Eburulo 2:14 - Sénoufo Nyarafolo

¹⁴ Ki sí n'gɛ, bɛ̀ pìile piyē lewiile bèle bàli pe sí yē céri nɛ́ sìsiɛn gè, Zezi wire míɛni pɛ́nì kò céri nɛ́ sìsiɛn. Bɛ̀ ki 'kpíʔile a wi 'jáa nɛ̀ kùu bè gbòdolilo kàfɔli fànʔa cúʔɔ gè, wire ŋáà kiyɛ nī kùu fànʔa ki yē gè.

Eburulo 2:14 Iomraidhean Croise

Sélimɛ 3:15

M'bé leguuro nyɔ́gɔ muɔ nɛ́ cɛliwɛ sunʔɔmɔ ní bè, nɛ́ muɔ siimɛ nɛ́ cɛliwɛ wi siimɛ nī bè. Cɛliwɛ wi siimɛ pi bé ba muɔ nyùgo muʔɔrɔ gè; muɔ wè, muɔ bé ba wi nɔ̀ yedagbiɛnnɛ nɛ̄ lè.»

Matiye 16:17

A Zezi wi sí wi yɛ: «Siimɔ, Zonasi jaa, muɔ 'diba taa, nɛ̀ taʔa gíi nɛ̄, siɛn bɛ̀ʔ wi 'kányiʔɛ gáà tìɛ gè muɔ nɛ̄ʔ. Mi Tuu wire tíimɛ wī, mi Tuu ŋáà wī baa nyìʔɛnɛ nī lè.

Matiye 25:41

«Píra ŋáà nī wè dí kùlofɔli wi sí kàmɛgɛ wuulo yɛ bèle: ‹Ye- sìʔɛrɛ mi táanni yeli bèle, yeli woli ni 'cúʔɔ wī, ye- sa jíin bànguɔ kàsun nī gè; gbòdolilo kàfɔli wire míʔɛ ní ki cé kpíʔile wire nɛ́ wi tundunminɔ ní bèle.

Zezi Kirisi Kataanna Siɛnrɛ dè Zan juumɔ nɛ̄ bè 1:14

A Siɛnrɛ ti kɛ́nì yiʔɛ nɛ̀ kò siɛn, nɛ̀ pɛ́nì tɛ́ni nɛ́ weli ní. A weli 'wi kpuɔmɔ nyaa bè, kpuɔmɔ báà bī Tuufɔli wi Jaa nigbe kpuɔmɔ bè. Kacɛ̀ngɛ nɛ́ kányiʔɛ 'puu wi mɛ́ kpuʔɔ.

Zezi Kirisi Kataanna Siɛnrɛ dè Zan juumɔ nɛ̄ bè 12:24

M'bé ki juu yeli mɛ́ kányiʔɛ nɛ̄, a bíle pìle niì tánʔa dàala nī lè nɛ̀ kùu lèʔ, pìle ni nɛ̂ kò nìi nigbe. A pìle ni sí kùu lè, ni nɛ̂ sɛn nìʔɛgɛ.

Wurɔmiyé 14:9

Ki 'nyaa Kirisi wi 'kùu nɛ́ koli nɛ ní sìi nɛ̄, gìi ki bé tí wi- puu kúbilo nɛ́ wiile pe Kàfɔli wè.

Wurɔmiyé 8:3

Nɛ̀ taʔa gíi nɛ̄, kaala níì Misa Fànʔa Siɛnrɛ tiǐ cî gbɛ̀ kpíʔile wèʔ, bɛ̀ ki 'nyaa céri ti fànʔa ki 'cɛ́ri wè, a Kulocɛliɛ wi sí wi Jaa tíimɛ tórigo wè wi ní céri ní bɛ̀ kapiile céri tíɛlɛ. A kire 'kpíʔile a Kulocɛliɛ wi 'kàyuʔu juu kapiile nɛ̄ lè siɛn céri nī dè.

Korɛntiyé 1 1:28

Nɛ̀ pínɛ gìi ní pe wè tɔ́ri duniya nī wèʔ, nɛ́ gìi siɛnnɛ piyē nɛ cúɔnnɔ duniya nī wè, nɛ́ yɛgɛ gíì pe wè tɔ́ri yafiɛn wèʔ, a Kulocɛliɛ wi 'ti líɛ nɛ̀ dìi cúʔɔ dè, dàa ní duniya wuulo piyē nɛ tɔ́ri dè.

Korɛntiyé 1 15:50

Nɛ siinyɛninɛ, dàa mi nɛ nyu dè, ti kɔri n'ŋɛ: céri nɛ́ sìsiɛn tiǐ gbɛ̀ Kulocɛliɛ Kùlofɔligɔ kɔrigɔ lìi gèʔ. Fúnʔɔrɔ tiǐ gbɛ̀ sìnvunʔɔrɔ kɔrigɔ lìi gèʔ.

Galasiyé 4:4

Bà lɛ̀lɛ ni sí kɛ́nì pɛ́nì nyì nɛ̀ fori lè, a Kulocɛliɛ wi 'wi Jaa tórigo wè a cɛliwɛ pɛ́nì wi sii, wi ní Fànʔa Siɛnrɛ láara dè,

Kolɔsiyé 2:15

Wi 'fànʔafɔlilɔ pe fànʔa suɔ gè pe mɛ́, nɛ́ Setɛni fànʔa ní gè nɛ̀ pínɛ, nɛ̀ pe yige kpànʔanɛ wálilɛ nɛ̀ fìɛrɛ tɔ́n pe nɛ̄, nɛ̀ pe jáa Kirisi wire kùu wi fànʔa nɛ̄ gè tiiparigɛ nɛ̄ gè.

Timote 1 3:16

ʔaan, káaliyɛ wè ti nīʔ, weli tɛ́ngɛlɛ ni kalarilɛ ni 'kpúʔɔ, nàa nī tɛ́ngɛlɛ ni nyùgo gè: Wi nyɛ́nì wìi tìɛ siɛn céri nī, a Kulocɛliɛ Pìle ni 'ki juu nɛ̀ láʔa nɛ́ jo wi 'sín, a nyìʔɛnɛ tundunminɔ pe 'wi nyaa. A siɛnnɛ pe 'wi wuʔu jáari gè kùlogolo siɛnnɛ mɛ́ bèle, a siɛnniʔɛnɛ 'tɛ́ngɛ wi nɛ̄ duniya nī wè, a Kulocɛliɛ wi 'wi yɛ̀gɛ wi kpuɔmɔ nī bè.

Timote 2 1:10

Píra ŋáà nī wè, Kulocɛliɛ wi 'kire kpuʔɔrɔ tìɛ dè a weli 'ti nyaa, lɛ̀lɛ líì nī weli Suɔfɔli Zezi Kirisi wi yé pɛn duniya nī wè, a wi 'kùu wi fànʔa cúʔɔ gè. Kataanna Siɛnrɛ kɛnmɛ nɛ̄ bè, a wi 'ki kpíʔile a weli 'sìi cɛ́n wè, sìi ŋáà wiǐ gbɛ̀ cúʔɔ wèʔ.

Eburulo 10:10

Kulocɛliɛ nyɛ́ni kaala ni 'puu bè weli wàli bè tɛ́ngɛ wire mɛ́, kire nɛ̄ Zezi Kirisi wi 'wi céri kɛn dè kakuɔrɔ, tɔligɔ nigbe péʔ.

Eburulo 10:5

Kire kɛnmɛ nɛ̄, lɛ̀lɛ líì nī Kirisi wi yé je jíin duniya nī wè, a wi 'ki juu Kulocɛliɛ mɛ́ wè nɛ́ jo: Kakuɔrɔ yajuuro dè nɛ́ yaliire yakɛnrɛ ní dè, tire bɛ̀ʔ muɔ nɛ caaʔ: muɔ 'cetinnɛ kpíʔile mi mɛ́.

Eburulo 2:17

Kire kɛnmɛ nɛ̄ wi yé yɛli bè yiʔɛ bè kò wi siinyɛninɛ tíɛlɛ bèle, lewiile bèle, kɛnmɛ pi mìɛni nɛ̄, kire ga buu wi- puu kacuɔnrilɔ kàfɔli ŋáà wī nyinidaaguugo ní gè nɛ́ ní tɛ́ngɛmɛ siɛn Kulocɛliɛ baara nī dè, bè kàsulugosuɔ baara kúɔ dè siɛnnɛ mɛ́ bèle, pe kapiʔile wori nɛ̄ dè.

Eburulo 2:18

Nɛ́ ki cɛ́n bɛ̀ wire tíimɛ 'wuʔɔ a puuwelige 'tuu wi nɛ̄ wè, wi bé gbɛ̀ pe sáʔa, bàli nɛ̄ puuwelige ki nɔ̀gí gè.

Eburulo 4:15

Nɛ́ ki cɛ́n weli kacuɔnrilɔ kàfɔli wè, kiì nyaa majo wiǐ gbɛ̀ jáa bè nyinimɛ taa weli ŋɔrifun kele nɛ̄ gèleʔ. Kire sì cɛ bɛ̀ʔ; wi yé puuwelige taa kele ke mìɛni nī majo bɛ̀ weli míɛni nɛ puuweliye taʔa yè, nɛ̀ ki yaʔa wiì kapiile kpíʔileʔ.

Eburulo 9:15

Ki sí n'gɛ wire wī kàsuluwo wè, nyakungɛngɛ fɔngɔ wuu wè, kire ga buu bàli Kulocɛliɛ 'yeri bèle, pe- bànguɔ kɔrigɔ taa gè gàa nyuɔ wi yé fɛ̀ni gè. Nɛ́ ki cɛ́n wi kùu wi nyɛ́nì kpíʔile bè weli kapiʔile fuʔɔ tɔ́n gè bé sí siɛnnɛ suɔ bèle pe kacuʔɔgɔlɔ mɛ́ gèle, gàli pe yé kpíʔile gèle nyakungɛngɛ liʔɛ lɛ̀lɛ nī lè.

Piɛri 1 1:20

Bè ki yaʔa duniya wiì cé fìɛ faan wèʔ, Kulocɛliɛ cé wi nyíɛnɛ nɛ̀ kɔ̀n kire baara nɛ̄ dè. Làzɛnnɛ náà nī lè, a wi 'ki yaʔa yeli 'wi cɛ́n yeli nyuɔmɔ wuʔu nɛ̄ gè.

Tìɛlɛ 1:18

Mi yē sìi nɛ̄. Mi cé kùu, ki sí n'gɛ, mi yē sìi nɛ̄ súuri kúɔmɔ fùn, nɛ̀ pínɛ kùu kɔ̀rikaanna lè nɛ́ kusiʔi kɔ̀rikaanna ní lè, mi mɛ́ ke yē.

Tìɛlɛ 12:9

A pe 'yapiʔi kpuʔɔ cìra gè. Kire gī wɔ̀biliʔɛ gè, pe ki ye gbòdolilo kàfɔli wè nɛ́ Setɛni wè. Wire wi nyɛ́ni duniya wuulo pe mìɛni fáanni nɛ pe pùunní, a pe 'wi cìra nɛ̀ tìrige dàala nɛ̄ lè nɛ́ wi tundunminɔ ní bèle.

Tìɛlɛ 2:10

Fàri fìʔɛʔ wuʔɔgɔ gáà ki báan muɔ mɛ́ gèʔ. «Ki 'nyaa gbòdolilo kàfɔli wiī nɛ ki caa bè yeli pálì wáa kasuu nī bè yeli siʔɛ bè wéli; yeli bé wuʔɔgɔ suɔ bè taa cɛnyɛ kiɛ. Kò baa muɔ nyayerigele nī gèle bè taa muɔ pa kùu, bà m'bága kpuʔɔrɔ ndɔ̀ngɔ kɛn gè muɔ mɛ́ sìi wuʔu gè.

Tìɛlɛ 20:2

A wi 'yapiʔi cò gè, wɔ̀biliʔɛ gè, kire gī gbòdolilo kàfɔli wè nɛ́ ní Setɛni wè. A nyìʔɛnɛ tundunwɔ wi 'wi puɔ nɛ̀ cáan nɛ̀ taa yiʔɛlɛ sirakogunɔ (1 000).