Eburulo 3:10 - Sénoufo Nyarafolo

¹⁰ Kire kɛnmɛ nɛ̄ a mi fungo ki sí yɛ̀ kire kɛ̀nnɛ náà siɛnnɛ kúrugu bèle, a mi sí ki juu nɛ́ jo: «Siɛnnɛ pálì bīɛlɛ, pe funyɔ yi pùunní nɛ waa súuri; piyè mi koligo cɛ́n gèʔ.»

Eburulo 3:10 Iomraidhean Croise

Sélimɛ 6:6

Á ki tɔ̀ni nɛ̀ Yewe biɛn a wi 'ki nyaa wire sì yé yɛli bè siɛn faanʔ, a ki 'wi fungo cúʔɔ gè.

Ŋúnuyɔ 147:20

Wiì yé ki kpíʔile mmɛ gè nɛ́ kùlogolo gílì ní gèleʔ, kire nɛ̄ ke siɛnnɛ piyè wi kàyuʔujuuro cɛ́n dèʔ. Ye- Yewe gbùʔɔrɔ wè  !

Ŋúnuyɔ 67:2

Kulocɛliɛ wi‑ wi kpuʔɔrɔ kɛn dè weli mɛ́ nɛ́ diba taʔa wè weli nɛ̄ ! Wi‑ weli wéli nɛ́ fundaanra yiʔɛ ní gè  ! Ye‑ ŋɔ́ cɛ̀.

Ŋúnuyɔ 78:40

Ki 'tɔliyɔ nyuɔ kúɔ a pe 'cíi wi nɛ̄ waama kùlo nī lè, ki 'tɔliyɔ nyuɔ kúɔ pe 'funbiɛnrɛ wáa wi nɛ̄ tiɛwaʔa nī gè  !

Ŋúnuyɔ 78:8

Bà ki bé kpíʔile piyě puu bɛ̀ pe tobilo tíɛlɛ bèleʔ, peli bálì pe yé puu sìnluʔumɔ nɛ́ ní cíimɛ kɛ̀nnɛ wuulo bèle, kɛ̀nnɛ láà wuulo bàli pe 'puu nɛ káala nɛ tári bèle, pe funyɔ yiì cé sɔ́migɔ nɛ̀ puɔ Kulocɛliɛ nɛ̄ wèʔ.

Ŋúnuyɔ 95:10

Fúɔ nɛ̀ taa yiʔɛlɛ togosiin a kire kɛ̀nnɛ náà siɛnnɛ pe 'kò m'mɛ́ laabiri yɛgɛ, a mi sí ki juu nɛ́ jo: «Siɛnnɛ pálì bīɛlɛ, pe funyɔ yi nyɛ́nì pùunni; pe sì mi koligo cɛ́n gèʔ.»

Matiye 20:24

Bà pìtɛnmɛnɛ kiɛ bílì sɛnminɛ pe 'tire lúʔu dè, a pe funyɔ yi 'tanʔana siinyɛninɛ bálì siin kúrugu bèle.

Mariki 3:5

A pe fungbɛnyɛ yi kɛnmɛ pi 'Zezi yáa wè fungo nī gè, a wi 'fali nɛ̀ nyapigele le gèle pe nī nɛ pe wéli nɛ tòrí, níɛ pe kɛ̀ní; nɛ́ fali nɛ̀ kɛ́nì kavɛnigɛfɔli yɛ wè: «-Kɔli sáʔa gè.» A nàguɔ wi 'ki sáʔa. A kɔli ki 'fali nɛ̀ puʔɔ sɛni.

Zezi Kirisi Kataanna Siɛnrɛ dè Zan juumɔ nɛ̄ bè 8:45

Mi wè, bɛ̀ sí mi nɛ kányiʔɛ nyu gè, kire nɛ̄ yeli sì tɛ́ngɛ mi nɛ̄ʔ.

Wurɔmiyé 1:28

Bɛ̀ sí piyè tɔ́ri nɛ́ Kulocɛliɛ ní wèʔ, a Kulocɛliɛ wi 'pe wáa nɛ̀ yaʔa pe síciramɛ sɔ̀ngirɔ kiyɛ nī yè, kele gálì kiyè yɛli keri kpínʔini gèleʔ, pe keli kúu.

Wurɔmiyé 3:7

A ki sí yē mi káfinɛrɛ ti 'Kulocɛliɛ kányiʔɛ kɛn gè a ki 'sɔ́migɔ nɛ̀ yiri nɛ̀ wi kpuɔmɔ tìɛ bè wè, mɛni nɛ̀ síɛ Kulocɛliɛ wi bé ní kàyuʔu cáan mi nɛ̄ bɛ̀ kapiigbiʔiliwe tíɛlɛ ?

Efɛziyé 4:30

Nɛ̀ pínɛ, ye fǎga de laamɛ pinʔɛ Kulocɛliɛ Tiɛlɛfun Pìle nī lèʔ; lire nī Kulocɛliɛ fìɛ wè, fìɛ ŋáà wi 'tɛ́ngɛ yeli nɛ̄ bèle níɛ yeli suɔjɛngɛ siri gè.

Eburulo 3:12

Siinyɛninɛ, yeri yìye ciʔige díɛʔ, kire ga buu yeli nī bèle wàa fungo fǎga piiʔ wi- kò sìndɛngɛwɛ bè láʔa Kulocɛliɛ wewiiwe nɛ̄ wèʔ.