Eburulo 3:12 - Sénoufo Nyarafolo

¹² Siinyɛninɛ, yeri yìye ciʔige díɛʔ, kire ga buu yeli nī bèle wàa fungo fǎga piiʔ wi- kò sìndɛngɛwɛ bè láʔa Kulocɛliɛ wewiiwe nɛ̄ wèʔ.

Eburulo 3:12 Iomraidhean Croise

Sélimɛ 8:21

A Yewe 'ti nùdaanna suɔ lè a wi fungo ki 'nyígi, a wi 'ki kɔ̀rirɔ nɛ̀ ki yɛ̀gɛ wi fungo nī gè nɛ́ jo: «Mi sì ní ga tíi dàala cúʔɔ lè siɛn kɛnmɛ nɛ̄ʔ, nɛ́ ki cɛ́n siɛn wi funzɔngirɔ tiī sìpiire nɛ̀ líɛ wi pìimɛ lɛ̀lɛ nī lè. Mi sì ní ga tíi yawiire nɛ́ siɛnnɛ kpúu bèle kɛnmɛ báà nɛ̄ mi 'ki kpíʔile gèʔ.

Ŋúnuyɔ 18:21

Yewe nyɛ́nì mi kɛn nɛ̀ yɛli nɛ́ mi sínmɛ ní bè, wi 'tɔ̀ni kɛn m'mɛ́ nɛ̀ yɛli nɛ́ mi kɔli ki cìilimɛ ní bè.

Matiye 16:16

A Siimɔ Piɛri wi sí siɛnnugoro kɛn dè nɛ́ jo: «Muɔ wī Kulocɛliɛ Siɛnnyiɛnɛgɔnwɔ wè. Muɔ wī Kulocɛliɛ Jaa wè, Kulocɛliɛ wewiiwe wè.»

Matiye 24:4

A Zezi wi 'pe yɛ: «Yeri yìye ciʔige, siɛn fǎa ga yeli fáanni bè yeli pùunniʔ.

Mariki 13:23

Yeri yìye ciʔige; mi 'yeli sɔ̀mi nɛ̀ yaʔa nɛ̀ kúɔ.»

Mariki 13:33

Ye- sí de ciʔige, ye puu nyɛminɛ nɛ̀ taʔa gíi nɛ̄ yeli sì ki lɛ̀lɛ cɛ́n lèʔ.

Mariki 13:9

«Yeli bèle, ye- sí de ciʔige; siɛnnɛ pe bága de yeli cògí de waa nɛ́ yeli ní kàyuʔujuulo gbuʔulo nī gèle; pe sari yeli kpúɔn nɛ́ sápinyiʔɛnɛ ní tɛnmɛzaaya nī yè. Nɛ̀ pínɛ pe béri yeli yeri kùlofɔlilɔ kpáaya mɛ́ nɛ́ fànʔafɔlilɔ tiɛyɛ nī, mi míʔɛ kire kɛnmɛ nɛ̄ bè. Kire bé kpíʔile kaala, yeli bé puu mi wori ti juufɔlilɔ siɛnnɛ pe yiʔɛ mɛ́ gè.

Luku 21:8

A wi 'pe yɛ: «Yeri yìye ciʔige, ye fǎga tí siɛn- yeli fáanni bè yeli pùunniʔ. Nɛ́ ki cɛ́n siɛnniʔɛnɛ bága pɛn bè pari nyu nɛ́ mi míʔɛ ní gè bé jo peli bīɛlɛ Kulocɛliɛ Siɛnnyiɛnɛgɔnwɔ wè. Ye fǎga taʔa pe nɛ̄ʔ.

Wurɔmiyé 11:21

Á kire 'laa wè, lèye nyáà yī tiige ki lèye yè, a Kulocɛliɛ wiì yire yaʔa yèʔ, mari ciʔige wi fǎa ga ki felige kpíʔile gè muɔ nɛ̄ʔ.

Korɛntiyé 1 10:12

Kire nɛ̄, ŋìi wi ki sɔ̀ngí wire yē yériwe wè, siɛn wi de ciʔige wi fǎga tuuʔ.

Kolɔsiyé 2:8

Ye- yìye cò, yeli wáà fáala fǎga tí bé wìi yaʔa pe- wi kɔ́ri bè le kobuunnigo nīʔ nɛ́ kacɛ́nminɛ siɛnjuuro ní dèʔ; tiī nɛ siɛn fáanni, ti wè kaala nyuʔɔʔ. Kire tɛnmɛgɛlɛ gálì gèle, kiyē nɛ kɔ́ngi siɛnnɛ pe kaliʔɛlɛ nī wī, nɛ́ duniya yasunro ti fànʔa ní gè, Kirisi mɛ́ bɛ̀ʔ tire nɛ kɔ́ngiʔ.

Tesalonikiyé 1 1:9

Ki 'nyaa piyē nɛ ki nyu peli tíimɛ bèle, mɛni yeli 'weli cò bɛ̀ weli cé kɛ́ baa yeli tiʔɛ nī gè, nɛ́ bɛ̀ yeli 'láʔa yeli yasunro nɛ̄ dè nɛ́ yìye taʔa Kulocɛliɛ wewiiwe nɛ̄ wè, wire ŋáà wī Kulocɛliɛ kányiʔɛ wuu wè.

Eburulo 10:31

Kiī fíɛrɛwuʔu díɛʔ a siɛn 'tuu Kulocɛliɛ wewiiwe kiyɛ nī yè !

Eburulo 10:38

A Kulocɛliɛ wi 'ki juu nɛ́ jo : «Mi siɛnsinwɛ wi bé sìi taa wi tɛ́ngɛlɛ kɛnmɛ nɛ̄ bè. Nɛ̀ ki yaʔa a wi 'koli nɛ̀ kàduʔu wáa wè, wi kaala niǐ mi dɛ́niʔ .»

Eburulo 12:15

Yeri yìye ciʔige díɛʔ kire ga buu wàa fǎga kàduʔu wáa Kulocɛliɛ kpuʔɔrɔ mɛ́ dèʔ, wàa fǎga kò tiige nìge tíɛlɛ gàa gī sìsorigo gèʔ, gàa ki liʔi nɛ cúʔɔmɔ kpínʔini, nɛ́ sí ní suɔnrɔ ní dè dàa ti siɛnniʔɛnɛ funyɔ córi yè.

Eburulo 12:22

Gìi sí gī baa gè, yeli bèle, yeli nyɛ́nì sìʔɛrɛ nɛ̀ kpɔni Siyɔn nyagurugo nɛ̄ gè, Kulocɛliɛ wewiiwe wi kàkpuʔɔ nɛ̄ gè gàa gī Zerizalɛmi wè baa nyìʔɛnɛ nī lè. Kire tiʔɛ nī gè, nyìʔɛnɛ tundunminɔ siramuʔɔyɔ siramuʔɔyɔ yē baa gbuʔulilo fundaanra nɛ̄ dè.

Eburulo 12:25

Yeri yìye ciʔige díɛʔ ! Ye fǎga cíiʔ bè lúʔu ŋàa mɛ́ wi nyu nɛ́ yeli ní wèʔ ! Náʔa dàala nɛ̄ lè, Isirayɛliyé pe yé Kulocɛliɛ nyasiɛnrɛ lúʔu dè dàa ti 'puu nɛ nyu nɛ tìí pe nɛ̄ dè, a pe 'cíi ti nɛ̄ dè. Kire nɛ̄ piyè suɔ wuʔɔgɔ mɛ́ gèʔ. Bɛ̀ sí ki yē a weli 'cíi, weli sì lúʔuʔ ŋàa mɛ́ wi nyu nɛ weli yɛri wè nɛ̀ ki líɛ baa nyìʔɛnɛ nī lè, kányiʔɛ nɛ̄, weli sǐ gbɛ̀ suɔ wuʔɔgɔ mɛ́ gèʔ.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.

Eburulo 3:10

Kire kɛnmɛ nɛ̄ a mi fungo ki sí yɛ̀ kire kɛ̀nnɛ náà siɛnnɛ kúrugu bèle, a mi sí ki juu nɛ́ jo: «Siɛnnɛ pálì bīɛlɛ, pe funyɔ yi pùunní nɛ waa súuri; piyè mi koligo cɛ́n gèʔ.»

Eburulo 3:19

Weli nɛ ki nyaʔa piyè gbɛ̀ nɛ̀ jíin Kulocɛliɛ ŋɔ́daala tiʔɛ nī gèʔ pe sìndɛngɛmɛ pire kɛnmɛ nɛ̄ bèʔ.

Eburulo 9:14

Nɛ̀ ki yaʔa bànguɔ Kulocɛliɛ Pìle kɛnmɛ nɛ̄ bè, a Kirisi wi 'wìi tíimɛ kɛn tiɛlɛfun kakuɔrɔ Kulocɛliɛ mɛ́. Bà ki yē, Kirisi sìsiɛn ki sí yē nɛ́ ŋɔri ní bè weli funyɔ cìile yè tɔ̀nifun kapiigbiʔiligele nɛ̄ gèle, kire ga buu weli gbɛ̀ri Kulocɛliɛ wewiiwe gbùʔɔrilɔ baara kúu dè.