Eburulo 13:9 - Sénoufo Nyarafolo

⁹ Ye fǎga ki yaʔa pe- yeli fáanni bè pùunniʔ nɛ́ tɛnmɛgɛlɛ kálì kiiyɛ níʔ. Gìi ki 'pɔ́ri gè, yeli 'yɛli bè ŋɔri taa yeli funyɔ nī yè Kulocɛliɛ kpuʔɔrɔ kɛnmɛ nɛ̄ bè; kiì yɛli ki- puu yaliire kajuʔulo wuʔu nɛ̄ʔ. Nɛ́ ki cɛ́n bàli pe 'taʔa ki kajuʔulo nɛ̄ gèle, piyè gbɛ̀nɛ tɔ̀ni taa ke nīʔ.

Eburulo 13:9 Iomraidhean Croise

Ŋúnuyɔ 112:8

Wi fungo ki 'sori, wiǐ de fìʔɛ́ʔ, wi nɛ̂ puu yériwe nɛ wi túnvɔlilɔ tuugɛnmɛ wéli bè.

Matiye 24:24

Nɛ́ ki cɛ́n jànvaafɔlilɔ pálì bága pa yiri bé jo peli bīɛlɛ Kirisi wè, nɛ́ Kulocɛliɛ siɛnjuulo jànvaafɔlilɔ ní. Pe béri kanyuʔɔnigɔlɔ kpoliyo kpínʔini, nɛ́ kakpoliyo ní de pínɛ. Fúɔ a ki cɛ́nì taa bìli tíimɛ Kulocɛliɛ wi 'nyíɛnɛ nɛ̀ kɔ̀n bèle, pe bé pe fáanni bè pùunni.

Matiye 24:4

A Zezi wi 'pe yɛ: «Yeri yìye ciʔige, siɛn fǎa ga yeli fáanni bè yeli pùunniʔ.

Luku 5:38

«Gìi pe 'yɛli bè kpíʔile gè, ki 'yɛli pe sunvɔnbɔ le bè forivɔnyɔ nī.

Kakpiʔiligele 20:30

Yeli tíimɛ sunʔɔmɔ nī bè, nàguɔlɔ pálì bága yɛ̀ de káfinɛrɛ siɛnrɛ táà caa de nyu, bè tɛ́ngɛfɔlilɔ pálì fáanni bè taʔa pìye kúrugu.

Kakpiʔiligele 20:32

«Bɛ̀ sí ki yē píra ŋáà nī wè, mi 'yeli le Kulocɛliɛ kiyɛ nī nɛ́ wi siɛnrɛ ní dè dàa dī nɛ́ kpuʔɔrɔ ní dè; ti bé gbɛ̀ yeli kɛn yeli ŋɔri taa, bé sí kɔrigɔ kɛn bìli mɛ́ piyē wàlidɛngɛlɛ Kulocɛliɛ mɛ́ wè, pe mìɛni bèle.

Wurɔmiyé 14:17

Nɛ̀ taʔa gíi nɛ̄, Kulocɛliɛ Kùlofɔligɔ gè, yaliimɛ nɛ́ yagbuɔmɔ bɛ̀ʔ; ki 'nyaa sínmɛ, nɛ́ yanyige, nɛ́ fundaanra, tire Kulocɛliɛ Pìle niī nɛ kanʔa.

Wurɔmiyé 14:2

Ŋàa wī nɛ́ tɛ́ngɛlɛ ní lè, wire nɛ yaliire felide ti mìɛni líi; ŋìi tɛ́ngɛlɛ sí ni 'cɛ́ri lè, yasuʔɔrɔ yɛrɛ wire cî nɛ líi yákuɔ.

Wurɔmiyé 14:6

Siɛn ŋíì wi nyɛ́ni cɛnyɛ kpóri yè, wiī nɛ ki kpínʔini bè kpuʔɔrɔ taʔa Kàfɔli nɛ̄ wè wī, nɛ̀ pínɛ ŋàa wi nyɛ́ni yaliire felide ti mìɛni líi dè, wiī nɛ ti líi nɛ kpuʔɔrɔ tari Kàfɔli nɛ̄ wè wī, bɛ̀ ki 'nyaa wi nɛ̂ síɛrigɛ kɛn Kulocɛliɛ mɛ́ wè wè. Nɛ̀ pínɛ ŋìi wi wè yaliire felide ti mìɛni líi dèʔ, wi nɛ̂ síɛrigɛ kɛn Kulocɛliɛ mɛ́ wè.

Korɛntiyé 1 6:13

Yaliire tire 'kpíʔile liyɛ kɛnmɛ nɛ̄, a liyɛ yi 'kpíʔile yaliire kɛnmɛ nɛ̄. Nɛ̀ sí ki taa Kulocɛliɛ wire wi bága tire dáà ti mìɛni cúʔɔ dè. Kire nɛ̄ siɛn wi cetinnɛ lè, wiì yɛli bèri kanuʔɔrɔ kele kúu nɛ́ ni níʔ. Cetinnɛ niī Kàfɔli wire woli wī, nɛ̀ pínɛ wire wī cetinnɛ ni Kàfɔli wè.

Korɛntiyé 1 8:8

Yaliire bɛ̀ʔ ti nyɛ́ni we sìʔɛrɛ́ nɛ kpɔni Kulocɛliɛ nɛ̄ wèʔ, nɛ̀ pínɛ bè kòri ti sìnlii nī wè, kire wè kàa yigi weli nīʔ. A weli sí ń'nɛ̀ ti lìi dè, kire wè kàa tari we nɛ̄ʔ.

Korɛntiyé 2 1:21

Kulocɛliɛ wire sí wi 'ŋɔri kɛn weli mɛ́, yeli nɛ́ weli ní bèle Kirisi pínɛnyɛnigɛ nī gè, nɛ̀ weli tɛ́ngɛ wìyeyɛ wi wuulo.

Galasiyé 6:1

Mi siinyɛninɛ, a pe 'siɛn cò kaala láà fáala nī, yeli bálì ye nyɛ́ni tári Kulocɛliɛ Pìle kodanʔara nī dè, ye- juu siɛn ní wè funnyige siɛnrɛ nī, ye wi yɛ̀gɛ. Má sí mìɛ cò muɔ tíimɛ wè, ma fǎga tuu puuwelige kaala láà nīʔ.

Efɛziyé 4:14

A kire 'kpíʔile gè, weli sǐ ní puu bɛ̀ pìile tíɛlɛʔ, bèri wáa de yiʔi de mári majo bɛ̀ lakuruyo cî nɛ fílagi yèʔ, siɛnnɛ pe káfinɛrɛ tɛnmɛgɛlɛ feliye yi mìɛni yi de we líi de we yiʔi de máriʔ. Ki siɛnnɛ felile pe 'cìlige, pe 'kpìlikpili cɛ́n wè bè siɛn fáanni bè pùunni.

Efɛziyé 5:6

Ye fǎga tí siɛn yeli fáanni nɛ́ nyatanʔa siɛnjuuro níʔ. Ye- ki cɛ́n tire dáà tire ti nyɛ́ni báan nɛ́ Kulocɛliɛ funyɛrigɛ ní gè siɛnsinluʔulo kúrugu bèle.

Kolɔsiyé 2:4

Mi nɛ tire nyu gìi ki bé tí siɛn fǎga yeli fáanni bè yeli pùunni nɛ́ nyatanʔa siɛnrɛ níʔ.

Tesalonikiyé 2 2:17

wi- yeli funyɔ nyígi yè, wí sí ŋɔri nyɔ́gɔ yeli nī yeri kacɛ̀ngɛlɛ kpínʔini yeli nyasiɛnrɛ nī dè nɛ́ yeli kakpiʔiligele ke mìɛni nī gèle.

Tesalonikiyé 2 2:2

Nɛ̀ pínɛ ye fǎga de fìʔɛ́ʔ majo dùʔɔ Kàfɔli wi pɛnjɛngɛ ki 'nɔ̀ nɛ̀ kúɔ wīʔ, a ki nɛ́ cɛ́nì nyaa wàa wi 'jo wire 'ti nyaa nɛ́ ti juu yo, á kire 'laa tɛnmɛnɛ láà yo, a kire 'laa siɛnrɛ táà pe 'sɛbɛ ti ní bɛ̀ weli wori tíɛlɛ dè, nɛ́ jo Zezi pɛnjɛngɛ ki 'nɔ̀ wè.

Timote 1 6:20

ʔé Timote, -ki sɔ́migɔ ma cò gàa Kulocɛliɛ 'kɛn muɔ mɛ́ gè. Te mìɛ ciʔige nyùgofun siɛnniʔɛrɛ nɛ̄ dè dàa tiì yɛli nɛ́ tɛ́ngɛlɛ ní lèʔ, nɛ́ kàkiɛrɛ ní dè dàa siɛnnɛ pe nyu níɛ finɛnɛ nɛ́ jo tiī kacɛ́nnɛ lè.

Zan 1 4:1

Nɛ siinyɛninɛ, yeli bálì ye 'mi dɛ́ni bèle, yeli fǎga tɛ́ngɛ siɛnnɛ bálì pe mìɛni nɛ̄ bèle bàli pe 'jo Kulocɛliɛ Pìle ni nyu peli ní wèʔ. Yeli 'yɛli bè pe siʔɛ bè wéli bè ki cɛ́n a ki yē Kulocɛliɛ Pìle niī pe nī. Nɛ́ ki cɛ́n jànvaa siɛnjuulo sáamɛ nyɛ́nì jíin nɛ̀ cɛrigɛ duniya nī wè.

Zudi 1:12

Kire siɛnnɛ bálì bèle, piyē kúrugodiɛyɛ a pe 'pɛn yeli pínɛnyɛnigɛ lìidiɛyɛ nī yè. Pe nɛ̂ pɛ́nì lìi fìɛrɛ fùn, peli yē nàʔavɔlilɔ bálì pe pìye kanʔa yaliire mɛ́ dè yákuɔ wī. Piyē bɛ̀ kàsadibarɛ tíɛlɛ dàa dī kàsaʔa fùn gè; káfaligɛ ki ti líi nɛ waa yákuɔ wī. Piyē bɛ̀ tiire tíɛlɛ dàa ti wè sɛngi dèʔ; a ki cɛ́nì nyaa ti sɛn lɛ̀lɛ nī lè, yasɛnrɛ yafiɛn nɛ̌ taa ti nīʔ. Pe 'nìre tiī kɔ́ligidɔ wī, pe 'kùu nɛ̀ taʔala tɔliyɔ siin.

Zudi 1:3

Nɛ siinyɛninɛ, yeli bálì ye 'mi dɛ́ni bèle, ki láa yē mi nɛ̄ kpuʔɔ bè sɛbɛ wáà tórigo yeli mɛ́ weli suɔlɔ wuʔu nɛ̄ gè, lire náà nī weli we mìɛni woli lè. Bɛ̀ sí ki yē píra ŋáà nī wè, mi 'ki nyaa mi 'yɛli bè ki sɛbɛ bè lèbaanna nyɔ́gɔ yeli nī yeli de tɛ́ngɛlɛ ni cáanra cáanri dè, tɛ́ngɛlɛ náà Kulocɛliɛ 'kɛn nɛ̀ láʔa wi wuulo mɛ́ bèle tɔligɔ nigbe péʔ.