Eburulo 13:2 - Sénoufo Nyarafolo

² Ye fǎga cíi bè nabɔnminɔ tìrige bèleʔ, bàli pe 'pɛn yeli mɛ́ bèleʔ. Nɛ́ ki cɛ́n pàli yé pe tìrige, piyè yé ki cɛ́n nyìʔɛnɛ tundunminɔ bīɛlɛʔ.

Eburulo 13:2 Iomraidhean Croise

Sélimɛ 18:1

Bà tire 'tóri dè, a Yewe 'wìi tìɛ Birayima nɛ̄ tiikpoliyo tiɛliʔɛ táanni gàa gī Mambire wuʔu gè. Birayima 'puu tɛ́niwɛ cɛnvunyiɛnɛ nɛ̄ kélikeli, wi fɛ̀ni saʔa wìile yiʔɛ mɛ́ gè,

Sélimɛ 19:1

Cɛngɛnyɛnijiin lɛ̀lɛ nī lè, a nyìʔɛnɛ tundunminɔ pe siin pe sɛ́nì nɔ̀ Sodɔmi kàʔa nɛ̄ gè. Lɔti 'puu tɛ́niwɛ nàkpanʔa wìile nī lè. Bà wi 'pe nyaa bèle, a wi 'fali nɛ̀ yɛ̀ nɛ̀ sɛ́nì pe kpàli nɛ́ tuu nɛ̀ yiʔɛ cúbulo gè dàala nɛ̄ lè,

Leviiyé 19:34

Kire nabɔnwɔ ŋáà wī tɛ́niwɛ yeli sunʔɔmɔ nī bè, yeli béri wi tɔ́ri kùlo ni wuu; muɔ bé wi woli yaʔa lè ni- muɔ dɛ́ni kɛnmɛ bíì nɛ̄ muɔ mìɛ dɛ́ni wè. Nɛ́ ki cɛ́n yeli tíimɛ kíni nɛ̀ puu nabɔnminɔ Ezipiti kùlo nī lè. Mi yē Yewe, yeli Kulocɛliɛ wè.

Matiye 25:35

Nɛ̀ taʔa gíi nɛ̄, fungo cé mi taa a yeli 'mi kɛn mi 'lìi. A luʔɔwuʔɔ 'mi taa a yeli 'mi kɛn luʔɔ ní a mi 'gbuɔ. Mi 'puu nabɔnwɔ, a yeli 'mi cò nabɔnrɔ nɛ̄,

Matiye 25:40

«Kùlofɔli wi bé siɛnnugoro kɛn dè pe mɛ́ bé jo: ‹M'bé ki juu yeli mɛ́ kányiʔɛ nɛ̄, dàa ti mìɛni mi 'tìɛ dàa dè, lɛ̀lɛ ó lɛ̀lɛ yeli 'ni làa fáala kpíʔile mi siinyɛninɛ pe wàa cíɛwɛ nɛ̄ wè, mi mɛ́ yeli 'ni kpíʔile.›

Matiye 25:43

Mi 'puu yeli nabɔnwɔ, yeli sì mi cò nabɔnrɔ nɛ̄ʔ. A bururo 'mi laa, yeli sì yɛrɛ kɛn m'mɛ́ a mi leʔ. Mi 'puu yaawa nɛ ní kasuu nī, yeli sì sɛ́nì mi wéliʔ.›

Kakpiʔiligele 16:15

fúɔ a wi cɛ́nì batɛmi kpíʔile wè, wire nɛ́ wi saʔa wuulo ní bèle. A wi 'weli fiɛn nɛ́ jo: «A ki yē yeli 'ki nyaa mi tɛ́ngɛlɛ ni 'yɛli baa ni tiʔɛ nī gè Kàfɔli nī wè, yeri báan ye pa kò náʔa mi saʔa mɛ́ gè.» A wi 'weli ŋàʔana fúɔ nɛ̀ taa a weli pɛ́nì yéri ki nɛ̄.

Wurɔmiyé 12:13

Yeli tɛ́ngɛfɔnyɛninɛ bèle, a wàa màakuu yē yakaa nɛ̄, ye- wi kɛn. Ye- puu nɛ́ nabɔndirige funyɔ ní kpuʔɔ.

Wurɔmiyé 16:23

Gayusi wiī nɛ yeli síɛri, wire tiʔɛ nī mi nɛ sùɔ́n, nɛ̀ pínɛ wire tiʔɛ nī tɛ́ngɛfɔlilɔ gboli ni mìɛni nii nɛ gbúʔuro. Eratusi míɛni wè, kàʔa walicowo wè, nɛ́ Karitɔsi ní wè we siinyɛni wè, piyē nɛ yeli síɛri.

Timote 1 3:2

Kire nɛ̄, yiɛginiwɛ wi 'yɛli wi- puu dìgire fùn, cɛliwɛ nigbefɔli, nɛ́ bè wìi cògɛnmɛ cɛ́n. Ki 'yɛli wi- puu siɛn ŋáà wiī nɛ wìi ciʔige wè, nɛ́ siɛn ŋáà wi tánʔagɛnmɛ pi 'nyuɔ bè. Wi 'yɛli wi- puu nabɔndirigiwe, nɛ́ bè gbɛ̀ri siɛnnɛ tɛnmɛ bèle.

Timote 1 5:10

Wi 'yɛli wi- puu pe wi cɛ́n kacɛ̀ngbiʔiligele nɛ̄ gèle, wi sí yé puu ŋàa wi 'wi pìile sɔ́migɔ bèle nɛ̀ gbó wè, wi sí yé puu ŋàa wi nabɔnminɔ tìrigí bèle, ŋàa wi yé Kulocɛliɛ wuulo pe tɔliyɔ jíge yè, ŋàa wi 'fuunmɔfɔlilɔ sáʔa bèle, nɛ́ kacɛ̀ngɛlɛ ke mìɛni feliye kpíʔile yè.

Tiiti 1:8

Gìi sí ki 'yɛli gè, wi- puu nabɔndirigiwe, dí kacɛ̀ngbiʔilige ki- wi dɛ́ni. Wi 'yɛli bèri wìi ciʔige, bé sí puu siɛnsinwɛ bè puu wàlidɛngɛwɛ Kulocɛliɛ mɛ́ wè, bé wìi cògɛnmɛ cɛ́n.

Piɛri 1 4:9

Ye- fɔ̀li yeri yeli siinyɛninɛ tìrigí bèle yeli saaya nī yè, kúnʔɔrilɔ fùn.

Zan 3 1:5

Mi nàgoricɛnwɛ, muɔ yē nɛ tári nɛ kacɛ̀ngɛ sɔ́migi nɛ kpínʔini weli siinyɛninɛ mɛ́ bèle, nɛ̀ sí ki taa piyē nabɔnminɔ.