Eburulo 13:18 - Sénoufo Nyarafolo

¹⁸ Yeri náari weli mɛ́. Weli nyɛ́nì ki cɛ́n weli funyɔ yiī dìgire fùn. Bɛ̀ ki yē gè, weli nɛ ki caa weli tánʔagɛnmɛ pi- nyuɔ kɛnmɛ pi mìɛni nɛ̄.

Eburulo 13:18 Iomraidhean Croise

Tesalonikiyé 1 5:25

Siinyɛninɛ, yeri náari weli mɛ́ de pínɛ.

Tesalonikiyé 2 3:1

Siinyɛninɛ, gìi ki 'kò gè, yeri náari weli mɛ́ gìi ki bé tí Kàfɔli wi siɛnrɛ ti de waa yiʔɛmɛ dí kpuʔɔrɔ sí de tari ti nɛ̄, majo mɛni ki 'puu baa yeli tiʔɛ nī gè,

Timote 1 1:5

Nɛ̀ sí ki taa, ki kajuugbɛnnɛ ni nyùgo gè kire yē bè wìyedɛnigɛ nyɔ́gɔ tɛ́ngɛfɔlilɔ sunʔɔmɔ nī bè, nɛ́ dɛ́nigɛ gáà ki 'kɔ́n nàzɔn cìiliwe nī wè, nɛ́ funviire nī, nɛ́ kányiʔɛ tɛ́ngɛlɛ nī lè.

Kolɔsiyé 4:3

Yeri náari yeri pínɛ weli kɛnmɛ nɛ̄ bè, gìi ki bé tí Kulocɛliɛ wi- koligo múgu gè weli mɛ́ Kataanna Siɛnrɛ ti juʔu nɛ̄ gè, weli de Kirisi wi kalarigɛlɛ nyu gèle. Tire kɛnmɛ nɛ̄ mi yē náʔa còdɔnwɔ kasuu nī wè.

Wurɔmiyé 15:30

Mi sí nɛ yeli fiɛn wī, mi siinyɛninɛ, weli Kàfɔli Zezi Kirisi wire kɛnmɛ nɛ̄ bè, nɛ́ dɛ́nigɛ gáà Kulocɛliɛ Pìle ni sî nyɔ́gɔ siɛn fungo nī gè, ye- wúɔ nɛ́ mi ní cáanra dáà mi nɛ cáanri dè, yeri Kulocɛliɛ náari wè mi mɛ́.

Piɛri 1 3:21

Luʔɔ gáà ki yé puu fìɛ nɛ batɛmi kɛnmɛ tìí bè. Batɛmi wi wè nɛ céri núʔɔmɔ láʔala bèʔ, nɛ̀ ki yaʔa wiī nɛ ki tìí siɛn wi 'wìi kɛn nɛ̀ láʔa Kulocɛliɛ mɛ́ nɛ́ funviige ní. Bɛ̀ Zezi Kirisi 'nyɛ́ nɛ̀ yiri wè, batɛmi wi 'kò píra ŋáà nī wè, kaala láà nàa ni ki tìí Kulocɛliɛ nyɛ́nì weli suɔ wè.

Piɛri 1 3:16

Ye sí siɛnnugoro kɛn dè nɛ́ funnyige ní nɛ́ kpuʔɔrɔ ní. Ki 'yɛli yeli funyɔ yi- kò fìiye Kulocɛliɛ yiʔɛ mɛ́ gè. Bɛ̀ ki bé puu a siɛnnɛ kɛ́nì yeli tánʔagɛnmɛ nyaa bè, bàa pi 'nyuɔ bè bɛ̀ yeli yē pínɛnɛ nɛ́ Zezi Kirisi ní wè, a piyē nɛ yeli míʔɛ córi gè, kire siɛnnɛ bálì bèle, fìɛrɛ ti bé tɔ́n pe nɛ̄.

Piɛri 1 2:12

Ye- yeli tánʔagɛnmɛ yaʔa bè pi- nyuɔ sìndɛngɛlɛ sunʔɔmɔ nī bè, kire ga buu a piyē nɛ tíri yeli nɛ̄ wè nɛ́ jo yeli nɛ kapiʔile kpínʔini wè, peli tíimɛ bága ba yeli kacɛ̀ngbiʔiligele nyaa gèle béri Kulocɛliɛ 'kpóri wè wi pɛnjɛngɛ nī gè.

Tesalonikiyé 1 4:12

Gìi ki bé tí yeli tánʔagɛnmɛ pi- puu cɛ̀nbɛ kpànʔa wuulo mɛ́ bèle, dí yeli fǎga puu tugoro siɛn mɛ́ʔ.

Kakpiʔiligele 24:16

Kire nɛ̄ mi nɛ ki cìʔilé bè puu cìiliwe mi fungo nī gè Kulocɛliɛ yiʔɛ mɛ́ gè nɛ́ siɛnnɛ pe mìɛni yiʔɛ mɛ́ gè.

Kakpiʔiligele 23:1

A Pɔli wi 'nyapigele le gèle Zuufulo kàyuʔujuulo gboli wuulo nī bèle nɛ̀ pe wéli, nɛ́ jo: «Mi siinyɛninɛ, mi 'mi sìi tánʔa wè nɛ́ funviige ní Kulocɛliɛ yiʔɛ mɛ́ gè fúɔ nɛ̀ pɛ́nì nɔ̀ pàngɛ gè.»

Filipiyé 4:8

Dìi ti 'kò sɛnrɛ dè nɛ siinyɛninɛ, a kaala ó kaala yē kányiʔɛ gè, a nìi yē nɛ́ kpuʔɔrɔ ní wè, a gìi ó gìi yē sínmɛ koligo gè, gàa gī cìilige gè, kaala ó kaala náà nī tàanna lè, kaala ó kaala náà nī siɛn bé gbɛ̀ tɔ́ri nɛ́ ni ní lè, nàa ni 'sìɛn lè, nɛ́ kaala náà nī pe bé gbɛ̀ siɛn síɛri ni nɛ̄ lè, ye- yeli sɔ̀ngirɔ yaʔa dè tire nɛ̄.

Korɛntiyé 2 1:12

N'gɛ weli bé gbɛ̀ sìndinge kpúɔn bé ti juu, weli funyɔ yi 'tɛ́ngɛ tire nɛ̄: ki 'nyaa weli 'puu nɛ weli sìi tári wè nɛ wìye cɛ́rigi nɛ́ kányiʔɛ ní siɛnnɛ yiʔɛ mɛ́ gè nɛ́ yeli mìɛni ní bèle. Kiì sí kò majo weli 'ki kpíʔile nɛ́ weli sícilige ní wīʔ. ʔéʔe, Kulocɛliɛ kpuʔɔrɔ dī.

Wurɔmiyé 13:13

Ye- tí weri tári sìɛnnɛ majo bɛ̀ siɛn sî nɛ tári sìɛnwɛ kpìɛnmɛ nī bè. We cègbuʔɔ lìigele yaʔa gèle, nɛ́ sungbuɔrɔ ní dè, nɛ́ cecaara ní dè, nɛ́ cúʔɔmɔ kele ní gèle, nɛ́ kàsii yɛrɛ ní dè, nɛ́ yejaʔa ní gè.

Wurɔmiyé 12:17

Ye fǎga tí béri kapiʔi tíʔi de kapiʔi fuʔɔ tɔ́ngi siɛn mɛ́ʔ. Yeri kacɛ̀ngɛ caa siɛnnɛ pe mìɛni mɛ́ yeli fungo nī gè.