Eburulo 13:8 - Sénoufo Nyarafolo

⁸ Zezi Kirisi wiī nuwɔ súuri. Wiì yiʔɛ mbànʔa ŋáà wi 'tóri wèʔ, wiì yiʔɛ pàngɛ gèʔ, wi wè nɛ yiʔi nɛ nyaʔaʔ.

Eburulo 13:8 Iomraidhean Croise

Sélimɛ 21:33

A Birayima 'tiige káà cɔ́ri Bɛri Seba tiʔɛ nī gè; pe 'puu nɛ ki tiige gáà yeri gè tamarisi. A wi 'Yewe míʔɛ yeri gè baa kire tiʔɛ nī gè, nɛ̀ wi síɛri nɛ̀ wi gbùʔɔrɔ nɛ́ jo wire wī Lɛ̀gɛlɛ Ke Mìɛni Kulocɛliɛ wè.

Ŋúnuyɔ 103:17

Nɛ̀ ki yaʔa, Yewe dɛ́nigɛ kire nɛ mɔgi bàli mɛ́ pe wi fìʔɛ́ wè, nɛ̀ ki séli baa faʔa faʔa gè fúɔ nɛ waa yiʔɛmɛ súuri. Yewe sínmɛ piī nɛ mɔgi fúɔ nɛ̀ pɛ́nì nɔ̀ pe kàduʔumɛ pìile nɛ̄ bèle,

Ŋúnuyɔ 90:2

Sɛ́ni muɔ 'nyaguruyo faan yè, dí muɔ sí dàala nɛ́ nyíʔɛnɛ kpíʔile lè, nɛ̀ ki líɛ baa faʔa faʔa gè nɛ́ lɛ̀gɛlɛ ke mìɛni nī, muɔ yē Kulocɛliɛ.

Ŋúnuyɔ 90:4

Nɛ́ ki cɛ́n yiʔɛlɛ sirakogunɔ (1 000) gèle, kiyē muɔ yiʔɛ mɛ́ bɛ̀ mbànʔa tíɛlɛ ŋàa wi 'tóri wè, níɛ̀ tóri fáari bɛ̀ nyìjaliɛlɛ lɛ̀lɛ tíɛlɛ.

Yirile 3:14

A Kulocɛliɛ 'ki juu Misa mɛ́ nɛ́ jo: «MI YĒ ŊÀA MI YĒ WÈ.» A wi ń'nɛ̀ jo: «Muɔ 'yɛli bè sa ki juu Isirayɛli siɛnnɛ mɛ́ bèle ma jo: ‹MI YĒ, wire wi 'mi tun yeli mɛ́.› »

Korɛntiyé 2 1:19

Nɛ̀ taʔa gíi nɛ̄, Kulocɛliɛ Jaa wè, Zezi Kirisi wè, wi wori dáà weli 'jáari yeli mɛ́ dè, mi nɛ́ Silivɛn nɛ́ Timote ní wè, káaliyɛ wè ti nīʔ; gìi ki 'cɛ́n gè, tiī kányiʔɛ wī.

Korɛntiyé 2 1:20

Nɛ́ ki cɛ́n Kulocɛliɛ nyafɛniyɛ yi mìɛni yi 'fori nɛ́ Zezi Kirisi ní wè, níɛ ní kányiʔɛ. Kire nɛ̄ weli sî «ki- taa ki puu bɛ̀» juu wè nɛ́ Zezi wire míʔɛ ní gè nɛ̀ kpuʔɔrɔ taʔa Kulocɛliɛ nɛ̄ wè.

Eburulo 1:12

Muɔ bé ti kùru bɛ̀ burugbuʔɔ tíɛlɛ, muɔ bé ti yiʔɛ majo bɛ̀ siɛn cî buruliɛrɛ yiʔɛ dè. Muɔ wè, muɔ yē ŋàa muɔ yē wè , muɔ yiʔɛlɛ ke wè nɛ kúu nɛ nyaʔaʔ púloʔ .

Zaki 1:17

Yakɛnjɛ̀nrɛ ti mìɛni dè, nɛ́ gìi pe sî kɛn siɛn mɛ́ á ki nɛ̂ puu nɛ̀ nyuɔ nɛ̀ fori gè, tire nɛ kɔ́ngi naamɛ kpìɛnmɛcaan yɛrɛ ti yigefɔli wi tiʔɛ nī. Wire wè, wi wè nɛ yiʔi púloʔ, wuɔmɔ fáala wè jíin wi tiʔɛ nī gèʔ.

Zudi 1:25

Kpuʔɔrɔ ti 'yɛli Kulocɛliɛ nigbe nɛ̄, wire ŋáà wi 'weli suɔ weli Kàfɔli Zezi Kirisi kɛnmɛ nɛ̄ bè. Kpuɔmɔ nɛ́ kpuʔɔrɔ, nɛ́ fànʔa nɛ́ kàfɔligɔ tire yé puu wi mɛ́ náʔanɛ duniya wi- faan wè, nɛ́ lɛ̀lɛ náà nī lè, nɛ́ lɛ̀lɛ ó lɛ̀lɛ nī láʔala fùn. Ki- taa ki puu bɛ̀  !

Tìɛlɛ 1:11

Juumɔ pi siɛnrɛ ti n'dɛ: «Gàa muɔ nɛ nyaʔa gàa gè, -ki sɛbɛ ma tórigo tɛ́ngɛfɔlilɔ gbuʔulo kɔlisiin mɛ́ gèle baa kàaya nyáà mɛ́ yè, yi n'yɛ: Efɛzi, Simirini, Pɛrigami, Tiyatiiri, Saridi, Fiiladɛlifii, nɛ́ Lawodise.»

Tìɛlɛ 1:4

Mi Zan wè, mi mi nyɛ́ni siɛnrɛ dáà nyu dè tɛ́ngɛfɔlilɔ gbuʔulo kɔlisiin mɛ́ gèle gàli gīɛlɛ baa Azii tɛ́nimɛ nī bè; ki siɛnrɛ ti n'dɛ: Kulocɛliɛ wè, ŋàa wi yē wè, nɛ́ kíni yē baa wè, nɛ́ wi bága pɛn wè, nɛ́ pìgele kɔlisiin gálì gīɛlɛ baa wi kùlofɔlilɔ kácunʔɔ ki yiʔɛ mɛ́ gè, nɛ́ Zezi Kirisi ní wè wire ŋáà wī kijuufɔli wè nɛ́ yéri wi nyayerigele nī gèle wè, pe- kpuʔɔrɔ nɛ́ yanyige kɛn ye mɛ́. Zezi Kirisi wire wī péliwe wè nɛ̀ nyɛ́ nɛ̀ yiri kúbilo sunʔɔmɔ nī bè, nɛ̀ pínɛ wire wī duniya kùlofɔlilɔ pe kàfɔli wè. Wire ŋáà wī weli 'wi dɛ́ni á wi 'weli suɔ nɛ̀ yige weli kapiʔile nī gèle wi sìsiɛn kire fànʔa nɛ̄ gè,

Tìɛlɛ 1:8

«Mi wī Alifa wè nɛ́ ní Omega wè», Kàfɔli Kulocɛliɛ wi 'jo bɛ̀, wire ŋáà wi yē wè, nɛ́ ŋàa wi kíni nɛ yē wè, nɛ́ ŋàa wi bága pɛn wè, ŋàa wī Fànʔa ki mìɛni Kàfɔli wè.