Eburulo 11:16 - Sénoufo Nyarafolo

¹⁶ Gìi sí gī baa gè, gàa pe 'puu nɛ caa gè, pe 'puu nɛ kùlo láà caa nàa ni 'sɔ́migɔ nɛ̀ nyuɔ baa nyìʔɛnɛ nī lè. Kire nɛ̄ ki wè fìɛrɛʔ Kulocɛliɛ mɛ́ peri wire yeri pe Kulocɛliɛ wèʔ, nɛ́ ki cɛ́n wi nyɛ́nì kàkpuʔɔ káà gbòbori pe mɛ́.

Eburulo 11:16 Iomraidhean Croise

Sélimɛ 26:24

Kire pìlige nī gè, a Yewe 'wìi tìɛ wi nɛ̄ nɛ́ jo: «Mi wī muɔ tuu Birayima Kulocɛliɛ wè. Fǎga de fìʔɛ́ʔ, nɛ́ ki cɛ́n mi yē nɛ́ muɔ ní. M'bé diba taʔa wè muɔ nɛ̄, bè muɔ siimɛ niʔɛ bè, mi baakuɔwɔ Birayima wire kɛnmɛ nɛ̄.»

Sélimɛ 28:13

A wi 'ki nyaa Yewe wire tíimɛ 'puu yériwe naamɛ gè nɛ́ jo: «Mi wī Yewe wè, muɔ tuuliʔɛ Birayima Kulocɛliɛ wè, nɛ́ ní Siaga Kulocɛliɛ wè. Dàala náà nɛ̄ muɔ yē sínɛwɛ wè, m'bé ni kɛn muɔ mɛ́, muɔ nɛ́ muɔ siimɛ ní bè.

Yirile 3:15

A Kulocɛliɛ ń'nɛ̀ ki juu Misa mɛ́ nɛ́ jo: «Muɔ 'yɛli bè ki juu Isirayɛli siɛnnɛ mɛ́ bèle bé jo: ‹Yewe wè, yeli tuuliɛyɛ Kulocɛliɛ wè, Birayima Kulocɛliɛ wè, nɛ́ Siaga Kulocɛliɛ wè, nɛ́ Yakuba Kulocɛliɛ wè, wire wi 'mi tun yeli mɛ́. Gàa kire gī mi míʔɛ gè lɛ̀gɛlɛ ke mìɛni nī. Míʔɛ gáà kire ní yeli 'yɛli bèri sɔ̀ngí de taʔa nɛ́ mi ní, kɛ̀ngɛlɛ ke mìɛni ní, lɛ̀lɛ ó lɛ̀lɛ nī.›

Yirile 3:6

A Kulocɛliɛ wi ń'nɛ̀ jo: «Mi wī muɔ tuu wi Kulocɛliɛ wè, nɛ́ ní Birayima Kulocɛliɛ wè, nɛ́ Siaga Kulocɛliɛ wè, nɛ́ ní Yakuba Kulocɛliɛ wè.» A Misa wi 'wi yiʔɛ làrigɛ gè, nɛ́ ki cɛ́n wi 'puu nɛ fìʔɛ́ bè Kulocɛliɛ wéli wè.

Yirile 4:5

A Yewe ń'nɛ̀ wi yɛ: «Mi 'kire fìɛ ŋáà kpíʔile wè kire ga buu pe- tɛ́ngɛ ki nɛ̄ Yewe wi 'wìi tìɛ muɔ nɛ̄, wire ŋáà wī pe tobilo Kulocɛliɛ wè, Birayima Kulocɛliɛ wè, nɛ́ Siaga Kulocɛliɛ wè, nɛ́ Yakuba Kulocɛliɛ wè.»

Matiye 25:34

«Píra ŋáà nī wè bìli bīɛlɛ kàliige mɛ́ gè, dí Kùlofɔli wi sí peli yɛ: ‹Yeri báan, yeli bálì ye 'diba taa mi Tuu mɛ́ wè, ye pa Kùlofɔligɔ ki kɔrigɔ líɛ gè, gàa ki cé tíi nɛ̀ gbòbori nɛ̀ yaʔa yeli mɛ́ bèle duniya sélimɛ lɛ̀lɛ nī lè.

Mariki 12:26

Gìi ki 'kúbilo nyɛ́yirile wori kúɔ dè, yeli sì fìɛ ki 'nyaa baa léʔ siɛnjuuliɛwɛ Misa sɛbɛ nī wè, bà Kulocɛliɛ wi cé ki juu Misa mɛ́ wè kàsun tiinbile tiʔɛ nī gè nɛ́ wi yɛ: ‹Mi wī Birayima Kulocɛliɛ wè, nɛ ní Siaga Kulocɛliɛ wè, nɛ ní Yakuba Kulocɛliɛ wè› lé  ?»

Mariki 8:38

M'bé ki juu yeli mɛ́, a siɛn 'ki nyaa fìɛrɛwuʔu bè wìi taʔa mi nɛ̄ náʔa duniya ŋáà nī wè, duniya ŋáà wi wè síngi Kulocɛliɛ yiʔɛ mɛ́ gèʔ, kapiʔile duniya ŋáà wè, nɛ̀ pínɛ a siɛn 'mi siɛnrɛ nyaa dè ti fìɛrɛ tɔ́ngi wi nɛ̄ wè, bɛ̀ Siɛn Pùɔ míɛni wi bága fìɛrɛ tɔ́n ki siɛn nɛ̄ wè, a wi kɛ́nì pɛn wi Tuu kpuɔmɔ nàjɛnrɛ nī dè nɛ́ nyìʔɛnɛ tunduncɛ̀nminɛ ní bèle.»

Luku 12:32

«Fǎri fìʔɛ́ʔ, sìnbatogo píle muɔ wèʔ. Ki 'nyaa ki 'yeli Tuu dɛ́ni wè wi- Kùlofɔligɔ kɛn gè yeli mɛ́.

Luku 20:37

Kúbilo pe bága koli bè nyɛ́ bè yiri; tire Misa wi 'juu nɛ̀ tìɛ wi kasɛbɛgɛlɛ nī gèle kàsunnyige tiinbile tiʔɛ nī gè. A wi ''Kàfɔli míʔɛ yeri gè nɛ̀ jo ‹Birayima Kulocɛliɛ, Siaga Kulocɛliɛ, nɛ́ Yakuba Kulocɛliɛ.›

Zezi Kirisi Kataanna Siɛnrɛ dè Zan juumɔ nɛ̄ bè 14:2

Kòridiɛyɛ nìʔɛyɛ yē baa mi Tuu wi saʔa nī gè. A kiì puu bɛ̀ gèʔ, mi cî ti juu lé yeli mɛ́ bé yeli yɛ dí mi nɛ waa bè sa tiʔɛ káà kpíʔile yeli mɛ́ lé ?

Kakpiʔiligele 7:32

Mi wī muɔ tuuliɛyɛ yi Kulocɛliɛ wè: Birayima Kulocɛliɛ wè, nɛ́ Siaga Kulocɛliɛ wè, nɛ́ Yakuba Kulocɛliɛ wè. «A Misa wi 'yɛ̀ nɛ fún nɛ yàʔará; wiì cé ń'nɛ̀ sori bè ciʔige wéli baa tiʔɛ nī gèʔ.

Filipiyé 3:20

Weli sí bèle, nyìʔɛnɛkaʔa wuulo bīɛlɛ weli bèle, weli nɛ Suɔfɔli siri wè, kire tiʔɛ nī wi bága kɔ́n, wire wī Kàfɔli Zezi Kirisi wè.

Timote 2 4:18

Kàfɔli wi bága mi píle bè suɔ siɛnnɛ kapiigbiʔiligele ke mìɛni mɛ́, bè mi suɔ kire ga buu mi- jíin wi kùlofɔligɔ nī gè baa nyìʔɛnɛ nī lè. Wire nɛ̄ kpuɔmɔ pi 'yɛli súuri ! Ki- taa ki puu bɛ̀  !

Eburulo 10:34

ʔaan, yeli nyɛ́nì nyinimɛ taa kasuulebele nɛ̄ bèle pe wuʔɔgɔ nī gè, a yeli 'fɔ̀li ki nɛ̄ nɛ́ fundaanra ní lɛ̀lɛ líì nī pe 'yeli yataara suɔ dè yeli mɛ́ dè, nɛ̀ taʔa ki nɛ̄ yeli yé ki cɛ́n yataara táà yē yeli mɛ́ dàa ti 'nyuɔ nɛ̀ tóri dè níɛ̀ mɔgɔ dè.

Eburulo 11:10

Nɛ́ ki cɛ́n Birayima 'puu nɛ kàkpuʔɔ siri gè gàa kàkpuɔnnɔ pe 'le nɛ̀ lìri bèle, gàa Kulocɛliɛ wire tíimɛ yé gbòbori nɛ́ ki sɔ́migɔ nɛ̀ faan gè.

Eburulo 11:14

Bàli pe nyu mmɛ gè, piyē nɛ ki fíligi nɛ tìí dí piyē nɛ kùlo caa nàa nī peli tíimɛ woli lè.

Eburulo 11:40

Gìi sí gī baa gè, Kulocɛliɛ yé ki gbòbori nɛ̀ yaʔa weli mɛ́ yacɛ̀ngɛ gáà ki 'nyuɔ nɛ̀ tóri gè, kire ga buu peli nɛ́ weli ní bèle, we sa pínɛ we- nyuɔ bè fori.

Eburulo 12:22

Gìi sí gī baa gè, yeli bèle, yeli nyɛ́nì sìʔɛrɛ nɛ̀ kpɔni Siyɔn nyagurugo nɛ̄ gè, Kulocɛliɛ wewiiwe wi kàkpuʔɔ nɛ̄ gè gàa gī Zerizalɛmi wè baa nyìʔɛnɛ nī lè. Kire tiʔɛ nī gè, nyìʔɛnɛ tundunminɔ siramuʔɔyɔ siramuʔɔyɔ yē baa gbuʔulilo fundaanra nɛ̄ dè.

Eburulo 13:14

Nɛ́ ki cɛ́n náʔa dàala nɛ̄ lè, kòridiʔɛ wè weli mɛ́ gàa ki mɔgi gèʔ, nɛ̀ ki yaʔa weli sɔ̀ngirɔ tiī kàkpuʔɔ nɛ̄ gè gàa ki bága pɛn gè.

Eburulo 2:11

Nɛ́ ki cɛ́n Zezi wire ŋáà wiī nɛ siɛnnɛ wàlí nɛ tɛ́ngi Kulocɛliɛ mɛ́ wè, nɛ́ bàli bīɛlɛ wàlidɛngɛlɛ bèle, pe mìɛni yē Tuufɔnuwɔ nɛ̄. Kire kɛnmɛ nɛ̄ ki wè Zezi nɛ̄ wè fìɛrɛʔ bè pe yeri wi siinyɛninɛʔ.

Tìɛlɛ 21:2

Nɛ̀ pínɛ Kulocɛliɛ kàʔa wàlidɛngɛgɛ gè, Zerizalɛmi kàfɔngɔ gè, a mi 'ki nyaa a ki 'kɔ́n baa nyìʔɛnɛ nī lè Kulocɛliɛ tiʔɛ nī gè nɛ tíri, nɛ̀ kìi gbòbori majo bɛ̀ cefɔnwɔ cî wìi fèri nɛ̀ yaʔa wi pɔli mɛ́ wè.