Eburulo 13:6 - Sénoufo Nyarafolo

⁶ Kire nɛ̄ weli bé gbɛ̀ ki juu nɛ́ tɛ́ngɛlɛ nī bé jo: Kàfɔli wi yē mi sáʔafɔli; mi wè nɛ fìʔɛ́ yakaa nɛ̄ʔ. Gáa siɛnnɛ pe bé gbɛ̀ kpíʔile mi nɛ̄  ?

Eburulo 13:6 Iomraidhean Croise

Sélimɛ 15:1

Kele gálì ke mìɛni kàduʔumɛ gè, a Yewe 'juu nɛ́ wìi tìɛ Birama nɛ̄ wè, nɛ́ jo: «Birama, muɔ fǎga de fìʔɛ́ yafiɛn nɛ̄ʔ, mi wī muɔ timɔzigege gè; muɔ tɔ̀ni wi bé ba puu nìʔɛwɛ.»

Ŋúnuyɔ 124:8

Weli sáʔafɔli wire wī Yewe wè, wire ŋáà wi 'nyíʔɛnɛ nɛ́ dàala faan lè.

Ŋúnuyɔ 146:3

Ye fǎga yeli sɔ̀ngirɔ taʔa dè siɛnkpolilo nɛ̄ bèleʔ, nɛ́ lewiile nɛ̄ bèle, bàli piyě gbɛ̀ siɛn suɔ wèʔ !

Ŋúnuyɔ 27:9

Fǎga muɔ yiʔɛ làrigɛ gè mi nɛ̄ʔ ! Fǎga mi ŋɔrigɔ nɛ́ nàʔa níʔ, mi ŋáà wī muɔ baakuɔwɔ wè ! Muɔ yē mi sáʔafɔli. Fǎga núgo mi táanniʔ, fǎga mi yaʔaʔ, Kulocɛliɛ, muɔ ŋáà ma 'mi suɔ wè !

Ŋúnuyɔ 33:20

Weli bèle, weli nyɛ́nì weli sɔ̀ngirɔ taʔa dè Yewe nɛ̄. Wire wī weli sáʔafɔli nɛ́ ní weli timɔzigege  !

Ŋúnuyɔ 40:17

‑Ki yaʔa bìli pe muɔ caa bèle, pe mìɛni pe‑ puu fundaanra nɛ̄ bèri muguri muɔ kɛnmɛ nɛ̄ bè. Bàli ki 'dɛ́ni á muɔ ní pe suɔfɔli wè, peri ki nyu súuri pe jo: «Kpuʔɔrɔ 'yɛli ti de tari Yewe míʔɛ nɛ̄ gè !»

Ŋúnuyɔ 54:4

Kulocɛliɛ yo, ‑mi náarigɛ lúʔu gè, ma líiye cáan mi nyasiɛnrɛ mɛ́ dè.

Ŋúnuyɔ 56:4

A mi gbɛ̀ni fìʔɛ́ wè, mi nɛ̂ mi sɔ̀ngirɔ taʔa dè muɔ nɛ̄.

Ŋúnuyɔ 63:7

Bè mi yaʔa sínɛwɛ mi yasinɛgɛ nɛ̄ gè, mi nìɛ sɔ̀ngí nɛ taʔa muɔ wuʔu nɛ̄ gè, pìlige ki mìɛni nī gè, mi nìɛ sɔ̀ngí súuri nɛ́ muɔ ní.

Ŋúnuyɔ 94:17

A Yewe sì cé mi sáʔa wèʔ, ki yé kò cɛ̀ri dí mi sí jíin kusiʔi ki pìirimɛ nī bè.

Yirile 18:4

nɛ siinwuu ye wè Eliyezeri (ki kɔri wire wī: mi Kulocɛliɛ wiī nɛ mi suu), gìi wi yé je juu gè, «Mi tuu wè, wi Kulocɛliɛ wi 'mi suɔ Farawɔn kapiɛngbuɔn ŋɔsii mɛ́ wè.»

Matiye 10:28

«Ye fǎri fìʔɛ́ʔ bìli nɛ̄ pe sî siɛn kpúu wè; piyè sí gbɛ̀ jáa bè siɛn pìle kpúu lèʔ. Ye- sí de fìʔɛ́ Kulocɛliɛ wire nɛ̄, wire ŋáà wi bé gbɛ̀ siɛn pìle pínɛ lè bè ni cúʔɔ nɛ́ siɛn cetinnɛ ní lè bànguɔ kàsun nī gè.

Wurɔmiyé 8:31

Gíi we bé ní cɛ juu cígini ? A Kulocɛliɛ wiī weli wuu wè, ŋáasiɛn wi bé ní jáa weli nɛ̄ ?

Efɛziyé 3:12

Bɛ̀ weli yē pínɛnɛ nɛ́ Zezi Kirisi ní wè nɛ́ tɛ́ngɛ wi nɛ̄ wè, fíɛrɛ wè weli nīʔ, weli bé gbɛ̀ jáa bè nɔ̀ Kulocɛliɛ nɛ̄ wè.

Fànʔa Kajuʔulo 33:26

A Misa ń'nɛ̀ kɛ́ yiʔɛ mɛ́ nɛ́ jo: «Yesuruni yo, kulocɛliɛ wáà yē bile lé ŋàa wi 'wúɔ nɛ̀ yɛli nɛ́ Kulocɛliɛ ní wè, wire ŋáà wi báan bè ba muɔ sáʔa wè nɛ́ kɔ́n nyìʔɛnɛ nī lè, wi ní tɛ́niwɛ kàsadibarɛ nɛ̄ dè, wi kpuɔmɔ nī bè ?

Fànʔa Kajuʔulo 33:29

Isirayɛli yo, je muɔ yē fundaanra nɛ̄ ! Ŋáa wī bɛ̀ muɔ tíɛlɛ siɛnfelige káà gàa Yewe 'suɔ gè ? Wire wī timɔzigege gè gàa ki muɔ tɔ́ngi gè. Wi míɛni yē kapiɛngbuɔn ŋɔsii nɛ̀ ki kpíʔile a muɔ 'pe jáa. Muɔ leguulo pe bé pɛn bè ba pìye cɛ́rigɛ muɔ yiʔɛ mɛ́, muɔ bé pe tánʔana nɛ́ muɔ tɔliyɔ ní yè pe kàduuyo nɛ̄ yè.»

Eburulo 10:19

Weli siinyɛninɛ, kire nɛ̄ weli bé gbɛ̀ jíin tiɛcɛ̀njɛngɛ wàlidɛngɛgɛ nī gè káaliyɛ fùn, Zezi Kirisi sìsiɛn kɛnmɛ nɛ̄ bè.

Eburulo 4:16

Kire nɛ̄ weri sìʔɛrɛ́ weri kpɔni Kulocɛliɛ kùlofɔligɔ kácunʔɔ nɛ̄ gè nɛ́ nàzorido ní; kire tiʔɛ nī weli bé nyinimɛ nɛ́ kpuʔɔrɔ taa ti- weli sáʔa lɛ̀lɛ líì nī weli màakuu yē ti nɛ̄ dè.