Eburulo 2:11 - Sénoufo Nyarafolo

¹¹ Nɛ́ ki cɛ́n Zezi wire ŋáà wiī nɛ siɛnnɛ wàlí nɛ tɛ́ngi Kulocɛliɛ mɛ́ wè, nɛ́ bàli bīɛlɛ wàlidɛngɛlɛ bèle, pe mìɛni yē Tuufɔnuwɔ nɛ̄. Kire kɛnmɛ nɛ̄ ki wè Zezi nɛ̄ wè fìɛrɛʔ bè pe yeri wi siinyɛninɛʔ.

Eburulo 2:11 Iomraidhean Croise

Matiye 25:40

«Kùlofɔli wi bé siɛnnugoro kɛn dè pe mɛ́ bé jo: ‹M'bé ki juu yeli mɛ́ kányiʔɛ nɛ̄, dàa ti mìɛni mi 'tìɛ dàa dè, lɛ̀lɛ ó lɛ̀lɛ yeli 'ni làa fáala kpíʔile mi siinyɛninɛ pe wàa cíɛwɛ nɛ̄ wè, mi mɛ́ yeli 'ni kpíʔile.›

Matiye 28:10

A Zezi wi sí pe yɛ: «Ye fǎri fìʔɛ́ʔ. Yeri waa ye sa ki juu mi siinyɛninɛ mɛ́ bèle, peri waa Galile tɛ́nimɛ mɛ́, pe báa mi nyaa kire tiʔɛ nī.»

Mariki 3:34

Nɛ́ fali nɛ siɛnnɛ wéli bèle nɛ tòrí, bàli pe cé tɛ́ni nɛ̀ wi màʔa nɛ̀ suʔu bèle, nɛ́ fali nɛ̀ kɛ́nì jo: «M'bɛlɛ, bàli bīɛlɛ mi yàa wè nɛ́ mi cɔninɔ bèle.

Mariki 8:38

M'bé ki juu yeli mɛ́, a siɛn 'ki nyaa fìɛrɛwuʔu bè wìi taʔa mi nɛ̄ náʔa duniya ŋáà nī wè, duniya ŋáà wi wè síngi Kulocɛliɛ yiʔɛ mɛ́ gèʔ, kapiʔile duniya ŋáà wè, nɛ̀ pínɛ a siɛn 'mi siɛnrɛ nyaa dè ti fìɛrɛ tɔ́ngi wi nɛ̄ wè, bɛ̀ Siɛn Pùɔ míɛni wi bága fìɛrɛ tɔ́n ki siɛn nɛ̄ wè, a wi kɛ́nì pɛn wi Tuu kpuɔmɔ nàjɛnrɛ nī dè nɛ́ nyìʔɛnɛ tunduncɛ̀nminɛ ní bèle.»

Luku 9:26

Nɛ̀ taʔa gíi nɛ̄, a siɛn 'ki 'nyaa mi nɛ fìɛrɛ tɔ́ngi wire nɛ̄, nɛ́ mi siɛnrɛ ní dè nɛ̀ pínɛ wè, Siɛn Pùɔ míɛni wi bága sa fìɛrɛ tɔ́n wi nɛ̄, a wi kɛ́nì pɛn wi kpuɔmɔ nī bè nɛ́ Tuufɔli wi kpuɔmɔ ní bè, nɛ́ nyìʔɛnɛ tunduncɛ̀nminɛ kpuɔmɔ ní bè.

Zezi Kirisi Kataanna Siɛnrɛ dè Zan juumɔ nɛ̄ bè 17:19

Mi 'mìɛ wàli nɛ̀ tɛ́ngɛ peli kɛnmɛ nɛ̄, gìi ki bé tí peli míɛni bèle pe- pìye wàli pe tɛ́ngɛ muɔ mɛ́ kányiʔɛ nɛ̄.»

Zezi Kirisi Kataanna Siɛnrɛ dè Zan juumɔ nɛ̄ bè 17:21

Mi nɛ muɔ náari Aba, pe mìɛni pe- puu nigbe majo kɛnmɛ bíì nɛ̄ muɔ yē mi nī, á mi míɛni ní muɔ nī wè, peli míɛni bèle pe- puu nigbe weli nī, dí duniya siɛnnɛ pe sí tɛ́ngɛ ki nɛ̄ muɔ ma 'mi tun.

Zezi Kirisi Kataanna Siɛnrɛ dè Zan juumɔ nɛ̄ bè 20:17

A Zezi wi 'wi yɛ: «Fǎga cò mi nɛ̄ʔ. Mi sì fìɛ yɛ̀ nɛ̀ kɛ́ baa mi Tuu kúrugo wèʔ. Koli mari waa mi siinyɛninɛ kúrugu bèle, ma sa ti juu pe mɛ́ ma pe yɛ dí m'bé yɛ̀ bè kɛ́ mi Tuu kúrugu wè. Wiī yeli Tuu nɛ̀ pínɛ, wiī mi Kulocɛliɛ, nɛ ní yeli Kulocɛliɛ nɛ̀ pínɛ.»

Kakpiʔiligele 17:26

Nàguɔ nigbe nī wi 'kùlogolo siɛnnɛ pe mìɛni feliye yige yè, pe pa puu dàala tiɛrɛ ti mìɛni nī dè, nɛ́ sí lɛ̀gɛlɛ tɔ́nminɔ gèle nɛ̀ ke yérige ke lariyɛ nī yè, nɛ̀ láʔagɛlɛ tɛ́ngɛ siɛnnɛ kòridiɛyɛ nɛ̄ yè.

Kakpiʔiligele 17:28

‹Wire fànʔa nɛ̄ weli yē sìi nɛ̄, wire fànʔa nɛ̄ weli nɛ jàʔá nɛ kparigi, wire fànʔa nɛ̄ weli yē bile.› Tire yeli kacɛ́njuulo ŋúnuŋuminɔ pálì cé 'juu dè, nɛ́ jo: ‹Ki 'nyaa weli yē Kulocɛliɛ wi siimɛ wuulo wī.›

Wurɔmiyé 8:29

Ki 'nyaa bìli wi cé kíni nɛ̀ cɛ́n nɛ̀ yaʔa bèle, a wi 'pe kpíʔile nɛ̀ yaʔa pe- puu wi Jaa tíɛlɛ wè, gìi ki bé tí wi Jaa wi- puu pìpeliwe wè wi siinyɛninɛ nìʔɛnɛ sunʔɔmɔ nī bè.

Galasiyé 4:4

Bà lɛ̀lɛ ni sí kɛ́nì pɛ́nì nyì nɛ̀ fori lè, a Kulocɛliɛ wi 'wi Jaa tórigo wè a cɛliwɛ pɛ́nì wi sii, wi ní Fànʔa Siɛnrɛ láara dè,

Eburulo 10:10

Kulocɛliɛ nyɛ́ni kaala ni 'puu bè weli wàli bè tɛ́ngɛ wire mɛ́, kire nɛ̄ Zezi Kirisi wi 'wi céri kɛn dè kakuɔrɔ, tɔligɔ nigbe péʔ.

Eburulo 10:14

Ki sí n'gɛ bàli pe mìɛni wi 'wàli nɛ̀ tɛ́ngɛ wìi mɛ́ wè, a wi 'pe nyuɔ nɛ̀ forigoʔ súuri bɛ̀ wi 'wìi kɛn tɔligɔ nigbe gè.

Eburulo 11:16

Gìi sí gī baa gè, gàa pe 'puu nɛ caa gè, pe 'puu nɛ kùlo láà caa nàa ni 'sɔ́migɔ nɛ̀ nyuɔ baa nyìʔɛnɛ nī lè. Kire nɛ̄ ki wè fìɛrɛʔ Kulocɛliɛ mɛ́ peri wire yeri pe Kulocɛliɛ wèʔ, nɛ́ ki cɛ́n wi nyɛ́nì kàkpuʔɔ káà gbòbori pe mɛ́.

Eburulo 13:12

Kire nɛ̄ Zezi míɛni wi 'kùu kàʔa kàduʔu mɛ́ gè kire ga buu bè siɛnnɛ wàli bèle bè tɛ́ngɛ Kulocɛliɛ mɛ́ wi tíimɛ sìsiɛn kɛnmɛ nɛ̄ bè.

Eburulo 2:14

Ki sí n'gɛ, bɛ̀ pìile piyē lewiile bèle bàli pe sí yē céri nɛ́ sìsiɛn gè, Zezi wire míɛni pɛ́nì kò céri nɛ́ sìsiɛn. Bɛ̀ ki 'kpíʔile a wi 'jáa nɛ̀ kùu bè gbòdolilo kàfɔli fànʔa cúʔɔ gè, wire ŋáà kiyɛ nī kùu fànʔa ki yē gè.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.