Eburulo 3:13 - Sénoufo Nyarafolo

¹³ Gìi gī baa gè, yeli 'yɛli bèri lèbaanna kanʔa yìye mɛ́ cɛngɛ ó cɛngɛ, bɛ̀ ki yē ŋɔ̀ wè, pàngɛ gè, kire ga buu wàa fǎga tí kapiile ni- wi fáanniʔ wi- wi fungo gbɛ̀n gèʔ.

Eburulo 3:13 Iomraidhean Croise

Kakpiʔiligele 11:23

Bà wi sɛ́nì yiri wè, nɛ̀ Kulocɛliɛ kpuʔɔrɔ nyaa dè dàa wi 'kpíʔile dè, a ki 'fundaanra nyɔ́gɔ wi nī. A Barinabasi wi 'juu nɛ̀ lèbaanna nyɔ́gɔ pe mìɛni nī, nɛ́ pe yɛ pe- yiʔɛ le pe- Kàfɔli cò wè kpuʔɔ.

Wurɔmiyé 7:11

Ki 'nyaa fànʔa kajuulo ni 'ki kɛn a kapiile ni 'còdiʔɛ taa, nɛ̀ mi fáanni nɛ̀ mi kpúu nɛ́ fànʔa kajuulo ní lè.

Efɛziyé 4:22

Kire nɛ̄ ye- láʔa yeli kaliɛmɛ kakpiʔiligele nɛ̄ gèle, tire ti nyɛ́ni pínɛ nɛ tári céri kanɛdanʔana nɛ̀ siɛn pùunni wè.

Tesalonikiyé 1 2:11

Yeli 'ki cɛ́n weli 'puu nɛ́ yeli ye mìɛni nigbe nigbe ní bèle majo mɛni tuufɔli sî puu nɛ́ wi pìile ní bèle.

Tesalonikiyé 1 4:18

Kire nɛ̄, yeri nyu yeri nàzɔnnɔ lìrí bèle ye mìɛni nigbe nigbe bèle nɛ́ nyasiɛnrɛ dáà ní dè.

Tesalonikiyé 1 5:11

Kire kɛnmɛ nɛ̄, yeri yìye gbiʔɛlɛ ye mìɛni nigbe nigbe bèle, yeri ŋɔri nyɔ́gi yìye nī, majo bɛ̀ yeli nɛ ki kpínʔini nɛ kúu gè.

Timote 2 4:2

mari Kulocɛliɛ siɛnrɛ jáari dè nɛ́ lèbaanna ní. Mari ti nyu de gbɛ̀ngí de tìí pe nɛ̄ làjɛnnɛ nī lè nɛ́ làbiile ní lè. Mari pe kolimɔ nyu bè pe nɛ̄, mari lèbaanna nyɔ́gi pe nī. Mari ki kpínʔini nɛ́ funnyige ní muɔ tɛnmɛnɛ ni mìɛni nī lè.

Eburulo 13:22

Mi siinyɛninɛ, mi nɛ yeli fiɛn wī, ye- fɔ̀li lèbaanna siɛnrɛ dáà nɛ̄ dè, nɛ́ ki cɛ́n mi nyɛ́nì nyasiɛnkɛniyɛ nyáà cɛ̀ri sɛbɛ yè.

Zaki 1:14

Gìi ki 'cɛ́n gè, siɛn ó siɛn wi tíimɛ kanɛdaanna lire ni sî wi puu nɛ̀ wéli bè wi le kapiile nī. Siɛn wi nɛ̂ fàan nɛ wi kanɛdaanna kúu lè, ni nɛ̂ wi pùunni.