ sɔ́migɔ lè nɛ̀ cò kpuʔɔ lè, níɛ wìye nyíɛnɛ nɛ́ weli sɔ̀ngirɔ taʔadiʔɛ wuʔu ní gè.

Eburulo 6:11

A weli sí nɛ ki caa kányiʔɛ nɛ̄, siɛn ó siɛn yeli nī bèle wi- gbɛ̀nmɛ le kire baara nī dè, wiri waa yiʔɛmɛ bàa nɔ̀ ki kúɔmɔ nɛ̄ bè, kire ga buu gàa nɛ̄ yeli sɔ̀ngirɔ ti yē dè, yeli sa ki taa.

Eburulo 6:4

Bɛ̀ sí ki yē gè, bàli pe sí pɛ́nì yiri koligo nī gè, kiǐ ní gbɛ̀ kpíʔile bè pe kɔ́ri bɛn cígini, kire 'jo: bàli pe yé kíni nɛ̀ kpìɛnmɛ taa bè, nɛ́ laala nɛ̀ nyaa nyìʔɛnɛ yakɛngɛ nɛ̄ gè gàa gī suɔlɔ lè, nɛ́ míɛni Kulocɛliɛ Pìle taa lè nɛ̀ nyaa lè,

Piɛri 1 4:13

Gìi ki 'yɛli gè, yeri fundaanra kpínʔini bɛ̀ yeli nɛ liɛlɛ líi Kirisi wuʔɔgɔ nī gè; kire yē yeli bága de muguri kpuʔɔ lɛ̀lɛ líì nī Kirisi kɛ́nì wi kpuɔmɔ tìɛ bè.

Piɛri 1 5:1

Mi nɛ nyu siɛnliɛlɛ mɛ́ bèle tɛ́ngɛfɔlilɔ gboli nī lè, mi ŋáà wī liɛwɛ pe tíɛlɛ wè nɛ́ ní Kirisi wuʔɔyɔ yi nyaafɔli wè. Mi míɛni m'bága liɛlɛ taa kpuɔmɔ nī bè bàa Kulocɛliɛ bága ba tìɛ bè. Píra ŋáà nī wè, mi nɛ liɛlɛ náari bèle bàli bīɛlɛ yeli sunʔɔmɔ nī bè:

Zan 1 1:3

Gàa weli 'nyaa nɛ́ ki lúʔu gè, weli nɛ ki jáari yeli ye míɛni mɛ́, kire ga buu yeli míɛni yeli- puu pínɛnyɛnigɛ nɛ̄ nɛ́ weli ní. Gìi sí gī baa gè, weli yē pínɛnyɛnigɛ nɛ̄ nɛ́ Tuufɔli ní wè nɛ́ wi Jaa Zezi Kirisi ní wè.