Eburulo 12:4 - Sénoufo Nyarafolo

⁴ Bè yeli yaʔa yeli nɛ tíin nɛ túngu nɛ́ kapiile ní lè, yeli fìɛ wuʔɔ nɛ̀ nɔ̀ kùu nɛ̄ wèʔ.

Eburulo 12:4 Iomraidhean Croise

Matiye 24:9

«Kire lɛ̀lɛ nī lè, pe béri yeli cògí de kanʔa peri yeli wuʔɔ béri yeli kpúu, nɛ̀ pínɛ yeli bága sìndɛngɛlɛ pe mìɛni biɛn mi míʔɛ kire kɛnmɛ nɛ̄.

Korɛntiyé 1 10:13

Puuwelige káà sì je yeli taaʔ, nɛ̀ yiri gàa ki nɔ̀gí siɛnnɛ nɛ̄ bèleʔ. Kulocɛliɛ wi sí yē baa wi nyayerigele nī gèle. Wiǐ gá tí puuwelige káà yeli taaʔ gìi nɛ̄ yeli sǐ gbɛ̀ jáa gèʔ. Gìi ki 'cɛ́n gè, a puuwelige ki 'pɛn gè, Kulocɛliɛ wi bé yeli yiridiʔɛ kɛn gè, gìi ki bé tí ye gbɛ̀ ki kpàri bè cò.

Filipiyé 2:8

Wi 'wìi cɛ́rigɛ nɛ̀ yéri nɛ̀ lúʔu Kulocɛliɛ mɛ́, nɛ̀ kò ngbóluʔulofɔli fúɔ nɛ̀ pɛ́nì kùu taa baa ki nī, tiiparigɛ kùu wè.

Eburulo 12:2

We- weli yiʔɛ le gè Zezi nī, ŋàa wi 'tɛ́ngɛlɛ koligo múgu gè níɛ ni forigi lè. Wi nyɛ́nì fɔ̀li ki nɛ̄ nɛ̀ kùu tiiparigɛ nɛ̄ gè; wiì tɔ́ri nɛ́ fìɛrɛ ní dè dàa ti cî ga tɔ́n wi nɛ̄ wèʔ, kùu ŋáà felige nɛ̄ wèʔ. Nɛ́ ki cɛ́n wi cé ki nyaa fundaanra dáà dī wire yiʔɛ mɛ́ gè; píra ŋáà nī wè wiī tɛ́niwɛ Kulocɛliɛ kácunʔɔ kàliige mɛ́ gè.

Eburulo 13:13

Ki sí n'gɛ ye- puu weri waa wi kúrugu bùguro kàduʔu mɛ́ gè, we sí fɔ̀li ki nɛ̄ peri weli teri bɛ̀ wi tíɛlɛ.

Tìɛlɛ 12:11

Pe sí nyɛ́nì wi jáa Sìnbapile lire sìsiɛn fànʔa nɛ̄ gè nɛ́ pe siɛnrɛ ti juʔu ní gè nɛ̀ pínɛ, piyè pe sìi woli yaʔa lè a ni 'kpúʔɔ pe mɛ́ʔ, a ki nɛ́ yé cɛ́nì nyaa pe- kùu wè.

Tìɛlɛ 17:6

Mi cé cɛliwɛ ŋáà nyaa wè wi ní gbuɔdinwɛ Kulocɛliɛ wuulo pe sìsiɛn nɛ̄ gè, peli nɛ́ Zezi wori ti juufɔlilɔ sìsiɛn ní gè. A ki 'tɔ̀ni nɛ̀ mi fungo wúɔ kpuʔɔ bà mi 'wi nyaa wè.

Tìɛlɛ 18:24

Baa muɔ tiʔɛ nī gè, Kulocɛliɛ siɛnjuulo pe sìsiɛn kiī baa, nɛ́ Kulocɛliɛ wuulo pe sìsiɛn ní gè, nɛ́ siɛnnɛ bílì pe mìɛni pe 'kpúu dàala nɛ̄ lè.»

Tìɛlɛ 2:13

«Mi 'muɔ kòridiʔɛ cɛ́n gè: baa Setɛni kácunʔɔ ki yē kire tiʔɛ nī. Nɛ̀ pínɛ muɔ 'fàan mi míʔɛ nɛ̄ gè, muɔ sì kɛ́nì yiri tɛ́ngɛlɛ nī lè mi koligo nī gèʔ, fúɔ nɛ̀ pɛ́nì taa cɛngɛ gíì pe cé kɛ́nì Antipasi kpúu wè; wi cé yéri wi nyayerigele nī gèle nɛ mi wori nyu dè. Kire 'kpíʔile baa yeli sunʔɔmɔ nī bè baa Setɛni wi kòrí wè.