Eburulo 11:9 - Sénoufo Nyarafolo

⁹ Tɛ́ngɛlɛ kɛnmɛ nɛ̄ bè, Birayima yé kò nabɔnwɔ nɛ sɛ́ni tɛ̀ní nɛ mári kùlo nī lè nàa nyuɔ Kulocɛliɛ yé fɛ̀ni wi mɛ́ lè. Wi 'puu nɛ sùɔ́n fɛ̀ni saaya nī yè, bɛ̀ Siaga nɛ́ Yakuba míɛni yé kɛ́nì ki kpíʔile, bàli pe 'puu nyafɛnigɛ ki kɔriliile bèle nɛ́ Birayima ní wè.

Eburulo 11:9 Iomraidhean Croise

Sélimɛ 12:8

Bà tire 'tóri dè, a Birama ń'nɛ̀ yiri nɛ̀ kɛ́ nyaguruyo kɔli mɛ́ gè, nyàa yi 'puu cɛngɛnyɛnifoligɔli mɛ́ gè Betɛli kàʔa táanni gè, a wi 'fɛ̀ni saaya kóri yè Betɛli kàʔa nɛ́ Ayi kàʔa sunʔɔmɔ ní bè. Betɛli wi yé kò cɛngɛnyɛnijiingɔli mɛ́, a Ayi 'kò cɛngɛnyɛnifoligɔli mɛ́. A wi ń'nɛ̀ Kulocɛliɛ gbùʔɔrɔdiʔɛ káà faan Yewe mɛ́ nɛ́ yajuʔu káà kɔni nɛ̀ taʔa ki nɛ̄, nɛ́ wi míʔɛ yeri gè, nɛ̀ wi gbùʔɔrɔ baa kire tiʔɛ nī gè.

Sélimɛ 13:18

A Birama wi 'fɛ̀ni saaya kɔ́ligi yè, nɛ́ kɛ́ nɛ̀ sɛ́nì nɔ̀ Eburɔn kàʔa nɛ̄ gè. A wi 'tɛ́ni baa tiikpoliyo tiɛliʔɛ káà táanni gàa ki 'puu Mambire wuʔu gè. A wi ń'nɛ̀ Kulocɛliɛ gbùʔɔrɔdiʔɛ káà faan baa nɛ́ yajuʔu káà kɔni nɛ̀ taʔa ki nɛ̄ nɛ̀ Yewe gbùʔɔrɔ wè baa kire tiʔɛ nī gè.

Sélimɛ 13:3

A wi ga sɛ́nì nɔ̀ Nɛgɛvi waama kùlo nɛ̄ lè, nɛ sìʔɛrɛ́ nɛ waa cɛ̀cɛ fúɔ nɛ̀ sɛ́nì nɔ̀ Betɛli kàʔa nɛ̄ gè, baa wi yé kíni nɛ̀ tɛ́ni wè nɛ́ fɛ̀ni saaya kóri yè Betɛli nɛ́ Ayi kàaya sunʔɔmɔ ní bè.

Sélimɛ 17:8

Kanaa kùlo náà nī muɔ tɛ́ni lè, lire náà nī muɔ 'puu nabɔnwɔ wè, m'bé ni mìɛni kɛn muɔ mɛ́, muɔ nɛ́ muɔ siimɛ wuulo ní bèle muɔ kàduʔumɛ gè; ni bé puu yeli woli lɛ̀lɛ ó lɛ̀lɛ nī. M'bé kò pe Kulocɛliɛ.»

Sélimɛ 18:6

A Birayima 'fìɛlɛ nɛ̀ kɛ́ fáari fɛ̀ni saʔa mɛ́ gè, a wi sɛ́nì ki juu wi cuɔ Sara mɛ́ wè nɛ́ jo: «Te waa maa míivɔnmɔ gbɔngbonyiɛyɛ taanri kíri fáari, ma pi píri, ma ki káli ŋɔ̀mi.»

Sélimɛ 18:9

A pe 'wi yúgo, «Sé muɔ cuɔ Sara wi yē ?» A wi 'jo, «Wiī baa fɛ̀ni saʔa nī gè.»

Sélimɛ 21:34

A Birayima wi 'tɛ́ni nɛ̀ mɔgɔ baa Filisitiyé kùlo nī lè.

Sélimɛ 23:4

«Mi yē nabɔnwɔ wī, nɛ́ pɛ́nì tɛ́ni yeli sunʔɔmɔ ní bè. Ye‑ tɔ́ndiʔɛ kɛn m'mɛ́ mi‑ mi cuɔ tɔ́n wè.»

Sélimɛ 25:27

A nàgabigele gálì ke pɛ́nì liɛ. Ezawu wè, a wire 'kò dèzuuwo, nɛ̀ tɔ̀ni nɛ̀ dèzuʔu cɛ́n gè cɛ̀ngɛ. A sìnbirinyaarigɛ ki tɔ̀ni nɛ̀ wi dɛ́ni. Yakuba wire wè, wire 'puu siɛnnyiwɛ nɛ kòrí kpáa mɛ́, fɛ̀ni saaya nī.

Sélimɛ 28:4

Wi‑ diba taʔa wè muɔ nɛ̄ kɛnmɛ bíì nɛ̄ wi yé wi taʔa Birayima nɛ̄ wè, muɔ nɛ́ muɔ siimɛ ní bè, kire ga buu kùlo náà nī muɔ yē nabɔnwɔ wè níɛ nyaari wè, ni‑ kò muɔ woli, kùlo náà Kulocɛliɛ yé kɛn Birayima mɛ́ wè.»

Sélimɛ 31:25

A Laban sɛ́nì Yakuba cò wè. Bà Yakuba wi cé wi fɛ̀ni saaya kóri yè nyaguruyo nɛ̄ yè, a Laban nɛ́ wi siɛnnɛ ní bèle a pe míɛni 'pɛn nɛ́ pɛ́nì pe fɛ̀ni saaya kóri yè Galaadi nyaguruyo nɛ̄ yè.

Sélimɛ 35:27

A Yakuba ń'nɛ̀ koli nɛ̀ pɛn wi tuu Siaga tiʔɛ mɛ́ gè, baa Mambire tiʔɛ nī gè, Kiriyati Ariba kàʔa táanni, gàa pe kɛ́nì ye píra ŋáà nī wè Eburɔn kàʔa. Kire tiʔɛ kire nī Birayima nɛ́ Siaga pe yé kíni nɛ̀ tɛ́ni bèle nɛ́ ní nabɔnminɔ bèle.

Sélimɛ 36:7

Nɛ́ ki cɛ́n pe lɔri ti yé niʔɛ nɛ̀ cáanri; piyè cî ní gbɛ̀ kò tiʔɛ nugo nīʔ. Tɛ́nimɛ báà nī pe 'puu bèle, ki tiʔɛ ki yé cɛ́ri pe nī, nɛ́ ki cɛ́n pe yajuuro ti yé niʔɛ nɛ̀ cáanri.

Sélimɛ 47:9

A Yakuba wi sí jo: «Ki yiʔɛlɛ tekɔlini nɛ́ kpɔrigɔ (130) wī ŋàa wè, bà mi yē nɛ nyaari nɛ mári nabɔnrɔ nɛ̄ dè kùlogolo nī gèle, mi yiʔɛlɛ kiyè niʔɛʔ, á ke fùrɔgɔ ki sí kpúʔɔ mi nɛ̄, mi fìɛ mi tobilo pe yiʔɛlɛ felige taa gèʔ, nɛ̀ sí ki yaʔa peli míɛni 'puu nɛ nyaari kùlogolo nī gèle bɛ̀ mi tíɛlɛ.»

Ŋúnuyɔ 105:12

Bà pe puu nɛ tíin siɛnnɛ cɛ̀ri yákuɔ wè, kagbuunyɛni lè, nɛ́ ní nabɔnminɔ tɛ́ninɛ kùlo nī lè,

Eburulo 6:17

Bɛ̀ míɛni ki yē Kulocɛliɛ 'puu nɛ caa bè ki fílige tìɛ wi nyafɛnigɛ ki kɔriliile nɛ̄ bèle, gàa wire 'juu gè kiǐ gbɛ̀ yiʔɛ púloʔ. Kire nɛ̄ a wi 'kàlilɛ fàri lè wi nyafɛnigɛ nɛ̄ gè.