Eburulo 13:7 - Sénoufo Nyarafolo

⁷ Yeri sɔ̀ngí yeri taʔa nɛ́ yeli yiɛgininɛ ní bèle, bàli pe cé Kulocɛliɛ siɛnrɛ juu dè yeli mɛ́ bèle. Ye- sɔ̀ngi pe tánʔagɛnjɛ̀nmɛ wuʔu nɛ̄ gè nɛ́ pe sìi kúɔgɛnmɛ ní bè, yeri ŋàʔaná ye puu pe tíɛlɛ yeli tɛ́ngɛlɛ nī lè.

Eburulo 13:7 Iomraidhean Croise

Matiye 24:45

«Sùkulowo ŋíi wi bé taa, dí wi kàfɔli wi pa wi nyaa wi- puu tɛ́ngɛmɛ siɛn, bé sí puu síciliwe wè, dí wi kàfɔli wi sí wi tɛ́ngɛ wi saʔa kele nɛ̄ gèle wi de lìile kanʔa lè ni kɛn lɛ̀lɛ nī lè ?

Luku 12:42

A Kàfɔli wi 'wi yɛ: «Saʔa baakuɔwɔ ŋíi cɛ siɛn bé taa wi- puu tɛ́ngɛmɛ siɛn wè, bé sí puu síciliwe, dí wi kàfɔli wi- sí wi tɛ́ngɛ wi- puu wi baakuɔlɔ pe yiɛginiwɛ wè, bèri pe yaliire kanʔa dè pe mɛ́ ti kɛn lɛ̀lɛ nī lè ?

Luku 5:1

Cɛngɛ káà, Zezi wi 'puu yériwe Zenɛzarɛti kuʔɔjii nyuɔ nɛ̄ gè. A siɛnniʔɛmɛ sɛ́nì gbuʔulo nɛ̀ wi cɔ̀ri, bè Kulocɛliɛ siɛnrɛ lúʔu dè.

Luku 8:11

«Kàsiile náà ni kɔri wi n'ŋɛ: Yatanʔara dè, Kulocɛliɛ siɛnrɛ tire dī.

Kakpiʔiligele 13:46

A kire sí juudiʔɛ kɛn Pɔli nɛ́ Barinabasi mɛ́ bèle, a pe 'juu nɛ́ nàzorido ní nɛ́ jo: «Yeli mɛ́ Kulocɛliɛ siɛnrɛ ti cé yɛli ti kíni ti juu gbínʔɛnɛ. Bɛ̀ sí yeli 'ti cíi yeli tíimɛ bèle, nɛ́ yìye kpíʔile yeli sì yɛli nɛ́ bànguɔ sìi ní wèʔ, ao, weli bé sí koli de waa nɛ́ ti ní kùlogolo kálì wuulo mɛ́.

Kakpiʔiligele 14:23

A ki 'nyaa tɛ́ngɛfɔlilɔ gboli ó tɛ́ngɛfɔlilɔ gboli nī lè, a Pɔli nɛ́ Barinabasi pe 'liɛlɛ pálì nyíɛnɛ nɛ̀ kɔ̀n, nɛ́ sí Kulocɛliɛ náari wè pe mɛ́, nɛ́ sún le, nɛ́ sí pe le Kàfɔli wi kiyɛ nī, wire ŋáà nɛ̄ pe cé tɛ́ngɛ wè.

Kakpiʔiligele 4:31

Bà pe kɛ́nì náari nɛ̀ kúɔ mmɛ gè, a tiʔɛ ki 'cúungo nɛ́ pe ní baa pe 'puu gbuʔulibolo bèle. A Kulocɛliɛ Pìle ni 'tìgi pe mìɛni nɛ̄ nɛ̀ pe nyì, a nàzorido 'jíin pe nī a pe 'yɛ̀ nɛ Kulocɛliɛ siɛnrɛ nyu dè.

Wurɔmiyé 10:17

Nɛ̀ sí ki taa gìi siɛn sî lúʔu gè, kire ki báan nɛ́ tɛ́ngɛlɛ ní lè; gìi siɛn sî lúʔu gè, kire 'nyaa Kirisi wori dè.

Korɛntiyé 1 10:13

Puuwelige káà sì je yeli taaʔ, nɛ̀ yiri gàa ki nɔ̀gí siɛnnɛ nɛ̄ bèleʔ. Kulocɛliɛ wi sí yē baa wi nyayerigele nī gèle. Wiǐ gá tí puuwelige káà yeli taaʔ gìi nɛ̄ yeli sǐ gbɛ̀ jáa gèʔ. Gìi ki 'cɛ́n gè, a puuwelige ki 'pɛn gè, Kulocɛliɛ wi bé yeli yiridiʔɛ kɛn gè, gìi ki bé tí ye gbɛ̀ ki kpàri bè cò.

Korɛntiyé 1 11:1

Yeri mi tùluyo tɔ́ri yè, majo bɛ̀ mi míɛni mi nɛ ki kpínʔini nɛ́ Kirisi ní wè.

Korɛntiyé 1 4:16

Mi nɛ ye fiɛn wī, yeri mi nyadanʔagɛlɛ tári gèle.

Filipiyé 3:17

Mi siinyɛninɛ, ye- puu bɛ̀ mi tíɛlɛ kakpiʔiligele nī gèle, yé sí yeli yiɛyɛ taʔa yè bìli nɛ̄ pe nyɛ́ni tári mɛni weli 'yeli tìɛ wè.

Tesalonikiyé 1 1:6

Yeli míɛni bèle yeli 'yìye kpíʔile bɛ̀ weli tíɛlɛ, nɛ́ bɛ̀ Kàfɔli tíɛlɛ wè. Ki 'nyaa yeli 'Kataanna Siɛnrɛ cò dè wuʔɔyɔ sunʔɔmɔ nī bè kátii, nɛ́ sí nɛ fundaanra kpínʔini Kulocɛliɛ Pìle lire fànʔa nɛ̄ gè.

Tesalonikiyé 1 2:13

Kire kɛnmɛ nɛ̄ weli míɛni bèle weli nɛ Kulocɛliɛ síɛri wè sìnvurɔ nī, nɛ̀ taʔa gíi nɛ̄, Kulocɛliɛ nyasiɛnrɛ dáà yeli 'lúʔu weli mɛ́ dè, yeli 'fɔ̀li ti nɛ̄. Yeli sì ti tɔ́ri siɛnnɛ siɛnjuuro tíɛlɛʔ, yeli 'ti tɔ́ri Kulocɛliɛ kányiʔɛ siɛnrɛ tíimɛ. Kire siɛnrɛ tire míɛni ti nyɛ́ni baara yeli funyɔ nī yè, yeli bálì bīɛlɛ tɛ́ngɛfɔlilɔ bèle.

Tesalonikiyé 2 3:7

Yeli tíimɛ 'ki cɛ́n mɛni yeli 'yɛli bèri weli nyadanʔagɛlɛ líi gèle, nɛ́ ki cɛ́n weli sì puu nɛ nyaari nɛ mári yeli sunʔɔmɔ nī bè kakuɔlɔ fùnʔ.

Tesalonikiyé 2 3:9

Weli cî gbɛ̀ weli tugoro yaʔa dè yeli nɛ̄, nɛ̀ sí ki taa weli sì kire kpíʔileʔ. Ki 'nyaa weli 'puu nɛ caa bè ki kpíʔile bè tìɛ yeli nɛ̄ wī, yeri ki kpínʔini bɛ̀ weli tíɛlɛ.

Timote 1 3:5

Nɛ́ ki cɛ́n a siɛn ŋíì wè nɛ jàʔá nɛ wi saʔa kàrigí gèʔ, mɛni wi bé gbɛ̀ jáa bèri tɛ́ngɛfɔlilɔ gboli nári lè nàa nī Kulocɛliɛ woli lè ?

Eburulo 13:17

Yeri lúru yeli yiɛgininɛ mɛ́ bèle, ye sí yìye cɛ́rigɛ pe mɛ́; piyē nɛ yeli wéli nɛ́ ki cɛ́n cɛngɛ káà Kulocɛliɛ bè pe yúgo yeli wuʔu nɛ̄ gè. Yeri kire kpínʔini kire ga buu peri baara kúu dè nɛ́ fundaanra ní, ki fǎga buu nɛ́ kúnʔɔrilɔ níʔ; kire bé sí ki yaʔa yeli sǐ tɔ̀ni taaʔ.

Eburulo 13:24

Ye- yeli yiɛgininɛ pe mìɛni síɛri, nɛ́ Kulocɛliɛ wuulo pe mìɛni ní bèle. Weli siinyɛninɛ bálì pe 'kɔ́n Italii kùlo mɛ́ lè, piyē nɛ yeli síɛri míɛni.

Eburulo 6:12

Kire nɛ̄ ye fǎga puu sàliyɛfɔlilɔʔ. Ye- puu bɛ̀ bàli tíɛlɛ pe 'Kulocɛliɛ nyafɛniyɛ taa yè, pe tɛ́ngɛlɛ nɛ́ pe lèbaanna kɛnmɛ nɛ̄ bè.

Piɛri 1 4:11

A ŋìi yē nɛ Kulocɛliɛ kele nyu gèle tɛ́ngɛfɔlilɔ gboli nī lè, wi de ki kpínʔini bèri Kulocɛliɛ siɛnrɛ nyu dè de cìilé. A ŋìi liɛlɛ yē bèri kele kúu gèle, wiri ke kúu nɛ́ ŋɔri dáà ní Kulocɛliɛ wi 'kɛn wi mɛ́ dè. Ki 'yɛli ti mìɛni de kpínʔini bè kpuʔɔrɔ taʔa Kulocɛliɛ nɛ̄, Zezi Kirisi wire kɛnmɛ nɛ̄, wire ŋáà nɛ̄ kpuʔɔrɔ ti 'yɛli nɛ́ fànʔa ní gè lɛ̀lɛ ó lɛ̀lɛ nī lè. Ki- taa ki puu bɛ̀  !

Tìɛlɛ 1:9

Mi Zan wè, yeli siinyɛni wè, mi yē nɛ pínɛ nɛ wuʔɔ nɛ́ yeli ní kùlofɔligɔ nī gè, weli 'ki kpàri nɛ̀ cò nɛ́ kò pínɛnyɛnigɛ nɛ̄ gè nɛ́ Zezi ní wè. Mi 'puu dàala láà nɛ̄ kuʔɔjii sunʔɔmɔ nī bè, pe ni ye Patimɔsi, Kulocɛliɛ siɛnrɛ ti juʔu kire kɛnmɛ nɛ̄ bè nɛ́ Zezi wori ti jáarigɛ kɛnmɛ nɛ̄ bè.

Tìɛlɛ 20:4

A mi 'kùlofɔlilɔ kácuɔnyɔ yáà nyaa. Bìli pe 'puu tɛ́ninɛ yi nɛ̄ yè, a pe 'kàyuʔu ki siɛnrɛ kɛn dè pe mɛ́. Siɛnnɛ bílì nyùyɔ pe yé celile nɛ́ kágbaʔa ní gè Zezi wire wori ti juʔu kɛnmɛ nɛ̄ bè nɛ́ Kulocɛliɛ Siɛnrɛ ti kɛnmɛ nɛ̄ bè, nɛ́ bìli piyè cé fɔ̀li nɛ̀ nyàʔayɛgɛ gbùʔɔrɔ gèʔ nɛ́ ki yafanʔa gáà gī wi líɛrɛ dèʔ, nɛ́ bìli pe 'puu fìɛ wiì cé tɛ́ngɛ pe gbɛgɛlɛ nɛ̄ gèle nɛ́ pe kiyɛ ní yè wèʔ, a mi 'pe nyaa a pe 'nyɛ́ nɛ̀ yiri, nɛ̀ tɛ́ni fànʔa nɛ̄ gè nɛ́ Kirisi ní wè nɛ̀ taa yiʔɛlɛ sirakogunɔ (1 000).

Tìɛlɛ 6:9

Bà Sìnbapile ni kɛ́nì yasuʔɔlɔ kogunɔwoli múgu lè, bìli pe cé kpúu Kulocɛliɛ siɛnrɛ ti kɛnmɛ nɛ̄ bè, nɛ́ pe wojuuro ti kɛnmɛ nɛ̄ bè, a mi 'pe pìgele nyaa gèle baa gbùʔɔrɔdiʔɛ yafanʔa láara gè.