Eburulo 13:5 - Sénoufo Nyarafolo

⁵ Ye fǎga yìye kɛn wali dɛ́nigɛ mɛ́ gèʔ yeli tánʔagɛnmɛ nī bèʔ; gàa yeli nɛ taʔa gè, ye- ki yaʔa ki- yeli yɛli. Nɛ́ ki cɛ́n Kulocɛliɛ 'ki juu nɛ́ jo: Miì je ga muɔ yaʔaʔ, miì je kàduʔu wáa muɔ mɛ́ʔ.

Eburulo 13:5 Iomraidhean Croise

Sélimɛ 28:15

N'gɛ, mi tíimɛ yē nɛ́ muɔ ní. M'béri muɔ wéli tiʔɛ ó tiʔɛ nī muɔ nɛ waa wè, m'bé ní koli bè pɛn nɛ́ muɔ ní tiʔɛ gáà nī gè. Mi sǐ ga tíi muɔ yaʔaʔ fúɔ bè taa kele gálì mi 'juu gèle ke mìɛni ba kpíʔile.»

Sélimɛ 30:31

A Laban sí jo: «Gáa muɔ 'jo mi‑ kɛn muɔ mɛ́ ?» A Yakuba wi 'jo: «Fǎga mi kɛn nɛ́ yakaa níʔ. A muɔ 'fɔ̀li ki nɛ̄ gè gàa m'bé juu muɔ mɛ́ gè, mi béri muɔ yajuuro nári dè béri ti wéli súuri.

Sélimɛ 31:5

nɛ̀ pɛ́nì pe yɛ: «Mi 'yeli tuu wi yiʔɛ tɛ́ngɛgɛnmɛ nyaa bè pi ní wè tíin bɛ̀ faʔa tíɛlɛ gè nɛ́ mi níʔ, kire nɛ́ ki mìɛni mi tuu Siaga wi Kulocɛliɛ wire wi 'kò nɛ́ mi ní.

Ŋúnuyɔ 10:3

Nɛ̀ pínɛ, siɛnpiiwe wè, wi nìɛ wìi nyíɛnɛ nɛ́ wi fungbuʔɔ wori ní dè; nyabiɛnnɛfɔli wire wi nìɛ dɛ́ngɛ siɛnrɛ nyu Yewe kɔli mɛ́ gè nɛ wi tíʔɛ.

Ŋúnuyɔ 119:36

‑Mi nàzɔn cɛ̀li wè muɔ nyakungɛngɛ siɛnrɛ kɔli mɛ́ gè, ma fǎga ki yaʔa wi‑ yiʔɛ walinùʔɔriwɔ taala kɔli mɛ́ gèʔ.

Ŋúnuyɔ 37:25

Bà mi 'puu nàgapunwɔ wè, a mi kɛ́nì pɛ́nì liɛ wè, miì fìɛ siɛnsinwɛ nyaa wè a Yewe wi 'yaʔaʔ, nɛ́ wi pìile ní bèle, bàli pe 'pe tíimɛ yaliire caa dèʔ.

Ŋúnuyɔ 37:28

Nɛ́ ki cɛ́n kàyuʔujuuro dáà ti 'sín dè, ti 'Yewe dɛ́ni wè. Siɛnnɛ bálì pe 'pìye puɔ wi nɛ̄, wiǐ ga tíi pe yaʔaʔ. Yewe béri pe wéli súuri, nɛ̀ ki yaʔa, siɛnpiile pìile bèle, peli bé cúʔɔ bè yiri baa.

Yirile 2:21

A Misa 'fɔ̀li ki nɛ̄ nɛ̀ kò baa Erewuyɛli tiʔɛ nī gè. A wire 'wi póri Sipora kɛn wè Misa mɛ́ cɛliwɛ.

Yirile 20:17

Ma fǎga nyabiɛnnɛ kpíʔile muɔ siɛnnyɛni saʔa nɛ̄ʔ; muɔ fǎga ki yaʔa muɔ siɛnnyɛni cuɔ wi láa muɔ taaʔ; nɛ́ wi baakuɔwɔʔ ŋàa wī nàguɔ wèʔ, nɛ́ wi baakuɔwɔʔ ŋàa wī cɛliwɛ wèʔ, nɛ́ wi nùɔʔ, nɛ́ wi sèfɛnnɛʔ, nɛ́ yɛgɛ ó yɛgɛ gàa gī muɔ siɛnnyɛni wuʔu gèʔ.

Matiye 6:19

«Ye fǎri lɔri fàá de tɛ́ngi bile yìye wori duniya nī wèʔ; dɔnwɔ nɛ́ kpɛ̀nimɛ yē bile ti nìɛ yɛrɛ córi, kàyuulo yē bile nɛ̀ pínɛ, pe nìɛ saaya kabari yè nɛ jiin nɛ yɛrɛ yúu dè.

Matiye 6:25

«Kire kɛnmɛ nɛ̄ m'bé ki juu yeli mɛ́: Ye fǎri sɔ̀ngí yeli sìi wori nɛ̄ dèʔ bé jo: ‹Gáa weli bága káa ?›, á kire 'laa ‹Gáa weli bága taa bè gbuɔ ?› Nɛ̀ pínɛ ye fǎri yeli cetinnɛ wori sɔ̀ngí dèʔ, bé jo: ‹Gáa weli bága leʔ ?› Siɛn sìi wiì tóri léʔ yaliire nɛ̄ dè ? A cetinnɛ míɛni ni 'tóri fɛ̀nilewe nɛ̄ wè lé ?

Matiye 6:34

Nɛ̀ pínɛ ye fǎri sɔ̀ngíʔ, bè yeli funyɔ yaʔa yè yiri curugu mbànʔa ŋáà wi báan nɛ̄ wèʔ. Nɛ̀ taʔa gíi nɛ̄, mbànʔa wi bága de cáan nɛ́ wìi ní. Cɛngɛ ó cɛngɛ nɛ́ ki fùrɔgɔ.»

Mariki 7:22

ceyuugo, fungbuʔɔ, sìpiire, síciligele kakpiʔiligele, nyabiɛnnɛ, míɛcuʔɔgɔ siɛnrɛ, nìɛnyiɛnigɛ, sìnjilimɛfun kakpiʔiligele,

Luku 3:14

A kapiɛngbuɔnnɔ pálì míɛni sɛ́nì wi yúgo nɛ́ jo: «Á weli bèle, gáa weli 'yɛli bè kpíʔile ?» A wi 'pe yɛ: «Ye fǎga yakaa cáan bè suɔ siɛn mɛ́ʔ, nɛ̀ pínɛ ye fǎga kaala finɛ bè taʔa siɛn nɛ̄ʔ. Ye- yeli sàri wire yaʔa wi- yeli yɛli.»

Luku 8:14

Yatanʔara díì ti 'tuu wíire sunʔɔmɔ nī bè, kire 'yē bìli pe sî siɛnrɛ lúʔu dè á ki nɛ̂ nyaa kasɔngilɔ gèle nɛ́ lɔri caʔa ní gè, nɛ́ duniya wi yataanma ní bè, tire nɛ̂ pɛn nɛ̀ pɛ́nì pe cɔ̀ri; pe nɛ̌ yasɛnrɛ sɛn ti- liɛʔ.

Wurɔmiyé 1:29

Piyē tínminɛ kanaasinzinmɛ kakpiʔiligele felide ti mìɛni nɛ̄, nɛ́ síciramɛ, nɛ́ fungbuʔɔ, nɛ́ sìpiire, piyē nyabiɛnnɛ pìye nɛ̄, nɛ́ siɛnkpuʔu, nɛ́ kàsii yɛrɛ, nɛ́ kpìlikpili, nɛ́ sɔ̀ngibiire, nɛ́ pàli wori kajuumɔ,

Korɛntiyé 1 5:11

Gìi gī baa gè, mi 'yeli yɛ: A siɛn 'jo wire yē yeli siinyɛni tɛ́ngɛlɛ nī lè, nɛ́ sí nɛ cɛlilɛ caa á kire 'laa nɛ nàguɔlɔ caa fáala fáala wè, á kire 'laa fungbuʔɔfɔli, á kire bɛ̀ʔ nɛ ní yasunzunwɔ, nɛ́ ŋàa wī tiʔɛlilɛ ni 'wi dɛ́ni wè, sungbuɔwɔ wè, kàyuuwo wè, kire siɛn feliwe wè, ye fǎga cɛri líi nɛ́ wi níʔ.

Korɛntiyé 1 6:10

nɛ́ kàyuulo ní bèle, nɛ́ nyabiɛnnɛfɔlilɔ ní bèle, nɛ́ sungbuɔlɔ ní bèle, nɛ́ siɛnjuucuʔɔrɔfɔlilɔ ní bèle, nɛ́ bìli pe sî yɛgɛ nùʔɔrɔ nɛ̀ suɔ siɛn mɛ́ wè, piyè je ga Kulocɛliɛ Kùlofɔligɔ kɔrigɔ lìi gèʔ.

Korɛntiyé 2 4:9

Piyē nɛ weli wuʔɔ, nɛ̀ sí ki taa Kulocɛliɛ wiì fɛ̀ nɛ́ weli wáaʔ. Piyē nɛ weli kpúɔnri nɛ cáanri, nɛ̀ sí ki taa weli woli niì cúʔɔʔ.

Efɛziyé 5:3

Kire nɛ̄, gìi ki 'kanuʔɔrɔ kúɔ dè, nɛ́ núʔɔmɔ kakpiʔiligele feliye yi mìɛni ní yè, nɛ́ fungbuʔɔ ní gè, ye fǎga tí tire tàa fáala gá nyaa yeli sunʔɔmɔ nī bèʔ, nɛ̀ yɛli nɛ́ gìi ki 'Kulocɛliɛ wuulo kɛnmɛ kúɔ bè.

Efɛziyé 5:5

Á kire 'laa wè, ye- ki sɔ́migɔ ye lúʔu cɛ̀ngɛ: kanuʔɔrɔfɔli wáà fáala, á kire 'laa siɛnkariwɛ, á kire 'laa fungbuʔɔfɔli; kire siɛn wiī nuwɔ nɛ́ ŋàa ní wi yasunro sungu dè. Pe wàa fáala sì je ga kɔrigɔ taa baa Kirisi wi kùlofɔligɔ nī gèʔ wire nɛ́ Kulocɛliɛ ní wèʔ.

Fànʔa Kajuʔulo 31:6

«Ye- gbɛ̀nmɛ le, ye puu lèbaannafɔlilɔ ! Ye fǎri fìʔɛ́ bèri fún pe yiʔɛ mɛ́ gèʔ. Nɛ́ ki cɛ́n Yewe muɔ Kulocɛliɛ wiī nɛ tári nɛ́ muɔ ní; wiì je ka muɔ yaʔaʔ, wiì je kàduʔu wáa muɔ mɛ́ʔ.»

Fànʔa Kajuʔulo 31:8

Yewe wire tíimɛ wi béri tári muɔ yiʔɛ mɛ́ gè. Wiì je ka muɔ yaʔaʔ, wiì je kàduʔu wáa muɔ mɛ́ʔ. Fàri fìʔɛ́ yafiɛn nɛ̄ʔ, fǎga muɔ céri kpúu dèʔ.»

Fànʔa Kajuʔulo 4:31

Nɛ́ ki cɛ́n, Yewe yeli Kulocɛliɛ wè, nyinidaaguugo Kulocɛliɛ wī. Wiǐ ga tíi yeli yaʔaʔ, wi míɛni sǐ ga tíi yeli kpúuʔ, wiǐ ga tíi fìʔɛ nɛ́ wi nyakungɛngɛ ní gèʔ gàa wi yé kàli nɛ̀ kɛn yeli tobilo mɛ́ bèle.»

Kolɔsiyé 3:5

Kire nɛ̄, ladaanma kele gílì gīɛlɛ yeli nī náʔa dàala nɛ̄ lè, kire 'jo kanuʔɔrɔ dè, nɛ́ karimɛ kakpiʔiligele ní gèle, nɛ́ céri kanɛdanʔana, nɛ́ nìge kele ní gèle, nɛ́ fungbuʔɔ ní gè, yasunzungo cɛ gī kire gè; ye- ti kpúu ye yige yeli céri nī dè.

Timote 1 3:3

Wiì yɛli bè puu sungbuɔwɔʔ á kire bɛ̀ʔ kàsiitunwɔʔ. Wi 'yɛli bè buu funjɛ̀ngɛfɔli, nɛ́ funnyigefɔli; wi fǎga wìi kɛn wali dɛ́nigɛ mɛ́ gèʔ.

Piɛri 2 2:14

Peli nyapigele keli yē bèri cɛlilɛ wéli bèle bèri pe caa bè kanuʔɔrɔ kpíʔile nɛ́ pe ní. Peli nɛ̌ ga kapiʔile kpíʔile gèle bè tín nyaaʔ. Bàli pe fìɛ nìre wáa tɛ́ngɛlɛ nī lèʔ, pe nìɛ pe cògí pe gáriyɛ nɛ̄ yè. Pe 'pe funyɔ gbòbori yè nɛ̀ yaʔa wali tàanma wuʔu nɛ̄ gè. Piyē Kulocɛliɛ dɛ́ngɛ láara wè.

Piɛri 2 2:3

Pe wali tàanma wuʔu nɛ̄ gè, pe béri yeli fáanni de líi nɛ́ pe síciliziɛnrɛ ní dè. Nɛ̀ ki yaʔa kiī faʔa pe kàyuʔujuu wori ti yé juu nɛ̀ yaʔa nɛ̀ pínɛ pe cúʔɔwori tiǐ ga kɛ́ bé pe yaʔaʔ.

Zudi 1:11

Yawuʔɔ yē pe nɛ̄, nɛ́ ki cɛ́n pe nyɛ́nì taʔa Kayɛn koligo nɛ̄ gè. Lɔri tàanma nɛ̄ bè, a pe 'taʔa Balaami kolimɔ nɛ̄ bè. A pe 'kùu taa wè, bɛ̀ pe 'cíi Kore tíɛlɛ wè.