Eburulo 12:9 - Sénoufo Nyarafolo

⁹ Tuufɔlilɔ nyɛ́nì taa weli nɛ̄ náʔa dàala nɛ̄ lè, a pe 'weli gbó a weli nɛ̂ tɔ́ri nɛ́ pe ní. Bɛ̀ sí ki 'nyaa mmɛ gè, weli 'yɛli bè wìye cɛ́rigɛ weli Tuu mɛ́ wè, ŋàa wī nyìʔɛnɛ nī lè, bè sí sìi taa wè.

Eburulo 12:9 Iomraidhean Croise

Yirile 20:12

Te muɔ tuu nɛ́ muɔ yàa kpóri wè, kire ga buu muɔ sìi cɛnyɛ yi- niʔɛ kùlo nī lè nàa Yewe muɔ Kulocɛliɛ wi bé kɛn muɔ mɛ́ lè.

Leviiyé 19:3

«Siɛn ó siɛn 'yɛli bèri wi yàa nɛ́ wi tuu kpóri wè, siɛn ó siɛn 'yɛli bè mi cɛndɛniyɛ cò yè cɛ̀ngɛ. Mi yē Yewe, yeli Kulocɛliɛ wè.

Tɔ́rilɔ 16:22

A Misa nɛ́ Arawɔn pe 'fali nɛ̀ tuu nɛ̀ yiɛyɛ cúbulo yè dàala nɛ̄ lè, nɛ́ náari nɛ́ jo: «ʔé, Kulocɛliɛ, muɔ ŋáà kiyɛ nī siɛnnɛ sìi wi yē wè, muɔ bé muɔ fungo yɛ̀gɛ gè lé Isirayɛli siɛnniʔɛmɛ tògo gáà ki mìɛni kúrugu gè lé, nɛ̀ sí ki yaʔa siɛn nigbe wī ŋàa wi 'kapiile kpíʔile lé ?»

Tɔ́rilɔ 27:16

«Yewe Kulocɛliɛ ŋáà kiyɛ nī siɛnnɛ sìi wi yē wè, ki 'yɛli ma nàguɔ wáà nyíɛnɛ ma kɔ̀n ŋàa wi bé puu Isirayɛli tògo siɛnnɛ pe yiɛginiwɛ wè,

Luku 18:2

Wi cé pe yɛ: «Kàyuʔujuufɔli wáà 'puu baa kàʔa káà nī, wiì puu nɛ fìʔɛ́ Kulocɛliɛ nɛ̄ʔ, bé nɛ́ ga jo bè siɛn tɔ́riʔ.

Luku 18:4

A ki 'tɔliyɔ nyuɔ kúɔ, kàyuʔujuufɔli wi nɛ̂ cíi. Nɛ̀ sí ki taa a wi kɛ́nì ki sɔ̀ngi nɛ́ jo: ‹A ki cɛ yē mi wè fìʔɛ́ʔ Kulocɛliɛ nɛ̄ wè, nɛ̀ pínɛ mi wè nɛ tɔ́riʔ nɛ́ siɛn ní wè,

Zezi Kirisi Kataanna Siɛnrɛ dè Zan juumɔ nɛ̄ bè 3:6

«Siɛn ŋíì lewiile 'sii wè, wire yē siɛn wī; ŋìi sí wi 'sii Kulocɛliɛ Pìle fànʔa nɛ̄ gè, wire yē pìle wī.

Kakpiʔiligele 2:30

Bɛ̀ sí wi 'puu Kulocɛliɛ siɛnjuuwo wè, nɛ́ ki cɛ́n dí Kulocɛliɛ wi cé nyuɔ kún nɛ̀ kɛn wi mɛ́, nɛ́ wi yɛ dí wire bága wi siimɛ tùlugo wuu wáà tɛ́ngɛ wi fànʔa nɛ̄ gè,

Wurɔmiyé 1:3

Ki Kataanna Siɛnrɛ tiī nɛ nyu wi Jaa wi wori nɛ̄ dè, ŋàa wī Dawuda siimɛ tùlugo wuu wè nɛ̀ yɛli nɛ́ céri kɛnmɛ ní bè.

Wurɔmiyé 9:3

Bè ki juu kányiʔɛ nɛ̄ gè, a ki yé je gbɛ̀ kpíʔile wè, mi nɛ ki caa Kulocɛliɛ wi cé mi wàli wi láʔa Kirisi nɛ̄ wè mi siinyɛninɛ peli wuʔu nɛ̄ gè, dí pe sí taa bè suɔ, peli bálì bīɛlɛ kùnunɔ wuulo nɛ́ mi ní wè.

Wurɔmiyé 9:5

Peli pe 'yiri weli tuuliɛyɛ tùluyo yè, peli nī Kirisi wi 'yiri nɛ̀ yɛli nɛ́ siɛnmɛ tùlugo ní gè. Wire wī kele ke mìɛni yiʔɛ mɛ́ gè, wiī Kulocɛliɛ wè, ŋàa nɛ̄ kpuʔɔrɔ ti 'yɛli lɛ̀gɛlɛ ke mìɛni wè. Ki- taa ki puu bɛ̀  !

Fànʔa Kajuʔulo 27:16

« ‹Dɛ́ngɛ- puu siɛn nɛ̄ wè, ŋàa wi 'wi tuu nɛ́ wi yàa faʔa wè.› «Bà siɛnnɛ pe mìɛni bé ki suɔ bé jo: ‹Ki- taa ki puu bɛ̀ !›

Zaki 4:10

Yeri yìye cɛ́rigi Kàfɔli wi yiʔɛ mɛ́ gè, bɛ̀ wi bé yeli kpúʔɔ.

Zaki 4:7

Kire nɛ̄, yeri yìye cɛ́rigi Kulocɛliɛ mɛ́ wè, yé sí yéri ye gbòdolilo kàfɔli sige wè yeri cáanri, bɛ̀ wi bé fɛ̀ bè líili yeli nɛ̄.

Piɛri 1 5:6

Bɛ̀ sí ki yē gè, yeri yìye cɛ́rigi Kulocɛliɛ fànʔa kɔli láara gè, kire ga buu wi- yeli yɛ̀gɛ wi nyɛ́ni lɛ̀lɛ nī lè.

Tìɛlɛ 22:6

A nyìʔɛnɛ tundunwɔ wi 'mi yɛ: «Siɛnrɛ dáà ti 'yɛli nɛ́ tɛ́ngɛlɛ ní, tiī kányiʔɛ. Kàfɔli wè, siɛnjuulo pe pígele Kulocɛliɛ wè, wi 'wi nyìʔɛnɛ tundunwɔ tórigo wè wi- pa ki tìɛ wi baakuɔlɔ nɛ̄ bèle dí ki 'kò cɛ̀ kele gílì ke 'yɛli bè tóri gèle.»