Eburulo 12:3 - Sénoufo Nyarafolo

³ Zezi wi 'wuʔɔyɔ taa yè wi parifɔlilɔ mɛ́ bèle, kapiigbiʔilile bèle. Ye- sɔ̀ngi ki nɛ̄, gìi ki bé tíi weli fǎga ki yaʔa weli céri ti- kùu cáanra nɛ̄ dè bé kàsɛnigɛ yaʔa gèʔ.

Eburulo 12:3 Iomraidhean Croise

Matiye 11:19

Siɛn Pùɔ wi kɛ́nì pɛn, nɛ̀ pɛ́ni líi níɛ gbun, a siɛnnɛ pe 'yɛ̀ nɛ nyu nɛ́ jo: ‹Yaliimɛ nɛ́ sungbuɔ nàguɔ wī; lanbosuɔlɔ peli bīɛlɛ wi nàgorilo bèle peli nɛ́ kapiigbiʔilile ní bèle.› Nɛ̀ sí ki taa sìnjilige gáà ki 'kɔ́n Kulocɛliɛ mɛ́ wè, kiī nɛ cɛ́ngi ki kakpiʔiligele nī gèle.»

Matiye 12:24

Bà Fariziɛnnɛ pe 'tire lúʔu dè, a pe 'jo: «Nàguɔ ŋáà wi wè gbòdolilo cìrá bèle yafiɛn fànʔa nɛ̄ʔ, ga laa gbòdolilo kàfɔli wire fànʔa nɛ̄, Bɛlizebuli wèʔ.»

Matiye 15:2

«Gáa nɛ̄ muɔ pìtɛnmɛnɛ pe wè nɛ kaliʔɛlɛ kpóri gèle, gàli we 'yɛ̀ nɛ̀ nyaa liɛlɛ mɛ́ bèle ? níɛ̀ nɛ búru káa wè kiyɛ ní yè sìnjige nī yè ?»

Matiye 21:23

Bà Zezi wi sɛ́nì jíin Kulocɛliɛ Gbùʔɔrɔsaʔa nī gè níɛ siɛnnɛ tɛnmɛ bèle, a kacuɔnrilɔ kàfɔlilɔ bèle nɛ́ Zuufulo pe liɛlɛ ní bèle, a peli 'pɛn wi kúrugu nɛ̀ pɛ́nì wi yɛ: «Ŋáasiɛn fànʔa nɛ̄ muɔ nɛ kele gálì kúu gèle ? Ŋáasiɛn wi 'kire kàfɔligɔ kɛn gè muɔ mɛ́ ?»

Matiye 21:46

A pe 'yɛ̀ nɛ kɛnmɛ caa bè wi cò; pe sí puu nɛ fìʔɛ́ siɛnniʔɛmɛ nɛ̄ bè. Ki 'nyaa pe 'puu nɛ wi tɔ́ri wiī Kulocɛliɛ siɛnjuuwo.

Matiye 22:15

A Fariziɛnnɛ pe 'fali nɛ̀ kɛ́ sɛni, nɛ̀ sɛ́nì pìye nyaa nɛ̀ juu nɛ̀ bìɛ, mɛni pe bé Zezi cò wè wi siɛnjuuro nī dè.

Luku 14:1

Cɛndɛnigɛ cɛngɛ káà, a Zezi wi 'kɛ́ Fariziɛnnɛ kàfɔli wáà kpáa mɛ́ bè sa lìi. A pe 'yɛ nɛ wi wéli nɛ ciʔige.

Luku 15:2

Fariziɛnnɛ bèle, nɛ́ Fànʔa Siɛnrɛ sɛbɛcɛ́nminɛ ní bèle, a pe 'yɛ̀ nɛ nyu nɛ kúnʔɔri níɛ waa: «Kapiigbiʔilile bálì peli wi tí pe kòrí nɛ́ wi ní; wi cɛ́ni pínɛ nɛ líi nɛ́ pe ní  !»

Luku 16:14

Fariziɛnnɛ bèle, bɛ̀ wali wi 'pe dɛ́ni bèle, pe 'puu nɛ Zezi siɛnrɛ lúru dè níɛ pìye nyíɛnɛ wi nɛ̄.

Luku 2:34

A Simɛyɔ wi 'diba kpíʔile pe mɛ́, nɛ́ sí siɛnrɛ juu pùɔ wi yàa mɛ́ wè, Maari wè, nɛ́ wi yɛ: «Nyaa, ki 'kàri fànʔa pùɔ ŋáà wi ga pa puu tuudiɛlɛ pàli mɛ́, bé sí puu yɛ̀ridiɛlɛ pàli nìʔɛnɛ mɛ́ Isirayɛli nī wè. Nɛ̀ pínɛ wi bága pa puu fìɛ wáà peri pìye kìí wi wori nɛ̄ dè.

Luku 5:21

A Fànʔa Siɛnrɛ sɛbɛcɛ́nminɛ bèle, nɛ́ Fariziɛnnɛ ní bèle, a peli 'fali nɛ kúnʔɔri baa pe funyɔ nī yè níɛ wáa: «Nàguɔ ŋáà wi cɛ́ni wìi sɔ̀ngí mɛni wī, níɛ nyu nɛ Kulocɛliɛ míʔɛ córi gè ? Ŋáasiɛn wi bé gbɛ̀ kapiʔile láʔa siɛn nɛ̄ nɛ̀ yiri Kulocɛliɛ nigbe nī  ?»

Zezi Kirisi Kataanna Siɛnrɛ dè Zan juumɔ nɛ̄ bè 10:20

A pe pàli nìʔɛnɛ 'yɛ̀ nɛ nyu níɛ wáa: «Gbòdoli yē nàguɔ ŋáà nī wè, kaala gīɛlɛ wi nī; gáa nɛ̄ yeli nɛ wi siɛnrɛ lúru dè ?»

Zezi Kirisi Kataanna Siɛnrɛ dè Zan juumɔ nɛ̄ bè 18:22

Bà Zezi wi 'tire juu dè, Gbùʔɔrɔsaʔa wélifɔlilɔ bìli pe 'puu baa yérile bèle, a wàa 'fali nɛ̀ kadanyɛni foli wi mɛ́ yiʔɛ nī gè, nɛ́ jo: «Kacuɔnrilɔ kàfɔli wire mɛ́ muɔ 'siɛnrɛ dáà núgo dè nɛ̀ kɛn mmɛ gè lé ?»

Zezi Kirisi Kataanna Siɛnrɛ dè Zan juumɔ nɛ̄ bè 5:16

A kire 'fali nɛ̀ kpíʔile kaala Zuufulo yiɛgininɛ mɛ́ bèle, a pe 'yɛ̀ nɛ Zezi túngu wè, dí gáa nɛ̄ wi kɛ́nì kire kpíʔile cɛndɛnigɛ nī gè.

Zezi Kirisi Kataanna Siɛnrɛ dè Zan juumɔ nɛ̄ bè 7:12

Siɛnniʔɛmɛ báà pi 'puu baa bè, a kàgbaaligɛ 'yɛ̀ kpuʔɔ pe sunʔɔmɔ nī bè wi wori nɛ̄ dè. Bìli nɛ̂ jo: «Kacɛ̀ngɛfɔli wī !» Bìli nɛ̂ jo: «Wiī nɛ siɛnnɛ fáanni bèle nɛ pùunní wī !»

Zezi Kirisi Kataanna Siɛnrɛ dè Zan juumɔ nɛ̄ bè 8:13

A Fariziɛnnɛ pe sí wi yɛ: «Muɔ tíimɛ ma nyɛ́ni mìɛ wori kɔ̀ngí nɛ nyu; muɔ juumɔ pi wè kányiʔɛʔ.»

Zezi Kirisi Kataanna Siɛnrɛ dè Zan juumɔ nɛ̄ bè 8:52

A Zuufulo pe sí wi yɛ: «Weli nɛ́ péli nɛ̀ tɛ́ngɛ ki nɛ̄ nɛ̀ láʔa gbòdoli wī muɔ nī. Birayima wiì kùuʔ lé, a Kulocɛliɛ siɛnjuulo míɛni pe 'kùu í ? Muɔ wè, muɔ sí jo ŋɔ̀ wè dí siɛn ŋíì wi 'muɔ siɛnrɛ cò dè cɛ̀ngɛ wè, dí siɛn wiǐ ga tíi kùu bè nyaaʔ.

Zezi Kirisi Kataanna Siɛnrɛ dè Zan juumɔ nɛ̄ bè 8:59

Kire lɛ̀lɛ nī lè a pe 'fali nɛ̀ sìndari jó, nɛ caa bè wi wáa nɛ́ ti ní. A Zezi wi 'pùunni pe nɛ̄, nɛ̀ yiri Kulocɛliɛ Gbùʔɔrɔsaʔa nī gè.

Zezi Kirisi Kataanna Siɛnrɛ dè Zan juumɔ nɛ̄ bè 9:40

Fariziɛnnɛ bílì pe 'puu nɛ́ wi ní bèle, bà peli 'siɛnrɛ dáà lúʔu dè, a pàli 'wi yɛ: «Weli míɛni bèle, dùʔɔ fúɔnnɔ pálì weli yē nɛ̀ pínɛ ?»

Korɛntiyé 1 15:58

Kire nɛ̄, nɛ siinyɛninɛ, yeli woli ni 'kpúʔɔ mi mɛ́, ye- gbɛ̀nmɛ le yìye nī, ye fǎri sùnʔɔrɔ́ de láʔalaʔ. Yeri baara yeri waa yiʔɛmɛ súuri Kàfɔli mɛ́ wè. Ye- ki cɛ́n yeli fùrɔgɔ ki wè waʔanɛʔ.

Korɛntiyé 2 4:1

Kire kɛnmɛ nɛ̄, bɛ̀ Kulocɛliɛ wi 'nyinimɛ taa weli nɛ̄ nɛ́ ki baara kɛn dè weli mɛ́ dè, weli wè céri yɛri dè ti kúu weli nɛ̄ʔ.

Korɛntiyé 2 4:16

Kire nɛ̄ weli sì ki yaʔa a ki 'weli céri kpúu dèʔ. A ki nɛ́ cɛ́nì nyaa kpànʔanɛ gè weli céri tiī nɛ córi dè, laamɛ nī bè, weli nɛ fùngú fɔnminɔ cɛngɛ ó cɛngɛ wī.

Galasiyé 6:9

Ye- sí tí weri kacɛ̀ngɛ kpínʔini, we fǎga jo we 'fùrɔʔ. Nɛ̀ taʔa gíi nɛ̄, a ki lɛ̀lɛ ni kɛ́nì pɛ́nì nɔ̀ lè, we bé ki tɔ̀ni taa wè, a we 'laa wiyè fùrɔ nɛ̀ láʔa bèleʔ.

Fànʔa Kajuʔulo 20:3

Wi bé ki juu bé jo: ‹Yeri lúru, Isirayɛliyé  ! Pàngɛ gè yeli bé kɛ́ kapiɛnnɛ mɛ́ lè bè sa tún nɛ́ yeli leguulo ní bèle. Ye fǎri fìʔɛ́ yeli funyɔ nī yèʔ ! Ye fǎga de fé de labilaʔ ! Ye fǎga de fún de yàʔaráʔ pe yiʔɛ mɛ́ gèʔ !

Tesalonikiyé 2 3:13

Gìi sí ki 'yeli kúɔ bèle, siinyɛninɛ, ye fǎga jo yeli 'fùrɔ kacɛ̀ngɛ kpíʔilige nɛ̄ gèʔ.

Eburulo 12:2

We- weli yiʔɛ le gè Zezi nī, ŋàa wi 'tɛ́ngɛlɛ koligo múgu gè níɛ ni forigi lè. Wi nyɛ́nì fɔ̀li ki nɛ̄ nɛ̀ kùu tiiparigɛ nɛ̄ gè; wiì tɔ́ri nɛ́ fìɛrɛ ní dè dàa ti cî ga tɔ́n wi nɛ̄ wèʔ, kùu ŋáà felige nɛ̄ wèʔ. Nɛ́ ki cɛ́n wi cé ki nyaa fundaanra dáà dī wire yiʔɛ mɛ́ gè; píra ŋáà nī wè wiī tɛ́niwɛ Kulocɛliɛ kácunʔɔ kàliige mɛ́ gè.

Eburulo 12:5

Yeli 'fìʔɛ wī lé nɛ́ ti ní dàa Kulocɛliɛ yé juu bè lèbaanna nyɔ́gɔ yeli nī bɛ̀ yeli yē wi pìile bèle ? Wi 'jo: Mi pùɔ, fǎga ki nyaa kaciɛlɛ a Kàfɔli nɛ wi pùɔ gbún wè nɛ wi nii kozinʔɛ nī, fǎga céri yaʔa dè ti- kùu muɔ nɛ̄ʔ lɛ̀lɛ líì nī wi 'juu muɔ nɛ̄ wèʔ.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.

Piɛri 1 2:23

Bà pe 'wi tiʔɛlɛ wè, wiì cɛ́nì tiʔɛlilɛ núgo lè pe mɛ́ʔ. Bà pe 'wi wuʔɔ wè, wiì siɛnpiire juu pe mɛ́ʔ, a wi 'wìi yaʔa Kulocɛliɛ kiyɛ nī, ŋàa wiī nɛ kàyuʔu nyu gè nɛ́ sínmɛ ní bè.

Tìɛlɛ 2:3

Muɔ yē nɛ́ lèbaanna ní, muɔ 'ki kpàri nɛ̀ cò mi míʔɛ kire kɛnmɛ nɛ̄ bè, muɔ sì kɛ́nì fùrɔ nɛ̀ láʔaʔ.