Eburulo 11:8 - Sénoufo Nyarafolo

⁸ Tɛ́ngɛlɛ kɛnmɛ nɛ̄ bè, a Birayima|Birayima|Birayima 'lúʔu Kulocɛliɛ mɛ́ bà wi 'wi yeri wè nɛ́ wi yɛ wiri waa kùlo láà mɛ́ nàa wire bé kɛn wi mɛ́ kɔrigɔ gè. A wi sí kɛ́, nɛ̀ ki yaʔa wiì cɛ́nì ki cɛ́n sé wi 'puu nɛ waaʔ.

Eburulo 11:8 Iomraidhean Croise

Sélimɛ 11:31

A Tera 'wi jaa kɔ́ri wè, Birama wè, nɛ́ wi pínɛnyɛninɛ ní bèle; nɛ́ Lɔti ní, Aran jaa wè; nɛ́ Sarayi, Birama cuɔ wè. A pe 'pínɛ nɛ̀ yiri Uri kàʔa nī gè, Kalideyé tɛ́nimɛ nī bè, nɛ̀ kɛ́ Kanaa kùlo kɔli mɛ́ gè. A pe 'kɛ́ fúɔ nɛ̀ sɛ́nì nɔ̀ Karan kàʔa nɛ̄ gè a pe 'tɛ́ni baa kire tiʔɛ nī gè.

Sélimɛ 12:5

A Birama 'wi cuɔ Sarayi kɔ́ri wè, nɛ̀ fàri wi cɔni jaa Lɔti nɛ̄ wè, a pe 'kɛ́ nɛ́ wi sùkulolo pe mìɛni ní, bàli wi yé taa baa níɛ tíin Karan kàʔa nī gè, nɛ̀ fàri wi lɔri ti mìɛni nɛ̄. A pe 'yiri nɛ waa Kanaa kùlo mɛ́ lè, nɛ̀ sɛ́nì jíin baa.

Sélimɛ 12:7

A Yewe 'wìi tìɛ Birama nɛ̄, nɛ́ wi yɛ: «Muɔ siimɛ mɛ́ m'bé kùlo náà kɛn lè.» Tiʔɛ gíì nī Yewe 'wìi tìɛ Birama nɛ̄ wè, a Birama wi 'Yewe gbùʔɔrɔdiʔɛ káà faan nɛ́ yajuʔu káà kɔni nɛ̀ taʔa ki nɛ̄ nɛ̀ Yewe gbùʔɔrɔ wè baa, wire ŋáà wi yé wìi tìɛ wi nɛ̄ wè.

Sélimɛ 15:5

A Yewe wi 'Birama kɔ́ri wè nɛ̀ yiri kpànʔanɛ, nɛ́ wi yɛ: «‑Muɔ yiʔɛ yɛ̀gɛ gè, ma ŋɔgɔlɔ wéli gèle, a ki yē muɔ bé gbɛ̀ jáa bè ke tɔ́ri.» Nɛ́ fali nɛ̀ wi yɛ: «Muɔ siimɛ pi bé ba niʔɛ bɛ̀ ŋɔgɔlɔ tíɛlɛ gèle.»

Sélimɛ 17:8

Kanaa kùlo náà nī muɔ tɛ́ni lè, lire náà nī muɔ 'puu nabɔnwɔ wè, m'bé ni mìɛni kɛn muɔ mɛ́, muɔ nɛ́ muɔ siimɛ wuulo ní bèle muɔ kàduʔumɛ gè; ni bé puu yeli woli lɛ̀lɛ ó lɛ̀lɛ nī. M'bé kò pe Kulocɛliɛ.»

Sélimɛ 20:13

Kire nɛ̄ lɛ̀lɛ líì nī Kulocɛliɛ 'mi yige mi tuu kpáa nī gè mi de nyaari de mári wè, a mi 'ki juu mi cuɔ Sara mɛ́ wè nɛ́ jo: ‹Kacɛ̀ngɛ gáà kire muɔ béri kpínʔini mi nɛ̄: a we 'kɛ́ tiʔɛ ó tiʔɛ nī gè, a siɛn 'muɔ yúgo wè, ma wi yɛ mi yē muɔ luɔ wī.› »

Sélimɛ 22:18

Muɔ siimɛ bè, pire duniya siɛnnɛ pe mìɛni bé bari wéli, béri diba tari wè pìye nɛ̄, nɛ́ ki cɛ́n muɔ nyɛ́nì lúʔu m'mɛ́.»

Sélimɛ 26:3

ma lɛ̀lɛ láà kúɔ bile. M'bé puu nɛ́ muɔ ní, bè diba taʔa wè muɔ nɛ̄, nɛ́ ki cɛ́n muɔ nɛ́ muɔ siimɛ pire mɛ́ m'bé kùlogolo gálì kɛn gèle. Bà ki bé kpíʔile m'bé mi nyasiɛnrɛ fori dè, dàa mi yé kàli nɛ̀ kɛn muɔ tuu Birayima mɛ́ wè.

Tɔ́rilɔ 10:30

A Wobabi 'ki juu nɛ́ jo: «ʔéʔe, miǐ kɛ́ baaʔ. Mi kùlo lire mɛ́ mi nɛ caa bè kɛ́, mi wuulo sunʔɔmɔ nī bè.»

Matiye 2:21

A Yusufu wi 'yɛ̀ nɛ̀ pùɔ kɔ́ri wè nɛ́ wi yàa ní wè, a pe 'kɛ́ Isirayɛli kùlo mɛ́ lè.

Wurɔmiyé 1:5

Wire nyúmɔ nī weli 'ki kpuʔɔrɔ taa dè weli bèle, nɛ ní tundunminɔ bèle, gìi ki bé tí weli gbɛ̀ kùlogolo siɛnfeliye yi mìɛni kɔ́ri pe- tɛ́ngɛ Zezi Kirisi nɛ̄ wè, pé sí de lúru wi nɛ̄, dí kpuʔɔrɔ sí taʔa wi míʔɛ nɛ̄ gè.

Wurɔmiyé 10:16

Nɛ̀ sí ki taa pe mìɛni sì fɔ̀li nɛ̀ yéri Kataanna Siɛnrɛ ti wori nɛ̄ dèʔ. Tire sí Ezayi cé juu dè, nɛ́ jo: Kàfɔli, ŋáasiɛn wi kɛ́nì tɛ́ngɛ weli kajuulo ni siɛnrɛ nɛ̄ dè  ?

Wurɔmiyé 6:17

Ye- puu weri kpuʔɔrɔ tari Kulocɛliɛ nɛ̄, nɛ̀ taʔa gíi nɛ̄, yeli 'puu sùkulolo kapiile ni kiyɛ nī yè, nɛ̀ sí ki taa píra ŋáà nī wè, yeli nyɛ́nì yéri nɛ̀ lúʔu nɛ́ yeli fungo ki mìɛni ní tɛnmɛnɛ náà yeli 'taa lè.

Korɛntiyé 2 10:5

Nɛ̀ pínɛ nàgbuʔɔrɔ sɔ̀ngirɔ dáà ti mìɛni tiì Kulocɛliɛ cɛ́n wèʔ, weli nɛ̂ ti mìɛni cúʔɔ. Weli nɛ̂ sɔ̀ngirɔ felide ti mìɛni yiʔɛ, siɛn wi nɛ̂ fulɔ nɛ̂ yéri Kirisi wori nɛ̄ dè.

Fànʔa Kajuʔulo 9:5

Kiì nyaa majo muɔ nyɛ́ni síngi nɛ cáanri wī muɔ fungo nī gèʔ, á kire bɛ̀ʔ muɔ fungo ki nyɛ́nì fílige wīʔ, kire kɛnmɛ nɛ̄ Yewe 'pe kùlo kɛn lè muɔ mɛ́ kɔrigɔʔ. Kányiʔɛ nɛ̄ gè, wi 'kire kpíʔile siɛnnɛ bálì pe tánʔagɛnbiimɛ pire kɛnmɛ nɛ̄, a Yewe muɔ Kulocɛliɛ wi 'pe cìra nɛ̀ núgo muɔ yiʔɛ mɛ́. Nɛ́ míɛni wi 'ki kpíʔile bè wi nyasiɛnrɛ fori dè dàa Yewe wi yé kàli nɛ̀ kɛn yeli tobilo mɛ́ bèle, Birayima wè, nɛ́ Siaga, nɛ́ Yakuba ní wè.

Eburulo 11:33

Tɛ́ngɛlɛ kɛnmɛ nɛ̄ bè, a pe 'kùlofɔliyɔ jáa yè, nɛ́ kele kpíʔile gèle nɛ̀ yɛli nɛ́ sínmɛ ní. A pe 'ki taa gàa nyuɔ Kulocɛliɛ yé fɛ̀ni gè, nɛ̀ jàriyɛ nyuɔyɔ tɔ́n yè,

Eburulo 5:9

Bɛ̀ sí wi yé sɔ́migɔ nɛ̀ gbòbori nɛ̀ tɛ́ngɛ wi baara nɛ̄ dè, a wi 'kò wire ŋáà wi bànguɔ suɔlɔ kanʔa lè bàli pe mìɛni mɛ́ pe lúru wi mɛ́ wè.

Piɛri 1 1:22

Yeli nyɛ́nì yeli funyɔ cìile yè bà yeli 'kányiʔɛ siɛnrɛ lúʔu dè, kire ga buu ye- yìye sɔ́migɔ yè dɛ́ni kányiʔɛ ní, bɛ̀ yeli yē tɛ́ngɛfɔlilɔ narigɛ gè. Kire nɛ̄ ye mìɛni nigbe nigbe ye- yìye dɛ́ni kpuʔɔ, nɛ́ yeli funjiiliye yi mìɛni ní.

Piɛri 1 3:1

Yeli bèle cɛlilɛ bèle, kire kanumɔ nɛ̄ bè, yeri yìye cɛ́rigi yeli pɔlilɔ mɛ́ bèle, kire ga buu a pàli cɛ́nì cíi, piyè tɛ́ngɛ Kulocɛliɛ siɛnrɛ nɛ̄ dèʔ, pe- gbɛ̀ fɔ̀li bè tɛ́ngɛ pe cɛlilɛ tánʔagɛnmɛ pire kɛnmɛ nɛ̄ bè, siɛnrɛ fùn,

Piɛri 1 4:17

Gìi sí gī baa gè, kàyuʔujuu lɛ̀lɛ niī nɛ nɔ̀gí; Kulocɛliɛ narigɛ wuulo peli nɛ̄ ki 'séli. A ki sí nyaa ki 'séli weli nɛ̄ gè, gíi sí ki bága puu bìli wuʔu gè bàli pe 'cíi piyè tɛ́ngɛ Kulocɛliɛ wi Kataanna Siɛnrɛ nɛ̄ dèʔ ?