Eburulo 13:16 - Sénoufo Nyarafolo

¹⁶ Ye fǎga fìʔɛ bèri kacɛ̀ngɛ kpínʔiniʔ, bé míɛni de ki liile gàa yeli nɛ taʔa gè. Nɛ́ ki cɛ́n kire kakuɔrɔ yakɔnrɔ dè, ti nyɛ́nì Kulocɛliɛ dɛ́ni.

Eburulo 13:16 Iomraidhean Croise

Ŋúnuyɔ 37:3

‑Muɔ sɔ̀ngirɔ taʔa dè Yewe nɛ̄, mari kacɛ̀ngɛ kpínʔini, ma tɛ́ni kùlo nī lè, mari líi yanyige nɛ̄.

Ŋúnuyɔ 51:19

Kulocɛliɛ, kakuɔrɔ dáà ti 'muɔ dɛ́ni dè, tire dī fungo gáà nī laabiɛnmɛ yē wè. Kulocɛliɛ yo, muɔ wè nɛ kàduʔu wáariʔ nàzɔn mɛ́ wè ŋàa wī laabiɛnmɛ ní bèʔ, níɛ caa bè yiʔɛ wè.

Luku 18:22

Bà Zezi wi 'siɛnrɛ dáà lúʔu dè mmɛ gè, a wi 'nàguɔ yɛ wè: «Kaala nigbe sí ní nɛ̀ kò muɔ nɛ̄. Muɔ kɔliyɛrɛ ti mìɛni pári dè, ma wali kɛn wè fɔ̀ngɔfɔlilɔ mɛ́, bɛ̀ muɔ bé lɔri taa nyìʔɛnɛ nī lè. Píra ŋáà nī wè mári báan ma pa taʔa mi nɛ̄.»

Kakpiʔiligele 10:38

«Kire Zezi wire sí wī Nazarɛti kàʔa wuu wè; Kulocɛliɛ cé wi nyíɛnɛ nɛ̀ kɔ̀n nɛ́ wi Pìle tìrige lè nɛ́ fànʔa kɛn gè wi mɛ́ wi tòrí tiɛrɛ ti mìɛni nī nɛ nyuʔɔ siɛnnɛ nɛ̄ bèle, nɛ pe pori níɛ pe suu gbòdolilo kàfɔli wuʔɔgɔ mɛ́ gè. Ki 'nyaa Kulocɛliɛ wi 'puu nɛ́ wi ní.

Kakpiʔiligele 9:36

Zope kàʔa nī gè pìtɛnmɛwɛ wáà 'puu baa cɛliwɛ, pe 'puu nɛ wi ye Tabita, pe nɛ̂ ki míʔɛ yeri nɛ̀ pínɛ girɛki siɛnrɛ nī dè Dɔrikasi, ki kɔri wi 'jo wóliwo. Wi 'puu nɛ kacɛ̀ngɛlɛ kpínʔini kpuʔɔ, níɛ fuunmɔfɔlilɔ kanʔa bèle nɛ pínɛ.

Wurɔmiyé 12:13

Yeli tɛ́ngɛfɔnyɛninɛ bèle, a wàa màakuu yē yakaa nɛ̄, ye- wi kɛn. Ye- puu nɛ́ nabɔndirige funyɔ ní kpuʔɔ.

Galasiyé 6:10

Kire nɛ̄, bɛ̀ ki larigɛ yē we nɛ̄ bèle, ye- puu weri kacɛ̀ngɛ kpínʔini siɛnnɛ pe mìɛni nɛ̄. We cɛri kacɛ̀ngɛ kpínʔini gè kpuʔɔ we siinyɛninɛ tɛ́ngɛfɔlilɔ nɛ̄ bèle.

Galasiyé 6:6

Siɛn ŋíì pe nyɛ́ni tɛnmɛ Kulocɛliɛ siɛnrɛ nɛ̄ dè, siɛn míɛni wiri wi tɛnmɛfɔli kanʔa wè wi kɔliyɛrɛ ti mìɛni nɛ̄.

Efɛziyé 4:28

Siɛn ŋíì wi nyɛ́ni yúu wè, siɛn wi- kàyuugo yaʔa gè. Gìi ki 'pɔ́ri gè, siɛn wi- yiʔɛ le wiri baara wire tíimɛ wè nɛ́ wi kiyɛ ní yè, gìi ki bé tí wi yakaa taa wi- gbɛ̀ wàa kɛn ŋàa nɛ̄ ki màakuu yē wè.

Filipiyé 4:14

Nɛ̀ sí ki taa yeli 'ki kpíʔile a ki 'yɛli, bɛ̀ yeli yē pínɛnyɛnigɛ nɛ̄ nɛ́ mi ní wè, mi fùrɔgɔ lɛ̀lɛ nī lè.

Filipiyé 4:18

Ki mìɛni nyɛ́nì nɔ̀ mi nɛ̄, ki 'tɔ̀ni yē nìʔɛgɛ. Gìi ní yeli 'Epafurodiiti tun wè, ki mìɛni 'nɔ̀ náʔa mi nɛ̄. Ti bé gbɛ̀ tɔ́ri bɛ̀ kakuɔrɔ yakɛngɛ tíɛlɛ gàa nùdaanna ni 'Kulocɛliɛ dɛ́ni wè, á wi 'fɔ̀li ti nɛ̄ dè.

Tesalonikiyé 1 5:15

Ye- yìye cò, siɛn fǎga kapiʔi tíʔɛ bè kapiʔi fuʔɔ tɔ́n wàa mɛ́ʔ. Gìi ki 'pɔ́ri gè, yeri cɛ̀ngɛ kire caa súuri, ye puu yeri kacɛ̀ngɛ kire caa ki- puu yeli sunʔɔmɔ nī, nɛ̀ pínɛ yeri ki caa nɛ́ siɛnnɛ pe mìɛni ní.

Tesalonikiyé 2 3:13

Gìi sí ki 'yeli kúɔ bèle, siinyɛninɛ, ye fǎga jo yeli 'fùrɔ kacɛ̀ngɛ kpíʔilige nɛ̄ gèʔ.

Timote 1 6:18

Peri kacɛ̀ngɛ kpínʔini, pe- puu lɔrifɔlilɔ kakpiʔilijɛ̀ngɛlɛ kɔli mɛ́ gè, peri tàán, peri siɛnnɛ kanʔa bèle.

Filɛmɔ 1:6

Mi nɛ Kulocɛliɛ náari wè nɛ́ jo, weli pínɛnyɛnigɛ gáà gī weli mɛ́ tɛ́ngɛlɛ nī lè ki- baara muɔ fungo nī gè kire ga buu muɔ- kacɛ̀ngɛlɛ ke mìɛni cɛ́n gàli weli 'taa bɛ̀ weli yē pínɛnɛ nɛ́ Zezi Kirisi ní wè.

Eburulo 6:10

Kulocɛliɛ wi wè koliwoʔ. Wiǐ ga tíi fìʔɛ nɛ́ yeli baara ní dèʔ dàa yeli nɛ kúu bɛ̀ wi woli ni 'kpúʔɔ yeli mɛ́ wè, bɛ̀ yeli nyɛ́ni wi wuulo sári bèle, níɛ ki kpínʔini nɛ tíin ŋɔ̀ wè.

Zan 3 1:11

Mi nàgoricɛnwɛ, fǎga de kapiʔi tɛnmɛ gèʔ, te kacɛ̀ngɛ kire tɛnmɛ. Siɛn ŋáà wi kacɛ̀ngɛ kpínʔini gè, wire yē Kulocɛliɛ wuu. Ŋìi sí wiī nɛ kapiʔi kpínʔini gè, wire sì Kulocɛliɛ cɛ́n wè wīʔ.