Eburulo 13:21 - Sénoufo Nyarafolo

²¹ Kulocɛliɛ wi- yeli gbòbori bè yaʔa yeli gbɛ̀ jáa bèri kacɛ̀ngɛlɛ ke mìɛni kpínʔini bè wi nyɛ́ni kele fori gèle. Wi- ki kpíʔile weli funyɔ nī yè gàa ki 'wi dɛ́ni gè, Zezi Kirisi kɛnmɛ nɛ̄ bè. Wire nɛ̄ kpuɔmɔ pi 'yɛli súuri ! Ki- taa ki puu bɛ̀  !

Eburulo 13:21 Iomraidhean Croise

Ŋúnuyɔ 138:8

Yewe bé mi kele nyuɔ gèle bè fori. Yewe yo, muɔ bànguɔ dɛ́nigɛ kiī baa súuri  ! Fǎga kàduʔu wáa muɔ siɛnnɛ mɛ́ bèle bàli muɔ faan bèleʔ !

Matiye 12:50

Ki 'nyaa siɛn ŋíì wi nyɛ́ni mi Tuu wi nyɛ́ni kele kúu gèle, mi Tuu ŋáà wi baa nyìʔɛnɛ nī lè, kire siɛn wire wī mi yàa wè, nɛ ní mi siinyɛni wè.»

Matiye 21:31

«Pìile bálì pe siin nī bèle, ŋíi wi 'wi tuu nyɛ́ni kaala kpíʔile lè ?» A pe 'jo: «Péliwe wire wī.» A Zezi wi 'pe yɛ: «M'bé ki juu yeli mɛ́ kányiʔɛ nɛ̄, lanbosuɔlɔ nɛ́ nàjaacɛlilɛ pe bága yeli yiʔɛ caanri Kulocɛliɛ Kùlofɔligɔ nī gè.

Matiye 28:20

Yéri pe tìí pe- mi kele ke mìɛni cò, gàli mi 'tìɛ yeli nɛ̄ gèle. Mi wè, mi yē nɛ́ yeli ní cɛnyɛ yi mìɛni, fúɔ bè pa nɔ̀ duniya kúɔmɔ nɛ̄ bè.»

Matiye 6:13

Fǎga ki yaʔa weli tuu puuwelige nīʔ, ma sí weli suɔ Sìpiiwe mɛ́ wè. [Nɛ̀ taʔa gíi nɛ̄, kùlofɔligɔ gè nɛ́ fànʔa ní gè, nɛ́ kpuɔmɔ ní bè, tiī muɔ wori súuri. Ki- taa ki puu bɛ̀ .]›

Matiye 7:21

«Siɛnnɛ bálì mìɛni pe mi yeri níɛ waa, ‹Kàfɔli ! Kàfɔli !› wè, pe mìɛni bɛ̀ʔ pe bága jíin Nyìʔɛnɛ Kùlofɔligɔ nī gèʔ, fúɔ macɛn bìli pe nyɛ́ni mi Tuu wi nyɛ́ni kele kpínʔini gèle, mi Tuu wè, baa nyìʔɛnɛ nī lè.

Zezi Kirisi Kataanna Siɛnrɛ dè Zan juumɔ nɛ̄ bè 17:23

«Mi yē peli nī, á muɔ ní mi nī, gìi ki bé tí pe tɔ̀ni pe- puu nigbe dí duniya wuulo pe sí ki cɛ́n muɔ ma 'mi tun, bé míɛni tɛ́ngɛ ki nɛ̄ pe 'muɔ dɛ́ni majo bɛ̀ mi 'muɔ dɛ́ni wè.

Zezi Kirisi Kataanna Siɛnrɛ dè Zan juumɔ nɛ̄ bè 7:17

A siɛn ŋíì nɛ ki caa bè Kulocɛliɛ nyɛ́ni kaala kpíʔile lè, siɛn wi bé ki cɛ́n a ki yē Kulocɛliɛ mɛ́ tɛnmɛnɛ náà ni 'yɛ̀, á kire 'laa a ki yē mi tíimɛ wori mi nɛ nyu.

Wurɔmiyé 11:36

Nɛ́ ki cɛ́n Kàfɔli wire nī yɛrɛ ti mìɛni ti 'yiri, wire fànʔa nɛ̄ yɛrɛ ti mìɛni yē bile, wire wori dī ti mìɛni dè. Kpuʔɔrɔ tiī wi wori lɛ̀gɛlɛ ke mìɛni nī ! Ki- taa ki puu bɛ̀.

Wurɔmiyé 16:27

Kulocɛliɛ nigbe ŋáà wī síciliwe wè, kpuʔɔrɔ ti 'yɛli wi nɛ̄ lɛ̀gɛlɛ ke mìɛni nī Zezi Kirisi fànʔa nɛ̄ gè. Ki- taa ki puu bɛ̀.

Korɛntiyé 2 9:8

Ye- ki cɛ́n Kulocɛliɛ wi bé gbɛ̀ yeli kɛn bè yeli funyɔ nyígi yè nɛ́ kpuʔɔrɔ felide ti mìɛni ní, gìi ki bé tí lɛ̀gɛlɛ ke mìɛni nī gèle, ye- yɛrɛ felide ti mìɛni taa yìye fungo, dí tàa ní kò yeli mɛ́ yeri kacɛ̀ngɛlɛ kpínʔini nɛ́ tire ní.

Galasiyé 1:5

Kpuʔɔrɔ tiī wi wori lɛ̀gɛlɛ ke mìɛni. Ki- taa ki puu bɛ̀.

Efɛziyé 2:10

Ki 'nyaa Kulocɛliɛ wi yafaanra dī weli bèle; wi 'weli faan we- puu pínɛnɛ nɛ́ Zezi Kirisi ní wè wéri kacɛ̀ngɛlɛ kpínʔini. Kulocɛliɛ wire wi 'ke kpíʔile nɛ̀ yaʔa gìi ki bé tí weri ke kpínʔini.

Efɛziyé 2:18

Ki 'nyaa wire kɛnmɛ nɛ̄ weli we mìɛni bèle, weli bálì bīɛlɛ Zuufulo bèle nɛ́ bìli pe wè Zuufulo bèleʔ, a weli 'jáa nɛ̀ jíindiʔɛ taa bè gbɛ̀ nɔ̀ Tuufɔli nɛ̄ wè, Kulocɛliɛ Pìle lire nigbe nyúmɔ nī bè.

Fànʔa Kajuʔulo 32:4

Yewe, wiī kàdɛnigbaala, wi yē weli nyúmɔ; wi baara ti tìí yɛligɛ, wi kakpiʔiligele ke mìɛni 'sín. Kulocɛliɛ wiī sìɛnwɛ, kolimɔ fùn; wire wi 'sín, nɛ́ ní kányiʔɛfɔli wè.

Filipiyé 1:11

Bɛ̀ yeli bé nyì sínmɛ kakpiʔiligele nɛ̄ gèle Zezi Kirisi wire fànʔa nɛ̄ gè, bèri kpuʔɔrɔ tari Kulocɛliɛ nɛ̄ wè, wi míʔɛ ki sí de gbùʔɔrɔ́.

Filipiyé 2:11

Nɛ̀ pínɛ, siɛn ó siɛn wi- ki juu wi nyuɔ nī gè, wi- jo Zezi Kirisi wire wī Kàfɔli wè, wi- kpuʔɔrɔ taʔa weli Tuu Kulocɛliɛ nɛ̄ wè.

Filipiyé 2:13

Ki 'nyaa kaala níì ni 'Kulocɛliɛ dɛ́ni wè, wire wi nɛ̂ ni kpíʔile láa nyɔ́gɔ gè yeli nī, níɛ̀ ni kpíʔile larigɛ kɛn gè yeli mɛ́.

Filipiyé 4:13

M'bé gbɛ̀ jáa bè kele ke mìɛni kúɔ, nɛ̀ yɛli nɛ́ ŋàa wi nyɛ́ni fànʔa kanʔa gè mi mɛ́ wè.

Filipiyé 4:18

Ki mìɛni nyɛ́nì nɔ̀ mi nɛ̄, ki 'tɔ̀ni yē nìʔɛgɛ. Gìi ní yeli 'Epafurodiiti tun wè, ki mìɛni 'nɔ̀ náʔa mi nɛ̄. Ti bé gbɛ̀ tɔ́ri bɛ̀ kakuɔrɔ yakɛngɛ tíɛlɛ gàa nùdaanna ni 'Kulocɛliɛ dɛ́ni wè, á wi 'fɔ̀li ti nɛ̄ dè.

Kolɔsiyé 3:17

A yeli nɛ kaala ó kaala kúu, nyasiɛnrɛ dī yo, kakpiʔilile nī yo, yeri ni kpínʔini Kàfɔli Zezi wire kɛnmɛ nɛ̄, ye kpuʔɔrɔ taʔa weli Tuu Kulocɛliɛ nɛ̄ wè nɛ́ Zezi wire míʔɛ ní gè.

Kolɔsiyé 3:20

Pìile, yeri lúru yeli siivɔlilɔ nɛ̄ bèle kele ke mìɛni nī gèle, nɛ́ ki cɛ́n kire ki 'Kàfɔli dɛ́ni wè.

Kolɔsiyé 4:12

Epafirasi wè yeli wuu wè, wiī nɛ yeli síɛri, Zezi Kirisi wi baakuɔwɔ wáà wī. Wi 'lèbaanna le nɛ náari súuri yeli mɛ́, gìi ki bé tí ye- liɛ ye láʔa, yé sí nyuɔ ye láʔa Kulocɛliɛ nyɛ́ni kele ke mìɛni nī gèle.

Tesalonikiyé 1 3:13

Gìi ki bé tí yeli nàzɔnnɔ pe- lìri, ye- puu dìgire fùn, yeri tári cìilile weli Tuu Kulocɛliɛ wi yiʔɛ mɛ́ gè, cɛngɛ gíì weli Kàfɔli Zezi wi kɛ́ni báan nɛ́ wi wuulo pe mìɛni ní bèle. [Ki- taa ki puu bɛ̀].

Tesalonikiyé 1 4:3

Ki 'nyaa gìi Kulocɛliɛ wi caa gè, ye- yìye wàli ye tɛ́ngɛ wire mɛ́, yé láʔa kanuʔɔrɔ kele nɛ̄ gèle.

Tesalonikiyé 1 5:23

Kulocɛliɛ wè, wire ŋáà wī yanyige kàfɔli wè, wire tíimɛ wè wi- yeli kpíʔile ye- puu wàlidɛngɛlɛ Kulocɛliɛ mɛ́ wè, dí yeli pìle ni mìɛni lè, nɛ́ yeli fungo ní gè, nɛ́ yeli cetinnɛ ní lè, ti- puu tiɛlɛ fùn, ti- gbòbori ti yaʔa cɛngɛ gíì weli Kàfɔli Zezi Kirisi wi kɛ́nì pɛn wè.

Tesalonikiyé 2 2:17

wi- yeli funyɔ nyígi yè, wí sí ŋɔri nyɔ́gɔ yeli nī yeri kacɛ̀ngɛlɛ kpínʔini yeli nyasiɛnrɛ nī dè nɛ́ yeli kakpiʔiligele ke mìɛni nī gèle.

Timote 1 1:17

Bànguɔ Kùlofɔli wè, ŋàa wī sìnguu nī wè, nɛ́ ŋàa siɛn sǐ gbɛ̀ nyaa wèʔ, Kulocɛliɛ nigbe wè, kpuʔɔrɔ nɛ́ kpuɔmɔ pi- puu wi nɛ̄ súuri ! Ki- taa ki puu bɛ̀  !

Timote 1 5:10

Wi 'yɛli wi- puu pe wi cɛ́n kacɛ̀ngbiʔiligele nɛ̄ gèle, wi sí yé puu ŋàa wi 'wi pìile sɔ́migɔ bèle nɛ̀ gbó wè, wi sí yé puu ŋàa wi nabɔnminɔ tìrigí bèle, ŋàa wi yé Kulocɛliɛ wuulo pe tɔliyɔ jíge yè, ŋàa wi 'fuunmɔfɔlilɔ sáʔa bèle, nɛ́ kacɛ̀ngɛlɛ ke mìɛni feliye kpíʔile yè.

Timote 1 6:16

Wire nigbe wī sìnguu nī; wiī kòriwo kpìɛnmɛ nī bè bàa nɛ̄ siɛn sǐ gbɛ̀ sìʔɛrɛ kpɔni wèʔ. Siɛn wáà fáala fìɛ wi 'nyaa nɛ̀ nyaaʔ nɛ́ míɛni wàa sǐ gbɛ̀ wi nyaaʔ. Wire nigbe nɛ̄ kpuʔɔrɔ ti 'yɛli nɛ́ fànʔa ki mìɛni ní lɛ̀lɛ ó lɛ̀lɛ nī ! Ki- taa ki puu bɛ̀  !

Timote 2 3:17

Bɛ̀ sí ki bé puu dí Kulocɛliɛ siɛn wi sí sɔ́migɔ bè gbòbori yaʔa, bè gbɛ̀ jáa bèri kacɛ̀ngbiʔiligele ke mìɛni kpínʔini.

Timote 2 4:18

Kàfɔli wi bága mi píle bè suɔ siɛnnɛ kapiigbiʔiligele ke mìɛni mɛ́, bè mi suɔ kire ga buu mi- jíin wi kùlofɔligɔ nī gè baa nyìʔɛnɛ nī lè. Wire nɛ̄ kpuɔmɔ pi 'yɛli súuri ! Ki- taa ki puu bɛ̀  !

Eburulo 10:36

Píra ŋáà nī wè ki 'yɛli ye- lèbaanna le, kire ga buu yeli de waa yiʔɛmɛ yeri Kulocɛliɛ nyɛ́ni kele kpínʔini gèle. Bà yeli bé ki taa gàa nyuɔ wi 'fɛ̀ni gè.

Eburulo 12:23

Yeli nyɛ́nì sìʔɛrɛ nɛ̀ kpɔni Kulocɛliɛ pìpelile gboli nɛ̄ lè, bàli míɛyɛ yī sɛbɛyɛ yè nyìʔɛnɛ nī lè. Yeli nyɛ́nì sìʔɛrɛ nɛ̀ kpɔni Kulocɛliɛ nɛ̄ wè siɛnnɛ pe mìɛni kàyuʔujuufɔli wè, nɛ́ siɛnsinminɛ nɛ̄ bèle bàli pe 'kùu bèle a Kulocɛliɛ 'pe nyuɔ nɛ̀ forigo wè.

Eburulo 12:28

Bɛ̀ weli nɛ Kùlofɔligɔ taʔa gè gàa kiǐ gbɛ̀ cúungo gèʔ, weri Kulocɛliɛ síɛri wè, weri wi gbùʔɔrɔ́ kɛnmɛ bíì nɛ̄ ki 'wi dɛ́ni wè, nɛ́ kpuʔɔrɔ nɛ́ fíɛrɛ ní.

Eburulo 13:16

Ye fǎga fìʔɛ bèri kacɛ̀ngɛ kpínʔiniʔ, bé míɛni de ki liile gàa yeli nɛ taʔa gè. Nɛ́ ki cɛ́n kire kakuɔrɔ yakɔnrɔ dè, ti nyɛ́nì Kulocɛliɛ dɛ́ni.

Piɛri 1 2:5

yeli ye mìɛni yē kàdɛniyɛ wowiiye nyáà Kulocɛliɛ wiī nɛ líi nɛ wi Pìle Gbùʔɔrɔsaʔa faanri gè. Nɛ̀ taʔa ki nɛ̄, yeli yē wi kacuɔnrilɔ wàlidɛngɛlɛ nɛ kakuɔrɔ yakɔnrɔ kanʔa wi mɛ́, pìle kɔli mɛ́ gè, kakuɔrɔ dáà nɛ̄ wi nɛ̂ fɔ̀li dè, Zezi Kirisi kɛnmɛ nɛ̄ bè.

Piɛri 1 4:2

Bɛ̀ sí ki yē gè, yeli sìisɛnwɛ nī wè dàala nɛ̄ lè, yeli 'yɛli bè Kulocɛliɛ wi nyɛ́ni kaala fori lè; kire wè bèri siɛnnɛ kanɛdanʔana kpínʔini wīʔ.

Piɛri 2 3:18

Kire nɛ̄ yeri waa yiʔɛmɛ súuri weli Kàfɔli Zezi Kirisi, weli Suɔfɔli, wi kpuʔɔrɔ nɛ́ wi cɛ́nnɛ nī lè. Kpuɔmɔ pi- puu wi wobo píra ŋáà nī wè nɛ́ lɛ̀gɛlɛ ke mìɛni nī ! Ki- taa ki puu bɛ̀  !

Zan 1 2:17

Nɛ̀ sí ki yaʔa, duniya wiī nɛ tóri wī nɛ́ wi kanɛdanʔana ní gèle. Ŋàa sí wiī nɛ Kulocɛliɛ nyɛ́ni kaala kpínʔini lè, wire yē sìi nɛ̄ súuri lɛ̀lɛ ó lɛ̀lɛ nī.

Zan 1 3:22

Nɛ́ míɛni weli bé ki taa wi mɛ́ gàa weli nɛ náari gè, nɛ́ ki cɛ́n weli nɛ wi kajuudiʔɛlɛ cògí gèle níɛ ki míɛni kpínʔini gàa ki 'wi dɛ́ni gè.

Zudi 1:25

Kpuʔɔrɔ ti 'yɛli Kulocɛliɛ nigbe nɛ̄, wire ŋáà wi 'weli suɔ weli Kàfɔli Zezi Kirisi kɛnmɛ nɛ̄ bè. Kpuɔmɔ nɛ́ kpuʔɔrɔ, nɛ́ fànʔa nɛ́ kàfɔligɔ tire yé puu wi mɛ́ náʔanɛ duniya wi- faan wè, nɛ́ lɛ̀lɛ náà nī lè, nɛ́ lɛ̀lɛ ó lɛ̀lɛ nī láʔala fùn. Ki- taa ki puu bɛ̀  !

Tìɛlɛ 4:6

Kùlofɔlilɔ kácunʔɔ ki yiʔɛ mɛ́ gè kuʔɔjii wáà 'puu baa cìiliwe yéliyeli nɛ wéli nɛ sùurí ki nī bɛ̀ kirisitali kàdɛnigɛ tíɛlɛ. Yawiiye sicɛri 'puu kácunʔɔ ki laamɛ nī bè nɛ̀ ki màʔa nɛ̀ suʔu, nyapigele ní yi nɛ̄ nɛ̀ màʔa yiʔɛmɛ gè nɛ́ kàduʔumɛ gè.

Tìɛlɛ 5:13

Yafaanra díì ti mìɛni dī baa nyìʔɛnɛ nī lè, nɛ́ dàa dī dàala nɛ̄ lè, nɛ́ dìi dī dàala laamɛ nī bè, nɛ́ dìi dī kuʔɔjiile nī bèle, ki 'nyaa duniya yafaanra ti mìɛni dè, a mi 'ti juumɔ lúʔu bè a ti 'jo: «Ŋàa wī tɛ́niwɛ kùlofɔlilɔ kácunʔɔ nɛ̄ gè, wire nɛ́ Sìnbapile ní lè, gbùʔɔrigɔ ŋúnudo ti 'yɛli pe nɛ̄, nɛ́ kpuʔɔrɔ ní dè, nɛ́ kpuɔmɔ ní bè, nɛ́ fànʔa ní gè lɛ̀gɛlɛ ke mìɛni nī súuri.»

Tìɛlɛ 5:9

A pe 'yɛ̀ nɛ̀ ŋúnugo káà le nɛ ŋú ŋúnuvɔngɔ ki 'puu, níɛ waa: «Muɔ wī ma 'nyuɔ nɛ̀ yɛli bè gbɛ̀ sɛbɛ suɔ wè bé sí wi yasuʔɔgɔlɔ múgolo gèle. Nɛ̀ taʔa gíi nɛ̄, muɔ cé kùu, a kire 'ki kɛn muɔ sìsiɛn kire fànʔa nɛ̄ gè a muɔ 'siɛnnɛ suɔ nɛ̀ kɛn Kulocɛliɛ mɛ́ wè, siɛnnɛ feliye yi mìɛni yè, siɛnrɛ felide ti mìɛni wuulo bèle, nɛ́ kùlogolo ke mìɛni ní gèle, nɛ́ duniya siɛnfeliye yi mìɛni ní yè.