Eburulo 11:6 - Sénoufo Nyarafolo

⁶ A tɛ́ngɛlɛ sí wè siɛn ŋíì mɛ́ wèʔ, Kulocɛliɛ sǐ gbɛ̀ fɔ̀li wi nɛ̄ʔ. A siɛn je sìʔɛrɛ bè kpɔni Kulocɛliɛ nɛ̄ wè, wi 'yɛli bè tɛ́ngɛ ki nɛ̄ Kulocɛliɛ wiī baa, dí wiī nɛ tɔ̀ni kanʔa wi caavɔlilɔ mɛ́ bèle.

Eburulo 11:6 Iomraidhean Croise

Sélimɛ 15:1

Kele gálì ke mìɛni kàduʔumɛ gè, a Yewe 'juu nɛ́ wìi tìɛ Birama nɛ̄ wè, nɛ́ jo: «Birama, muɔ fǎga de fìʔɛ́ yafiɛn nɛ̄ʔ, mi wī muɔ timɔzigege gè; muɔ tɔ̀ni wi bé ba puu nìʔɛwɛ.»

Ŋúnuyɔ 106:24

A pe 'cíi, pìye jíinʔ kùtaanna nī lèʔ, piyè tɛ́ngɛ Yewe siɛnrɛ nɛ̄ dèʔ.

Ŋúnuyɔ 119:10

Mi nɛ muɔ caa nɛ́ mi fungo ki mìɛni ní; fǎga mi yaʔa mi‑ líili muɔ kajuudiʔɛlɛ nɛ̄ gèleʔ.

Ŋúnuyɔ 58:11

Siɛnsinminɛ pe béri fundaanra kpínʔini, nɛ́ ki cɛ́n pe nyɛ́nì ki nyaa bà Kulocɛliɛ 'fuʔɔ tɔ́n gè, pe béri pe tɔliyɔ jíri yè siɛnpiile sìsiɛn nī gè.

Ŋúnuyɔ 73:28

Gàa ki 'mi dɛ́ni gè, mi‑ sìʔɛrɛ bè kpɔni Kulocɛliɛ nɛ̄ wè. Mi nyɛ́nì muɔ nyíɛnɛ nɛ̀ kɔ̀n, Kàfɔli Yewe, muɔ‑ puu mi làridiʔɛ, kire ga buu mi de muɔ kakpiʔiligele ke mìɛni nyu.

Ŋúnuyɔ 78:22

Nɛ́ ki cɛ́n piyè cé pe sɔ̀ngirɔ taʔa dè Kulocɛliɛ nɛ̄ wèʔ, pe míɛni sì cé tɛ́ngɛ nɛ́ wi suɔlɔ wuʔu nɛ̄ gèʔ.

Ŋúnuyɔ 78:32

Kire nɛ́ ki mìɛni a pe ń'nɛ̀ kàa taʔa pe kapiigbiʔilige nɛ̄ gè; piyè cé tɛ́ngɛ wi kakpoliyo nɛ̄ yèʔ.

Tɔ́rilɔ 14:11

A Yewe 'ki juu Misa mɛ́ nɛ́ jo: «Fúɔ lɛ̀lɛ jori nī siɛnnɛ bálì pe bé cíi mi nɛ̄ wè ? Fúɔ lɛ̀lɛ jori nī pe bé cíi bè tɛ́ngɛ mi nɛ̄ wè, nɛ̀ sí ki taa mi fìɛlɛ bálì kpíʔile bèle pe sunʔɔmɔ nī bè ?

Tɔ́rilɔ 20:12

A Yewe sí ki juu Misa nɛ́ Arawɔn mɛ́ nɛ́ jo: «ʔmʔm díɛʔ ! Yeli sì tɛ́ngɛ mi siɛnrɛ nɛ̄ dèʔ ! Yeli míɛni sì ki tìɛ Isirayɛli siɛnnɛ nɛ̄ bèle dí mi yē tiɛlɛ fùn ! Kire kɛnmɛ nɛ̄ yeli bɛ̀ʔ ye bé siɛnniʔɛmɛ báà nyɔ́gɔ bè kùlo nī lèʔ, nàa nyuɔ mi 'kún nɛ̀ kɛn pe mɛ́ lè.»

Matiye 11:26

ʔaan, Tuufɔli, kire muɔ 'nyaa ki 'muɔ dɛ́ni gè !»

Matiye 5:12

Yeri fundaanra kpínʔini yeri muguri, nɛ̀ taʔa gíi nɛ̄, yeli tɔ̀ni wiī nìʔɛwɛ nyìʔɛnɛ nī lè. Kire kanumɔ pire nɛ̄ pe 'Kulocɛliɛ siɛnjuuliɛlɛ wuʔɔ bèle yeli yiʔɛ nɛ̄.

Matiye 6:16

«A ki sí yē sún yeli 'le wè, ye fǎga puu bɛ̀ jànvaafɔlilɔ yiɛpiɛnrɛfɔlilɔ tíɛlɛ bèleʔ, pe nìɛ ki kpínʔini siɛnnɛ pe- ki cɛ́n peli yē sún nɛ̄. M'bé ki juu yeli mɛ́ kányiʔɛ nɛ̄, pe nyɛ́nì pe sàri taa wè nɛ̀ kúɔ.

Matiye 6:33

«Kire kɛnmɛ nɛ̄, ye- kíni yeri Kulocɛliɛ Kùlofɔligɔ nɛ́ wi sínmɛ pire caa gbínʔɛnɛ, bɛ̀ Kulocɛliɛ wi bé tire dáà ti mìɛni fàri dè baa yeli mɛ́.

Matiye 6:5

«Gìi ki 'Kulocɛliɛ náarigɛ kɛnmɛ kúɔ bè, a yeli je wi náari wè, ye fǎga puu bɛ̀ míɛcaarafɔlilɔ tíɛlɛ bèleʔ, tɛnmɛzaaya tiɛyɛ yi 'pe dɛ́ni nɛ́ bèri yèrí de mári kojaaya nɛ̄ yè de Kulocɛliɛ náari wè siɛnnɛ peri peli nyaʔa wè. M'bé ki juu yeli mɛ́ kányiʔɛ nɛ̄, pe nyɛ́nì pe sàri taa wè nɛ̀ kúɔ.

Mariki 16:17

Bìli pe 'tɛ́ngɛ bèle, fìɛlɛ bálì m'bɛlɛ bìli pe bé puu pe kúrugu de ki tìí gè: mi míʔɛ fànʔa nɛ̄ gè, pe béri gbòdolilo cìrá de yigi siɛnnɛ nī, bèri siɛnrɛ táà nyu siɛnfɔnrɔ;

Luku 12:31

Gìi wuʔu ki 'kpúʔɔ gè, yeri Kulocɛliɛ Kùlofɔligɔ kire caa, bɛ̀ Kulocɛliɛ wi bé tire dáà fàri dè baa yeli mɛ́.»

Luku 6:35

«Gìi gī baa gè, yeri wìyedɛnigɛ kpínʔini nɛ́ yeli leguulo ní bèle, yeri kacɛ̀ngɛ kpínʔini, yeri siɛnnɛ cingi bèle, yé fǎga sí de ki siri pe- ki felige kpíʔile gè yeli mɛ́ʔ. Bɛ̀ yeli tɔ̀ni wi bé niʔɛ, dí yeli sí puu Kulocɛliɛ ŋáà wī Duniya wi Mìɛni Nyùgo nɛ̄ gè wire pìile. Ki 'nyaa wire fungo kiī cɛ̀ngɛ nɛ́ kacɛ̀ngɛ kitiifɔlilɔ ní bèle, nɛ ní cɛ̀ngɛ nɛ́ siɛnpiile ní bèle nɛ̀ pínɛ.

Zezi Kirisi Kataanna Siɛnrɛ dè Zan juumɔ nɛ̄ bè 14:6

A Zezi wi 'wi yɛ: «Mi wī koligo gè, nɛ́ kányiʔɛ gè, nɛ́ sìi wè. Siɛn wè waa Tuufɔli tiʔɛ nī gèʔ ka laa wiì tóri mi mɛ́ʔ.

Zezi Kirisi Kataanna Siɛnrɛ dè Zan juumɔ nɛ̄ bè 8:24

Kire nɛ̄ mi 'ki juu yeli mɛ́ nɛ́ yeli yɛ dí yeli bága kùu yeli kapiʔile nī gèle. A yeli sì tɛ́ngɛ ki nɛ̄ dí Mi Yē Ŋàa Mi Yē wèʔ, yeli bé kùu yeli kapiʔile nī gèle wī.»

Wurɔmiyé 10:14

A piyè sí tɛ́ngɛ wi nɛ̄ wèʔ, mɛni pe bé gbɛ̀ wi yeri bè síɛ ? Nɛ̀ pínɛ, a piyè wi wori lúʔu dèʔ, mɛni pe bé gbɛ̀ tɛ́ngɛ wi nɛ̄ bè síɛ ? Mɛni sí wi wori ti bé gbɛ̀ lúʔu, a siɛn sì ti jáari wè ?

Galasiyé 5:6

Ki 'nyaa a siɛn yē Zezi Kirisi nī wè, ma kɛnɛkɛnɛ yo, miɛ̀ nɛ́ kɛnɛkɛnɛ yoʔ, kire kàa wuʔu sì kpúʔɔʔ. Gìi wuʔu ki 'kpúʔɔ gè, ma puu nɛ́ tɛ́ngɛlɛ ní, tɛ́ngɛlɛ náà ni nyɛ́ni ki tìí siɛnnɛ pe 'muɔ dɛ́ni wè, muɔ kakpiʔiligele nī gèle.

Eburulo 11:26

Wi yé ki nyaa a wire nɛ wuʔɔ Kulocɛliɛ Siɛnnyiɛnɛgɔnwɔ wi kɛnmɛ nɛ̄ bè, tɔ̀nikpuɔwɔ yé puu kire nī nɛ̀ tóri Ezipiti kùlo lɔri nɛ̄ dè, nɛ́ ki cɛ́n wi 'puu nɛ tɔ̀ni wéli wè nɛ nyaʔa wè, ŋàa wi bága taa wè.

Eburulo 3:12

Siinyɛninɛ, yeri yìye ciʔige díɛʔ, kire ga buu yeli nī bèle wàa fungo fǎga piiʔ wi- kò sìndɛngɛwɛ bè láʔa Kulocɛliɛ wewiiwe nɛ̄ wèʔ.

Eburulo 4:2

Kire Kataanna Siɛnrɛ dáà dè, ti 'juu weli mɛ́ majo bɛ̀ ti yé juu bìli mɛ́ bèle waama kùlo nī lè. A pe sí cíi, pìye tɛ́ngɛ ki siɛnrɛ nɛ̄ dèʔ, kire nɛ̄ piyè tɔ̀ni taa ti nīʔ. Nɛ́ ki cɛ́n piyè wúɔ nɛ́ bàli ní pe 'ti lúʔu nɛ́ tɛ́ngɛ ki siɛnrɛ nɛ̄ dèʔ.

Eburulo 4:6

Bàli sí pe yé puu siɛnpelile nɛ̀ ŋɔ́daala Kataanna Siɛnrɛ dáà lúʔu dè, piyè jíin ŋɔ́daala nī lèʔ pe sìnluʔumɔ pire kɛnmɛ nɛ̄ bè. Kire nɛ̄ Kulocɛliɛ ŋɔ́daala niī bile súuri kire ga buu pàli gbɛ̀ jíin.

Eburulo 7:19

Gìi sí gī baa gè, Fànʔa Siɛnrɛ tiì jáa nɛ̀ yafiɛn nyuɔ nɛ̀ forigoʔ. A sɔ̀ngirɔ taʔadiʔɛ ń'nɛ̀ kɛn weli mɛ́ gàa ki 'kpúʔɔ nɛ̀ tóri gàa nɛ̄ Misa Fànʔa Siɛnrɛ ti 'puu nɛ nyu dè. Kire kɛnmɛ nɛ̄ weli bé gbɛ̀ sìʔɛrɛ kpɔni Kulocɛliɛ nɛ̄ wè.

Eburulo 7:25

Kire nɛ̄ wi bé gbɛ̀ pe 'suɔ bè forigo bàli pe 'sìʔɛrɛ nɛ̀ kpɔni Kulocɛliɛ nɛ̄ wè wi kɛnmɛ nɛ̄ bè, nɛ́ ki cɛ́n wiī wiiwe súuri bèri kàsulugo kpínʔini pe wuʔu nɛ̄ gè.

Piɛri 2 1:10

Nɛ̀ siinyɛninɛ, gìi sí gī baa gè, yeri ŋàʔaná kpuʔɔ yeri ki tìí yeli tánʔagɛnmɛ nɛ̄ bè dí Kulocɛliɛ nyɛ́nì yeli yeri nɛ̀ yeli nyíɛnɛ nɛ́ kɔ̀n. Nɛ́ ki cɛ́n a yeli nɛ kire kpínʔini gè, yeli sǐ de kúrugi de tun koligo nɛ̄ gè púloʔ.

Piɛri 2 1:5

Ki sí n'gɛ, yeri ŋàʔaná kpuʔɔ ye kàa fàri yeli tɛ́ngɛlɛ nɛ̄ lè ye nyuɔ bè fori, bé ní Kulocɛliɛ cɛ́nnɛ fàri lè yeli nyuɔmɔ forilo nɛ̄ lè.

Piɛri 2 3:14

Kire nɛ̄, nɛ siinyɛninɛ, bè yeli yaʔa yeli de tire siri dè, ye- ŋàʔana ye kɛnmɛ pi mìɛni kpíʔile kire ga buu Kulocɛliɛ wi pa yeli nyaa cìilile nɛ́ ní kpɔlidiɛlɛ fùn, nɛ́ ní yanyige nɛ̄ nɛ́ wi ní.

Tìɛlɛ 21:8

«Bìli sí bīɛlɛ fíɛrɛfɔlilɔ bèle, nɛ́ sìndɛngɛlɛ bèle, siɛncuʔɔlɔ bèle nɛ́ siɛnkpuulo ní bèle, kanuʔɔrɔfɔlilɔ bèle nɛ́ dìɛlɛ ní bèle, yasunzunminɔ bèle nɛ́ káfinɛvinɛnɛ pe mìɛni bèle, peli liɛlɛ ni bé nyaa baa siʔɛ kàsun nī gè. Kire gī kùu siinwuu wè.»