Eburulo 12:2 - Sénoufo Nyarafolo

² We- weli yiʔɛ le gè Zezi nī, ŋàa wi 'tɛ́ngɛlɛ koligo múgu gè níɛ ni forigi lè. Wi nyɛ́nì fɔ̀li ki nɛ̄ nɛ̀ kùu tiiparigɛ nɛ̄ gè; wiì tɔ́ri nɛ́ fìɛrɛ ní dè dàa ti cî ga tɔ́n wi nɛ̄ wèʔ, kùu ŋáà felige nɛ̄ wèʔ. Nɛ́ ki cɛ́n wi cé ki nyaa fundaanra dáà dī wire yiʔɛ mɛ́ gè; píra ŋáà nī wè wiī tɛ́niwɛ Kulocɛliɛ kácunʔɔ kàliige mɛ́ gè.

Eburulo 12:2 Iomraidhean Croise

Ŋúnuyɔ 110:1

Dawuda ŋúnudanʔa gī gàa pe ŋú nɛ́ yakpuɔnrɔ ní dè. A Yewe wi 'ki juu mi Kàfɔli mɛ́ wè nɛ́ wi yɛ: «Tɛ́ni mi kàliige mɛ́ gè, fúɔ bè taa mi ga muɔ leguulo kpíʔile bèle muɔ tɔliyɔ taʔadiʔɛ.»

Ŋúnuyɔ 138:8

Yewe bé mi kele nyuɔ gèle bè fori. Yewe yo, muɔ bànguɔ dɛ́nigɛ kiī baa súuri  ! Fǎga kàduʔu wáa muɔ siɛnnɛ mɛ́ bèle bàli muɔ faan bèleʔ !

Tɔ́rilɔ 21:9

A Misa 'ki kpíʔile bɛ̀ Yewe 'ki juu gè, nɛ̀ kányiɛrɛ wɔ̀bugɔ kpíʔile gè nɛ̀ ki tùɔn kàgɛnidɔnigɔ nɛ̄ gè, nɛ́ ki cɔ́ri nɛ̀ yérige. A wɔ̀bugɔ káà cé siɛn nɔ wè, a siɛn wi 'yiʔɛ yɛ̀gɛ gè nɛ̀ kányiɛrɛ wɔ̀bugɔ wéli gè, wi nɛ̂ puʔɔ.

Matiye 16:21

Bà ki 'láʔa kire lɛ̀lɛ nī lè, a Zezi wi 'séli nɛ ki nyu nɛ tìí wi pìtɛnmɛnɛ nɛ̄ bèle nɛ́ pe yɛ dí ki 'kàri fànʔa wire kɛ́ Zerizalɛmi kàʔa mɛ́ gè, bàa wuʔɔgɔ suɔ kpuʔɔ liɛlɛ pe kiyɛ nī yè, nɛ́ kacuɔnrilɔ kàfɔlilɔ ní bèle, nɛ́ Fànʔa Siɛnrɛ sɛbɛcɛ́nminɛ ní bèle, dí pe sí bé wire kpúu; cɛndaanriwuʔu nɛ̄ gè, wire bé koli bè nyɛ́ bè yiri.

Matiye 20:28

«Kire kɛnmɛ nɛ̄ Siɛn Pùɔ wiì pɛn siɛnnɛ pe pari baara wi mɛ́ʔ, wi 'pɛn bè pari baara siɛnnɛ mɛ́ bèle, bé sí wi sìi kɛn wè siɛnniʔɛnɛ nyùzuɔrɔ wuʔu nɛ̄.»

Mariki 14:36

Wi yé ki náari nɛ́ jo: «Tuufɔli Aba, muɔ fànʔa yē kele ke mìɛni nī, -wuʔɔgɔ gáà líili gè mi nɛ̄. Mi sí wè ki mɛ́ gìi mi nɛ caa gè, fúɔ macɛn gìi muɔ nɛ caa gè.»

Mariki 15:28

[A kire kpíʔile siɛnrɛ díì ti 'juu baa Kulocɛliɛ siɛnsɛbɛrɛ nī dè nɛ́ jo: «Pe 'wi tɔ́ri nɛ̀ le siɛnpiile nī bèle», a ki siɛnrɛ ti 'fori.]

Mariki 16:19

Bà weli Kàfɔli Zezi wi 'kire siɛnrɛ dáà juu dè nɛ̀ kúɔ pe mɛ́ mmɛ gè, a wi 'fali nɛ̀ yɛ̀ nɛ̀ kɛ́ nyìʔɛnɛ nī, nɛ̀ sɛ́nì tɛ́ni Kulocɛliɛ kàliige mɛ́ gè.

Mariki 9:12

A wi 'pe yɛ: «Kányiʔɛ gī, Elii wi 'yɛli bè kíni pɛn, bè pa kele ke mìɛni gbòbori bè tɛ́ngɛ mɛni ke 'kíni nɛ̀ puu gèle. A ki sí yē bɛ̀ gè, gíi nɛ̄ Kulocɛliɛ Nyakungɛngɛ Liʔɛ siɛnrɛ ti 'ki juu nɛ́ jo dí Siɛn Pùɔ wi bága pa wuʔɔgɔ suɔ kátii siɛnnɛ kiyɛ nī yè, peri wi máami de wi kɛ́ngi de wáari wè ?

Mariki 9:24

A pùɔ wi tuu wi 'fali nɛ̀ yékpoli wáa sɛni, nɛ́ jo: «Mi 'tɛ́ngɛ muɔ nɛ̄, nyuɔ mi nɛ̄ má mi sáʔa mi tɛ́ngɛlɛ ni cíɛmɛ láara bè !»

Luku 17:5

A tundunminɔ pe sí Kàfɔli yɛ wè: «-Kàa fàri weli tɛ́ngɛlɛ nɛ̄ lè.»

Luku 23:11

A Erodi wi 'wìi nyíɛnɛ wi nɛ̄, a pe 'wi tíʔɛ wire nɛ́ wi kapiɛngbuɔnnɔ ní bèle. Píra ŋáà nī wè á wi burujɛ̀ngɛ káà le wi nɛ̄, nɛ́ koli nɛ̀ wi tórigo Pilati tíʔɛ nī.

Luku 24:26

Kulocɛliɛ Siɛnnyiɛnɛgɔnwɔ wiì cé yɛliʔ lé bè wuʔɔgɔ gáà suɔ gè lé, bé nɛ́ jíin wi kpuɔmɔ nī bè lé ?»

Zezi Kirisi Kataanna Siɛnrɛ dè Zan juumɔ nɛ̄ bè 1:29

Ki kpìɛnduu gè, a Zan wi 'Zezi wéli wè nɛ̀ nyaa wi báan baa wi kúrugu. A wi 'jo: «Kulocɛliɛ Sìnbapile n'nɛ, lire ni bé duniya kapiile láʔa lè !

Zezi Kirisi Kataanna Siɛnrɛ dè Zan juumɔ nɛ̄ bè 12:24

M'bé ki juu yeli mɛ́ kányiʔɛ nɛ̄, a bíle pìle niì tánʔa dàala nī lè nɛ̀ kùu lèʔ, pìle ni nɛ̂ kò nìi nigbe. A pìle ni sí kùu lè, ni nɛ̂ sɛn nìʔɛgɛ.

Zezi Kirisi Kataanna Siɛnrɛ dè Zan juumɔ nɛ̄ bè 12:32

Gìi sí ki 'mi kúɔ wè, a mi kɛ́nì yɛ̀ dàala nɛ̄ lè nɛ̀ kɛ́ naamɛ gè, m'bé siɛnnɛ pe mìɛni píle bè pɛn nìɛ mɛ́.»

Zezi Kirisi Kataanna Siɛnrɛ dè Zan juumɔ nɛ̄ bè 13:3

Zezi wi cé ki cɛ́n Tuufɔli wi 'kele ke mìɛni le wire kiyɛ nī yè, dí wire 'kɔ́n Kulocɛliɛ mɛ́, nɛ́ sí nɛ waa Kulocɛliɛ mɛ́ wè.

Zezi Kirisi Kataanna Siɛnrɛ dè Zan juumɔ nɛ̄ bè 6:40

Mi Tuu wi nyɛ́ni kaala lire nī nàa lè: siɛn ó siɛn wi 'Jaafɔli nyaa wè nɛ́ tɛ́ngɛ wi nɛ̄ wè, siɛn wi bé bànguɔ sìi taa wè, dí mi sí ga siɛn yɛ̀gɛ wè duniya kúɔjɛngɛ gè.»

Zezi Kirisi Kataanna Siɛnrɛ dè Zan juumɔ nɛ̄ bè 8:56

Birayima wè, yeli tuu wè, wi cé puu nɛ fundaanra kpínʔini bàga mi cɛngɛ nyaa gè. Wi sí nyɛ́nì ki 'nyaa, a wi 'fundaanra taa.»

Kakpiʔiligele 2:36

«Kire nɛ̄ Isirayɛli siɛnnɛ pe mìɛni 'yɛli bè ki cɛ́n dí Kulocɛliɛ wi nyɛ́nì kàfɔligɔ kɛn gè Zezi ŋáà mɛ́ wè, nɛ́ ń'nɛ̀ wi kpíʔile wire Siɛnnyiɛnɛgɔnwɔ wè, wire yeli 'kóri tiiparigɛ nɛ̄ gè.»

Kakpiʔiligele 3:15

A kire 'ki kɛn a yeli 'sìi kɛnvɔli kpúu wè. Kulocɛliɛ wi 'wi nyɛ́ nɛ̀ yigɛ kúbilo nī bèle; weli 'bīɛlɛ ti cɛ́nfɔlilɔ bèle.

Kakpiʔiligele 5:31

Wire Kulocɛliɛ wi 'yɛ̀gɛ nɛ̀ wi tɛ́ngɛ wi kàliige mɛ́ gè, nɛ́ wi kpíʔile Kùlofɔli Jaa nɛ́ Suɔfɔli wè, gìi ki bé tí Isirayɛli wuulo pe- pe funyɔ yiʔɛ yè pé láʔa pe kapiʔile nɛ̄ gèle, dí Kulocɛliɛ sí pe kapiʔile kàsulugo suɔ gè.

Kakpiʔiligele 5:41

A pe 'yiri kàyuʔujuulo gboli saʔa nī gè níɛ fundaanra kpínʔini, bɛ̀ ki 'nyaa Kulocɛliɛ wi cé peli tɔ́ri nɛ̀ yɛli nɛ́ ki ní a pe 'peli wuʔɔ Zezi míʔɛ kɛnmɛ nɛ̄ bè.

Korɛntiyé 1 1:18

Ki 'nyaa tiiparigɛ siɛnjaarirɛ siɛnrɛ tiī bɛ̀ kàalafɔlilɔ siɛnrɛ tíɛlɛ bìli mɛ́ pe waa cúʔɔgoligo nī gè, nɛ̀ sí ki taa weli bálì we 'suɔlɔ taa lè, tiī weli mɛ́ Kulocɛliɛ fànʔa wī.

Korɛntiyé 1 1:23

Weli bèle, Kulocɛliɛ Siɛnnyiɛnɛgɔnwɔ ŋáà pe 'kóri tiiparigɛ nɛ̄ gè, wire Kataanna wori tire weli nɛ jáari; tiī kúrugodiɛlɛ Zuufulo mɛ́ bèle, nɛ́ sí ní kàalafɔlilɔ siɛnrɛ kùlogolo kálì siɛnnɛ mɛ́ bèle.

Efɛziyé 2:16

Wi kùu wire kɛnmɛ nɛ̄ bè tiiparigɛ nɛ̄ gè, a wi 'pe siin juu bèle nɛ̀ taʔala pìye nɛ̄ peli nɛ́ Kulocɛliɛ ní wè, a pe 'kò cetinnɛ nigbe, nɛ̀ leguuro kpúu dè nɛ̀ yige pe sunʔɔmɔ nī bè wire tíimɛ wè.

Efɛziyé 5:2

Yeri tári dɛ́nigɛ nī gè majo mɛni weli 'Kirisi dɛ́ni wè, á wi 'wìi kɛn Kulocɛliɛ mɛ́ wè kakuɔrɔ yakɛngɛ nùdaanna wuʔu weli kɛnmɛ nɛ̄ bè.

Filipiyé 1:6

Mi 'tɛ́ngɛ ki nɛ̄ nɛ̀ ki cɛ́n Kulocɛliɛ ŋáà wi 'kacɛ̀nnɛ náà séli lè nɛ ni kpínʔini nɛ́ yeli ní bèle, wi bé ni kúɔ bè sa láʔa fúɔ Zezi Kirisi cɛngɛ nɛ̄ gè.

Filipiyé 3:20

Weli sí bèle, nyìʔɛnɛkaʔa wuulo bīɛlɛ weli bèle, weli nɛ Suɔfɔli siri wè, kire tiʔɛ nī wi bága kɔ́n, wire wī Kàfɔli Zezi Kirisi wè.

Timote 2 4:8

Gàa ki 'kò m'mɛ́ gè, kire gī kàsɛnigɛ ki tɔ̀ni wè, gàa Kàfɔli wi 'tɛ́ngɛ m'mɛ́ gè, kpuʔɔrɔ ndɔ̀ngɔ gáà gī sínnɛ wuʔu gè. Wire ŋáà wi kàyuʔu nyu gè nɛ síngi wè, wire wi bé ki kɛn m'mɛ́ kire cɛngɛ gè, kiì sí nyaa majo mi yákuɔ wīʔ; bàli pe mìɛni bīɛlɛ Kirisi wi pɛn woli ni 'kpúʔɔ pe mɛ́ wè.

Eburulo 1:13

Nɛ́ ki cɛ́n Kulocɛliɛ sì kɛ́nì ki juu nɛ̀ nyaaʔ nyìʔɛnɛ tundunwɔ wáà mɛ́ʔ nɛ́ jo: Tɛ́ni mi kàliige mɛ́ gè, fúɔ bè taa mi ga muɔ leguulo kpíʔile bèle muɔ tɔliyɔ taʔadiʔɛ .

Eburulo 1:3

Jaafɔli wiī nɛ nyíʔɛnɛ nɛ Kulocɛliɛ cɛ̀nmɛ nɛ́ wi kpuɔmɔ tìí bè. Wiī nɛ Kulocɛliɛ kɛnmɛ tìí bè kányiʔɛ nɛ̄, nɛ́ yɛrɛ ti mìɛni cò nɛ̀ yérige nɛ́ wi siɛnrɛ ní dè, dàa dī nɛ́ ŋɔri ní dè. Lɛ̀lɛ líì nī wi yé siɛnnɛ cìile bèle nɛ̀ kapiʔile láʔa gèle, a wi 'tɛ́ni Kpuɔmɔ Kulocɛliɛ wi kàliige mɛ́ gè, baa nyìʔɛnɛ nī lè.

Eburulo 10:14

Ki sí n'gɛ bàli pe mìɛni wi 'wàli nɛ̀ tɛ́ngɛ wìi mɛ́ wè, a wi 'pe nyuɔ nɛ̀ forigoʔ súuri bɛ̀ wi 'wìi kɛn tɔligɔ nigbe gè.

Eburulo 10:33

Lɛ̀gɛlɛ sáamɛ nī pe 'yeli tiʔɛlɛ nɛ̀ yeli wuʔɔ siɛnniʔɛnɛ nyaamɛ nɛ̄ bè. Lɛ̀gɛlɛ kálì nī yeli tíimɛ bīɛlɛ ye 'bìli sáʔa bèle bàli pe 'puu nɛ wuʔɔ kanumɔ nɛ̄ bɛ̀ yeli tíɛlɛ bèle.

Eburulo 11:36

Siɛnnɛ pe 'puu nɛ pàli tíʔɛ, níɛ pe kpúɔn nɛ́ sápigele ní. Pe yé pàli puɔ nɛ́ nyùʔɔdiriye ní nɛ́ pe wáa kasuu nī.

Eburulo 12:3

Zezi wi 'wuʔɔyɔ taa yè wi parifɔlilɔ mɛ́ bèle, kapiigbiʔilile bèle. Ye- sɔ̀ngi ki nɛ̄, gìi ki bé tíi weli fǎga ki yaʔa weli céri ti- kùu cáanra nɛ̄ dè bé kàsɛnigɛ yaʔa gèʔ.

Eburulo 13:13

Ki sí n'gɛ ye- puu weri waa wi kúrugu bùguro kàduʔu mɛ́ gè, we sí fɔ̀li ki nɛ̄ peri weli teri bɛ̀ wi tíɛlɛ.

Eburulo 5:9

Bɛ̀ sí wi yé sɔ́migɔ nɛ̀ gbòbori nɛ̀ tɛ́ngɛ wi baara nɛ̄ dè, a wi 'kò wire ŋáà wi bànguɔ suɔlɔ kanʔa lè bàli pe mìɛni mɛ́ pe lúru wi mɛ́ wè.

Eburulo 7:19

Gìi sí gī baa gè, Fànʔa Siɛnrɛ tiì jáa nɛ̀ yafiɛn nyuɔ nɛ̀ forigoʔ. A sɔ̀ngirɔ taʔadiʔɛ ń'nɛ̀ kɛn weli mɛ́ gàa ki 'kpúʔɔ nɛ̀ tóri gàa nɛ̄ Misa Fànʔa Siɛnrɛ ti 'puu nɛ nyu dè. Kire kɛnmɛ nɛ̄ weli bé gbɛ̀ sìʔɛrɛ kpɔni Kulocɛliɛ nɛ̄ wè.

Eburulo 8:1

Nyùgbuʔɔ ki n'gɛ gàa weli nɛ caa bè juu gè: Kire kacuɔnrilɔ kàfɔli ŋáà wi felige yē weli mɛ́; wiī tɛ́niwɛ nyìʔɛnɛ nī lè, Kpuɔmɔ Kulocɛliɛ kácunʔɔ kàliige mɛ́ gè.

Eburulo 9:28

bɛ̀ míɛni Kirisi wi 'wìi kɛn kakuɔrɔ tɔligɔ nigbe péʔ bè siɛnniʔɛmɛ kapiʔile láʔala gèle. Wi bé ní ga koli bɛn cígini taziinwuʔu nɛ̄ gè; kire sí wè bè kapiʔile láʔala gèle wī díɛʔ ! Kire bé puu bè suɔlɔ kɛn lè bàli mɛ́ piyē nɛ wi siri wè.

Zaki 2:1

Nɛ siinyɛninɛ, yeli bálì bīɛlɛ tɛ́ngɛlɛ nī lè Kàfɔli Zezi Kirisi nī wè, wire ŋáà wī kpuɔmɔ nī bè, ye fǎga tí béri siɛnnɛ cuɔnri bèleʔ.

Piɛri 1 1:11

Pe 'puu nɛ ki caa bè ki cɛ́n lɛ̀lɛ líì nī nɛ́ kele gílì ní ke bága kpíʔile gèle, nɛ̀ yɛli nɛ́ gàa ní Kirisi Pìle ni cé tìɛ pe nɛ̄ wè. Nɛ́ ki cɛ́n Kirisi Pìle ni cé puu pe nī nɛ ki nyu nɛ yɛri wuʔɔyɔ nyáà Kirisi wi bé ba taa yè, nɛ́ kpuɔmɔ báà wi bága taa kire kàduʔumɛ gè.

Piɛri 1 3:18

Nɛ́ ki cɛ́n Kirisi wire tíimɛ nyɛ́nì wuʔɔ tɔligɔ nigbe péʔ siɛnnɛ pe kapiʔile kɛnmɛ nɛ̄ bè. Wire ŋáà wi 'puu sínwɛ wè, a wi 'kùu siɛnnɛ sìnzinmɛ sìndiʔɛ nī, kire ga buu wi- yeli kɔ́ri bè pɛn Kulocɛliɛ mɛ́ wè. Pe 'wi kpúu céri nɛ̄ dè, a Kulocɛliɛ Pìle ni sí wi nyɛ́ a wi 'kò sìi nɛ̄.

Piɛri 1 3:22

Zezi Kirisi wire wè, wi 'kɛ́ nyìʔɛnɛ nī, baa wi yē tɛ́niwɛ Kulocɛliɛ kàliige mɛ́ gè. Nyìʔɛnɛ tundunminɔ, nɛ́ kàfɔligɔ feliye, nɛ́ fànʔafɔligɔ feliye ní yè, yire yi mìɛni yē wi fànʔa láara gè.

Zudi 1:21

Ye- kò Kulocɛliɛ dɛ́nigɛ nī gè, bà yeli nɛ ki siri weli Kàfɔli Zezi Kirisi wi- bànguɔ sìi kɛn wè yeli mɛ́ wi nyinimɛ kɛnmɛ nɛ̄ bè.

Tìɛlɛ 1:11

Juumɔ pi siɛnrɛ ti n'dɛ: «Gàa muɔ nɛ nyaʔa gàa gè, -ki sɛbɛ ma tórigo tɛ́ngɛfɔlilɔ gbuʔulo kɔlisiin mɛ́ gèle baa kàaya nyáà mɛ́ yè, yi n'yɛ: Efɛzi, Simirini, Pɛrigami, Tiyatiiri, Saridi, Fiiladɛlifii, nɛ́ Lawodise.»

Tìɛlɛ 1:17

Bà mi 'wi nyaa wè, a mi 'tuu wi tɔliyɔ láara yè nɛ̀ kò bɛ̀ kpúu tíɛlɛ. A wi sí wi kàliige taʔa gè mi nɛ̄ nɛ́ jo: «Fàri fìʔɛ́ʔ, mi wī péliwe wè nɛ́ ní sɛnwɛ wè.

Tìɛlɛ 1:8

«Mi wī Alifa wè nɛ́ ní Omega wè», Kàfɔli Kulocɛliɛ wi 'jo bɛ̀, wire ŋáà wi yē wè, nɛ́ ŋàa wi kíni nɛ yē wè, nɛ́ ŋàa wi bága pɛn wè, ŋàa wī Fànʔa ki mìɛni Kàfɔli wè.

Tìɛlɛ 2:8

«-Ki sɛbɛ ma tórigo Simirini kàʔa tɛ́ngɛfɔlilɔ gboli ni nyìʔɛnɛ tundunwɔ mɛ́ wè, ma wi yɛ: Ŋàa wī péliwe wè nɛ́ ní sɛnwɛ wè, wi cé kùu wè nɛ́ sí yē sìi nɛ̄ wè, wi 'jo: