Eburulo 13:11 - Sénoufo Nyarafolo

¹¹ Kapiʔile Kàsulugosuɔ cɛngɛ gè, kacuɔnrilɔ kàfɔli wi nɛ̂ jíin tiɛcɛ̀njɛngɛ wàlidɛngɛgɛ nī gè nɛ́ kapiʔile kàsulugo yajuuro sìsiɛn ní gè, nɛ̀ ki yaʔa pe nɛ̂ kɛ́ nɛ́ kaasɛnrɛ ní dè bùguro kàduʔu mɛ́ gè nɛ̀ sɛ́nì ti sórigo baa.

Eburulo 13:11 Iomraidhean Croise

Yirile 29:14

Nɛ̀ ki yaʔa muɔ bé nɛ̀piɛyɛlilɛ kaapirimɛ líɛ bè, nɛ́ sɛ̀ngɛ ní gè nɛ́ ni fire ní dè, bè ti yige bùguro kàduʔu mɛ́ gè bè ti sórigo. Tire yē kapiʔile kàsulugo kaara dè.

Leviiyé 16:27

«Kapiʔile kàsulugo nɛ̀piɛyɛlilɛ lè nɛ́ kapiʔile kàsulugo síkapɔli ní wè, dàa sìsiɛn Arawɔn 'líɛ nɛ̀ jíin tiɛcɛ̀njɛngɛ wàlidɛngɛgɛ nī gè nɛ̀ kàsulugosuɔ baara kúɔ dè, pe bé kɛ́ bùguro kàduʔu mɛ́ gè nɛ́ ti kaasɛnrɛ ní dè, nɛ́ ti sɛ̀nyɛ ní yè, nɛ́ ti fire ní dè, bè sa ti sórigo péwu.

Leviiyé 6:11

Arawɔn siimɛ nàguɔlɔ bèle, pe mìɛni bé gbɛ̀ ti káa. Tire liɛlɛ náà ni 'yiri kakuɔrɔ yakɔnrɔ nī dè, dàa kàsun ki sórigi Yewe mɛ́ wè; pe liɛlɛ lire nī súuri, kɛ̀ngɛlɛ ke mìɛni nī. Tire yē fànʔa kaala lɛ̀lɛ ó lɛ̀lɛ. A siɛn ó siɛn kire ga laa yɛgɛ ó yɛgɛ 'cò ti nɛ̄, ki bé kò wàlidɛngɛgɛ.»

Leviiyé 9:11

Kaasɛnrɛ dè, nɛ́ nɛ̀piɛyɛlilɛ sɛ̀ngɛ ní gè, a wi sí ti sórigo péwu bùguro kàduʔu mɛ́ gè.

Leviiyé 9:9

A Arawɔn jaala pe 'pɛn wi mɛ́ nɛ́ sìsiɛn ní gè, a wi 'wi kabiɛlɛ nígi lè sìsiɛn nī gè, nɛ̀ kàa taʔa gbùʔɔrɔdiʔɛ ki nyɛgɛlɛ nɛ̄ gèle, nɛ́ sí sìsiɛn sɛngɛ ki mìɛni wo gbùʔɔrɔdiʔɛ yafanʔa nɛ̄ gè ki táanmɛ tiɛyɛ nī yè.

Tɔ́rilɔ 19:3

Yeli bé wi kɛn kacuɔnriwɔ Eleyazari mɛ́ wè; wire bé wi cò bè yige bùguro kàduʔu mɛ́ gè dí pe sí wi kɔni wi nyaamɛ nɛ̄ bè.

Tɔ́rilɔ 19:7

«Kire kàduʔumɛ, kacuɔnriwɔ wi bé wi burudo jíge dè bé sí gbéli. Kire kàduʔumɛ wi bé jíin bùguro nī dè, kire nɛ́ ki mìɛni wi bé kò núʔɔwɔ Yewe yiʔɛ mɛ́ gè fúɔ bè taa bè nɔ̀ cɛngɛnyɛnijiin lɛ̀lɛ nī lè.