Eburulo 12:10 - Sénoufo Nyarafolo

¹⁰ Weli tobilo pe 'puu nɛ weli gbún bè lɛ̀lɛ láà cɛ̀ri kúɔ wī, bɛ̀ pe yé ki nyaa a ki 'nyuɔ gè. Nɛ̀ ki yaʔa Kulocɛliɛ nɛ weli gbún weli nyuɔmɔ kɛnmɛ nɛ̄, kire ga buu weli- liɛlɛ taa wi tiɛlɛfun wuʔu nɛ̄ gè.

Eburulo 12:10 Iomraidhean Croise

Ŋúnuyɔ 119:75

Yewe yo, mi 'ki cɛ́n muɔ kàyuʔujuuro ti 'sín; muɔ kányiʔɛ kaala lire kɛnmɛ nɛ̄ muɔ 'wuʔɔgɔ taʔa gè mi nɛ̄.

Ŋúnuyɔ 17:15

Gàa ki 'mi kúɔ wè, mi sínmɛ pire kɛnmɛ nɛ̄, mi bé muɔ yiʔɛ nyaa gè. A mi 'yɛ̀ wè, muɔ nyaana lire ni bé mi tín.

Leviiyé 19:2

«Ma siɛnrɛ dáà juu dè Isirayɛliyé mɛ́ bèle: «Yeli sí yɛli bè puu tiɛlɛ fùn, nɛ́ ki cɛ́n mi Yewe, yeli Kulocɛliɛ wè, mi yē tiɛlɛ fùn.

Efɛziyé 4:24

yé sí kpíʔilegɛnvɔnmɔ líɛ, kire ki 'yɛli nɛ́ Kulocɛliɛ kɛnmɛ ní bè. Siɛn wi de tári sínmɛ koligo nī gè, nɛ́ cìilimɛ nī bè kányiʔɛ wobo bè.

Kolɔsiyé 1:22

Nɛ̀ sí ki taa píra ŋáà nī wè, Zezi wi kùu wire kɛnmɛ nɛ̄ bè, a Kulocɛliɛ wi 'koli nɛ̀ bìɛni nyɔ́gɔ wire nɛ́ yeli sunʔɔmɔ ní bè, gìi ki bé tí ye- yìye wàli ye tɛ́ngɛ wire mɛ́, yé sí gbɛ̀ yéri wire yiʔɛ mɛ́ gè, ye- puu tiɛlɛ fùn, dìgire fǎga puu yeli nɛ̄ʔ.

Tiiti 2:14

Wi 'wìi kɛn wire tíimɛ wè weli kɛnmɛ nɛ̄ bè bè weli suɔ kolimɔ pi mìɛni mɛ́, bè weli cìile kire ga buu weli- kò wi tíimɛ siɛnfelige bèri ŋàʔaná de kacɛ̀ngɛlɛ kpínʔini gèle.

Eburulo 12:14

Yeri ki caa ye puu yanyige nɛ̄ nɛ́ siɛnnɛ pe mìɛni ní, yeri ki caa ye puu wàlidɛngɛlɛ Kulocɛliɛ mɛ́ wè. Á kire bɛ̀ʔ gè, siɛn sǐ gbɛ̀ Kàfɔli nyaa wèʔ.

Piɛri 1 2:5

yeli ye mìɛni yē kàdɛniyɛ wowiiye nyáà Kulocɛliɛ wiī nɛ líi nɛ wi Pìle Gbùʔɔrɔsaʔa faanri gè. Nɛ̀ taʔa ki nɛ̄, yeli yē wi kacuɔnrilɔ wàlidɛngɛlɛ nɛ kakuɔrɔ yakɔnrɔ kanʔa wi mɛ́, pìle kɔli mɛ́ gè, kakuɔrɔ dáà nɛ̄ wi nɛ̂ fɔ̀li dè, Zezi Kirisi kɛnmɛ nɛ̄ bè.

Piɛri 1 2:9

Nɛ̀ ki yaʔa yeli bèle, yeli yē siɛnfelige gáà Kulocɛliɛ wi 'nyíɛnɛ nɛ̀ kɔ̀n gè, nɛ́ ní Kùlofɔli wi kacuɔnrilɔ bèle, nɛ́ ní kùlo láà wuulo wàlidɛngɛlɛ wi mɛ́, nɛ́ ní Kulocɛliɛ wi wuulo. Wi 'yeli yeri nɛ̀ yige yebilige nī gè ye- puu kpìɛnmɛ nī bè bàa pi 'nyuɔ nɛ̀ tóri bè, kire ga buu yeli de wi kakpoliyo nyu yè.

Piɛri 2 1:4

Bɛ̀ ki yē a wi 'lagbɛnrɛ kpuʔɔniʔɛrɛ kɛn dè weli mɛ́ dàa nɛ̄ wi yé nyuɔ fɛ̀ni gè, kire ga buu a yeli 'ti taa dè, yeli gbɛ̀ yìye píle bè suɔ duniya kanɛdanʔana mɛ́ gèle gálì ke 'pii gèle, kire ga buu weli kɛnmɛ pi 'yiʔɛ bè puu Kulocɛliɛ kɛnmɛ tíɛlɛ bè.