Eburulo 12:16 - Sénoufo Nyarafolo

¹⁶ Yeri yìye ciʔige kire ga buu siɛn fǎga wìi yaʔa kanuʔɔrɔ kele nī gèleʔ, kire ga laa bè yakaa fáala núʔɔ gàa gī wàlidɛngɛgɛ Kulocɛliɛ mɛ́ wèʔ, majo bɛ̀ Ezawu 'ki kpíʔile gè bà wi yé wi luɔfɔlimɔ liɛlɛ pári lè sipiɛlɛ nigbe kɛnmɛ nɛ̄ bè.

Eburulo 12:16 Iomraidhean Croise

Sélimɛ 27:36

A Ezawu sí jo: «Bɛ̀ pe 'wi ye Yakuba wè, Kpìlikpilifɔli wè, kire nɛ̄ lé wi 'mi fáanni nɛ̀ taa tɔliyɔ siin ? Nɛ́ ki cɛ́n wi 'kíni nɛ̀ mi fáanni nɛ̀ mi liɛrɛ suɔ dè mi mɛ́, nɛ́ ń'nɛ̀ koli nɛ̀ pɛ́nì mi diba yùu wè.» A Ezawu ń'nɛ̀ jo: «Muɔ sì cɛ́nì diba siɛnrɛ táà cɛ̀ri yaʔa mi mɛ́ lé ?»

Mariki 7:21

Siɛnnɛ pe funyɔ yire nī, laamɛ nī, sɔ̀ngibiire, kanuʔɔrɔ, kàyuugo, siɛnkpuʔu,

Kakpiʔiligele 15:20

Gìi ki 'pɔ́ri gè, we- siɛnrɛ sɛbɛ we tórigo pe mɛ́ we pe yɛ pe- pìye cò yasunro kaara nɛ̄ dè dàa tiī nɛ siɛn nɔ́ri Kulocɛliɛ yiʔɛ mɛ́ gè, nɛ́ kanuʔɔrɔ ní dè, nɛ́ yajuuro dáà pe sî seri nɛ̀ kpúu yétiige nī gè; nɛ̀ pínɛ pe fǎri sìsiɛn káa gèʔ.

Kakpiʔiligele 15:29

ye- yìye cò yasungo kaara nɛ̄ dè, nɛ́ sìsiɛn káʔa ní gè, nɛ́ yajuʔu gáà pe sî seri nɛ̀ kpúu yétiige nī gè, nɛ́ kanuʔɔrɔ ní dè; tire dáà dè a yeli 'ti yaʔa dè, ki bé pɔ́ri. Ye- ki yaʔa we- puu cɛ̀.»

Korɛntiyé 1 10:8

Ye fǎga de kanuʔɔrɔ kpínʔiniʔ majo bɛ̀ pe pàli cé ki kpíʔile gèʔ. Á siɛnnɛ siramuʔɔyɔ kogunɔ sirakiɛ nɛ́ kogunɔ (23 000) 'pínɛ nɛ̀ kùu cɛnnugo gè.

Korɛntiyé 2 12:21

Kiī nɛ sànviige wáari mi nɛ̄, a mi kɛ́nì kɛ́ baa yeli tiʔɛ nī gè, Kulocɛliɛ wi fǎga tí fìɛrɛ ní koli bè tɔ́n mi nɛ̄ yeli kɛnmɛ nɛ̄ bèʔ, mi ní de nyɛni nìʔɛgɛʔ, bɛ̀ ki 'nyaa bìli pe cé kíni nɛ̀ tuu kapiʔile nī gèle, piyè láʔa pe núʔɔmɔ kele nɛ̄ gèleʔ, nɛ́ pe kanuʔɔrɔ ní dèʔ, nɛ́ pe kolimɔ kakpiʔiligele ní gèleʔ dàa pe kúu dè.

Efɛziyé 5:3

Kire nɛ̄, gìi ki 'kanuʔɔrɔ kúɔ dè, nɛ́ núʔɔmɔ kakpiʔiligele feliye yi mìɛni ní yè, nɛ́ fungbuʔɔ ní gè, ye fǎga tí tire tàa fáala gá nyaa yeli sunʔɔmɔ nī bèʔ, nɛ̀ yɛli nɛ́ gìi ki 'Kulocɛliɛ wuulo kɛnmɛ kúɔ bè.

Efɛziyé 5:5

Á kire 'laa wè, ye- ki sɔ́migɔ ye lúʔu cɛ̀ngɛ: kanuʔɔrɔfɔli wáà fáala, á kire 'laa siɛnkariwɛ, á kire 'laa fungbuʔɔfɔli; kire siɛn wiī nuwɔ nɛ́ ŋàa ní wi yasunro sungu dè. Pe wàa fáala sì je ga kɔrigɔ taa baa Kirisi wi kùlofɔligɔ nī gèʔ wire nɛ́ Kulocɛliɛ ní wèʔ.

Kolɔsiyé 3:5

Kire nɛ̄, ladaanma kele gílì gīɛlɛ yeli nī náʔa dàala nɛ̄ lè, kire 'jo kanuʔɔrɔ dè, nɛ́ karimɛ kakpiʔiligele ní gèle, nɛ́ céri kanɛdanʔana, nɛ́ nìge kele ní gèle, nɛ́ fungbuʔɔ ní gè, yasunzungo cɛ gī kire gè; ye- ti kpúu ye yige yeli céri nī dè.

Timote 1 1:9

Weli 'ki cɛ́n míɛni Fànʔa Siɛnrɛ tiì kpíʔile siɛnsinminɛ kɛnmɛ nɛ̄ wīʔ. Ki 'nyaa ti 'kpíʔile bàli kɛnmɛ nɛ̄ pe wè tɔ́ri nɛ́ Fànʔa Siɛnrɛ ní dèʔ, nɛ́ siɛnciile bèle, nɛ́ bàli pe wè puɔlɔ Kulocɛliɛ nɛ̄ wèʔ. Ti 'kpíʔile nɛ̀ pínɛ kapiigbiʔilile kɛnmɛ nɛ̄, nɛ́ bàli pe wè tɔ́ri nɛ́ gàa ní ki yē wàlidɛngɛgɛ Kulocɛliɛ mɛ́ wèʔ nɛ́ Kulocɛliɛ kaala lire tíimɛ ní lèʔ. Ti 'kpíʔile nɛ̀ pínɛ bàli kɛnmɛ nɛ̄ pe 'pe tobilo nɛ́ pe yàala kpúu bèle, peli nɛ́ siɛnkpuulo ní bèle.

Eburulo 13:4

Ki 'yɛli siɛnnɛ pe mìɛni de cepɔrigɔ wuʔu kpóri gè; saʔa yasinɛgɛ ki- sí puu núʔɔmɔ fùn. Nɛ́ ki cɛ́n Kulocɛliɛ bé kàyuʔu juu kanuʔɔrɔfɔlilɔ nɛ̄ bèle, nɛ́ bàli ní pe 'cecaafaaligɛ kire ga laa nàjaafaaligɛ kpíʔile gè.

Tìɛlɛ 21:8

«Bìli sí bīɛlɛ fíɛrɛfɔlilɔ bèle, nɛ́ sìndɛngɛlɛ bèle, siɛncuʔɔlɔ bèle nɛ́ siɛnkpuulo ní bèle, kanuʔɔrɔfɔlilɔ bèle nɛ́ dìɛlɛ ní bèle, yasunzunminɔ bèle nɛ́ káfinɛvinɛnɛ pe mìɛni bèle, peli liɛlɛ ni bé nyaa baa siʔɛ kàsun nī gè. Kire gī kùu siinwuu wè.»

Tìɛlɛ 22:15

«Pɔ̀nminɔ bèle, nɛ́ dìɛlɛ ní bèle, nɛ́ kanuʔɔrɔfɔlilɔ ní bèle, nɛ́ siɛnkpuulo ní bèle, nɛ́ yasunzunminɔ ní bèle, nɛ́ bìli pe mìɛni bīɛlɛ káfinɛrɛ ti 'pe dɛ́ni á piyē nɛ ti tári dè, peli yē baa kpànʔanɛ.