Eburulo 2:17 - Sénoufo Nyarafolo

¹⁷ Kire kɛnmɛ nɛ̄ wi yé yɛli bè yiʔɛ bè kò wi siinyɛninɛ tíɛlɛ bèle, lewiile bèle, kɛnmɛ pi mìɛni nɛ̄, kire ga buu wi- puu kacuɔnrilɔ kàfɔli ŋáà wī nyinidaaguugo ní gè nɛ́ ní tɛ́ngɛmɛ siɛn Kulocɛliɛ baara nī dè, bè kàsulugosuɔ baara kúɔ dè siɛnnɛ mɛ́ bèle, pe kapiʔile wori nɛ̄ dè.

Eburulo 2:17 Iomraidhean Croise

Eburulo 4:14

Kire nɛ̄, bɛ̀ kacuɔnrilɔ kàfɔli yē weli mɛ́ ŋàa wi 'kpúʔɔ wè nɛ́ sùuri nyìʔɛnɛ nī lè, Zezi wè, Kulocɛliɛ Jaa wè, we- weli tɛ́ngɛlɛ sɔ́migɔ lè we cò kpuʔɔ.

Eburulo 2:14

Ki sí n'gɛ, bɛ̀ pìile piyē lewiile bèle bàli pe sí yē céri nɛ́ sìsiɛn gè, Zezi wire míɛni pɛ́nì kò céri nɛ́ sìsiɛn. Bɛ̀ ki 'kpíʔile a wi 'jáa nɛ̀ kùu bè gbòdolilo kàfɔli fànʔa cúʔɔ gè, wire ŋáà kiyɛ nī kùu fànʔa ki yē gè.

Eburulo 7:26

Zezi wiī kacuɔnrilɔ kàfɔli ŋáà nɛ̄ weli màakuu yē wè. Wiī tiɛlɛ fùn, kolimɔ fùn, cìiliwe: wi 'wàli nɛ̀ líili kapiigbiʔilile nɛ̄ bèle, wiī tɛ́niwɛ naamɛ nyìʔɛnɛ nī.

Wurɔmiyé 5:10

Ki 'nyaa weli 'puu Kulocɛliɛ leguulo wī, á wi sí weli juu nɛ̀ taʔala wìi nɛ̄ bɛ̀ wi Jaa wi 'kùu weli kɛnmɛ nɛ̄ bè. Bɛ̀ sí wi 'weli juu nɛ̀ taʔala wìi nɛ̄ wè, káaliyɛ wè ki nīʔ, weli bága suɔ bɛ̀ wiī sìi nɛ̄ wè !

Eburulo 2:11

Nɛ́ ki cɛ́n Zezi wire ŋáà wiī nɛ siɛnnɛ wàlí nɛ tɛ́ngi Kulocɛliɛ mɛ́ wè, nɛ́ bàli bīɛlɛ wàlidɛngɛlɛ bèle, pe mìɛni yē Tuufɔnuwɔ nɛ̄. Kire kɛnmɛ nɛ̄ ki wè Zezi nɛ̄ wè fìɛrɛʔ bè pe yeri wi siinyɛninɛʔ.

Eburulo 3:5

Misa wire wè, wi 'puu tɛ́ngɛmɛ siɛn Kulocɛliɛ saʔa ki mìɛni nī gè; wi 'puu baakuɔwɔ nɛ ki tìí siɛnrɛ dáà Kulocɛliɛ cî ga ba juu bè láʔa dè.

Kolɔsiyé 1:21

Ki 'nyaa faʔa gè, yeli cé líili Kulocɛliɛ nɛ̄ wè, yeli 'puu Kulocɛliɛ wi leguulo yeli sɔ̀ngibiire nɛ́ yeli kakolido tire kɛnmɛ nɛ̄ bè.

Eburulo 7:28

Siɛnnɛ bálì Misa Fànʔa Siɛnrɛ ti 'tɛ́ngɛ kacuɔnrilɔ kàfɔlilɔ bèle, piyè nyuɔ nɛ̀ foriʔ. Nɛ̀ ki yaʔa Kulocɛliɛ kàlilɛ siɛnrɛ, dàa wi 'juu Fànʔa Siɛnrɛ ti kàduʔumɛ gè, tire 'wi Jaa tɛ́ngɛ wè kacuɔnrilɔ kàfɔli ŋáà wi 'nyuɔ nɛ̀ fori lɛ̀lɛ ó lɛ̀lɛ nī lè.

Efɛziyé 2:16

Wi kùu wire kɛnmɛ nɛ̄ bè tiiparigɛ nɛ̄ gè, a wi 'pe siin juu bèle nɛ̀ taʔala pìye nɛ̄ peli nɛ́ Kulocɛliɛ ní wè, a pe 'kò cetinnɛ nigbe, nɛ̀ leguuro kpúu dè nɛ̀ yige pe sunʔɔmɔ nī bè wire tíimɛ wè.

Wurɔmiyé 15:17

Kire nɛ̄, bɛ̀ mi yē pínɛnyɛnigɛ nɛ̄ nɛ́ Zezi Kirisi ní wè, m'bé gbɛ̀ri nàgbuʔɔrɔ kpínʔini Kulocɛliɛ baara ti wori nɛ̄ dè.

Leviiyé 8:15

A Misa 'ni kɔni nɛ́ ni sìsiɛn tuʔɔ gè nɛ́ sí wi kabiɛlɛ nígi lè ki nī nɛ̀ taʔa gbùʔɔrɔdiʔɛ yafanʔa ki nyɛgɛlɛ nɛ̄ gèle nɛ̀ ki cìile, nɛ́ sí sìsiɛn sɛngɛ wo gè gbùʔɔrɔdiʔɛ ki táanmɛ tiɛyɛ nī yè. Bɛ̀ ki 'kpíʔile a wi 'ki wàli nɛ̀ tɛ́ngɛ kire ga buu peri kàsulugosuɔ baara kúu dè ki nɛ̄.

Eburulo 3:2

Wi 'puu siɛn ŋáà wi 'yɛli nɛ́ tɛ́ngɛlɛ ní Kulocɛliɛ yiʔɛ mɛ́ gè, wire ŋáà wi 'wi tɛ́ngɛ Kulocɛliɛ baara nɛ̄ dè, bɛ̀ Misa tíɛlɛ Kulocɛliɛ saʔa ki mìɛni nī gè.

Leviiyé 14:18

Sùnmɔ sɛnbɛ báà pi 'kò kacuɔnriwɔ wi kadaala nī lè, wi bé pi taʔa siɛn nɛ̄ wè ŋàa piyē nɛ cìile wè, wi nyùgo nɛ̄ gè. Kacuɔnriwɔ wi bé sí kàsulugosuɔ baara kúɔ dè wi mɛ́ Yewe yiʔɛ mɛ́ gè.

Leviiyé 16:16

«Bɛ̀ ki bé kpíʔile wi bé kàsulugosuɔ baara kúɔ dè tiɛcɛ̀njɛngɛ wàlidɛngɛgɛ wuʔu nɛ̄ gè, Isirayɛli siɛnnɛ pe núʔɔmɔ kele nɛ́ pe tuudiʔɛlɛ kɛnmɛ nɛ̄ bè, kire 'jo Isirayɛliyé pe kapiʔile ke mìɛni gèle. Bɛ̀ wi bé ki kpíʔile míɛni Kpàlidiʔɛ Kpátaʔa wuʔu nɛ̄ gè, nɛ́ ki cɛ́n kiī tɛ́ngɛgɛ pe núʔɔmɔ sunʔɔmɔ nī bè.

Tɔ́rilɔ 15:25

Kacuɔnriwɔ wi bé kàsulugosuɔ baara kúɔ dè Isirayɛli tògo siɛnnɛ pe mìɛni mɛ́, bà pe kapiʔile kàsulugo ki bé suɔ nɛ́ ki cɛ́n piyè ki kɔ̀rirɔ wī nɛ̀ kapiile kpíʔile lèʔ, nɛ́ míɛni pe nyɛ́nì pɛn nɛ́ pe kpuʔɔrɔ ní dè, yakɔnrɔ dáà kàsun ki sórigi dè Yewe yiʔɛ mɛ́ gè, nɛ́ kapiʔile kàsulugo kakuɔrɔ dè Yewe yiʔɛ mɛ́ gè, pe kapiile kɛnmɛ nɛ̄ bè nàa piyè ki kɔ̀rirɔ nɛ̀ ni kpíʔile lèʔ.

Eburulo 2:16

Nɛ̀ taʔa gíi nɛ̄, ki nyɛ́nì fílige, wiì pɛn bè pa nyìʔɛnɛ tundunminɔ sáʔa wīʔ; Birayima|Birayima|Birayima siimɛ wi 'pɛn bè ba saʔa.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.

Eburulo 4:15

Nɛ́ ki cɛ́n weli kacuɔnrilɔ kàfɔli wè, kiì nyaa majo wiǐ gbɛ̀ jáa bè nyinimɛ taa weli ŋɔrifun kele nɛ̄ gèleʔ. Kire sì cɛ bɛ̀ʔ; wi yé puuwelige taa kele ke mìɛni nī majo bɛ̀ weli míɛni nɛ puuweliye taʔa yè, nɛ̀ ki yaʔa wiì kapiile kpíʔileʔ.

Eburulo 5:1

Ki 'nyaa kacuɔnrilɔ kàfɔli ó kàfɔli, pe nɛ̂ wi nyíɛnɛ nɛ̀ kɔ̀n siɛnnɛ sunʔɔmɔ nī, níɛ̀ wi tɛ́ngɛ wi- puu siɛnnɛ pe kàsuluwo Kulocɛliɛ yiʔɛ mɛ́ gè bèri pe kpuʔɔrɔ nɛ́ pe kakuɔrɔ yɛrɛ kɔ̀ngí dè, kapiʔile wori dè.

Eburulo 5:2

Kacuɔnrilɔ kàfɔli wi bé gbɛ̀ siɛnnɛ fùrɔgɔ cɛ́n gè, bàli bīɛlɛ piyè Kulocɛliɛ koligo cɛ́n gèʔ nɛ́ bàli ní pe 'pùunni bèle. Nɛ́ ki cɛ́n wire míɛni yē ŋɔri fùn tiɛyɛ sáamɛ nī.

Eburulo 5:5

Bɛ̀ sí ki yē míɛni Kulocɛliɛ Siɛnnyiɛnɛgɔnwɔ wè, Kirisi wè; wiì kacuɔnrilɔ kàfɔli kpuʔɔrɔ líɛ dè nɛ̀ taʔa wìi nɛ̄ wīʔ. Kulocɛliɛ tíimɛ wi 'wi tɛ́ngɛ ki baara nɛ̄ dè, nɛ́ ki juu wi mɛ́ nɛ́ jo: Muɔ yē mi jaa; pàngɛ gè mi wī mi nyɛ́nì muɔ sii .

Eburulo 5:10

Kulocɛliɛ wire wi 'wi nyíɛnɛ nɛ̀ kɔ̀n kacuɔnrilɔ kàfɔli Mɛlikisedɛki felige gè.

Eburulo 6:20

Zezi wi 'jíin baa weli yiʔɛ nɛ̄, weli kɛnmɛ nɛ̄. Wi nyɛ́nì kò kacuɔnrilɔ kàfɔli lɛ̀lɛ ó lɛ̀lɛ nī, Mɛlikisedɛki felige gè.

Eburulo 8:1

Nyùgbuʔɔ ki n'gɛ gàa weli nɛ caa bè juu gè: Kire kacuɔnrilɔ kàfɔli ŋáà wi felige yē weli mɛ́; wiī tɛ́niwɛ nyìʔɛnɛ nī lè, Kpuɔmɔ Kulocɛliɛ kácunʔɔ kàliige mɛ́ gè.

Eburulo 8:3

Kacuɔnrilɔ kàfɔlilɔ piyē tɛ́ngɛlɛ bèri kpuʔɔrɔ nɛ́ kakuɔrɔ kɔ̀ngí dè Kulocɛliɛ mɛ́ wè. Weli kacuɔnrilɔ kàfɔli míɛni wi 'yɛli de yakaa taʔa de kanʔa wi mɛ́.

Eburulo 9:11

Ki sí nyaa, Kirisi wi pɛ́nì kò kacuɔnrilɔ kàfɔli píra ŋáà nī wè, weli nyuɔmɔ kɛnmɛ nɛ̄ bè. Wi nyɛ́nì jíin kpátaʔa nī gè baa nyìʔɛnɛ nī lè, gàa ki sɔ́migɔ nɛ̀ nyuɔ nɛ̀ tóri dàala kpátaʔa nɛ̄ gè, gàa siɛn kiyɛ sì kpíʔile gèʔ nɛ́ ki wè bile duniya ŋáà nī wè ŋàa Kulocɛliɛ 'faan wèʔ.

Eburulo 10:21

Bɛ̀ kacuɔnrilɔ kàfɔli kpuɔwɔ yē weli mɛ́ wè, tɛ́niwɛ Kulocɛliɛ saʔa nɛ̄ gè,