Eburulo 12:1 - Sénoufo Nyarafolo

¹ Ki 'nyaa, siɛnnɛ sáa weli màʔa nɛ̀ suʔu nɛ́ pe tɛ́ngɛlɛ tìɛ lè weli nɛ̄. Ki sí n'gɛ, kele gílì kiyē nɛ weli cògí nɛ yérigi tánʔana nɛ̄ lè, we- láʔa ke nɛ̄, we sí wìye yige kapiʔile nī gèle gàli ke nyɛ́ni weli 'puu nɛ cáanri fáari fáari wè, we sí de kàsɛnigɛ fé gè nɛ́ lèbaanna ní, gàa ki 'gbòbori nɛ̀ yaʔa weli mɛ́ gè.

Eburulo 12:1 Iomraidhean Croise

Ŋúnuyɔ 18:23

Wi kàyuʔujuuro ti mìɛni 'puu mi yiʔɛ mɛ́ gè, mi sì kɛ́nì cíi wi fànʔa kaala láà nɛ̄ʔ.

Matiye 10:22

Yeli kaala ni bága siɛnnɛ pe mìɛni biɛn mi míʔɛ kire kɛnmɛ nɛ̄. A siɛn ŋíì sí tɔ̀ni nɛ̀ ki kpàri nɛ̀ cò nɛ̀ pɛ́nì paʔa wè, kire siɛn wire wi bága sa suɔ.

Matiye 24:13

A siɛn ŋíì sí ki kpàri nɛ̀ cò nɛ̀ pɛ́nì paʔa wè, kire siɛn wire wi bága sa suɔ.

Mariki 10:50

A nàguɔ wi 'fali nɛ̀ wi burugbuʔɔ láʔa gè nɛ̀ wáa nɛ́ fali nɛ̀ yo nɛ̀ yɛ̀ sɛni, nɛ̀ pɛn Zezi kúrugu wè.

Luku 12:15

A wi 'fali nɛ̀ pe yɛ: «Ye- yìye cò fungbuʔɔ feliye yi mìɛni nɛ̄ yè, á kire 'laa wè a siɛn cɛ́nì lɔri taa a ti 'niʔɛ felige ó felige, tire nī bɛ̀ʔ siɛn wi sìi wi yēʔ.»

Luku 16:28

Mi siinyɛninɛ kogunɔ nɛ tíin baa; Lazari wi sa ti juu wi- pe sɔ̀mi, wàa fǎga ní ga pɛn náʔa tiʔɛ gáà nī gèʔ, wuʔɔgɔ tiʔɛ gáà gèʔ.›

Luku 21:34

«Ye- yìye cò cɛ̀ngɛ, ye fǎga yeli funyɔ yaʔa yè yi- de nyaʔamiʔ, cègbuʔɔ yaliimɛ, nɛ́ sungbuɔdinre, nɛ́ duniya kasɔngilɔ ní gèle. A kire 'laa wè kàyuʔujuujɛngɛ ki bága pa yeli fuu,

Zezi Kirisi Kataanna Siɛnrɛ dè Zan juumɔ nɛ̄ bè 3:32

Gìi wi 'nyaa nɛ́ gìi wi 'lúʔu gè, tire wiī nɛ nyu nɛ tìí we nɛ̄, nɛ̀ sí ki taa siɛn sì fɔ̀li ti nɛ̄ʔ dàa wi 'juu dèʔ.

Zezi Kirisi Kataanna Siɛnrɛ dè Zan juumɔ nɛ̄ bè 4:39

Ki kàʔa gáà nī gè Samarii wuulo nìʔɛnɛ cé tɛ́ngɛ Zezi nɛ̄ wè, cɛliwɛ wi nyasiɛnrɛ tire kɛnmɛ nɛ̄ bè, dàa wi cé juu dè, nɛ́ jo: «Wi 'mi kakpiʔiligele ke mìɛni juu m'mɛ́, gàli mi 'kpíʔile gèle.»

Zezi Kirisi Kataanna Siɛnrɛ dè Zan juumɔ nɛ̄ bè 4:44

Zezi wire tíimɛ wi cé ti juu nɛ̀ láʔa, nɛ́ jo: «Kulocɛliɛ siɛnjuuwo wi wè nɛ kpuʔɔrɔ tari wi kùlo tíimɛ nī lèʔ.»

Wurɔmiyé 12:12

Yeri fundaanra kpínʔini yeli sɔ̀ngirɔ taʔadiʔɛ ki wori nɛ̄ dè. A wuʔɔgɔ 'nɔ̀ yeli nɛ̄ bèle, ye- ki kpàri ye cò. Ye- lèbaanna le náarigɛ nī gè.

Wurɔmiyé 2:7

Bìli pe 'lèbaanna le nɛ kacɛ̀ngɛ kpínʔini gè níɛ kpuʔɔrɔ caa dè, nɛ́ míɛtanʔa ní gè, níɛ pe sìi tári wè bè kò sìi nɛ̄ wè, Kulocɛliɛ wi bé bànguɔ sìi kɛn wè pe mɛ́.

Korɛntiyé 2 7:1

Mi siinyɛninɛ, yeli bálì ye mi dɛ́ni bèle, bɛ̀ kire nyafɛnigɛ ki siɛnrɛ dáà ti sí juu weli mɛ́ dè, ye tí we- wìye cìile we céri fuɔnrɔ ti mìɛni láʔa dè nɛ́ dìi dī pìle wori dè, we- ti láʔa wìye nɛ̄, wé sí wìye wàli we tɛ́ngɛ we láʔa, we- Kulocɛliɛ fíɛrɛ yaʔa ti- puu weli nī.

Galasiyé 2:2

Ki 'nyaa Kulocɛliɛ wire wi cé mi kárilɛ wori tìɛ dè. A mi sɛ́nì Kataanna Siɛnrɛ juu dè nɛ̀ tìɛ ki tiʔɛ wuulo nɛ̄ bèle, majo bɛ̀ mi dàli nɛ ti nyu kùlogolo kálì siɛnnɛ mɛ́ bèle. Mi cé ti sɔ́migɔ nɛ̀ juu nɛ̀ tìɛ yiɛgininɛ nɛ̄ bèle nɛ̀ pínɛ piyeyɛ, bìli siɛnnɛ piyē nɛ tɔ́ri kpuʔɔ gè, ki fǎa ga nyaa baawaara mi nɛ kúuʔ.

Galasiyé 5:7

Yeli cé séli nɛ tári cɛ̀ngɛ Kirisi koligo nī gè. Ŋáasiɛn sí wi kɛ́nì yeli cɔ̀ri nɛ̀ láʔa kányiʔɛ nɛ̄ gè, bà yeli 'puu nɛ lúru kányiʔɛ mɛ́ gè ?

Efɛziyé 4:25

Kire nɛ̄, ye- láʔa káfinɛrɛ nɛ̄ dè. Yeri kányiʔɛ nyu yìye mɛ́ ye mìɛni bèle, nɛ̀ taʔa gíi nɛ̄, we mìɛni wiyē we yaliiye wī.

Filipiyé 1:30

Kire cáanra tire yeli 'mi nyaa mi nɛ cáanri dè, níɛ tíin nɛ ki lúru dí mi nɛ ki cáanra cáanri dè nɛ tíin wè.

Filipiyé 2:16

Ye- sìi siɛnrɛ cò dè kpuʔɔ, kire ki bé mi kɛn mi gbɛ̀ yiʔɛ yɛ̀gɛ gè Kirisi pɛnjɛngɛ gè, nɛ̀ taʔa gíi nɛ̄, mi fùrɔgɔ gè nɛ́ baara dáà mi 'kúɔ dè tiì yiri waʔanɛʔ.

Timote 2 2:4

Kapiɛngbuɔnwɔ ŋáà wi 'baara sirasiire nī dè, wi nìɛ caa wire woli ni- wire kàfɔli dɛ́ni wè, ŋàa wi 'wi líɛ baara nɛ̄ dè. Wi nɛ̌ ki yaʔa cɛngɛ ó cɛngɛ duniya kele ke- wire yérigeʔ.

Timote 2 4:7

Mi 'cáanjɛ̀nrɛ cáan dè nɛ̀ mi kàsɛnigɛ kúɔ gè. Mi nyɛ́nì tɛ́ngɛlɛ cò lè.

Eburulo 6:15

A Birayima wi 'ki sige nɛ́ funyige ní, a wi 'ki taa gàa nyuɔ Kulocɛliɛ cé fɛ̀ni gè.

Zaki 1:3

Ye- ki cɛ́n a kafurɔgɔlɔ ke 'yeli tɛ́ngɛlɛ siʔɛ lè nɛ̀ wéli lè, lèbaanna bé jíin yeli nī.

Piɛri 1 2:1

Kire nɛ̄ funbinʔɛ gè, nɛ́ káfinɛrɛ ní dè, nɛ́ jànvaa funyɔ ní yè, nɛ́ nyabiɛnnɛ ní lè, nɛ́ siɛn sànʔaga ní gè, ye- tire ti mìɛni yaʔa dè.

Piɛri 1 4:2

Bɛ̀ sí ki yē gè, yeli sìisɛnwɛ nī wè dàala nɛ̄ lè, yeli 'yɛli bè Kulocɛliɛ wi nyɛ́ni kaala fori lè; kire wè bèri siɛnnɛ kanɛdanʔana kpínʔini wīʔ.

Piɛri 1 5:1

Mi nɛ nyu siɛnliɛlɛ mɛ́ bèle tɛ́ngɛfɔlilɔ gboli nī lè, mi ŋáà wī liɛwɛ pe tíɛlɛ wè nɛ́ ní Kirisi wuʔɔyɔ yi nyaafɔli wè. Mi míɛni m'bága liɛlɛ taa kpuɔmɔ nī bè bàa Kulocɛliɛ bága ba tìɛ bè. Píra ŋáà nī wè, mi nɛ liɛlɛ náari bèle bàli bīɛlɛ yeli sunʔɔmɔ nī bè:

Piɛri 1 5:12

Silivɛn wi 'mi sáʔa, a mi 'nyasiɛnkɛniyɛ nyáà sɛbɛ yè bè tórigo yeli mɛ́, wire ŋáà wī mi siinyɛni wè, tɛ́ngɛmɛ siɛn wè. Mi 'sɛbɛ ŋáà sɛbɛ wè bè lèbaanna nyɔ́gɔ yeli nī, bè ki fílige yeli mɛ́ dí kpuʔɔrɔ dáà Kulocɛliɛ 'kɛn yeli mɛ́ dè, kányiʔɛ wori dī.

Piɛri 2 1:6

Cɛ́nmɛ nɛ̄ bè, ye- yìye cògɛnmɛ fàri bè baa. Yìye cògɛnmɛ nɛ̄ bè, ye- lèbaanna fàri lè baa. Lèbaanna nɛ̄ lè, yeli de yeli sìi tári wè bè puu puɔlɔ Kulocɛliɛ nɛ̄ wè.

Tìɛlɛ 1:9

Mi Zan wè, yeli siinyɛni wè, mi yē nɛ pínɛ nɛ wuʔɔ nɛ́ yeli ní kùlofɔligɔ nī gè, weli 'ki kpàri nɛ̀ cò nɛ́ kò pínɛnyɛnigɛ nɛ̄ gè nɛ́ Zezi ní wè. Mi 'puu dàala láà nɛ̄ kuʔɔjii sunʔɔmɔ nī bè, pe ni ye Patimɔsi, Kulocɛliɛ siɛnrɛ ti juʔu kire kɛnmɛ nɛ̄ bè nɛ́ Zezi wori ti jáarigɛ kɛnmɛ nɛ̄ bè.

Tìɛlɛ 13:10

A siɛn ŋíì sìi kɛ́nì nyaa wi 'yɛli pe- wi cò bè kɛ́ wè, pe bé wi cò bè kɛ́ wī; a ŋìi yē ŋɔsii ga wi kpúu wè, ŋɔsii wi bága wi kpúu. Kulocɛliɛ wuulo pe kpàricogo nɛ́ pe tɛ́ngɛlɛ tiɛlɛ lire nī nàa lè.

Tìɛlɛ 22:16

«Mi Zezi wè, mi 'mi nyìʔɛnɛ tundunwɔ tórigo wè wi- sa kele gálì juu gèle yeli mɛ́ tɛ́ngɛfɔlilɔ gbuʔulo ke wori nɛ̄ dè. Mi wī Dawuda siimɛ wuu wè nɛ́ ní wi saʔa tùlugo wuu wè; mi wī kpìɛnduumɛ ŋɔnɔ̀.»

Tìɛlɛ 3:10

«Bɛ̀ muɔ 'lèbaanna le nɛ̀ mi siɛnrɛ cò dè wè, bɛ̀ mìɛni m'bága de muɔ wéli a puuwelige lɛ̀lɛ ni kɛ́nì nɔ̀ lè. Ki lɛ̀lɛ niī nɛ báan, ni bága pa tuu duniya wuulo pe míɛni nɛ̄ bèle, bè wuʔɔgɔ cáan dàala wuulo nɛ̄ bèle.