Eburulo 2:9 - Sénoufo Nyarafolo

⁹ Gìi gī baa gè, weli nɛ ki nyaʔa Kulocɛliɛ wi 'Zezi cɛ́rigɛ wè cɛ̀ nyìʔɛnɛ tundunminɔ nɛ̄ bèle bè lɛ̀lɛ láà kúɔ, kire ga buu wi ga kùu siɛnnɛ pe mìɛni wuʔu nɛ̄ gè Kulocɛliɛ kpuʔɔrɔ kɛnmɛ nɛ̄ bè. Bɛ̀ wi 'wuʔɔ nɛ́ kùu wè, a wi kùlofɔlilɔ ndɔ̀ngɔ taa, gàa ki wi kpuɔmɔ nɛ́ wi kpuʔɔrɔ tìí dè.

Eburulo 2:9 Iomraidhean Croise

Sélimɛ 3:15

M'bé leguuro nyɔ́gɔ muɔ nɛ́ cɛliwɛ sunʔɔmɔ ní bè, nɛ́ muɔ siimɛ nɛ́ cɛliwɛ wi siimɛ nī bè. Cɛliwɛ wi siimɛ pi bé ba muɔ nyùgo muʔɔrɔ gè; muɔ wè, muɔ bé ba wi nɔ̀ yedagbiɛnnɛ nɛ̄ lè.»

Matiye 16:28

«M'bé ki juu yeli mɛ́ kányiʔɛ nɛ̄, pàli yē bile yérile náʔa gè, piyě ga kùuʔ, fúɔ bè taa pe ga Siɛn Pùɔ nyaa wè wiri báan wi Kùlofɔligɔ nī gè.»

Matiye 6:28

«A gáa sí nɛ̄ yeli bururo lege ki sɔ̀ngirɔ ti 'kpúʔɔ yeli nɛ̄ ? Ye- nyàʔa fiɛnrɛ ti yɛ̀rigɛnmɛ wéli bè nyàʔa nī gè. Nɛ̀ sí ki taa ti wè baara kúuʔ, ti wè kɔ̀rirɔ càannáʔ.

Mariki 9:1

A wi 'fali nɛ̀ ní nɛ̀ pe yɛ: «M'bé ki juu yeli mɛ́ kányiʔɛ nɛ̄, pàli yē bile we sunʔɔmɔ nī, piyě ga kùuʔ, bé nɛ́ Kulocɛliɛ Kùlofɔligɔ nyaa gè ki- pɛn nɛ́ fànʔa ní.»

Luku 9:27

M'bé ki juu yeli mɛ́ kányiʔɛ nɛ̄, pàli yē bile náʔa gè, pe bága de tíin sìnguu nī bé sí Kulocɛliɛ Kùlofɔligɔ nyaa gè.»

Zezi Kirisi Kataanna Siɛnrɛ dè Zan juumɔ nɛ̄ bè 1:29

Ki kpìɛnduu gè, a Zan wi 'Zezi wéli wè nɛ̀ nyaa wi báan baa wi kúrugu. A wi 'jo: «Kulocɛliɛ Sìnbapile n'nɛ, lire ni bé duniya kapiile láʔa lè !

Zezi Kirisi Kataanna Siɛnrɛ dè Zan juumɔ nɛ̄ bè 10:17

«Mi nyɛ́nì mi Tuu dɛ́ni wè, nɛ̀ taʔa gíi nɛ̄, mi 'mi sìi kɛn wè, bé sí ní koli bè wi líɛ.

Zezi Kirisi Kataanna Siɛnrɛ dè Zan juumɔ nɛ̄ bè 12:32

Gìi sí ki 'mi kúɔ wè, a mi kɛ́nì yɛ̀ dàala nɛ̄ lè nɛ̀ kɛ́ naamɛ gè, m'bé siɛnnɛ pe mìɛni píle bè pɛn nìɛ mɛ́.»

Zezi Kirisi Kataanna Siɛnrɛ dè Zan juumɔ nɛ̄ bè 3:16

«Ki 'nyaa duniya siɛnnɛ pe woli ni 'kpúʔɔ Kulocɛliɛ mɛ́ wè, fúɔ a Kulocɛliɛ wi 'wi Jaa nigbiiwe kɛn wè, gìi ki bé tí a siɛn ó siɛn 'tɛ́ngɛ wi nɛ̄ wè, siɛn wi woli ni fǎga cúʔɔʔ, siɛn wi- bànguɔ sìi taa wè.

Zezi Kirisi Kataanna Siɛnrɛ dè Zan juumɔ nɛ̄ bè 8:51

M'bé ki juu yeli mɛ́ kányiʔɛ nɛ̄, a siɛn ŋíì 'mi siɛnrɛ cò dè cɛ̀ngɛ wè, siɛn wiǐ ga kùu bè nyaaʔ.»

Zezi Kirisi Kataanna Siɛnrɛ dè Zan juumɔ nɛ̄ bè 8:52

A Zuufulo pe sí wi yɛ: «Weli nɛ́ péli nɛ̀ tɛ́ngɛ ki nɛ̄ nɛ̀ láʔa gbòdoli wī muɔ nī. Birayima wiì kùuʔ lé, a Kulocɛliɛ siɛnjuulo míɛni pe 'kùu í ? Muɔ wè, muɔ sí jo ŋɔ̀ wè dí siɛn ŋíì wi 'muɔ siɛnrɛ cò dè cɛ̀ngɛ wè, dí siɛn wiǐ ga tíi kùu bè nyaaʔ.

Kakpiʔiligele 2:33

Bà sí Kulocɛliɛ wi 'kpuʔɔrɔ taʔa wi nɛ̄ nɛ́ wi tɛ́ngɛ wi kàliige mɛ́ gè, a Tuufɔli wi ń'nɛ̀ wi Pìle kɛn lè wi mɛ́, bɛ̀ wi cé nyuɔ fɛ̀ni ni wori nɛ̄ dè. Kire Pìle lire sí wi 'tìrige nàa lè, kire yeli nɛ nyaʔa níɛ ki lúru nɛ pínɛ gàa gè.

Kakpiʔiligele 3:13

Birayima Kulocɛliɛ wè, nɛ́ ní Siaga Kulocɛliɛ wè, nɛ́ ní Yakuba Kulocɛliɛ wè, nɛ́ ní weli tuuliɛyɛ Kulocɛliɛ wè, wire wi 'kpuʔɔrɔ taʔa wi baakuɔwɔ nɛ̄ wè, Zezi wè. Kire Zezi wire yeli 'cò nɛ̀ kɛn fànʔafɔlilɔ mɛ́ bèle, nɛ́ cíi wi nɛ̄ Pilati yiʔɛ mɛ́ gè, nɛ̀ sí ki taa wire cé ki yɛ̀gɛ bè wi yaʔa wè.

Wurɔmiyé 5:18

Kire nɛ̄, ye sí ki cɛ́n, bɛ̀ ki 'nyaa siɛn nigbe kakoligo ki 'tí a kàyuʔu 'tuu siɛnnɛ pe mìɛni nɛ̄ bèle, bà míɛni siɛn nigbe sínmɛ kakpiʔilile kɛnmɛ nɛ̄ bè, a wi 'siɛnnɛ pe mìɛni juu nɛ̀ yige, pe- gbɛ̀ sìi taa wè.

Wurɔmiyé 5:8

Nɛ̀ sí ki taa Kulocɛliɛ wi 'ki tìɛ weli nɛ̄ mɛni weli woli ni 'kpúʔɔ wire mɛ́ wè: ki 'nyaa bà weli 'puu nɛ tíin kapiigbiʔilile bèle, a Kirisi wi 'kùu weli kɛnmɛ nɛ̄.

Wurɔmiyé 8:3

Nɛ̀ taʔa gíi nɛ̄, kaala níì Misa Fànʔa Siɛnrɛ tiǐ cî gbɛ̀ kpíʔile wèʔ, bɛ̀ ki 'nyaa céri ti fànʔa ki 'cɛ́ri wè, a Kulocɛliɛ wi sí wi Jaa tíimɛ tórigo wè wi ní céri ní bɛ̀ kapiile céri tíɛlɛ. A kire 'kpíʔile a Kulocɛliɛ wi 'kàyuʔu juu kapiile nɛ̄ lè siɛn céri nī dè.

Wurɔmiyé 8:32

Nɛ́ ki cɛ́n, wiì wi Jaa tíimɛ pɔ́rigɔ wè weli nɛ̄ʔ, wi cɛ́nì wi kɛn weli we mìɛni kɛnmɛ nɛ̄ bè wī. A ki sí yē bɛ̀ gè, mɛni nɛ̀ síɛ wiǐ ga yɛrɛ ti mìɛni kɛnʔ weli mɛ́ waʔanɛ bè fàri wi Jaa nɛ̄ wè ?

Korɛntiyé 2 5:15

Nɛ̀ pínɛ wi 'kùu siɛnnɛ pe mìɛni kɛnmɛ nɛ̄, gìi ki bé tí bìli bīɛlɛ wiile bèle, pe fǎri pe sìi tári wè peli tíimɛ kɛnmɛ nɛ̄ʔ, peri wi tári ŋàa wi 'kùu pe kɛnmɛ nɛ̄ bè nɛ́ koli nɛ̀ nyɛ́ nɛ̀ yiri wè.

Korɛntiyé 2 5:21

Zezi wire ŋáà wiì kapiile kpíʔile nɛ̀ nyaa wèʔ, a Kulocɛliɛ wi 'wi tɔ́ri kapiigbiʔiliwe weli larigɛ nī, gìi ki bé tí Zezi wire kɛnmɛ nɛ̄ bè, a Kulocɛliɛ wi 'weli tɔ́ri siɛnsinminɛ.

Galasiyé 4:4

Bà lɛ̀lɛ ni sí kɛ́nì pɛ́nì nyì nɛ̀ fori lè, a Kulocɛliɛ wi 'wi Jaa tórigo wè a cɛliwɛ pɛ́nì wi sii, wi ní Fànʔa Siɛnrɛ láara dè,

Timote 1 2:6

Wire tíimɛ wi 'wi sìi kɛn wè bè siɛnnɛ pe mìɛni suɔ pe sùkulomɔ mɛ́ bè. Kire ki 'Kulocɛliɛ nyɛ́ni kaala tìɛ lè, nɛ̀ yɛli nɛ́ lɛ̀lɛ náà ní wire tíimɛ yé tɛ́ngɛ lè.

Eburulo 1:9

Sínmɛ pi 'muɔ dɛ́ni, a kapiʔi ki 'muɔ biɛn. Kire kɛnmɛ nɛ̄ Kulocɛliɛ, muɔ Kulocɛliɛ wè, wi 'muɔ kpíʔile kùlofɔli nɛ̀ fundaanra sùnmɔ wo bè muɔ nɛ̄, nɛ̀ muɔ yɛ̀gɛ nɛ̀ tóri muɔ pínɛnyɛninɛ nɛ̄ bèle .

Eburulo 10:5

Kire kɛnmɛ nɛ̄, lɛ̀lɛ líì nī Kirisi wi yé je jíin duniya nī wè, a wi 'ki juu Kulocɛliɛ mɛ́ wè nɛ́ jo: Kakuɔrɔ yajuuro dè nɛ́ yaliire yakɛnrɛ ní dè, tire bɛ̀ʔ muɔ nɛ caaʔ: muɔ 'cetinnɛ kpíʔile mi mɛ́.

Eburulo 11:5

Tɛ́ngɛlɛ kɛnmɛ nɛ̄ bè, Kulocɛliɛ wi 'Enɔki líɛ nɛ̀ yɛ̀gɛ naamɛ, wiì tóri kùu mɛ́ wèʔ; piyè cé ń'nɛ̀ wi nyaaʔ nɛ́ ki cɛ́n Kulocɛliɛ cé wi líɛ. Ki 'nyaa sɛ́ni Kulocɛliɛ wi- wi líɛ wè, Kulocɛliɛ cé wi míɛtanʔa yeri gè nɛ́ jo wire 'fɔ̀li wi nɛ̄.

Eburulo 12:2

We- weli yiʔɛ le gè Zezi nī, ŋàa wi 'tɛ́ngɛlɛ koligo múgu gè níɛ ni forigi lè. Wi nyɛ́nì fɔ̀li ki nɛ̄ nɛ̀ kùu tiiparigɛ nɛ̄ gè; wiì tɔ́ri nɛ́ fìɛrɛ ní dè dàa ti cî ga tɔ́n wi nɛ̄ wèʔ, kùu ŋáà felige nɛ̄ wèʔ. Nɛ́ ki cɛ́n wi cé ki nyaa fundaanra dáà dī wire yiʔɛ mɛ́ gè; píra ŋáà nī wè wiī tɛ́niwɛ Kulocɛliɛ kácunʔɔ kàliige mɛ́ gè.

Eburulo 2:7

Muɔ 'siɛn cɛ́rigɛ wè cɛ̀ nyìʔɛnɛ tundunminɔ nɛ̄ bèle bè lɛ̀lɛ láà kúɔ wī, muɔ 'kùlofɔli ndɔ̀ngɔ tɔ́n gè wi nɛ̄ nɛ̀ kpuɔmɔ nɛ́ kpuʔɔrɔ taʔa dè wi nɛ̄,

Eburulo 7:25

Kire nɛ̄ wi bé gbɛ̀ pe 'suɔ bè forigo bàli pe 'sìʔɛrɛ nɛ̀ kpɔni Kulocɛliɛ nɛ̄ wè wi kɛnmɛ nɛ̄ bè, nɛ́ ki cɛ́n wiī wiiwe súuri bèri kàsulugo kpínʔini pe wuʔu nɛ̄ gè.

Eburulo 8:3

Kacuɔnrilɔ kàfɔlilɔ piyē tɛ́ngɛlɛ bèri kpuʔɔrɔ nɛ́ kakuɔrɔ kɔ̀ngí dè Kulocɛliɛ mɛ́ wè. Weli kacuɔnrilɔ kàfɔli míɛni wi 'yɛli de yakaa taʔa de kanʔa wi mɛ́.

Piɛri 1 1:21

Kirisi wire wi 'ki yaʔa a yeli 'tɛ́ngɛ Kulocɛliɛ nɛ̄ wè, wire ŋáà wi 'Kirisi nyɛ́ wè nɛ̀ yige kúbilo nī bèle nɛ́ kpuɔmɔ kɛn bè wi mɛ́ wè, kire ga buu yeri yeli tɛ́ngɛlɛ nɛ́ yeli sɔ̀ngirɔ tari dè Kulocɛliɛ nɛ̄ wè.

Zan 1 2:2

Wire tíimɛ wi 'weli kapiʔile kàsulugo kakuɔrɔ kpíʔile dè. Nɛ̀ ki yaʔa wiì ki kpíʔile weli yákuɔ mɛ́ʔ; duniya wi mìɛni kapiʔile kɛnmɛ nɛ̄ wi 'ki kpíʔile.

Tìɛlɛ 19:12

Wi nyapigele kiyē muɔ bé jo kàsunnyige gī, á kùlofɔlilɔ ndɔ̀nyɔ nìʔɛyɛ ní wi nɛ̄ nyùgo nɛ̄ gè. Míʔɛ káà 'puu wi nɛ̄ sɛbɛgɛ; siɛn sì ki cɛ́nʔ, nɛ̀ yiri wire nigbe nī.

Tìɛlɛ 5:9

A pe 'yɛ̀ nɛ̀ ŋúnugo káà le nɛ ŋú ŋúnuvɔngɔ ki 'puu, níɛ waa: «Muɔ wī ma 'nyuɔ nɛ̀ yɛli bè gbɛ̀ sɛbɛ suɔ wè bé sí wi yasuʔɔgɔlɔ múgolo gèle. Nɛ̀ taʔa gíi nɛ̄, muɔ cé kùu, a kire 'ki kɛn muɔ sìsiɛn kire fànʔa nɛ̄ gè a muɔ 'siɛnnɛ suɔ nɛ̀ kɛn Kulocɛliɛ mɛ́ wè, siɛnnɛ feliye yi mìɛni yè, siɛnrɛ felide ti mìɛni wuulo bèle, nɛ́ kùlogolo ke mìɛni ní gèle, nɛ́ duniya siɛnfeliye yi mìɛni ní yè.