Eburulo 2:10 - Sénoufo Nyarafolo

¹⁰ Kulocɛliɛ ŋáà wi 'yɛrɛ ti mìɛni faan dè nɛ́ ti cò nɛ̀ yérige dè, wi 'puu nɛ caa bè pìile kɔ́ri nìʔɛnɛ pe- pe liʔɛlɛ taa wi kpuɔmɔ nī bè. A kire ki 'kɛn a wi 'Zezi kpíʔile wè a wi 'nyuɔ nɛ̀ fori wi wuʔɔyɔ kɛnmɛ nɛ̄ bè, wire ŋáà wi 'suɔlɔ koligo múgu gè pe mɛ́ wè.

Eburulo 2:10 Iomraidhean Croise

Sélimɛ 18:25

Kiǐ gbɛ̀ kpíʔileʔ, muɔ‑ siɛnsinwɛ kpúu wè nɛ́ siɛnpiiwe ní wè, muɔ‑ pe mìɛni cò sìnjaa mmɛ gè ! Duniya wi mìɛni kàyuʔujuufɔli wiǐ fɔ̀li léʔ bè siɛnnɛ kàyuʔu juu gè bè sín ?»

Tɔ́rilɔ 7:15

A wi ń'nɛ̀ pɛn nɛ́ kakuɔrɔ kaasuʔuro wori ní dè: nɛ̀piɛyɛlilɛ nigbe, nɛ́ sìnbapɔli nigbe, nɛ́ míɛni yiɛlɛ nigbe sìnbapɛnnɛ,

Luku 13:32

A wi 'pe yɛ: «Yeri waa ye sa ti juu nyáʔapuun ŋáà mɛ́ wè, ye wi yɛ dí mi nɛ gbòdolilo cìrá bèle, nɛ̀ pínɛ m'bé yaala puʔɔ bèle pàngɛ gè nɛ́ mbànʔa ní wè; cɛndaanriwuʔu nɛ̄ gè m'bé kúɔ mi baara nɛ̄ dè.

Luku 2:14

«Kpuʔɔrɔ 'yɛli Kulocɛliɛ nɛ̄ wè nyìʔɛnɛ tiɛliiliye yi mìɛni nī yè; yanyige- sí puu dàala nɛ̄ lè siɛnnɛ pe sunʔɔmɔ nī bè, bìli pe 'wi dɛ́ni bèle !»

Luku 24:26

Kulocɛliɛ Siɛnnyiɛnɛgɔnwɔ wiì cé yɛliʔ lé bè wuʔɔgɔ gáà suɔ gè lé, bé nɛ́ jíin wi kpuɔmɔ nī bè lé ?»

Luku 24:46

A wi 'pe yɛ: «Kulocɛliɛ siɛnsɛbɛrɛ ti 'ki juu nɛ́ jo dí Kulocɛliɛ Siɛnnyiɛnɛgɔnwɔ wi cî ga wuʔɔgɔ suɔ, bé sí ga nyɛ́ bè yiri kúbilo sunʔɔmɔ nī bè cɛndaanriwuʔu nɛ̄ gè.

Zezi Kirisi Kataanna Siɛnrɛ dè Zan juumɔ nɛ̄ bè 11:52

Kiì sí kò majo kùlo lire yákuɔ kɛnmɛ nɛ̄ wi 'yɛli bè kùuʔ. Wi 'yɛli wi- kùu gìi ki bé tí Kulocɛliɛ pìile bílì pe 'cɛrigɛ nɛ̀ màʔa bèle, pe- pìye pínɛ pe- kò nigbe.

Zezi Kirisi Kataanna Siɛnrɛ dè Zan juumɔ nɛ̄ bè 19:30

Bà Zezi wi 'ki suɔn gè, a wi 'jo: «Kele ke mìɛni 'fori !» Nɛ́ fali nɛ̀ nyùgo cùungu gè, nɛ̀ kùu.

Kakpiʔiligele 3:15

A kire 'ki kɛn a yeli 'sìi kɛnvɔli kpúu wè. Kulocɛliɛ wi 'wi nyɛ́ nɛ̀ yigɛ kúbilo nī bèle; weli 'bīɛlɛ ti cɛ́nfɔlilɔ bèle.

Kakpiʔiligele 5:31

Wire Kulocɛliɛ wi 'yɛ̀gɛ nɛ̀ wi tɛ́ngɛ wi kàliige mɛ́ gè, nɛ́ wi kpíʔile Kùlofɔli Jaa nɛ́ Suɔfɔli wè, gìi ki bé tí Isirayɛli wuulo pe- pe funyɔ yiʔɛ yè pé láʔa pe kapiʔile nɛ̄ gèle, dí Kulocɛliɛ sí pe kapiʔile kàsulugo suɔ gè.

Wurɔmiyé 11:36

Nɛ́ ki cɛ́n Kàfɔli wire nī yɛrɛ ti mìɛni ti 'yiri, wire fànʔa nɛ̄ yɛrɛ ti mìɛni yē bile, wire wori dī ti mìɛni dè. Kpuʔɔrɔ tiī wi wori lɛ̀gɛlɛ ke mìɛni nī ! Ki- taa ki puu bɛ̀.

Wurɔmiyé 9:23

Kulocɛliɛ wi 'kire kpíʔile gìi ki bé tí wi- wi kpuɔmɔ pi kpúʔɔgɛnmɛ tìɛ bè siɛnnɛ nɛ̄ bèle bàli nɛ̄ wire nyɛ́nì nyinimɛ taa bè nɛ́ pe gbòbori nɛ̀ yaʔa pe ga puu kpuɔmɔ nī bè.

Korɛntiyé 1 2:7

ʔéʔe, ki 'nyaa Kulocɛliɛ sícilimɛ pire ní weli nɛ nyu; piī kafɔnnɔ nɛ́ ní làribɛ. Kulocɛliɛ wi cé tíi nɛ̀ pi wori juu dè nɛ̀ yaʔa duniya sélimɛ nɛ̄ bè, nɛ́ jo wire bé weli nyɔ́gɔ kpuɔmɔ nī bè.

Korɛntiyé 1 8:6

Weli mɛ́ bèle, Kulocɛliɛ wiī nigbe, wire wī Tuufɔli wè. Wire nī yɛrɛ ti mìɛni ti 'kɔ́n, nɛ̀ pínɛ weli yē bile wire kɛnmɛ nɛ̄ wī. Kàfɔli wiī nigbe nɛ̀ pínɛ, wire wī Zezi Kirisi wè. Wire nī yɛrɛ ti mìɛni ti 'yiri, wire fànʔa nɛ̄ weli yē sìi nɛ̄.

Korɛntiyé 2 3:18

Kire nɛ̄, weli we mìɛni bálì bīɛlɛ yiɛyɛ ní yè múguyo yè, weli nɛ Kàfɔli wi kpuɔmɔ wéli bè ki ní majo we ki wéli dibale nī wī. Bɛ̀ Kàfɔli wi sí yē Kulocɛliɛ Pìle lè, wiī nɛ weli kàrigí nɛ weli kpínʔini bɛ̀ wìi tíɛlɛ, nɛ kàa taʔala nɛ waa weli kpuɔmɔ nɛ̄ bè.

Korɛntiyé 2 4:17

Nɛ́ ki cɛ́n wuʔɔgɔ gáà gī weli nɛ̄ ŋɔ̀ wè, a we je ki tɔ́nminɔ gè, ki 'cɛ́ri nɛ̀ fáala kpuɔmɔ báà nī weli bága pa puu bè, bànguɔ kpuɔmɔ bè, kpuɔmɔ báà wuʔɔgɔ kiī nɛ kpínʔini nɛ yɛri weli mɛ́ bèle.

Korɛntiyé 2 5:18

Kire ki mìɛni ki 'yɛ̀ Kulocɛliɛ mɛ́, wire ŋáà wi 'ki kpíʔile a we 'koli nɛ̀ bìɛ wire nɛ́ weli ní bèle Kirisi wire kɛnmɛ nɛ̄ bè, nɛ́ sí ki baara kɛn dè weli mɛ́ weri siɛnnɛ nyu bèle de taʔala peli nɛ́ Kirisi ní wè.

Korɛntiyé 2 6:18

A Kàfɔli wi ní nɛ̀ ki juu, wire ŋáà wī Ŋɔri ti Mìɛni Kulocɛliɛ wè, nɛ́ jo: M'bé puu yeli Tuu wè, dí yeli sí puu mi jaala bèle nɛ́ mi pórilo bèle .

Galasiyé 3:26

Ki 'nyaa, yeli ye mìɛni yē Kulocɛliɛ pìile tɛ́ngɛlɛ fànʔa nɛ̄ gè Kirisi Zezi nī wè.

Efɛziyé 2:7

Wi 'kire kpíʔile we- ki cɛ́n yiʔɛlɛ gílì ke báan nɛ tíin gèle, wire kpuʔɔrɔ dáà wire 'kpíʔile weli mɛ́ Zezi Kirisi kɛnmɛ nɛ̄ bè, lɔri cɛ̀nrɛ yē baa nìʔɛrɛ ki kpuʔɔrɔ dáà nī dè.

Efɛziyé 3:10

gìi ki bé tí Kàfɔli wi wuulo gboli lire kɛnmɛ nɛ̄ bè, kàfɔligɔ feliye yè nɛ́ fànʔafɔligɔ feliye nyáà yī baa nyìʔɛnɛ nī lè, ti- ki cɛ́n Kulocɛliɛ sícilimɛ koliyo yiī nìʔɛyɛ kátii.

Kolɔsiyé 3:4

A Kirisi wi kɛ́nì wìi tìɛ wè, wire ŋáà wī yeli sìi wè, kire lɛ̀lɛ nī lè, yeli míɛni bèle, yeli bé yiri nɛ́ wi ní bè puu kpuɔmɔ nī.

Timote 2 2:10

Kire kɛnmɛ nɛ̄ mi nɛ kele ke mìɛni kpàrí nɛ cògí bàli kɛnmɛ nɛ̄ Kulocɛliɛ 'nyíɛnɛ nɛ̀ kɔ̀n wè, kire ga buu pe- suɔlɔ taa lè nàa ni 'kɔ́n Zezi Kirisi mɛ́ wè. Bɛ̀ ki yē gè pe bé bànguɔ kpuɔmɔ taa bè míɛni.

Eburulo 12:2

We- weli yiʔɛ le gè Zezi nī, ŋàa wi 'tɛ́ngɛlɛ koligo múgu gè níɛ ni forigi lè. Wi nyɛ́nì fɔ̀li ki nɛ̄ nɛ̀ kùu tiiparigɛ nɛ̄ gè; wiì tɔ́ri nɛ́ fìɛrɛ ní dè dàa ti cî ga tɔ́n wi nɛ̄ wèʔ, kùu ŋáà felige nɛ̄ wèʔ. Nɛ́ ki cɛ́n wi cé ki nyaa fundaanra dáà dī wire yiʔɛ mɛ́ gè; píra ŋáà nī wè wiī tɛ́niwɛ Kulocɛliɛ kácunʔɔ kàliige mɛ́ gè.

Eburulo 6:20

Zezi wi 'jíin baa weli yiʔɛ nɛ̄, weli kɛnmɛ nɛ̄. Wi nyɛ́nì kò kacuɔnrilɔ kàfɔli lɛ̀lɛ ó lɛ̀lɛ nī, Mɛlikisedɛki felige gè.

Eburulo 7:26

Zezi wiī kacuɔnrilɔ kàfɔli ŋáà nɛ̄ weli màakuu yē wè. Wiī tiɛlɛ fùn, kolimɔ fùn, cìiliwe: wi 'wàli nɛ̀ líili kapiigbiʔilile nɛ̄ bèle, wiī tɛ́niwɛ naamɛ nyìʔɛnɛ nī.

Eburulo 7:28

Siɛnnɛ bálì Misa Fànʔa Siɛnrɛ ti 'tɛ́ngɛ kacuɔnrilɔ kàfɔlilɔ bèle, piyè nyuɔ nɛ̀ foriʔ. Nɛ̀ ki yaʔa Kulocɛliɛ kàlilɛ siɛnrɛ, dàa wi 'juu Fànʔa Siɛnrɛ ti kàduʔumɛ gè, tire 'wi Jaa tɛ́ngɛ wè kacuɔnrilɔ kàfɔli ŋáà wi 'nyuɔ nɛ̀ fori lɛ̀lɛ ó lɛ̀lɛ nī lè.

Piɛri 1 1:12

Kulocɛliɛ 'puu nɛ ki tìí pe nɛ̄ nɛ́ jo kire siɛnrɛ dáà dè tiì puu peli woriʔ, fúɔ yeli wori. Píra ŋáà nī wè, bàli pe Kataanna Siɛnrɛ nyu dè yeli mɛ́ wè, pe 'ki kele gálì juu gèle nɛ̀ kúɔ yeli mɛ́ Kulocɛliɛ Pìle ni fànʔa nɛ̄ gè, nàa Kulocɛliɛ 'tìrige a ni 'kɔ́n nyìʔɛnɛ nī lè. Kele kálì gīɛlɛ nyìʔɛnɛ tundunminɔ tíimɛ pe caa bè ke cɛ́n.

Piɛri 1 5:1

Mi nɛ nyu siɛnliɛlɛ mɛ́ bèle tɛ́ngɛfɔlilɔ gboli nī lè, mi ŋáà wī liɛwɛ pe tíɛlɛ wè nɛ́ ní Kirisi wuʔɔyɔ yi nyaafɔli wè. Mi míɛni m'bága liɛlɛ taa kpuɔmɔ nī bè bàa Kulocɛliɛ bága ba tìɛ bè. Píra ŋáà nī wè, mi nɛ liɛlɛ náari bèle bàli bīɛlɛ yeli sunʔɔmɔ nī bè:

Piɛri 1 5:10

Bà yeli 'wuʔɔ lɛ̀lɛ láà cɛ̀ri nī wè, Kulocɛliɛ ŋáà wī kacɛ̀ngɛ ki mìɛni fɔ́li wè, wire ŋáà wi 'yeli yeri wi kúɔmɔfun kpuɔmɔ nī bè, bɛ̀ yeli yē pínɛnɛ nɛ́ Zezi Kirisi ní wè, wire tíimɛ wi bé yeli yɛ̀gɛ bè yérige, bè yeli cò, bè yeli kpíʔile ŋɔrifɔlilɔ, yeli sǐ gbɛ̀ tuuʔ.

Tìɛlɛ 4:11

«Weli Kàfɔli Kulocɛliɛ, muɔ 'yɛli weri muɔ gbùʔɔrɔ́, weri kpuʔɔrɔ tari muɔ nɛ̄; muɔ 'yɛli we- fànʔa kɛn gè muɔ mɛ́. Nɛ̀ taʔa gíi nɛ̄, muɔ ma yɛrɛ ti mìɛni faan, nɛ̀ pínɛ muɔ nyɛ́ni kaala lire ni 'ti yige bile, kire ki 'tí a ti 'faan.»

Tìɛlɛ 7:9

Bà tire 'tóri dè, mi kɛ́nì je wéli wè, nɛ̀ siɛnniʔɛmɛ páà nyaa siɛn sì cî gbɛ̀ pi tɔ́ri bè pi nyuɔ cɛ́nʔ. Siɛnfeliye yi mìɛni 'puu pe nī, nɛ́ kùlogolo ke mìɛni wuulo ní bèle, nɛ́ siɛnrɛ felide ti mìɛni wuulo ní bèle. Pe 'puu yérile kùlofɔlilɔ kácunʔɔ yiʔɛ mɛ́ gè nɛ́ Sìnbapile ni yiʔɛ mɛ́ gè, nɛ́ burugboliyo fìiye le, siʔɛgbari ní pe mɛ́ còro kiyɛ nī yè.