Eburulo 13:12 - Sénoufo Nyarafolo

¹² Kire nɛ̄ Zezi míɛni wi 'kùu kàʔa kàduʔu mɛ́ gè kire ga buu bè siɛnnɛ wàli bèle bè tɛ́ngɛ Kulocɛliɛ mɛ́ wi tíimɛ sìsiɛn kɛnmɛ nɛ̄ bè.

Eburulo 13:12 Iomraidhean Croise

Leviiyé 24:23

A Misa sí ki siɛnrɛ juu nɛ̀ gbɛ̀ngɛ Isirayɛliyé mɛ́ bèle. A pe 'nàguɔ yige wè bùguro kàduʔu mɛ́ gè, wire ŋáà wi 'Yewe míʔɛ cúʔɔ gè, nɛ̀ wi wáa nɛ́ kàdari ní, a wi 'kùu. Gàa Yewe yé juu nɛ̀ gbɛ̀ngɛ Misa mɛ́ wè, a Isirayɛli siɛnnɛ pe 'ki kpíʔile bɛ̀.

Tɔ́rilɔ 15:36

A Isirayɛli tògo siɛnnɛ pe mìɛni 'wi kɔ́ri nɛ̀ yige bùguro kàduʔu mɛ́ gè nɛ̀ sɛ́nì wi wáa nɛ́ kàdari ní dè fúɔ a wi 'kùu. Pe yé ki kpíʔile nɛ̀ yɛli nɛ́ dàa ní Yewe yé juu nɛ̀ gbɛ̀ngɛ Misa mɛ́ wè.

Luku 4:29

A pe 'wi cò nɛ̀ wi ŋɔrigɔ nɛ̀ yige kàʔa kúrugu gè, nɛ̀ fali nɛ́ wi ní nyagurugo láʔala nɛ̄ lè; ki 'nyaa kàʔa ki 'puu fanʔa nyagurugo naamɛ wī. Pe 'puu nɛ caa bàa wi ŋɔrigɔ cáan nyagurugo jùlɔgɔ nī gè wī.

Zezi Kirisi Kataanna Siɛnrɛ dè Zan juumɔ nɛ̄ bè 17:19

Mi 'mìɛ wàli nɛ̀ tɛ́ngɛ peli kɛnmɛ nɛ̄, gìi ki bé tí peli míɛni bèle pe- pìye wàli pe tɛ́ngɛ muɔ mɛ́ kányiʔɛ nɛ̄.»

Zezi Kirisi Kataanna Siɛnrɛ dè Zan juumɔ nɛ̄ bè 19:34

Kire nɛ́ ki mìɛni a kapiɛngbuɔnwɔ wáà 'wi tàbɛ tíʔɛ wè nɛ̀ wi súu nɛ̀ fùru lìʔɛlɛ nī lè. A sìsiɛn nɛ́ luʔɔ 'fali nɛ̀ yiri sɛni.

Kakpiʔiligele 7:58

nɛ̀ wi cò nɛ̀ yiri Zerizalɛmi kàʔa kúrugu gè, nɛ̀ sɛ́ni sìndari tíʔi nɛ wi wáari. Bìli pe cé finɛ nɛ̀ taʔa wi nɛ̄ wè, pe cé pe bururo fòlilo dè nɛ̀ tɛ́ngɛ nàgapunwɔ wáà táanni pe 'puu nɛ wi ye Sɔli.

Korɛntiyé 1 6:11

Kire kɛnmɛ báà pire nɛ̄ yeli pálì cé puu. Nɛ̀ sí ki taa tire 'jíge nɛ̀ láʔa yeli nɛ̄, a yeli 'cìile Kulocɛliɛ yiʔɛ mɛ́ gè nɛ̀ kò kolimɔ fùn Kàfɔli Zezi Kirisi wi míʔɛ kire fànʔa nɛ̄ gè, nɛ́ weli Kulocɛliɛ wi Pìle lire fànʔa nɛ̄ gè nɛ̀ pínɛ.

Efɛziyé 5:26

Wi 'kire kpíʔile nɛ̀ pe jíge nɛ̀ mùnu nɛ́ luʔɔ ní Kataanna Siɛnrɛ tire fànʔa nɛ̄ gè, bè tɛ́ngɛfɔlilɔ gboli wàli lè bè tɛ́ngɛ Kulocɛliɛ mɛ́.

Eburulo 10:10

Kulocɛliɛ nyɛ́ni kaala ni 'puu bè weli wàli bè tɛ́ngɛ wire mɛ́, kire nɛ̄ Zezi Kirisi wi 'wi céri kɛn dè kakuɔrɔ, tɔligɔ nigbe péʔ.

Eburulo 10:29

Ye sí ki sɔ̀ngi kɛnmɛ bíì nɛ̄ wire wuʔɔgɔ ki bága pii bè tóri gè, siɛn ŋáà wi 'Kulocɛliɛ Jaa pari wè, nɛ́ ŋàa wi 'nyakungɛngɛ sìsiɛn tɔ́ri gè yanuʔɔgɔ gè gàa ki 'wi cìile gè, a wiī nɛ Kulocɛliɛ Pìle teri lè nàa ni nyɛ́ni kpuʔɔrɔ kpínʔini weli mɛ́ lè.

Eburulo 2:11

Nɛ́ ki cɛ́n Zezi wire ŋáà wiī nɛ siɛnnɛ wàlí nɛ tɛ́ngi Kulocɛliɛ mɛ́ wè, nɛ́ bàli bīɛlɛ wàlidɛngɛlɛ bèle, pe mìɛni yē Tuufɔnuwɔ nɛ̄. Kire kɛnmɛ nɛ̄ ki wè Zezi nɛ̄ wè fìɛrɛʔ bè pe yeri wi siinyɛninɛʔ.

Tìɛlɛ 14:20

A pe 'ɛrɛzɛn tánʔana wè yaforigo nī gè kàʔa kúrugu gè. A sìsiɛn 'yiri ɛrɛzɛn yaforigo nī gè nɛ̀ nyì nɛ̀ nɔ̀ suɔnyɔ yi gàrifiile nɛ̄ bèle, nɛ̀ fúu nɛ̀ kɛ́ culolo sirakeli dabataan (300) felige.