Eburulo 11:4 - Sénoufo Nyarafolo

⁴ Tɛ́ngɛlɛ kɛnmɛ nɛ̄ bè, a Abɛli 'kakuɔrɔ yakɔnrɔ kɛn dè Kulocɛliɛ mɛ́ wè dàa ti 'nyuɔ nɛ̀ tóri Kayɛn wori nɛ̄ dè. Wi tɛ́ngɛlɛ lire kɛnmɛ nɛ̄ bè a Kulocɛliɛ 'ki juu nɛ́ jo wi nyɛ́nì sín, nɛ̀ wi míɛtanʔa yeri gè wi yakɔnrɔ kɛnmɛ nɛ̄ bè. Abɛli wi 'kùu, nɛ̀ ki yaʔa wi kakpiʔiligele kiyē nɛ nyu nɛ tíin wi tɛ́ngɛlɛ kɛnmɛ nɛ̄ bè.

Eburulo 11:4 Iomraidhean Croise

Sélimɛ 4:10

A Yewe 'jo: «Gáa muɔ 'kpíʔile mmɛ gè ? Muɔ cɔni sìsiɛn yékpoli ni 'nyɛni dàala nɛ̄ lè nɛ́ tùn nɛ̀ nɔ̀ mi nɛ̄ nɛ́ jo mi‑ ki fuʔɔ tɔ́n gè.

Sélimɛ 4:15

A Yewe 'wi yɛ: «Bɛ̀ sí ki yē mmɛ gè, a siɛn wáà 'Kayɛn kpúu wè, Kayɛn fuʔɔ ki bé tɔ́n ki siɛn mɛ́ wè fúɔ bè taa tɔliyɔ kɔlisiin.» A Yewe 'fìɛ tɛ́ngɛ Kayɛn nɛ̄ wè kire ga buu a siɛn wáà 'wi nyaa wè, wi fǎga wi kpúuʔ.

Sélimɛ 4:25

A Adama ń'nɛ̀ wi cuɔ cɛ́n wè cɛliwɛ, a wi 'nàgabile sii. A Awa 'wi míʔɛ le gè nɛ wi yeri Sɛti, ki kɔri wire wī: «Kulocɛliɛ ń'nɛ̀ siimɛ páà kɛn m'mɛ́ Abɛli sìndiʔɛ nī gè, ŋàa Kayɛn cé kpúu wè.»

Sélimɛ 4:8

A Kayɛn kɛ́nì juu nɛ́ wi cɔni Abɛli ní wè nɛ́ jo pe‑ kɛ́ nyàʔa nī. A pe ga sɛ́nì jíin nyàʔa nī gè, a Kayɛn 'fali nɛ̀ tuu wi cɔni Abɛli nɛ̄ wè nɛ̀ wi kpúu.

Leviiyé 9:24

A kàsun káà 'yiri Yewe yiʔɛ mɛ́ gè nɛ̀ ti mìɛni sórigo dàa ti 'puu gbùʔɔrɔdiʔɛ yafanʔa nɛ̄ gè, kakuɔrɔ kaasuʔuro dè nɛ́ sùnmɔ tiɛyɛ ní yè. A siɛnnɛ pe mìɛni pe 'ki nyaa, a pe 'fali nɛ̀ fundaanra kòkuʔulo wáa nɛ́ tuu nɛ̀ yiɛyɛ cúbulo yè dàala nɛ̄ lè Yewe yiʔɛ mɛ́ gè.

Matiye 23:35

Kire 'ki bé ki kɛn siɛnsinminɛ sìsiɛn gáà pe 'wo dàala nɛ̄ lè, ti 'kò yeli nyùgo wori; peli bīɛlɛ bìli pe mìɛni yeli 'kpúu bèle, nɛ̀ ki líɛ Abɛli kpúʔu nɛ̄ gè siɛnsinwɛ wè, fúɔ nɛ̀ sɛ́nì nɔ̀ Zakarii kpúʔu nɛ̄ gè Baraki jaa wè; wire yeli 'kpúu Kulocɛliɛ Gbùʔɔrɔsaʔa sunʔɔmɔ nɛ́ Kulocɛliɛ gbùʔɔrɔdiʔɛ sunʔɔmɔ ní bè.

Luku 11:51

nɛ̀ ki líɛ Abɛli kpúʔu nɛ̄ gè fúɔ nɛ̀ sɛ́nì nɔ̀ Zakarii kpúʔu nɛ̄ gè, bɛ̀ pe cé wi kpúu gbùʔɔrɔdiʔɛ nɛ́ Kulocɛliɛ Kòridiʔɛ sunʔɔmɔ ní bè wè. ʔaan, m'bé ki juu yeli mɛ́, ki kàyuʔu kiì je ga kò ga kiì juu pàngɛ siɛnnɛ nɛ̄ bèleʔ.

Tiiti 1:16

Pe 'jo peli nyɛ́nì Kulocɛliɛ cɛ́n, nɛ̀ ki yaʔa pe kakpiʔiligele gèle kiyē nɛ ki tìí pe 'cíi wi nɛ̄ʔ. Piyē laabiri wuulo, nɛ́ ní siɛnciile; piyě gbɛ̀ jáa bè kacɛ̀nnɛ láà fáala kpíʔileʔ.

Eburulo 11:2

Kulocɛliɛ wi 'faʔa wuulo pe tɛ́ngɛlɛ cɛ̀nmɛ wori juu dè.

Eburulo 12:1

Ki 'nyaa, siɛnnɛ sáa weli màʔa nɛ̀ suʔu nɛ́ pe tɛ́ngɛlɛ tìɛ lè weli nɛ̄. Ki sí n'gɛ, kele gílì kiyē nɛ weli cògí nɛ yérigi tánʔana nɛ̄ lè, we- láʔa ke nɛ̄, we sí wìye yige kapiʔile nī gèle gàli ke nyɛ́ni weli 'puu nɛ cáanri fáari fáari wè, we sí de kàsɛnigɛ fé gè nɛ́ lèbaanna ní, gàa ki 'gbòbori nɛ̀ yaʔa weli mɛ́ gè.

Eburulo 12:24

Nɛ́ míɛni yeli nyɛ́nì sìʔɛrɛ nɛ̀ kpɔni Zezi nɛ̄ wè, nyakungɛngɛ fɔngɔ kàsuluwo wè, nɛ́ wi sìsiɛn ní gè gàa ki 'nyɛri nyɛri gè, a kiī nɛ sɔ́migi nɛ nyu nɛ tóri Abɛli wuʔu nɛ̄ gè.

Eburulo 5:1

Ki 'nyaa kacuɔnrilɔ kàfɔli ó kàfɔli, pe nɛ̂ wi nyíɛnɛ nɛ̀ kɔ̀n siɛnnɛ sunʔɔmɔ nī, níɛ̀ wi tɛ́ngɛ wi- puu siɛnnɛ pe kàsuluwo Kulocɛliɛ yiʔɛ mɛ́ gè bèri pe kpuʔɔrɔ nɛ́ pe kakuɔrɔ yɛrɛ kɔ̀ngí dè, kapiʔile wori dè.

Eburulo 9:22

Nɛ̀ yɛli nɛ́ Fànʔa Siɛnrɛ ní dè, yɛrɛ ti sáamɛ yé yɛli ti- cìile nɛ́ sìsiɛn ní. Nɛ́ ki cɛ́n kapiʔile kàsulugo suɔlɔ niǐ cî gbɛ̀ taaʔ a sìsiɛn sì wo wèʔ.

Piɛri 2 2:8

Kire siɛnsinwɛ wè, wi 'puu tɛ́niwɛ kire siɛnnɛ sunʔɔmɔ nī bè; cɛngɛ ó cɛngɛ wi fungo ki 'puu nɛ nyaʔami bɛ̀ wi 'puu nɛ pe kapiigbiʔiligele nyaʔa gèle níɛ ke wori lúru dè.

Zudi 1:11

Yawuʔɔ yē pe nɛ̄, nɛ́ ki cɛ́n pe nyɛ́nì taʔa Kayɛn koligo nɛ̄ gè. Lɔri tàanma nɛ̄ bè, a pe 'taʔa Balaami kolimɔ nɛ̄ bè. A pe 'kùu taa wè, bɛ̀ pe 'cíi Kore tíɛlɛ wè.