Eburulo 2:3 - Sénoufo Nyarafolo

³ mɛni sí weli bága suɔ bè síɛ ki kapiile tɔ̀ni ŋáà mɛ́ wè, a weli nɛ sàliyɛ nyɔ́gi suɔgbuɔlɔ siɛnrɛ dáà nī dè ? Kàfɔli wire wi cé kíni nɛ̀ ki siɛnrɛ dáà juu dè; bàli pe 'ti lúʔu dè, a pe 'tire ti mìɛni 'juu nɛ̀ láʔa weli mɛ́ kányiʔɛ nɛ̄.

Eburulo 2:3 Iomraidhean Croise

Matiye 23:33

«Wɔ̀burɔ dī yeli bèle, wɔmɔri siimɛ bī yeli bèle ! Yeli nɛ sɔ̀ngí lé yeli bé suɔ kusiʔi tiɛpiʔi kàyuʔu mɛ́ gè wī lé ?

Matiye 4:17

Kire lɛ̀lɛ nī lè a Zezi wi séli nɛ Kulocɛliɛ siɛnrɛ jáari dè nɛ́ jo: «Ye- yiʔɛ yeli funyɔ nī yè, nɛ̀ taʔa gíi nɛ̄, Nyìʔɛnɛ Kùlofɔligɔ ki 'sìʔɛrɛ nɛ̀ kpɔni yeli nɛ̄.»

Mariki 1:14

Bà pe yé kɛ́nì Zan cò nɛ̀ tɔ́n kasuu nī wè, a Zezi wi 'kɛ́ Galile tɛ́nimɛ mɛ́ bè, nɛ̀ sɛ́ni Kulocɛliɛ Kataanna Siɛnrɛ jáari dè.

Luku 1:2

Kire 'nyaa gìi tundunpelile peli tíimɛ cé kíni nɛ̀ nyaa sélimɛ nɛ̄ bè, nɛ́ ki kele sɛbɛ gèle nɛ̀ yaʔa bile we mɛ́ gèle, peli sí bīɛlɛ pe 'puu Kulocɛliɛ siɛnrɛ ti baakuɔlɔ bèle.

Luku 1:69

Wi 'we kɛn nɛ́ suɔfɔgbuɔwɔ ní díɛ, Dawuda saʔa tùlugo nī gè, wi baakuɔwɔ wè,

Luku 24:19

A wi 'jo: «Gáa felige ki 'tóri bile ?» A pe 'wi yɛ: «Zezi wè Nazarɛtiyé wuu wè, Kulocɛliɛ siɛnjuuwo wi 'puu. Wi siɛnrɛ dè nɛ́ wi kakpiʔiligele ní gèle, ti 'puu nɛ́ ŋɔri ní Kulocɛliɛ yiʔɛ mɛ́ gè nɛ́ kùlo ni mìɛni yiʔɛ mɛ́ gè.

Zezi Kirisi Kataanna Siɛnrɛ dè Zan juumɔ nɛ̄ bè 15:27

Yeli míɛni bèle ye- puu mi wori ti juufɔlilɔ, nɛ̀ taʔa gíi nɛ̄, bà 'ki líɛ baa sélimɛ nɛ̄ bè, yeli yē nɛ́ mi ní.»

Kakpiʔiligele 1:22

nɛ̀ ki líɛ Zan batɛmi lɛ̀lɛ nī lè, nɛ̀ pɛ́nì taa fúɔ cɛngɛ gíì Zezi wi cé kɛ́nì yiri we sunʔɔmɔ nī bè, á Kulocɛliɛ wi 'wi yɛ̀gɛ nɛ̀ kɛ́ nyìʔɛnɛ nī lè; ye- tí we kire siɛn wáà caa ŋàa wi bé puu Zezi wi nyɛ́yirile wori ti cɛ́nfɔli wè nɛ́ weli ní wè.»

Kakpiʔiligele 2:22

«Mi siinyɛninɛ Isirayɛli wuulo, ye- mi siɛnrɛ dáà lúʔu dè ! Nazarɛti Zezi wè, wire ŋáà Kulocɛliɛ wi 'nyíɛnɛ nɛ̀ kɔ̀n yeli nyɛ́ni nɛ̄ lè, nɛ́ kakpoliyo kpíʔile yè, nɛ́ fìɛlɛ ní bèle yeli sunʔɔmɔ nī bè, yeli tíimɛ nyɛ́nì kire cɛ́n.

Kakpiʔiligele 4:12

«Ki 'nyaa suɔlɔ niǐ gbɛ̀ taa siɛn wáà mɛ́ wiiyɛʔ, nɛ̀ yiri Zezi wire nīʔ, nɛ̀ taʔa gíi nɛ̄, míʔɛ káà wè baa duniya nī wèʔ, bè jo Kulocɛliɛ wi 'ki kɛn siɛnnɛ mɛ́ bèle ki- gbɛ̀ weli suɔʔ.»

Wurɔmiyé 11:14

gìi ki bé tí ki- yejaʔa yɛ̀gɛ mi kùlo wuulo mɛ́ bèle, dí mi sí pàli taa bè suɔ pe nī.

Wurɔmiyé 2:3

Muɔ siɛn ŋáà ma nyɛ́ni kàyuʔu cáanri bìli nɛ̄ pe nyɛ́ni tire dáà kúu dè, nɛ́ sí nɛ ti felide kúu dè muɔ míɛni wè, muɔ nɛ sɔ̀ngí muɔ bé gbɛ̀ suɔ Kulocɛliɛ kàyuʔu mɛ́ gè wī lé ?

Korɛntiyé 1 1:21

Bɛ̀ sí ki 'nyaa duniya wuulo bèle nɛ́ pe sìnjilige ki mìɛni ní gè, piyè Kulocɛliɛ cɛ́n wèʔ wi sìnjilige kakpiʔiligele nī gèle wè, a ki sí Kulocɛliɛ dɛ́ni wè wi- tɛ́ngɛfɔlilɔ suɔ bèle wi siɛnrɛ tire kɛnmɛ nɛ̄ bè, dàa pe 'jo tiī kàalafɔlilɔ siɛnrɛ dè.

Tesalonikiyé 1 5:3

A siɛnnɛ pe kɛ́ni ki nyu lɛ̀lɛ níì nī nɛ́ jo: «Wiyē yanyige nɛ̄, fíɛrɛ wè baaʔ !», kire lɛ̀lɛ nī lè, cúʔɔgbuɔmɔ páà bé fuu bè pe taa majo bɛ̀ cesiiwe liyɛyaara ti sî puu wè, bè pe cúʔɔ bè láʔa; piyè sí je jáa bè fɛ̀ bè suɔ wī díɛ !

Timote 1 1:15

Siɛnrɛ ti n'dɛ, kányiʔɛ wori dè, dàa nɛ̄ siɛnnɛ pe mìɛni 'yɛli bè tɛ́ngɛ dè: «Zezi Kirisi wi 'pɛn duniya nī wè bè ba kapiigbiʔilile suɔ bèle.» Mi Pɔli sí wi 'pii kapiigbiʔilile pe mìɛni nɛ̄ bèle.

Tiiti 2:11

Nɛ́ ki cɛ́n Kulocɛliɛ nyɛ́nì wi kpuʔɔrɔ tìɛ dè, dàa kɛnmɛ nɛ̄ siɛnnɛ pe mìɛni bé gbɛ̀ suɔlɔ taa lè.

Eburulo 1:1

Faʔa faʔa gè, lɛ̀gɛlɛ sáa nī Kulocɛliɛ wi 'puu nɛ tòrí wi siɛnjuuliɛlɛ mɛ́ bèle nɛ nyu nɛ taʔala kɛnmɛ sáamɛ nɛ̄ weli tobilo mɛ́ bèle.

Eburulo 1:14

Báli bīɛlɛ nyìʔɛnɛ tundunminɔ bèle ? Nyìʔɛnɛ tundunminɔ piyē pígele, Kulocɛliɛ baakuɔlɔ bīɛlɛ. Kulocɛliɛ 'pe tun pe- siɛnnɛ sáʔa bèle bàli pe bé suɔlɔ taa lè kɔrigɔ gè.

Eburulo 1:2

Píra ŋáà nī wè, làzɛnnɛ náà nī lè, wi Jaa wire mɛ́ wi 'tóri nɛ́ juu nɛ́ weli ní. Wi 'duniya faan wè wi Jaa fànʔa nɛ̄ gè; wire wi 'kpíʔile yɛrɛ ti mìɛni kɔriliiwe wè.

Eburulo 12:25

Yeri yìye ciʔige díɛʔ ! Ye fǎga cíiʔ bè lúʔu ŋàa mɛ́ wi nyu nɛ́ yeli ní wèʔ ! Náʔa dàala nɛ̄ lè, Isirayɛliyé pe yé Kulocɛliɛ nyasiɛnrɛ lúʔu dè dàa ti 'puu nɛ nyu nɛ tìí pe nɛ̄ dè, a pe 'cíi ti nɛ̄ dè. Kire nɛ̄ piyè suɔ wuʔɔgɔ mɛ́ gèʔ. Bɛ̀ sí ki yē a weli 'cíi, weli sì lúʔuʔ ŋàa mɛ́ wi nyu nɛ weli yɛri wè nɛ̀ ki líɛ baa nyìʔɛnɛ nī lè, kányiʔɛ nɛ̄, weli sǐ gbɛ̀ suɔ wuʔɔgɔ mɛ́ gèʔ.

Eburulo 4:1

Kulocɛliɛ wi 'nyuɔ fɛ̀ni weli mɛ́ nɛ́ jo weli bé gbɛ̀ jíin ŋɔ́daala nī lè nàa wi 'gbòbori weli mɛ́ lè; ki nyafɛnigɛ ki tíin weli wuʔu. Kire nɛ̄ weri wìye ciʔige kire ga buu wàa fáala fǎga kò yeli nī sìnjiin nīʔ.

Eburulo 4:11

Kire nɛ̄, we- gbɛ̀nmɛ le we jíin ŋɔ́daala náà nī lè, kire ga buu wàa fǎga tuuʔ bè puu Isirayɛliyé tíɛlɛ bèle sìnluʔulo bèleʔ.

Eburulo 5:9

Bɛ̀ sí wi yé sɔ́migɔ nɛ̀ gbòbori nɛ̀ tɛ́ngɛ wi baara nɛ̄ dè, a wi 'kò wire ŋáà wi bànguɔ suɔlɔ kanʔa lè bàli pe mìɛni mɛ́ pe lúru wi mɛ́ wè.

Eburulo 9:28

bɛ̀ míɛni Kirisi wi 'wìi kɛn kakuɔrɔ tɔligɔ nigbe péʔ bè siɛnniʔɛmɛ kapiʔile láʔala gèle. Wi bé ní ga koli bɛn cígini taziinwuʔu nɛ̄ gè; kire sí wè bè kapiʔile láʔala gèle wī díɛʔ ! Kire bé puu bè suɔlɔ kɛn lè bàli mɛ́ piyē nɛ wi siri wè.

Zan 1 1:1

Gàa ki 'puu baa sélimɛ nɛ̄ bè, gàa weli 'lúʔu gè, nɛ́ gàa weli nyapigele ke 'nyaa gèle, nɛ́ gàa weli 'sɔ́migɔ nɛ̀ wéli gè, á weli kiyɛ yi 'cò ki nɛ̄ wè, kire wuʔu weli nɛ jáari, tire dáà dī sìi siɛnrɛ dè.

Zudi 1:17

Nɛ siinyɛninɛ, yeli bálì ye 'mi dɛ́ni bèle, yeri sɔ̀ngí de taʔa nɛ́ dàa ní weli Kàfɔli Zezi Kirisi wi tundunminɔ pe 'juu dè nɛ́ jo ki bé kpíʔile gè.

Tìɛlɛ 7:10

Á pe nɛ yékpuʔulo wáari kpuʔɔ níɛ waa: «Weli Kulocɛliɛ wire mɛ́ suɔlɔ ni yē, wire ŋáà wī tɛ́niwɛ kùlofɔlilɔ kácunʔɔ nɛ̄ gè, nɛ́ Sìnbapile ní lè nɛ̀ pínɛ !»