Eburulo 2:2 - Sénoufo Nyarafolo

² Bɛ̀ sí ki nyaa siɛnrɛ dáà nyìʔɛnɛ tundunminɔ pe yé juu dè weli tobilo mɛ́ bèle ti yé puu kányiʔɛ, nɛ̀ sí ki taa kolimɔfɔlilɔ nɛ́ sìnluʔumɔfɔlilɔ pe 'ki tɔ̀ni taa wè ŋàa wi 'yɛli nɛ́ pe ní wè,

Eburulo 2:2 Iomraidhean Croise

Ŋúnuyɔ 68:17

ʔé ! Nyagurugo muɔ, muɔ ŋáà nɛ̄ kpàʔaladiɛyɛ yi yē nìʔɛyɛ yè, gáa nɛ̄ yejaʔa yē muɔ nī nyagurugo gíì nɛ̄ gè gàa Kulocɛliɛ 'nyíɛnɛ nɛ̀ kɔ̀n nɛ̀ tɛ́ni ki nɛ̄ gè  ? ʔaan, Yewe bé ki kpíʔile wire kòridiʔɛ súuri !

Tɔ́rilɔ 11:33

Kaara ti 'puu nɛ tíin pe gànʔana nɛ̄ gèle, piyè cé fìɛ ti sànʔa nɛ̀ júɔʔ, a Yewe fungo ki 'yɛ̀ siɛnnɛ kúrugu bèle kpuʔɔ, a wi 'siɛnnɛ kpúɔn bèle nɛ́ wuʔɔgbuʔɔ ní gè.

Tɔ́rilɔ 21:6

A Yewe sí wɔ̀burɔ táà yige pe kúrugu dàa dī suɔnrɔ ní dè, a ti siɛnnɛ nɔgi bèle. A siɛnniʔɛmɛ 'kùu Isirayɛli siɛnnɛ nī bèle.

Tɔ́rilɔ 25:9

Kire nɛ́ ki mìɛni siɛnnɛ bálì nyuɔ ki yé kùu wuʔɔgbuʔɔ nī gè, a ki 'nyaa siɛnnɛ siramuʔɔyɔ kɔlini (24 000).

Kakpiʔiligele 7:53

Yeli Kulocɛliɛ 'Fànʔa Siɛnrɛ taa dè, nyìʔɛnɛ tundunminɔ mɛ́, yeli sì sí yéri ti kele nɛ̄ gèleʔ.»

Galasiyé 3:19

A ki sí yē bɛ̀, Fànʔa Siɛnrɛ nyùgo kire sí yē gíi píra ŋáà nī wè ? Ki 'nyaa siɛnnɛ pe kolimɔ pire kɛnmɛ nɛ̄ fànʔa kajuudiʔɛlɛ ke 'juu nɛ̀ taʔa baa, náʔanɛ Birayima cesiʔi tùlugo wuu ŋáà wi ga pɛn wè, ŋàa kɛnmɛ nɛ̄ Kulocɛliɛ wi cé nyuɔ kún nɛ̀ kɛn wè. Nyìʔɛnɛ tundunminɔ bīɛlɛ pe 'Fànʔa Siɛnrɛ tìɛ dè, nɛ́ sí ti le kàsuluwo kiyɛ nī; kire siɛn wire nyaa Misa.

Fànʔa Kajuʔulo 17:12

«A siɛn wáà 'cíi wi nìɛnyiɛnigɛ kire kɛnmɛ nɛ̄, wiì lúʔuʔ kacuɔnriwɔ mɛ́ wèʔ ŋàa wiī nɛ Yewe muɔ Kulocɛliɛ baara kúu dèʔ á kire bɛ̀ʔ kàyuʔujuuwo wèʔ, kire siɛn ŋáà wè muɔ bé wi kpúu wī. Bɛ̀ ki bé kpíʔile dí muɔ bé kapiʔi yige gè Isirayɛli sunʔɔmɔ nī bè.

Fànʔa Kajuʔulo 17:2

«Dùʔɔ ki bé sí nyaa Isirayɛli siɛnnɛ sunʔɔmɔ nī bè, kàaya nī yè nyàa Yewe muɔ Kulocɛliɛ wi 'kɛn muɔ mɛ́ wè, nàguɔ wáà á kire bɛ̀ʔ cɛliwɛ wáà 'kaala láà kpíʔile nàa ni 'pii lè Yewe muɔ Kulocɛliɛ yiʔɛ mɛ́ gè, ŋàa wi 'cíi Yewe wi nyakungɛngɛ nɛ̄ gè.

Fànʔa Kajuʔulo 17:5

A ki 'nyaa mmɛ gè, muɔ bé siɛn kɔ́ri wè bè kɛ́ kàʔa wìile mɛ́ lè, nàguɔ wī yo, cɛliwɛ wī yo, wire ŋáà wi 'kapiile náà kpíʔile lè. Kire nàguɔ wè, kire ga laa ki cɛliwɛ wè, pe bé ki siɛn wáa wè bè kpúu.

Fànʔa Kajuʔulo 27:26

« ‹Dɛ́ngɛ- puu siɛn nɛ̄ wè, ŋàa wiǐ fɔ̀li fànʔa kajuʔulo siɛnrɛ dáà nɛ̄ dèʔ bèri ti kpínʔini dèʔ.› «Bà siɛnnɛ pe mìɛni bé ki suɔ bé jo: ‹Ki- taa ki puu bɛ̀ !› »

Fànʔa Kajuʔulo 32:2

Mi tɛnmɛnɛ ni de fúu bɛ̀ kàsaʔa tíɛlɛ, mi nyasiɛnrɛ ti de tíri bɛ̀ kámɛgɛ tíɛlɛ, bɛ̀ kárifiɛn tíɛlɛ nyàʔa nɛ̄ gè, bɛ̀ kàsaala tíɛlɛ yaliire nɛ̄ dè.

Eburulo 1:1

Faʔa faʔa gè, lɛ̀gɛlɛ sáa nī Kulocɛliɛ wi 'puu nɛ tòrí wi siɛnjuuliɛlɛ mɛ́ bèle nɛ nyu nɛ taʔala kɛnmɛ sáamɛ nɛ̄ weli tobilo mɛ́ bèle.

Eburulo 10:28

A ŋìi cé kàduʔu wáa Misa Fànʔa Siɛnrɛ mɛ́ dè, pe nɛ̂ wi kpúu nyinimɛ fùn wī, a wi kakpiʔilile ni 'cɛ́n lè a kinyaafɔlilɔ siin kire ga laa taanri ki 'juu gè.

Eburulo 10:35

Ki sí n'gɛ ye fǎga yeli sɔ̀ngirɔ taʔadiʔɛ yaʔa gèʔ, nɛ́ ki cɛ́n ki bé ba tɔ̀nikpuɔwɔ kɛn yeli mɛ́.

Eburulo 11:26

Wi yé ki nyaa a wire nɛ wuʔɔ Kulocɛliɛ Siɛnnyiɛnɛgɔnwɔ wi kɛnmɛ nɛ̄ bè, tɔ̀nikpuɔwɔ yé puu kire nī nɛ̀ tóri Ezipiti kùlo lɔri nɛ̄ dè, nɛ́ ki cɛ́n wi 'puu nɛ tɔ̀ni wéli wè nɛ nyaʔa wè, ŋàa wi bága taa wè.

Eburulo 11:6

A tɛ́ngɛlɛ sí wè siɛn ŋíì mɛ́ wèʔ, Kulocɛliɛ sǐ gbɛ̀ fɔ̀li wi nɛ̄ʔ. A siɛn je sìʔɛrɛ bè kpɔni Kulocɛliɛ nɛ̄ wè, wi 'yɛli bè tɛ́ngɛ ki nɛ̄ Kulocɛliɛ wiī baa, dí wiī nɛ tɔ̀ni kanʔa wi caavɔlilɔ mɛ́ bèle.

Eburulo 12:25

Yeri yìye ciʔige díɛʔ ! Ye fǎga cíiʔ bè lúʔu ŋàa mɛ́ wi nyu nɛ́ yeli ní wèʔ ! Náʔa dàala nɛ̄ lè, Isirayɛliyé pe yé Kulocɛliɛ nyasiɛnrɛ lúʔu dè dàa ti 'puu nɛ nyu nɛ tìí pe nɛ̄ dè, a pe 'cíi ti nɛ̄ dè. Kire nɛ̄ piyè suɔ wuʔɔgɔ mɛ́ gèʔ. Bɛ̀ sí ki yē a weli 'cíi, weli sì lúʔuʔ ŋàa mɛ́ wi nyu nɛ weli yɛri wè nɛ̀ ki líɛ baa nyìʔɛnɛ nī lè, kányiʔɛ nɛ̄, weli sǐ gbɛ̀ suɔ wuʔɔgɔ mɛ́ gèʔ.

Piɛri 2 1:19

Nɛ̀ fàri tire nɛ̄, weli nyɛ́nì siɛnjuuliɛlɛ pe siɛnrɛ taa dè, tire dáà nɛ̄ weli bé gbɛ̀ tɛ́ngɛ kpuʔɔ dè. Ki 'yɛli yeli de líiye cáanri tire siɛnrɛ mɛ́ dè, nɛ́ ki cɛ́n tiī bɛ̀ fètinnɛ tíɛlɛ nàa ni nyí yebilige sunʔɔmɔ nī bè, fúɔ bè taa kpìɛnmɛ pi ba tuu, dí kpìɛnduumɛ ŋɔnɔ̀, Zezi Kirisi wè, wi de nyíʔɛnɛ yeli funyɔ nī yè.

Zudi 1:5

Yeli 'ti sɔ́migɔ nɛ̀ cɛ́n nɛ̀ kúɔ dàa mi je juu dè. Nɛ̀ ki yaʔa m'bé ní yeli sɔ̀ngirɔ tìrige dè ti nɛ̄. Bà Kàfɔli wi 'wi siɛnnɛ suɔ bèle nɛ̀ yige Ezipiti kùlo nī lè, kire kàduʔumɛ bàli piyè tɛ́ngɛ Kulocɛliɛ nɛ̄ wèʔ, a wi 'pe cúʔɔ.