Eburulo 13:4 - Sénoufo Nyarafolo

⁴ Ki 'yɛli siɛnnɛ pe mìɛni de cepɔrigɔ wuʔu kpóri gè; saʔa yasinɛgɛ ki- sí puu núʔɔmɔ fùn. Nɛ́ ki cɛ́n Kulocɛliɛ bé kàyuʔu juu kanuʔɔrɔfɔlilɔ nɛ̄ bèle, nɛ́ bàli ní pe 'cecaafaaligɛ kire ga laa nàjaafaaligɛ kpíʔile gè.

Eburulo 13:4 Iomraidhean Croise

Sélimɛ 2:21

A Yewe Kulocɛliɛ wi sí ŋɔ́nigbuɔmɔ cáan nàguɔ nɛ̄ wè a wi 'ŋɔ́ni, nɛ́ wi gèdiige káà kɔ̀n nɛ́ koli nɛ̀ ki tiʔɛ tɔ́n gè.

Sélimɛ 2:24

Kire nɛ̄ a nàguɔ 'cɛliwɛ líɛ wè, wi bága laʔa wi tuu nɛ́ wi yàa nɛ̄ wè bè wìi puɔ wi cuɔ nɛ̄ wè, pe sí kò cetinnɛ nigbe.

Leviiyé 15:18

«A nàguɔ wáà 'cɛliwɛ nyɔ́gɔ saʔa nī gè, pe 'yɛli pe 'pìye gbéli nɛ́ luʔɔ ní gè; pe bé sì kò núʔɔnɔ fúɔ bè pa nɔ̀ cɛngɛnyɛnijiin lɛ̀lɛ nī lè.»

Leviiyé 18:20

«Muɔ fǎga muɔ siɛnnyɛni wi cuɔ cɛ́n wè cɛliwɛʔ. A muɔ 'kire kpíʔile gè muɔ bé mìɛ núʔɔ.

Korɛntiyé 1 5:13

Bìli bīɛlɛ kpànʔa wuulo bèle, Kulocɛliɛ wi bága peli kàyuʔu juu gè. Siɛnpiiwe wè, ye- wire yige yeli sunʔɔmɔ nī bè.

Korɛntiyé 1 6:18

Yeri fé kanuʔɔrɔ nɛ̄ dè. Kapiile ó kapiile náà siɛn sî kpíʔile lè, lire nɛ̌ nɔ̀ cetinnɛ nɛ̄ lèʔ. A siɛn ŋíì sí nɛ kanuʔɔrɔ kúu dè, wiī nɛ kapiile kpínʔini wi tíimɛ cetinnɛ nɛ̄ lè wī.

Korɛntiyé 1 6:9

Yeli sì ki cɛ́n siɛnkolilo piyè je ga Kulocɛliɛ Kùlofɔligɔ kɔrigɔ lìi gèʔ lé ? Ye fǎga cɛri yìye fáanni tire nɛ̄ dèʔ: bàli pe cɛlilɛ caa fáala fáala bèle, nɛ́ yasunzunminɔ ní bèle, nɛ́ ceyuulo bèle, nɛ́ nàguɔlɔ bálì pe sî nɛ sìnɛ́ nɛ́ nàguɔlɔ pálì ní bèle,

Korɛntiyé 1 7:38

Kire nɛ̄, ye- ki cɛ́n, siɛn ŋíì wi 'wi kɔni pɔri wè, wi 'ki kpíʔile a ki 'yɛli, nɛ̀ pínɛ ŋìi wi 'kò sìnbɔri nī wè, kire ń'nɛ̀ pɔ́ri ti mìɛni nɛ̄.

Korɛntiyé 1 9:5

Weli sì yɛliʔ lé bè tɛ́ngɛfɔcuɔ wáà líɛ wi- puu weli cuɔʔ lé, majo mɛni Zezi tundunminɔ bílì pe ki kpínʔini gè, peli nɛ́ Kàfɔli wi siinyɛninɛ ní bèle, nɛ́ Sefasi ní wè lé ?

Korɛntiyé 2 5:10

Nɛ́ ki cɛ́n ki 'kàri fànʔa we mìɛni bèle we ga sa yéri Kirisi kàyuʔujuudiʔɛ ki yiʔɛ mɛ́ gè, dí we mìɛni nigbe nigbe sí we liʔɛlɛ taa gèle bè yɛli nɛ́ we kakpiʔiligele ní gèle, gìi we 'puu nɛ kpínʔini nɛ́ weli cetinnɛ ní lè, a ki yē cɛ̀ngɛ yo, a ki yē sìpiʔi yo.

Galasiyé 5:19

Céri kanɛdanʔana ke wè làrimɛ nīʔ, n'gɛlɛ: kanuʔɔrɔ kele gèle, núʔɔmɔ kele, fìɛrɛfun kele,

Galasiyé 5:21

nìge kele, sungbuɔdinre, cègbuʔɔ, nɛ̀ fàri kele gílì míɛ gīɛlɛ ke waa nugolo nɛ́ tire dáà ní dè. M'bé ki juu bè yeli sɔ̀mi, majo bɛ̀ mi 'kíni nɛ̀ ki juu nɛ̀ kúɔ gè, siɛnnɛ bílì pe 'dàli nɛ kele gálì kúu gèle, pe wàa sì je sa Kulocɛliɛ Kùlofɔligɔ taa gèʔ.

Efɛziyé 5:5

Á kire 'laa wè, ye- ki sɔ́migɔ ye lúʔu cɛ̀ngɛ: kanuʔɔrɔfɔli wáà fáala, á kire 'laa siɛnkariwɛ, á kire 'laa fungbuʔɔfɔli; kire siɛn wiī nuwɔ nɛ́ ŋàa ní wi yasunro sungu dè. Pe wàa fáala sì je ga kɔrigɔ taa baa Kirisi wi kùlofɔligɔ nī gèʔ wire nɛ́ Kulocɛliɛ ní wèʔ.

Fànʔa Kajuʔulo 22:22

«A pe 'nàguɔ wáà cò ŋàa wi 'sínɛ nɛ́ nàguɔ wáà cuɔ ní wè, pe mìɛni siin bèle pe bé pe kpúu wī, nàguɔ ŋáà wi 'sínɛ nɛ́ cɛliwɛ ní wè, nɛ́ cɛliwɛ míɛni ní wè. Bɛ̀ ki bé kpíʔile dí muɔ sí pe kapiʔi yige gè Isirayɛli sunʔɔmɔ nī bè.»

Tesalonikiyé 1 4:6

Wàa fǎga ki líɛ bè tórigoʔ bè tuu wi siinyɛni mɛ́ kaala láà nīʔ, á kire 'laa wè Kàfɔli wiī nɛ ki fuʔɔ tɔ́ngi gè ki kele gálì ke mìɛni nī gèle, majo bɛ̀ weli 'kíni nɛ̀ ki juu yeli mɛ́ nɛ̀ yeli sɔ̀mi wè.

Timote 1 3:12

Tɛ́ngɛfɔlilɔ gboli ni baakuɔlɔ bèle, pe 'yɛli bè puu cɛlilɛ nigbenigbefɔlilɔ. Pe sí de pe pìile sɔ́migi bèle de gbún, pé sí pe saaya wuulo sɔ́migɔ bèle pe cò.

Timote 1 3:2

Kire nɛ̄, yiɛginiwɛ wi 'yɛli wi- puu dìgire fùn, cɛliwɛ nigbefɔli, nɛ́ bè wìi cògɛnmɛ cɛ́n. Ki 'yɛli wi- puu siɛn ŋáà wiī nɛ wìi ciʔige wè, nɛ́ siɛn ŋáà wi tánʔagɛnmɛ pi 'nyuɔ bè. Wi 'yɛli wi- puu nabɔndirigiwe, nɛ́ bè gbɛ̀ri siɛnnɛ tɛnmɛ bèle.

Timote 1 3:4

Wi 'yɛli bè puu ŋàa wiī nɛ wi saʔa kàrigí gè cɛ̀ngɛ gè, níɛ wi pìile nári bèle peri lúru nɛ́ kpuʔɔrɔ ní.

Timote 1 4:3

Kire siɛnnɛ bálì bèle, piyē nɛ tɛnmɛnɛ kanʔa lè níɛ̀ jo pe fǎri cɛlilɛ líi bèleʔ, nɛ́ míɛni pe nɛ̂ jo yaliire táà yē baa pe fǎri ti líiʔ. Nɛ̀ sí ki yaʔa Kulocɛliɛ wi 'yaliire dáà ti mìɛni yige kire ga buu tɛ́ngɛfɔlilɔ bálì pe 'kányiʔɛ cɛ́n gè peri ti líi béri barigɛ kanʔa wire mɛ́.

Timote 1 5:14

Kire nɛ̄ mi nɛ ki caa lakicɛlilɛ bálì piyè liɛ bèleʔ, pe- cepɔrigɔ kpíʔile bé sí pìile sii, bé sí puu de pe saaya kàrigí yè cɛ̀ngɛ, kire ga buu weli leguu wi fǎga fànʔa taa de weli míʔɛ córi gèʔ.

Tiiti 1:6

Liɛwɛ ó liɛwɛ 'yɛli wi- puu dìgire fùn, wi sí puu cɛliwɛ nigbefɔli, dí wi pìile pe sí puu tɛ́ngɛfɔlilɔ, kolimɔ fǎga puu pe nɛ̄ʔ, bé nɛ́ cɛ ga jo cíimɛʔ.

Eburulo 12:16

Yeri yìye ciʔige kire ga buu siɛn fǎga wìi yaʔa kanuʔɔrɔ kele nī gèleʔ, kire ga laa bè yakaa fáala núʔɔ gàa gī wàlidɛngɛgɛ Kulocɛliɛ mɛ́ wèʔ, majo bɛ̀ Ezawu 'ki kpíʔile gè bà wi yé wi luɔfɔlimɔ liɛlɛ pári lè sipiɛlɛ nigbe kɛnmɛ nɛ̄ bè.

Tìɛlɛ 22:15

«Pɔ̀nminɔ bèle, nɛ́ dìɛlɛ ní bèle, nɛ́ kanuʔɔrɔfɔlilɔ ní bèle, nɛ́ siɛnkpuulo ní bèle, nɛ́ yasunzunminɔ ní bèle, nɛ́ bìli pe mìɛni bīɛlɛ káfinɛrɛ ti 'pe dɛ́ni á piyē nɛ ti tári dè, peli yē baa kpànʔanɛ.