Eburulo 2:18 - Sénoufo Nyarafolo

¹⁸ Nɛ́ ki cɛ́n bɛ̀ wire tíimɛ 'wuʔɔ a puuwelige 'tuu wi nɛ̄ wè, wi bé gbɛ̀ pe sáʔa, bàli nɛ̄ puuwelige ki nɔ̀gí gè.

Eburulo 2:18 Iomraidhean Croise

Luku 22:28

«Yeli bèle, yeli ye 'kò nɛ́ mi ní mi wuʔɔyɔ yi lɛ̀gɛlɛ nī gèle.

Luku 22:53

Nɛ̀ sí ki taa mi 'puu baa nɛ́ yeli ní cɛngɛ ó cɛngɛ Kulocɛliɛ Gbùʔɔrɔsaʔa nī gè; yeli sì sɛ́nì mi còʔ. Yeli lɛ̀lɛ lire sí ni 'nɔ̀ yeli mɛ́, yebilige wuulo fànʔa lɛ̀lɛ lè.»

Zezi Kirisi Kataanna Siɛnrɛ dè Zan juumɔ nɛ̄ bè 10:29

Mi Tuu ŋáà wi 'ti kɛn m'mɛ́ wè, wi fànʔa ki 'tóri pe mìɛni nɛ̄; siɛn sǐ gbɛ̀ jáa bè ti píle yige Tuufɔli wi kɔli nī gèʔ.

Korɛntiyé 1 10:13

Puuwelige káà sì je yeli taaʔ, nɛ̀ yiri gàa ki nɔ̀gí siɛnnɛ nɛ̄ bèleʔ. Kulocɛliɛ wi sí yē baa wi nyayerigele nī gèle. Wiǐ gá tí puuwelige káà yeli taaʔ gìi nɛ̄ yeli sǐ gbɛ̀ jáa gèʔ. Gìi ki 'cɛ́n gè, a puuwelige ki 'pɛn gè, Kulocɛliɛ wi bé yeli yiridiʔɛ kɛn gè, gìi ki bé tí ye gbɛ̀ ki kpàri bè cò.

Filipiyé 3:21

Wire wi bága weli céri yiʔɛ dè, céri dáà ti 'máama dè, ti- kò nuro nɛ́ kpuɔmɔ céri ní dè, wire wori dè. Kire bé kpíʔile bɛ̀ ki fànʔa kiī wi mɛ́ wi- gbɛ̀ jáa bè yɛrɛ ti mìɛni cáan wi fànʔa láara gè.

Timote 2 1:12

Kire kɛnmɛ nɛ̄ míɛni mi yē nɛ wuʔɔ kele gálì nɛ̄ gèle. Nɛ̀ sí ki yaʔa ki wè mi nɛ̄ fìɛrɛʔ, gìi sí gī baa gè, mi 'ki cɛ́n ŋàa nɛ̄ mi 'tɛ́ngɛ wè. Mi 'ki sɔ́migɔ nɛ̀ cɛ́n, fànʔa yē wi mɛ́ bèri ki wéli gàa wi 'kɛn m'mɛ́ gè fúɔ bè pa nɔ̀ cɛnzɛngɛ nɛ̄ gè.

Eburulo 5:2

Kacuɔnrilɔ kàfɔli wi bé gbɛ̀ siɛnnɛ fùrɔgɔ cɛ́n gè, bàli bīɛlɛ piyè Kulocɛliɛ koligo cɛ́n gèʔ nɛ́ bàli ní pe 'pùunni bèle. Nɛ́ ki cɛ́n wire míɛni yē ŋɔri fùn tiɛyɛ sáamɛ nī.

Piɛri 2 2:9

Kiī cɛ́ngɛ, Kàfɔli wi 'ki cɛ́n kɛnmɛ bíì nɛ̄ wire bé gbɛ̀ pe píle bè suɔ kagbɛngɛ mɛ́ gè, bàli bīɛlɛ pe 'pìye puɔ wi nɛ̄ wè, bè sí kapiigbiʔilile tɛ́ngɛ bèle piyeyɛ, bè pe wuʔɔ kàyuʔujuujɛngɛ gè.

Zudi 1:24

Kpuʔɔrɔ ti 'yɛli Kulocɛliɛ nɛ̄, wire ŋáà mɛ́ fànʔa ki yē gè bè yeli cò yérige wè yeli fǎga tuuʔ wè, bè ki yaʔa yeli sa yéri wi kpuɔmɔ yiʔɛ mɛ́ gè, tiɛlɛ fùn nɛ́ fundaangbuɔrɔ ní.

Tìɛlɛ 3:10

«Bɛ̀ muɔ 'lèbaanna le nɛ̀ mi siɛnrɛ cò dè wè, bɛ̀ mìɛni m'bága de muɔ wéli a puuwelige lɛ̀lɛ ni kɛ́nì nɔ̀ lè. Ki lɛ̀lɛ niī nɛ báan, ni bága pa tuu duniya wuulo pe míɛni nɛ̄ bèle, bè wuʔɔgɔ cáan dàala wuulo nɛ̄ bèle.