Eburulo 13:3 - Sénoufo Nyarafolo

³ Yeri sɔ̀ngí yeri taʔa nɛ́ bàli ní pe yē kasuu nī wè, majo dùʔɔ yeli tíimɛ bīɛlɛ kasuu nī wè nɛ́ pe ní, nɛ́ bàli ní siɛnnɛ piyē nɛ wuʔɔ bèle, majo dùʔɔ yeli míɛni nɛ wuʔɔ wī yeli céri nī dè.

Eburulo 13:3 Iomraidhean Croise

Sélimɛ 40:23

Kele gálì ke mìɛni kàduʔumɛ gè, yagbuɔkɛnminɛ kàfɔli wiì sɔ̀ngi nɛ̀ taa nɛ́ Yusufu ní wèʔ, bɛ̀ Yusufu wi cé ki juu wi mɛ́ kɛnmɛ bíì nɛ̄ wè, á wi 'fìʔɛ nɛ́ Yusufu ní wè péwu !

Matiye 25:36

mi 'puu bururo fùn a yeli 'yɛrɛ le mi nɛ̄. Mi 'puu yaawa a yeli sɛ́nì mi síɛri. Mi 'puu kasuu nī a yeli sɛ́nì mi wéli.›

Matiye 25:43

Mi 'puu yeli nabɔnwɔ, yeli sì mi cò nabɔnrɔ nɛ̄ʔ. A bururo 'mi laa, yeli sì yɛrɛ kɛn m'mɛ́ a mi leʔ. Mi 'puu yaawa nɛ ní kasuu nī, yeli sì sɛ́nì mi wéliʔ.›

Kakpiʔiligele 24:23

A wi 'kapiɛngbuɔnnɔ dabataan kàfɔli yɛ wè wi- Pɔli le wè kasuu nī wè, wi sí ki yaʔa ki- puu wi mɛ́ yɔ́rigɔ, wi fǎga cíiʔ a wi wuu wáà je sa yakaa kpíʔile wi mɛ́ wèʔ.

Kakpiʔiligele 27:3

Ki kpìɛnduu gè a we sɛ́nì tìgi Siidɔn kàʔa nī. Zulusi wi cé Pɔli cò wè nɛ́ funjɛ̀ngɛ ní, nɛ̀ larigɛ yaʔa wi mɛ́ a wi 'kɛ́ nɛ̀ sɛ́nì yiri baa wi nàgorilo mɛ́ bèle, a pe 'wi kɛn nɛ́ wi màakuunyuɔyɛrɛ ní dè.

Wurɔmiyé 12:15

Yeri fundaanra kpínʔini nɛ́ bìli ní piyē fundaanra nɛ̄ wè, yéri nyɛni nɛ́ bìli ní pe nyɛni bèle.

Korɛntiyé 1 12:26

A yaliige káà nigbe yē nɛ wuʔɔ wè, yaliiye nyíì yi mìɛni yiri pínɛ de wuʔɔ nɛ́ ki ní. A pe 'kpuʔɔrɔ taʔa kàa nigbe nɛ̄ wè, yaliiye nyíì yi mìɛni yiri fundaanra kpínʔini nɛ́ ki ní.

Efɛziyé 4:1

Kire nɛ̄, mi nɛ yeli fiɛn wī, mi ŋáà wī kasuulewe wè Kàfɔli wi kɛnmɛ nɛ̄ bè, yeri tári yeri yɛligi nɛ́ kayerile ní lè nàa nɛ̄ Kulocɛliɛ wi 'yeli yeri bèle.

Kolɔsiyé 4:18

Mi Pɔli wè, mi nɛ yeli síɛri nɛ́ mi tíimɛ kɔli yasɛbɛrɛ ní dè. Yeri sɔ̀ngí yeri tari mi yē náʔa kasuu nī. Kulocɛliɛ kpuʔɔrɔ ti- puu ye nɛ̄.

Eburulo 10:34

ʔaan, yeli nyɛ́nì nyinimɛ taa kasuulebele nɛ̄ bèle pe wuʔɔgɔ nī gè, a yeli 'fɔ̀li ki nɛ̄ nɛ́ fundaanra ní lɛ̀lɛ líì nī pe 'yeli yataara suɔ dè yeli mɛ́ dè, nɛ̀ taʔa ki nɛ̄ yeli yé ki cɛ́n yataara táà yē yeli mɛ́ dàa ti 'nyuɔ nɛ̀ tóri dè níɛ̀ mɔgɔ dè.

Eburulo 11:37

Pe yé pàli wáa cígini nɛ́ kàdari ní, a pe 'bìli celile kperiye siin siin, a pe 'pàli kpúu kapiɛngbuɔn ŋɔsii ní wè. Pàli 'puu siɛnnyaaridorilo, nɛ́ bururo ní dàa ti yé kpíʔile nɛ́ sìnbasɛnyɛ ní yè nɛ́ síkasɛnyɛ ní yè. Pe yé yɛrɛ ti mìɛni suɔ pe mɛ́, nɛ̀ pe máama, nɛ̀ pe fùrɔ.

Piɛri 1 3:8

Bɛ̀ sí ki yē gè, yeri nyu yeri lúru yìye mɛ́, yeli ye mìɛni bèle. Yeri nyinimɛ taʔa yìye nɛ̄ yeli wuʔɔyɔ lɛ̀lɛ nī lè. Ye- wìyedɛnigɛ yaʔa gè ki- yeli nyì nɛ́ nyinidaaguugo ní gè, yeri yìye cɛ́rigi.