Eburulo 11:7 - Sénoufo Nyarafolo

⁷ Tɛ́ngɛlɛ kɛnmɛ nɛ̄ bè, a Nɔwe 'kɔ́rikpuʔɔ kpíʔile gè nɛ̀ wi narigɛ suɔ gè. Wi yé Kulocɛliɛ kajuuyaʔala sɔ́migɔ lè nɛ̀ lúʔu, kele wuʔu nɛ̄ gè gàli ke cî kpíʔile gèle, gàli siɛn sì cé fìɛ nyaa wèʔ. Wi tɛ́ngɛlɛ kɛnmɛ nɛ̄ bè, a Nɔwe 'kàyuʔu juu duniya siɛnnɛ nɛ̄ bèle, a Kulocɛliɛ sí wi tɔ́ri siɛnsinwɛ.

Eburulo 11:7 Iomraidhean Croise

Sélimɛ 19:14

A Lɔti 'yɛ̀ nɛ̀ kɛ́ nɛ̀ sɛ́nì juu nɛ́ wi pórilo kɔninɔ ní bèle, nɛ́ jo: «Ye‑ yɛ̀, weri yigi kàʔa nī gè, nɛ́ ki cɛ́n Yewe bé kàʔa cúʔɔ gè.» Nɛ̀ ki yaʔa piyè cé tɛ́ngɛ wi siɛnrɛ nɛ̄ dèʔ, a pe 'ki nyaa pùrɔrɔ siɛnrɛ wiī nɛ nyu.

Sélimɛ 6:13

A Kulocɛliɛ sí fali nɛ̀ juu Nɔwe ní nɛ́ jo: «Mi nyɛ́nì ki kɔ̀rirɔ bè siɛnnɛ pe mìɛni sìi yérige wè, nɛ́ ki cɛ́n siɛnnɛ pe fungbɛnyɛ yi nyɛ́nì dàala nyì lè. Kire nɛ̄ mi je pe cúʔɔ nɛ́ dàala ní lè.

Sélimɛ 6:22

A Nɔwe 'ki kpíʔile. Gàa ki mìɛni Kulocɛliɛ cé juu nɛ̀ gbɛ̀ngɛ wi mɛ́ wè, a wi 'ki mìɛni kpíʔile bɛ̀.

Sélimɛ 6:9

Nɔwe nɛ́ wi pìile siɛnrɛ dī dàa dè: Nɔwe 'puu siɛnsinwɛ nɛ́ ní dìgire fùn wi lɛ̀lɛ siɛnnɛ nī bèle; wi 'puu nɛ tári nɛ́ Kulocɛliɛ ní wī.

Sélimɛ 7:23

Bà ki 'kpíʔile sìiyɛrɛ dáà ti mìɛni ti 'puu dàala nɛ̄ lè, a ti mìɛni 'cúʔɔ nɛ̀ kúɔ péwu, kire 'jo: siɛnnɛ bèle, nɛ́ nyàʔayɛrɛ dè, nɛ́ yajuuro dè, nɛ́ yafulolido dè, nɛ́ yafinide dè, fúɔ Nɔwe wire wi yé kò sìi nɛ̄ nɛ́ siɛnnɛ bálì pe yé puu nɛ́ wi ní wè, nɛ́ yawiire ní dè.

Sélimɛ 7:5

Gàa ki mìɛni Yewe cé juu nɛ̀ gbɛ̀ngɛ Nɔwe mɛ́ wè, a wi 'ki mìɛni kpíʔile bɛ̀.

Sélimɛ 8:16

«Yiri kɔ́rikpuʔɔ nī gè, muɔ wè, nɛ́ muɔ cuɔ ní wè, nɛ́ muɔ jaala ní bèle, nɛ́ muɔ jaala cɛlilɛ ní bèle.

Matiye 2:12

A Kulocɛliɛ wi 'juu nɛ́ pe ní ŋɔ́nigɔ nɛ̄ nɛ́ pe yɛ pe fǎga ní koli baa Erodi tiʔɛ nī gèʔ. A pe sí koligo káà kiiyɛ líɛ nɛ̀ kɛ́ pe kùlo mɛ́ lè.

Matiye 24:15

«A yeli sí kɛ́nì tètii kaala nyaa lè, nàa wori Kulocɛliɛ siɛnjuuwo Daniyɛli wi cé juu wè, a ni sɛ́nì yéridiʔɛ kɔ̀n baa Kulocɛliɛ Gbùʔɔrɔsaʔa tiɛcɛ̀ngɛ wàlidɛngɛgɛ nī gè, siɛn ŋíì wi nyɛ́ni siɛnrɛ dáà wéli dè, wi- ti kɔri cɛ́n wè,

Matiye 24:25

N'dɛ, mi 'yeli sɔ̀mi nɛ̀ yaʔa nɛ̀ kúɔ.»

Matiye 24:38

Kire cɛnyɛ nī yè, sɛ́ni kàsakpiile ni tìgi lè, siɛnnɛ pe 'puu nɛ líi níɛ gbun, nɛ cepɔriyɔ kpínʔini, nɛ pe pìile cepɔriyɔ kpínʔini nɛ pínɛ; fúɔ nɛ̀ taa cɛngɛ gíì Nɔwe wi kɛ́nì jíin kɔ́rikpuʔɔ nī gè;

Matiye 3:7

Bà wi kɛ́nì Fariziɛnnɛ nyaa bèle pe báan wi mɛ́ nìʔɛbɛlɛ bèle, nɛ́ Sadusiɛnnɛ ní bèle, bè pa batɛmi kpíʔile wè, a wi 'pe yɛ: «Yeli bèle wɔmɔri siimɛ wuulo bèle, ŋáasiɛn wi kɛ́nì ye yɛ yeri fé Kulocɛliɛ funyɛrigɛ nɛ̄ gè, gàa ki báan baa gè ?

Luku 17:26

«Kɛnmɛ bíì nɛ̄ kele ke cé tóri Nɔwe lɛ̀lɛ nī lè bɛ̀ ki bága puu Siɛn Pùɔ cɛnyɛ nī yè.

Wurɔmiyé 1:17

Ki 'nyaa Kataanna Siɛnrɛ tiī nɛ ki tìí mɛni Kulocɛliɛ wiī nɛ siɛnnɛ kpínʔini bèle sínminɛ wìi yiʔɛ mɛ́ gè: tɛ́ngɛlɛ lire yákuɔ fànʔa nɛ̄ kire sí nɛ kpínʔini nɛ̀ yɛli nɛ́ gàa Kulocɛliɛ siɛnsɛbɛrɛ ti 'juu dè nɛ́ jo: Siɛn ŋíì Kulocɛliɛ wi 'kpíʔile sínwɛ tɛ́ngɛlɛ lire kɛnmɛ nɛ̄ bè, kire siɛn wi bé puu sìi nɛ̄.

Wurɔmiyé 10:6

Nɛ̀ sí ki taa sínmɛ bíì siɛn bé gbɛ̀ taa tɛ́ngɛlɛ kɛnmɛ nɛ̄ bè, kire sínmɛ pi siɛnrɛ ti 'jo: Fǎri ki sɔ̀ngí muɔ fungo nī gèʔ bé jo: Ŋáasiɛn wi je ga yɛ̀ baa nyìʔɛnɛ nī lè  ? A muɔ 'tire juu dè, kire kɔri wi 'jo bè Kirisi tìrige wè náʔa dàala nɛ̄ lè wī.

Wurɔmiyé 3:22

Gìi ki bé ki yaʔa Kulocɛliɛ wi- weli tɔ́ri sínminɛ wi yiʔɛ mɛ́ gè, kire yē nɛ tari a siɛn ó siɛn 'tɛ́ngɛ Zezi Kirisi nɛ̄ wè, ki 'nyaa Kulocɛliɛ wi wè ki wáligiʔ.

Wurɔmiyé 4:11

Kire kàduʔumɛ wi cé nɛ́ kɛ́nì kɛnɛkɛnɛ kpíʔile wè a wi 'kò wi mɛ́ fìɛ nɛ̀ ki tìɛ wiī siɛnsinwɛ tɛ́ngɛlɛ kɛnmɛ nɛ̄ bè, bɛ̀ wiì cé fìɛ kɛnɛkɛnɛ kpíʔile wèʔ. A kire 'ki kɛn a Birayima wi 'kò tɛ́ngɛfɔlilɔ pe mìɛni tuu wè, a siɛn wiì cɛ́nì kɛnɛkɛnɛ kpíʔile wèʔ. Kulocɛliɛ wi nɛ̂ pe mìɛni tɔ́ri bèle siɛnsinminɛ.

Wurɔmiyé 4:13

Nyafɛnigɛ gáà Kulocɛliɛ wi cé líɛ Birayima mɛ́ wè nɛ́ wi siimɛ tùlugo wuulo ní bèle, nɛ́ jo dí wire bága duniya kɛn wè pe mɛ́ wi- puu pe kɔrigɔ gè, kire sì nyaa majo Fànʔa Siɛnrɛ ti tánʔagɛnjɛ̀nmɛ kɛnmɛ nɛ̄ wīʔ. ʔéʔe, kire bɛ̀ʔ, ki 'nyaa Kulocɛliɛ wi 'wi tɔ́ri siɛnsinwɛ tɛ́ngɛlɛ lire kɛnmɛ nɛ̄ bè.

Wurɔmiyé 9:30

Gáa sí we bé juu ? Kùlogolo kálì siɛnnɛ piyè sínmɛ caa bè nɛ́ lèbaanna níʔ, nɛ́ sí sínmɛ taa bè; kire sínmɛ bè tɛ́ngɛlɛ fànʔa nɛ̄ piī nɛ tari.

Galasiyé 5:5

Weli bèle, sɔ̀ngirɔ taʔadiʔɛ sí yē weli mɛ́ Kulocɛliɛ nī wè, a weli 'ki cɛ́n wi bága sa weli juu bè yige. Kire lɛ̀lɛ lire sí weli nɛ siri Kulocɛliɛ Pìle ni fànʔa nɛ̄ gè nɛ́ tɛ́ngɛlɛ ní.

Filipiyé 3:9

bè puu pínɛwɛ nɛ́ wi ní. Kiì sí kò majo mi yē sìɛnwɛ nɛ̀ yɛli nɛ́ Fànʔa Siɛnrɛ ní dè wīʔ. ʔéʔe, kire sínmɛ pi 'taa bɛ̀ mi 'tɛ́ngɛ Kirisi nɛ̄ wè; ki sínmɛ báà bè, pire 'taa Kulocɛliɛ mɛ́ tɛ́ngɛlɛ fànʔa nɛ̄ gè.

Eburulo 11:1

Tɛ́ngɛlɛ ni kɔri wire yē: bè tɛ́ngɛ ki nɛ̄ gìi nɛ̄ muɔ nyɛ́nì muɔ sɔ̀ngirɔ taʔa dè, muɔ bé ki taa, bè ki cɛ́n gàa muɔ wè nɛ nyaʔa gèʔ, kiī kányiʔɛ.

Eburulo 12:25

Yeri yìye ciʔige díɛʔ ! Ye fǎga cíiʔ bè lúʔu ŋàa mɛ́ wi nyu nɛ́ yeli ní wèʔ ! Náʔa dàala nɛ̄ lè, Isirayɛliyé pe yé Kulocɛliɛ nyasiɛnrɛ lúʔu dè dàa ti 'puu nɛ nyu nɛ tìí pe nɛ̄ dè, a pe 'cíi ti nɛ̄ dè. Kire nɛ̄ piyè suɔ wuʔɔgɔ mɛ́ gèʔ. Bɛ̀ sí ki yē a weli 'cíi, weli sì lúʔuʔ ŋàa mɛ́ wi nyu nɛ weli yɛri wè nɛ̀ ki líɛ baa nyìʔɛnɛ nī lè, kányiʔɛ nɛ̄, weli sǐ gbɛ̀ suɔ wuʔɔgɔ mɛ́ gèʔ.

Eburulo 5:7

Bè Zezi yaʔa wè céri nī dè náʔa dàala nɛ̄ lè, a wi 'Kulocɛliɛ náari wè nɛ́ wi fiɛn nɛ́ yékpogbuɔlɔ ní nɛ́ yéturo ní, nɛ́ ki cɛ́n Kulocɛliɛ wire wi cî gbɛ̀ wi suɔ kùu mɛ́ wè. A Kulocɛliɛ wi 'lúʔu wi mɛ́, bɛ̀ wi yé wìi cɛ́rigɛ wire mɛ́ wè.

Eburulo 8:5

Tiʔɛ gáà nī piyē nɛ pe baara kúu dè, kire yē fìɛ nɛ saawalidɛngɛgɛ kɛnmɛ tìí bè gàa gī baa nyìʔɛnɛ nī lè. Lɛ̀lɛ líì nī Misa yé je Kòridiʔɛ kpíʔile gè, a Kulocɛliɛ 'ki juu nɛ̀ yaʔa wi mɛ́ nɛ́ jo: Ma mìɛ cò ma baara dáà kúɔ dè ma yɛli nɛ́ fìɛlɛ bálì ní bèle mi 'tìɛ muɔ nɛ̄ náʔa nyagurugo naamɛ gè.

Piɛri 1 3:20

Kire kúbilo pe yé puu bàli pe 'sìnluʔumɔ kpíʔile Kulocɛliɛ mɛ́ wè, lɛ̀lɛ líì nī Kulocɛliɛ wi yé fungo nyígi gè á Nɔwe nɛ kɔ́rikpuʔɔ kpínʔini gè. Kire cé nyaa siɛnnɛ kataanri yákuɔ, bàli pe cé jíin kɔ́rikpuʔɔ nī gè, a kire 'pe suɔ kàsakpiile luʔɔ mɛ́ gè.

Piɛri 2 1:1

Mi ŋáà wī Siimɔ Piɛri wè, Zezi Kirisi wi sùkulowo nɛ́ ní wi tundunwɔ wè, mi nɛ sɛbɛ ŋáà tórigi wè bàli mɛ́ pe 'tɛ́ngɛlɛ taa lè nàa ni 'kpúʔɔ nɛ̀ nyuɔ lè nɛ́ nī nunɔ nɛ́ weli woli ní lè. Kire tɛ́ngɛlɛ náà ni 'taa Zezi Kirisi nī wè, weli Kulocɛliɛ nɛ́ weli Suɔfɔli, wi sínmɛ pire kɛnmɛ nɛ̄.

Piɛri 2 2:5

Bɛ̀ míɛni sí ki yē, wiì duniya péliwe yaʔa wè wiì wi wuʔɔʔ Nɔwe lɛ̀lɛ nī lèʔ, a wi 'kàsakpiile tìrige lè kire lɛ̀lɛ siɛnnɛ nɛ̄ bèle, peli bálì piyè puu nɛ fìʔɛ́ Kulocɛliɛ nɛ̄ wèʔ. Nɛ̀ ki yaʔa a wi 'Nɔwe wire suɔ, nɛ́ siɛnnɛ kɔlisiin ní bèle, wire ŋáà wi 'puu nɛ sínmɛ wuʔu nyu gè duniya siɛnnɛ mɛ́ bèle.

Piɛri 2 3:6

Kire kàduʔumɛ a wi 'laniʔɛgɛ tìrige gè nɛ̀ kire lɛ̀lɛ dàala tɔ́n lè nɛ̀ ni cúʔɔ.